牛扒先生 (新都會廣場) (已結業)

晚市冇堂食，星期六諗住同屋企人買外賣返屋企食，咁啱經過mr steak 見到外賣優惠，平時堂食嘅me steak都有返咁上下質素，所以就諗住試吓佢啲外賣餐，點知強差人意。我哋嗌左個四人餐，但係根本四個人食就唔夠飽，份量少到你懷疑人生，我知可能因為做咗優惠，所以份量都會少返啲，但都唔好差咁遠呀，我真係情願俾多少少錢，你俾返足夠份量同質素我呀。四人餐有四個餐湯，同埋四個主食。個餐湯根本連半杯都冇，兩啖就飲完。個長通粉嘅份量亦都係只係半兜都唔夠，淡而冇味，全冇誠意。意粉係碎晒嘅，同樣又淡又冇味。個雞就係預先整定，食嘅時候又乾又唔熱。好差，唔會有下次。得半兜嘅餐湯同樣係半兜嘅長通粉

叫了一客牛扒，寫了三成熟，但回到家已over超過6成，我就是因為知道拎回家（一個站）會焗熟所以叫3成等佢不會太熟，但都係over左亦寫了不要餐湯，因回家會喝酒不想浪費，但又照比下單特別要求那頁全都無睇同做不到但本身食物味道係ok，平時叫外賣送上門都keep到水準，不知為何今次親身買件扒會咁大分別

本來諗住同老公慶祝佢既生日，因為今次疫情關係，所以夜晚就無得入座去食。我地就試下買外賣返屋企食，估唔到出奇地牛扒又幾好食。我就叫左幾個不同既菜式，包括有~ 1. 爐燒脆皮德國鹹豬手配是日精選湯$89~ 2. 美國安格斯西冷牛扒配油漬蒜籽及是日精選湯$128~ 3. 黑毛斯安格斯肉眼扒及是日精選湯$148~ 4. 煙三文魚凱撒沙律配是日精選湯$50~ 5. 2人外賣套餐 Set A $168~ - 是日精選湯×2 -意式肉丸配幼滑薯蓉 -煙肉野菌扁意大利麵 -烤諾曼第豬柳扒拼迷迭香香草燒雞 先講下佢外賣盒係用左好厚似裝雞蛋既紙盒去裝食物，哈~講真係環保又可以保留返牛扒在外賣盒熱既環境下，令佢牛扒肉質没有改變得太大。如果用膠盒就會令塊牛扒熱既環境下出哂倒汗水肉質就有所改變，所以佢做得非常好。不過有一點問題係每一個主餐都有薯蓉做墊底，會痴住哂個紙盒度食既時候刮走都比較麻煩左d~希望餐廳會改善一下用其他方法比較好。 到食物方面真係值得讚，大部分既食物真係唔錯又好好食，我叫左兩份不同既牛扒西冷同肉眼，先講下肉眼牛扒先因為外賣關係無得比你選

因為疫情關係，公司都不準我們出去堂食，咁只好叫外賣，有位同事叫我用OpenRice 落order，話第1次用加埋在alipay比錢，有迎新優惠，可以扣20蚊。嘩。原本都已經特價左，依家再減20蚊，超低食，咁就在OpenRice 落order ，可以選時間取餐，仲會有取餐提示 （搞到我好似幫OpenRice 賣廣告）咁我就叫左個海鮮番茄意大利飯，第一啖食落去，好似pizza味，味道算不錯，就咁見個飯以為無咩餸，但入面都有4隻蝦，都大隻的。仲配上時日餐湯，當日是紅湯，我覺得比較咸，同埋不夠熱，外賣就是有呢種問題。整體都算可以。

Mr.steak黎講，真係好抵食有扒有pasta有burger嗌完等十五分鐘有得攞，都好快手不過攞到返屋企食，見到個burger咁樣即刻唔開心明明芝士係burger既靈魂但係無左成塊叫左5份餐，發現連一包sauce都無跟希望下次有改進喇

