牛扒先生 (德福廣場2期)

营业中

休息中

今日去咗九龍灣的Mr. Steak食半自助餐，沙律，甜品，任食，餐湯任飲，包一個主菜，和一杯咖啡/茶。沙律有 10 款左右，首先，食咗 2 碟沙律，1 個鬆餅。沙律各款味道很好，鬆餅熱熱的，然後，飲咗個餐湯，今日係雜菜湯，味道唔會太濃，恰到好處。主菜食咗煙肉香草雞忌廉汁尖通粉，味道很好，但差不多食完時候，餐廳的清潔姐姐行過打了個乞嗤，(向住d沙律，碟，沙律醬) 雖然，我知道姐姐是無心的，希望餐廳方面可以留意下。謝謝。用餐時間 90 分鐘，臨近最後 10 分鐘，服務員過來order咖啡/茶，時間也是恰到好處。甜品食咗木康布丁，朱古力，芝士蛋糕，桂花糕，第一件桂花糕好食的，第二件有d怪味。總括來說，是性價比的餐。可以一試的。

假期前的一行五人去食晚餐，原本諗住朋友好耐冇見搵個地方聚會一下，但係沙律吧同主菜食物的味道比預期為好，值得一讚。但係限時90分鐘實在有點兒短，主菜都未食完經理就話需要15分鐘交枱，但係望到門外唔覺有一次等5人枱（我們坐的一張是大枱）兩人等位就有。有時諗吓香港人北上消費唔係冇道理的，平均每人消費$400 ，但只有90分鐘實在有點不足夠。

Happy Friday 就食好少少同同事行咗去食Mr steaks 中午分別有set lunch 同semi buffet 我地緊係叫咗半自助餐食得開心D分別叫咗紅酒燴雞配薯蓉炸豬柳同煙肉意大利粉自助式餐湯沙律同甜品都唔錯燴雞就味道頗咸我地一致認為煙肉意大利粉好味

今日喺九龍灣做嘢， 以前食過銅鑼灣Mr. Steak， 經過德福二期，體驗左半自助午餐。喱度自助區真係好多款式，全部都係健康為主 😍✨主菜選擇大蒜芝士蟹肉焗立魚柳 🦀🧀鮮美魚柳配上濃郁芝士同蟹肉🤤安格斯特級西冷牛扒🥩🔥喺Mr. Steak，點可以唔試佢哋頂級牛扒，肉質鮮嫩🤩自助區食品沙律區提供多達9至10款不同選擇，其中我最愛羽衣甘藍，清新又美味🥗💖 甜品方面，試過多款精緻甜品，包括滑嫩mousse cake 🍰🍫經典cheese cake 🧀🍓瑞士卷🍰木糠布甸🍮同豆腐花，桂花糕🌼每一口都是享受，甜度恰到好處 😋呢度嘅環境好舒適🍃🍽️ 餐廳職員服務迅速，隨時為補充各類食物，需擔心餐點唔夠 👌😊@mrsteakhk

👧🏻😋👅🍽✨半自助 大滿足-🍽️ Mr Steak半自助晚市套餐有十幾款唔同沙律, 餐湯, 甜品吧同精選飲品, 三百幾蚊就有交易, 仲有外賣自取限定$58就有連湯套餐🍽️ 德福店除左梳化卡位都有唔少長枱, 適合一大班人食飯, 而家仲做緊四人同行, 生日一人免費, 仲有和牛嘉年華$498買一送一! 見平日夜晚都幾旺好受歡迎-🦞 龍蝦生蠔·半自助晚餐 $338💯海鮮拼盤有生蠔, 鑽石蜆, 海蝦, 青口各兩隻; 四款主菜都包括芝士焗龍蝦, 另配牛/魚/豬/飯, 仲包一杯紅/白酒/果汁, 再加一杯餐茶💯龍蝦爽彈幾鮮甜! 香煎是日精選魚柳肉質較結實大大塊份量十足-🥩 澳洲John Dee穀飼安格斯肉眼 $378✨穀飼肉眼肉汁油香滿溢, 比我叫既五成熟左少少但依然夠腍滑唔柴-🥗 🍰🍹自助吧💯沙律真係超多款式, 最愛羽衣甘藍藜麥, 鴨胸番薯, 菠蘿雞肉, 紅菜頭紫椰菜, 都有encore過 💯甜品方面大推new york cheesecake, 軟滑香芝士味但唔膩; scone都驚喜拎到埋位仲係熱, 外脆內軟💯百香果茶, 白桃烏龍任飲, 晚市套餐冇包餐飲, 飲果茶都夠了!

