牛摩 (荃灣千色匯I) (已結業)

本身見到佢農曆新年3-6pm優惠所以先想食，去咗青衣分店等咗個幾鐘一張飛都無郁過就決定轉去荃灣分店，點知就中伏啦去到唔洗等位，我地揀咗129加一食90分鐘。自助區十個兜九個空，依個情況係到我走(7點)都係咁，完全無refill，淨返嘅都係啲非常普通嘅白魚蛋同龍蝦丸，烏冬都俾人夾到一條都無。特別一提佢嘅丸類係未溶雪！前菜嘅泡菜勁難食，千其唔好攞！飲品區嘅冰又係一粒都無。甜品櫃又係得返幾件甜品，轉過頭都無曬。食嘅當晚係有晚市，依個零refill嘅狀態點捱到晚市？諗住出面無乜嘢食，不如嗌多一兩轉豬牛雞。第一次上嘅豬一碟4片，牛就5-6片，雞就6件左右。雞最正常，牛偏肥，豬較柴。再叫多咗一round，叫咗2牛2豬1雞。豬同雞同第一round份量一樣，但最嚇死人係一碟牛有成廿幾片，個份量多到咁點食啊......同埋第二round嚟嘅牛豬都係未溶雪，痴埋曬一齊，真心好差服務又係麻麻。途中我有一次上加湯，店員話無湯住叫我等下先，過咗陣佢突然喺我身後出現倒湯落我個煲，倒之前可唔可以出句聲先......以前我都幾中意食牛摩，但一兩年無食可以差到咁，等位又耐又無嘢食仲要唔好食，之後都唔會再嚟

今日食lunch 見話免加一 咁咪試下 睇佢d廣告都滿心期待 應該唔會差得去邊 加上食個lunch平平地叫個99蚊既就算嘩 但真係打個凸 其實99蚊我都預佢唔會係靚牛 但睇圖🤢肥到咁喎大佬 究竟我食肥膏定食牛？真係搞唔掂 出面丸類又少 得菜啊 瓜啊 個d勁多完全無乜食牛 淨係食出面d野 99蚊食瓜菜就唔值羅 真係無下次唔係講笑 未食過仼食咁樣款👎🏻食物質數好差！但有一樣野係要讚既就係員工有禮貌 服務唔差

放假去左荃灣千色滙行下揀聖誕禮物，順便食埋野先返去，天氣咁凍，就諗住食下火鍋暖下身係千色滙行到有間牛摩日式火鍋放題，我同朋友都決定去望下，門口已經好多人大概問左了解衣家有優惠單碟放題，低至8折午市90分鐘放題，由中午12：00至17：00，最平個放題餐都係＄99（揀美國特選牛胸腹放題就係呢個價錢）2選190分鐘放題免加一服務費／午市90分鐘放題，4人同行3人收費真係好平好抵食～疫情限聚令2人以上可以同侍應講分配隔離枱入到去都見坐滿哂，好多人食，場內仲有聖誕佈置，好有聖誕氣氛坐低侍應會拎張湯底menu比你揀，疫情期間，一人一鍋好衛生丫我要左海道黑咖哩湯，唔算太濃既咖哩味，岩哂唔想太重口味既人朋友要左九州地獄湯，朋友果隻係辛辣好味，唔算太辣，唔太食得辣既朋友都食到出面有好多自助式既火鍋配料可以揀超過30款以上（前菜，甜品， 乳酪雪糕，沙冰，飲品）紫菜真係要食，浸一浸啲湯底，真係好好味仲有佢呢隻方形既魚蛋，（應該係魚蛋）有佢招牌既logo..好得意，仲幾好食，好彈牙我仲有食左 菠菜丸，龍蝦丸，魚蛋，糬來寶（入面有煙韌嘅麻薯，口感幾得意）第一轉侍應就會放低呢幾款，我地揀左美國特上牛肉放題＄13