外賣日記🍱...疫情嚴重，人心惶惶唯有食返啲高質外賣令自己開心啲啦今次就嗌左 Mr. Steak 嘅外賣SetB係四人份量嚟嘅...羅宋湯🍅酸酸甜甜，好開胃裏邊仲有一粒蜆肉適合食主菜之前飲..煙肉野菌扁意大利粉醬汁香濃，奶味偏重，配上一粒粒嘅煙肉和野菌 好有咬口 ...香蒜蝦蕃茄意大利飯又係我最鍾意嘅蕃茄🍅每一粒飯都好均勻地沾上蕃茄汁米飯偏硬 香蒜蝦肉有鮮味 夠晒爽口...BBQ醬烤英國豬肋骨外層比較硬 黐住骨嘅肉比較‘林‘秘製醬汁夠晒惹味 旁邊嘅薯菜亦都不可忽視都好好味...烤肉拼盤最喜歡牛扒 5成熟 剛剛好可以鎖住牛肉肉汁 肉質細嫩另外仲有羊鞍、香草腸、燒雞好抵食㗎..

因為晚上禁堂食，晚上放工都係買野返屋企同屋企人一齊食！公司附近既mr steak都好多同事推薦，6點左右已經好多人排緊隊等外賣！晚餐選擇都好多，我比較推薦四人套餐，價錢經濟又實惠，一定夠四個人食👍🏻menu非常豐富！是日餐湯係紅蘿蔔蕃茄薯仔忌廉湯，入口蕃茄薯仔味好重忌廉味都好濃👍🏻煙肉野菌扁意大利麵扁意大利麵比較幼身，加上炒香左嘅煙肉同野菌，味道香而不膩香蒜蝦蕃茄意大利飯蝦有接近六七隻份量非常多，意大利粉比較軟身，硬身返少少比較吸引BBQ醬烤英國豬肋骨豬肋骨非常入味，加上BBQ醬既微甜同燒烤味，非常惹味開胃烤肉拼盤(安格斯牛扒、烤羊扒、燒雞、香草腸)拼盤非常之抵食，牛扒都算大份，熟成程度啱啱好，香腍牛味濃；羊扒同埋烤雞不過不失；比較驚喜嘅係香草腸，外皮非常脆，鍾意呢種一咬就爆開嘅感覺

呢段時期疫情嚴峻，所有堂食政府都禁哂。唔可以係外面食肆聚餐，自然多左時間留係屋企，除左煮下野食，星期四五六間唔時都會心思思想食下街外好西。最近食肆推出了不少用餐優惠，有唔少折扣，咁岩比我發現左呢間餐廳做緊超值外賣套餐啊，佢就係Mr Steak，講起Mr Steak相信大家都唔陌生，佢主打Semi-buffet同埋牛扒～之前同朋友食過堂食都覺得唔錯，選擇又多。今晚一於同屋企人係屋企開心食扒！由2人到4人餐，都係$168起，大約$350就可以享受四人餐，已經有齊餐湯、主食、烤豬肋排、烤肉拼盤都有啊，外賣價錢親民。先來是日精選餐湯x4餐湯是蕃茄蜆肉湯，真係好好飲，配上粒粒蜆肉，湯酸酸甜甜，有蓉又味濃，都幾開胃暖肚架！之後係煙肉野菌扁義大利麵，煙肉和野菌材料充足，口感十足。而麪條煙靱有口感，食落去柔滑細緻，整體而言算是不錯。香蒜蝦蕃茄義大利飯，義大利飯份量比較大，義大利飯同意粉一樣，個熟度處理得幾好，飯粒較硬身。蕃茄和芝士味道亦調較得宜，每一粒飯都吸收哂蕃茄醬料。蝦味爽口彈牙，但蒜味不算太突出。最期待的BBQ醬烤英國豬肋排，兩大塊豬肋排，豬肋骨煮得夠林身，好輕易就可以咬開啲肉，肉黏著筋皮的位置

最近好多時都係屋企煮飯食飯，有時都會好悶，不如放工返屋企買啲外賣自取，大家又唔使買餸唔使煮，更加唔使洗碟！套餐方面其實都有好多選擇，包括三點嘅套餐，或者可能係二人，四人套餐，唔想用腦諗不妨考慮一下。4人Set B $ 348 是日精選湯 x4 Soup of the Day 粟米湯好清新！而且個味道比較濃郁，直接飲用或者送飯都得！ 煙肉野菌扁意大利麵 Linguine Carbonara 個汁好香濃，煙肉都好大件，意大利麵硬度適中，整體真係好豐富！香蒜蝦蕃茄意大利飯 Garlic Shrimp Tomato Risotto BBQ 意大利充滿蕃茄味，而且整體質感比較林，而且有啲蒜蓉嘅香味， 屋企人都好鍾意食！醬烤英國豬肋排 Barbeque Dingley Dell Pork Riblet 醬汁夠香，肉量豐富，其實真係好正，好多肉但係又唔會太乾。 烤肉拼盤 Mixed Grill安格斯牛扒 · 羊鞍 · 燒雞 · 香草腸Angus Steak . Lamb Chop · Roasted Chicken · Herb Sausage最多嘢食係呢個拼盤，千其唔可以錯過！～～雞牛羊都有，味道

約咗媽咪同埋細佬出去葵芳搵食，平時我哋都好鍾意去飲茶。今日媽咪佢話，想試吓呢間牛扒先生，見到佢午餐都唔貴，就去享受一下吧☺️都算係自助餐嘛。選擇都幾多我叫咗羅勒蕃茄焗紐西蘭魚柳。味道清清地，羅勒同埋蕃茄味都唔算出，如果可以多番少少橄欖油味會好啲，因為係焗嘅所以啲汁都仲有喺度，不過唔係唔好食喎又幾好食，有少少香草味。👍🏻細佬嘅澳洲肉眼扒，叫咗5成，同平時一樣牛味都幾重，因為係肉眼，上碟嗰陣仲係好熱👍🏻切開有肉汁流出👍🏻媽咪叫嘅海陸空拼盤，不過不失啦，烤雞我話想食㗎，但食落有少少乾，可能係拼盤所以質素冇咁高。最令我驚喜嘅係佢嘅甜品！😘本身以為有Tiramisu,但係冇。竟然俾我發現佢有麵包布甸！呢個都係我至愛。仲有木糠布甸😍佢個麵包布甸係幾正宗嘅，有提子乾，麵包同布甸比例啱啱好，佢放喺一個熱架上面，所以食落係暖👍🏻👍🏻👍🏻呢個位要讚，如果玉桂味再多啲會好啲。熱食嘢OK，甜品我encore左三四次😂👍🏻如果屋企人想再嚟可以嚟。

隔左幾乎成年先再次幫襯。 餐廳特色是lunch 是半自助餐， 有沙律bar和甜品。 主食我叫了煙三文魚意粉， 味道還可， 份量較少， 不過沒關係， 因為有沙津bar,點都食得飽。 朋友叫了芝士焗龍蝦意大利飯， 賣相幾吸引， 不過肉質就梅梅地，唔啖牙沙律bar望落好多款咁，但味道一般， 沒什麼值得推介。 反而甜品相對地較佳， 有麵包布甸、芝士蛋糕、黑森林蛋糕、啫喱等等可供選擇， 味道不錯。也有豆腐花， 不過是凍的人均百五蚊， 不過不失

昨天並不需要上班，於是便打算在晚上和親戚到MR STEAK 吃飯。我們原本以為平日的人流會比較少，原來平日的客流量也不算少，可見此餐廳在本區也是受歡迎的一群。這也加以確定了我們應該沒有選錯餐廳。我們坐下來不久，就有員工提供了紙信封以作保存口罩之用，防疫意識也有做足，令我們在用膳時也倍感放心。餐牌：我們本次挑選了兩個主食，再附加SEMI-BUFFET沙律吧。1) 燒脆皮德國鹹豬手 配 煙肉洋蔥羽衣甘藍，黑松露薯蓉鹹豬手上桌了不久，我們就開始進食。鹹豬手的外皮很酥脆，旁邊的羽衣甘藍配上酸酸的醬汁，能夠和豬手一併進食，能夠減少進食時的油膩感。唯一有待改善的，是豬手的肉質比較乾，可能是炸的過程長了一點，令肉質有少許改變。整體不錯。2) 法式香草烤羊鞍扒 配 番茄義大利飯，烤蒜籽 我們點的是7成熟，但是相比其他餐廳的羊架他們做的也很不錯。能夠吃得出羊架是有調味過的，不會單靠後上的醬汁而變得好味。不過醬汁看上去比較奇怪(能夠看得出是芡汁弄得不好，因為倒出來有些稠但也有些稀)，不過若果不用醬汁則無傷大雅。3) SEMI-BUFFET 沙律吧有多款不同的小食，當中最為出色的是和風豆腐、薯仔沙律、是日餐