呢排天氣凍冰冰，在普天同慶的聖誕節再加上疫情下就梗係在屋企暖笠笠打邊爐喇！呢個月我晚餐都離不開打邊爐😬今晚食牛摩港式封門柳大滿足套餐 $358，可以在Foodpanda 訂購或到店自取都得，唔係講笑呢一個大滿足套餐超級驚喜，點解咁講？到店自取嗰陣已經見到店員幫我包裝好份套餐，大大盒不只配料好多,拎返屋企嗰陣都有啲重量㗎🙈套餐裏面有兩款牛肉；封門柳牛肉呢個部分是好矜貴架，每隻牛得一斤難怪食落肉味十分濃郁, 雖然油花少但肉質柔軟, 所以好啱我喜歡吃瘦肉多油花少的人；當然仲有唔少得打邊爐必備美國特級肥牛，同樣具有質素；套餐外追加咗日本佐賀霜降黑毛和牛，大大盒有成200g咁多架，份量咁多個晚又玩得盡興食唔哂第二日整咗個和牛丼飯做午餐😉😋嘿嘿～重點係牛摩所有牛肉均不會刨定雪過夜，所有都是當日即刨, 唔怪之肉質比其他餐廳更新鮮喇！如果想食其他肉類仲有雞肉和豚肉，分量十足好多件架！肉類之外當然仲有滋味火鍋配料拼盤；我會推介板燒牛摩魚糕, 口感彈牙，仲有牛摩可愛圖案添，另外超鍾意佢的芝士竹輪、芝士海鮮豆腐, 事關大家都知我係芝士控😋菌類和蔬菜量都好充足。另加$30就可以試到博多風味豚骨濃湯一大包，返到

就黎糧尾，又想打邊爐，咁岩又真係搵到間平價又高汁既牛肉火鍋店「牛摩」！今日黎到荃灣千色行街，咁岩見到大大隻字寫住$65有邊爐放題，即刻就狗衝啦！而家做緊午市單碟放題低至8折$65起，指定午市90分鐘放題仲可以不限時食到5點鐘，唔怕唔夠時間食，唔怕食唔飽，只怕你食唔落！疫情次下限聚令無得同朋友齊齊邊爐？唔怕呢到有4人同行3人收費，中間放返塊板隔一隔咪可以一齊坐囉！湯底大把有得揀，甜咸辣樣樣齊。我就揀左博多美人骨膠原啫喱雞白湯同蕃茄湯底。骨膠原湯底清淡得黎又不失雞味，岩晒啲無咁重口味既朋友；反而蕃茄湯就勁濃酸酸甜甜蕃茄味，食呢個湯底唔洗調味料都夠做。野食亦勁多選擇，出去拎野食行一圈都要諗下食咩好，呢到超過30款配料，丸、菜、麵、前菜、菇類咩都有！仲有唔同冷熱飲品同沙冰！打完邊爐食飽飽緊係補返個甜品，呢到仲有乳酪雪糕提供，真係食到你捧全住個肚走！

想打邊爐但係堂食而家收6點竟然俾我哋發現呢個超值既牛摩火鍋外賣自取套餐就算週末都可以有七折優惠折實左只係$438仲送加州反卷同磯煮鮑魚就咁睇份量絕對適合3個人「圍爐取暖」一齊食除翻開每人都唔使$150 勁抵如果大食啲仲有勁多追加配料真係任君選擇．【佐賀霜降黑毛和牛套餐（$438）】睇相好似好複雜但係簡單來講所有套餐都包左：．(1) 基本嘅滋味火鍋配料拼盤。蜂巢凍豆腐、水魷魚、香菇貢丸、芝士海鮮豆腐。芝士腸、芝士竹輪、蔬菜配料等等。獨家招牌板燒牛摩魚糕。唐生菜、娃娃菜一大盒就咁睇份量已經覺得超豐富又健康真係保證你食嘅份量好似堂食任食一樣勁中意呢盤因為我打邊爐好中意食索哂味既菜同配料．(2) 豚肉、雞肉我就覺得呢個質素正常啦同一般任食日式火鍋分別唔大分量各有200g 可算係誠意表現亦都保證食客會食得飽飽啦．(3) 加州反卷六件等緊開枱之前有壽司食頂下肚先仲令到唔會只係食火鍋咁單調．(4) 磯煮鮑魚三隻呢個絕對係高質食品以日式磯煮方式事先烹調過既鮑魚非常香同入味再煮番熱鮑魚後肉質保持爽口豐富有嚼勁．(5) 而影響套餐價錢既就係選擇既肉類而我哋揀嘅黑毛和牛200g佢地有日本官方認證理論上有保證