今次為好友慶祝生日🎂，嚟到葵芳嘅Mr. Steak Bar & Grill。事前冇特別睇過食評，只因生日蛋糕響葵芳攞，所以就搵番間附近嘅餐廳食番餐😋。點知原來呢間餐廳除咗食物有質素之外，service亦都好好，唔怪之得咁多人幫襯啦！😳首先，因為想製造驚喜，我比起booking時間早咗一個鐘去到餐廳放低個蛋糕。🎂將蛋糕交俾餐廳門口職員嘅時候，職員問埋我生日蠟燭🕯️放咗響邊。好彩佢提一提，唔係就會漏咗喇！😅由於個蛋糕上半part係永生花，下半part先係蛋糕，餅店按慣例會分開裝，食果陣需要合併埋一齊。職員好耐心聽我講點樣組裝，仲話：「咁到時你要起個蛋糕就同我哋講啦！」。第一印象已經好好喇！👍🏻準時到達餐廳，門外已經大排長龍😱，同職員對過booking後，就直接進入餐廳。✌🏻餐廳係以半自助餐形式運作，好友比較細食，擔心叫兩份main dish會食唔晒！所以我哋只叫咗一份main，再加salad bar。🥗Salad bar有多款甜品、沙律配料、火腿、麵包、湯同埋豆腐花，其實食salad bar啲嘢已經足以令女士們飽肚啦！😆Refill速度快，食完一round個main就上枱喇！大蝦意大利飯冇令

嚟到葵芳既新都會商場搵食，見到Mr. Steak有半自助式既lunch set，價錢又唔太貴就試試佢。自助區就有湯、各式沙律、小食同埋甜品。我地每樣都拎左啲嚟食，當中最鍾意既呢就有少雜菌，同埋個薯仔沙律，兩樣都好有水準。自助區個refill速度都好快，唔會有冇野揀既情況出現。甜品種類多，有芝士蛋糕、啫喱、豆腐花、仲有私心推介既綠茶卷蛋，卷蛋入面既綠茶cream十分之香濃😋主食方面呢，我地就揀左香草辣肉腸長通粉同埋蕃茄雞肉他他。蕃茄雞肉他他煮得好出色，啖啖肉，份量都好多，仲有塊大麵包可以點啲蕃茄汁襯嚟食，偏甜既蕃茄汁好惹味，好開胃。而長通粉就比較普通，不過都算好食，想平食mr steak既朋友可以一試。

今次黎到葵芳新都會既mr steak試佢既半自助晚餐，同屋企人預早慶祝父親節，揀度到其中一個原因係貪佢既食用時間都算長，book左6點半開始，可以坐到9點幾。令我驚喜既係呢到既沙津吧相當不錯，甚至比主餐更出色。除左有各款不同款式既沙津，仲有煙三文魚等等，同埋甜品方面都有唔少種類，有一般嘅cheese cake同麵包布甸等等，令我出奇嘅係竟然有豆腐花。講咗咁多沙律吧，主菜方面我就叫左精選烤肉盤set，有羊鞍、牛扒、春雞、肉腸同薯蓉。各樣肉方面其實都中規中矩，相對沙律吧唔算太有特別，反而係薯蓉做得幾出色。 成個用餐環境其實都幾舒適，唯獨有點美中不足嘅係餐飲方面，印餐牌上係寫咗有特選飲品，正當我同屋企人喺度諗緊個杯可以叫咩嘅時候，原來店員已經係神不知鬼不覺嘅時候將個杯特飲放咗喺我哋枱面，而叫餐途中冇問過我哋飲咩，我哋仲以為嗰杯係普通嘅餐茶，追問店員之下先知道嗰杯原來係果茶，仲要冇得選擇凍定熱，分量亦唔見得多。總括來講，以西式半自助晚餐來說價錢唔算十分昂貴，但質素亦唔見十分好，質素算係中規中矩，係環境上唔錯，幾適合同朋友或者屋企人坐低慢慢食談天說地。