係網上見到呢間野既單碟放題低至8折,就去左試呢間既顧午市90分鐘放題,呢度有超過30種配料任選，仲有前菜、甜品、乳酪雪糕、飲品,90分鐘放題仲有免加一，好抵!咁吸引就急不及待試左,好耐冇食過乳酪雪糕,有唔同既配料,好好味。我果個係美國特選牛胸腹+美國特上牛肉,豬骨湯底,牛好高質,有雞肉添,好夠食呀!甜品種類都好多。呢度一人一HOT POT,好衛生,正呀!性價比好高既HOT POT,服務員仲會定期收碟添。好服務。

呢間分店服務比個坐位近門口，跟住同服務員講話想轉位，但有位肥服務員叫我哋唔好揀位，但係後來入嚟果啲客人又係同我地一樣係兩位，佢哋可以入去入𥚃面，相反我哋坐在門口之餘果位大風！呢個係其中一個不愉快經歷！第二$99牛肉簡直等於食肥膏，相反馬鞍山分店可以選擇位置，$99牛肉係唔會比咁多肥膏搞到無啖好食囉！荃灣分店肥服務員態度差，原本想升級牛肉既意欲都無！我哋都唔打算再幫襯呢間分店囉！除非佢哋有改善啦！

牛肉都還可以，其他一律不行，完全唔得，伏伏伏，門口姐姐又不太友善，衛生麻麻，表面乾淨，實質都幾污糟，應該都唔會再去，無下次，又坐得唔舒服，人手下單，送餐都幾慢。

朋友好想打邊爐，可惜四周嘅放題都要等好耐，行過見到呢間唔洗等位(其實四周都要等位，呢間唔使等應該知道伏咗)。唔講唔知原來個湯底係壽喜鍋，比清水濃少少。 牛肉我地唔多食所以揀最平，同街市買$28一pack 個啲差唔多。 豬肉鞋，件雞不得了，滾咗好耐入面都係紅，可想然知佢雪咗幾耐。 不過又出奇地冇雪味， 只係完全乜味都冇， 食麥樂雞好過。 出面自選嘅菜選擇好少 。 日本豆苗，日本娃娃菜，日本蘿蔔，羽衣甘藍，京蔥，韓國提子汁，罐裝汽水，movenpick 雪糕.... 呢啲全部都係冇嘅。 (我哋平時食開嗰間全部都有）加單落豬，等咗十分鐘都未嚟，問個侍應， 佢答我哋：係要等耐啲，廚房要刨完牛再刨豬。，啲嘢唔係即叫即有。 不過大家記住係限時90分鐘。嗰碟豬嚟到，真係「刨亅㗎，啲肉碎哂㗎。啲湯就快冇哂，嗰位男侍應只係望住個電話，見到我自己去拎湯都完全冇理過我。愈寫愈激氣，希望大家唔好中伏！90分鐘時間，大部份時間都在寫食評，同埋等碟豬！

長假期搵食艱難 ， 四周圍都冇位， 見佢唔使等，抱住沒有期望嘅心情諗住好好醜醜食一餐。湯底一嚟到已經非常後悔， 完全食唔出有壽喜燒既味道，牛差，豬叫極都唔黎，又鞋 ，雞仲差。。柚子醋得個酸字。 服務完全沒有溫度 。 如果俾百幾蚊係甘既話, 落去食碗面好過。 一邊食一邊最掛住北角匯 果間 牛牛殿堂。 今天做得最錯嘅一件事。 浪費了肚皮，浪費了金錢，浪費了時間。。。。

秋風起又到打邊爐既季節係荃灣附近就搵黎左呢間日式火鍋牛摩雖則話係日式火鍋 餐廳都加入左啲港式野我地叫呢個牛摩手切牛套餐主打手切封門柳😍其他牛推介分別係美國SRF極黑牛、一口安格斯牛柳粒、美國特級肥牛、美國精選牛肉其他肉類，海鮮有：雞肉、豚肉、虎蝦、蜆，而出面既主助吧就有唔同類型既蔬菜、丸、餃子、飲品、甜品揀選呢個牛摩手切牛套餐 重會有得飲手工冷泡茶打邊爐最緊要係個湯 單係湯底都10款我地揀左昆布鏗魚湯 & 越式牛肉湯一黎梗係試試個封門柳 肉味超超超濃 口感好係我對封門柳既第一印象另外大推介係 一口安格斯牛柳粒 & 極黑牛呢兩樣都非常有肉味，大口吃肉就係最爽總括而言，成個餐係好食又抵食 餐廳有個肥肥地既waiter超好服務👍🏻 牛摩選擇多，好襯呢個涼涼地既時間打多幾次

放左工之後同左家姐去打邊爐，我地都好耐未試過兩姐妹打邊爐，我就揀左呢間日式火鍋餐廳，去到發現佢地而家新推出左港式火鍋套餐，我地揀左【牛摩解牛套餐】除左有充滿港式風味嘅湯底之外，最重要就係可以任叫任食手切封門牛柳等total 5款牛肉，加雞、豬同多款海鮮，岩哂我地呢啲食肉獸。入去之前侍應會先同我地量體溫同幫我地嘖酒精消毒雙手，除左有任點任叫嘅人類同海鮮之外，出面仲有自助吧，可以夾自己鍾意嘅醬汁、火鍋配料、沙律、飲品、雪糕同甜品，去出拎野都需要戴口罩，比較衛生，咁就食都食得更安心~芫茜皮蛋湯底+港式沙嗲湯底我地揀左鴛鴦鍋，咁樣就可以一次試哂兩款港式湯底，芫茜皮蛋湯入面加入左大量芫茜同皮蛋，湯底清新，岩哂淥肉食，咁就唔會喧賓奪主，蓋過肉類同海鮮嘅鮮味。而沙嗲湯底有花生香，味道比較惹味，兩種口味都幾好。啲牛肉好快就到~ 我地第一輪食所以每款都有一碟，呢個先係今次打邊爐嘅精髓!手切封門柳先介紹手切封門柳，出面食真係一啲都唔平架，封門柳係牛嘅橫隔膜肌肉，食得刁鑽，非常之珍貴又新鮮，雪花分佈得好平均，每片淥6秒左右就岩岩好，手切牛肉更加帶出牛肉本身嘅質感，入口即化，肉質好嫩滑，仲有濃濃嘅牛香味，非常

原本諗住疫情期間食日式火鍋放題比較乾淨，所以揀左牛摩。因為唔想食咁cheap所以叫左一個貴少少嘅午市set。點知啲肉黎到品質出奇地差，每塊牛都有啡色邊，有啲連冰都未退曬，仲有啲一點點嘅黑色，食落口仲鞋過豬肉。雞肉正正常常，但係豬肉都係質素好參次。食完第一輪想叫第二輪，落左order15分鐘都未到，所以就又叫多一次，等到30分鐘，我終於忍唔住，同個女店員講:「我碟牛落左半個鐘都未到喎」，個店員竟然一句都冇答我就走左去好似我得罪佢全家咁。過左一陣終於黎左，但係黎嘅竟然係成套豬，雞，牛，我明明淨係叫左牛。而且啲肉質素同之前一樣差。配料同丸類種類唔多，冇飯，最後第一次打邊爐食丸多過牛，成間店嘅店員都冇乜心機做嘢，係咁跌野又冇禮貌，係一次好差嘅飲食體驗。

之前食過青衣城分店覺得幾好，放假好晏起身，直接食餐勁既！人均$250就食到最靚既牛小排，我地無要到海鮮，因為主力牛。自助區可混醬，但醬料選擇少，只有醬油，普通基本既蒜蔥類。有冷盤可以夾，例如中華沙津，粟米，蕃茄，胡麻醬烏冬之類，但又唔會再煮，又怕擺左好耐，所以都係無夾，只係夾火鍋料，例如菜，菇，雲耳，麵條果類。湯底揀左個辣既同埋越式牛肉湯，想特別講下佢個牛肉湯，幾唔錯，味道同出面食越式牛肉湯差不多，呢個湯底用黎淥牛肉就更加出味！下面兩張圖片都同樣係牛小排，不過第一次黎既肉感覺室溫啲，之後黎既就係圖二咁樣硬身啲，牛小排係呢度既牛之中最好食，牛味同脂肪味都好平均，唔錯！薄切牛舌都唔錯，不過牛小排好食啲。最後食返3，4杯乳酪雪糕就差不多，佢既甜品類都非常差，特別係下圖，無芝士味，應該話係無乜味既蛋糕，個餅底又濕笠笠咁樣，唔知食緊乜。