今日同男朋友拍拖週年紀念就嚟到呢間已經食過幾次嘅半自助餐，叫一個主菜再有吧枱攞前菜同甜品。主菜有牛扒同意大利麵都好高質👍🏻唔算好貴，份量都好足夠，環境都好好，係好有feel嘅半自助餐！下次會再嚟😍😍

九龍灣半自助餐 Mr. Steak 🌟今次我哋嚟到九龍灣嘅 Mr. Steak，試下佢哋嘅半自助餐！價錢大約三百幾蚊一位，真係好抵！🍽️首先，主菜方面我哋叫咗法式芝士龍蝦拼英國豬柳，仲有法式芝士龍蝦拼魚柳。🦞🍖 龍蝦肉質鮮嫩，配上濃郁嘅法式芝士，一口咬落去，味道濃郁，英國豬柳燒得剛剛好，外脆內嫩， 有一股煙燻烤肉香氣 ，搭配少少黑椒醬，簡直係完美！魚柳同樣不遑多讓，肉質滑嫩，配上清新嘅檸檬汁，令人停唔倒口！🐟🍋前菜方面，冷盤有生蠔、大蜆、凍蝦同青口，全部都係非常新鮮！🦪🦪 生蠔肉質肥美，配上少少檸檬汁，真係好開胃！大蜆同凍蝦都係一流，特別係凍蝦，肉質彈牙，食落去好滿足！青口嘅味道亦都好鮮，搭配少少蒜蓉醬，簡直係絕配！🧄各款薯仔沙律、通粉沙律、紅菜頭沙律，樣樣都好味！🥗🥔 薯仔沙律清新可口，通粉沙律嘅醬汁又香又滑，紅菜頭沙律則帶有一絲甜味，真係好開胃！每一口都令人感受到新鮮嘅味道，完全唔會膩！😋當然唔可以唔提酒店級嘅甜品！🍰🍮 超多款式，任食！我試咗提拉米蘇、木糠布丁同埋水果撻，每一款都好好味！提拉米蘇嘅咖啡味道濃郁，木糠布丁滑得嚟又唔會太甜，水果撻則清新可口，真係食到心滿意足！🍓🍫總結一

今日去九龍灣行街，行經Mr. Steak,俾佢嘅半自助晚餐吸引咗😍晚餐有多款主菜可以揀，加啲錢就可以升級做半自助晚餐，真係勁抵❗️今次揀咗法式芝士焗龍蝦配SRF 牧場牛扒，$338/人就已經有海鮮拼盤、餐酒、主菜、餐茶及外面嘅自助區任飲飲食😍海鮮拼盤有生蠔、蜆、海蝦及青口，質素唔錯😛芝士焗龍蝦入面勁多高，龍蝦肉彈牙！牛扒-5成熟就啱啱好，完全唔會韌🥰仲幾Juicy tim❗️外面嘅自助吧選擇仲夠晒豐富，有果汁、周打蜆湯、南瓜沙律、薯仔沙律、雜果沙律、各式甜品，連豆腐花都有！現場最受歡迎就係豆腐花同木糠布甸😳木糠布甸特別有空氣感，質地比較輕盈，食落冇咁膩❗️

很久沒有去吃自助餐了，今天先去試一試半自助晚餐 🤩 店舖環境乾淨明亮，座位寬敞舒適侍應友善且熱情 👍🏻龍蝦生蠔·半自助晚餐 $338🔸冷盤｜生蠔、紐西蘭鑽石蜆、海蝦、翡翠青口每一款都很新鮮，生蠔只需加少許檸檬汁已經很美味！最喜歡蜆 🥰 肉質飽滿結實味道十分鮮美 😋🔸主菜｜法式芝士焗龍蝦·龍蝦汁意大利飯一上菜濃香的芝士香氣撲鼻而來 🤤 龍蝦焗製時間控制得很好，肉質結實又不會難以咬開 🦞 意大利飯吸滿龍蝦汁，煮得恰到好處！🔸主菜｜法式芝士焗龍蝦·英國豬柳扒豬扒肉質軟硬度適中，表面有些許鹽粒，吃下去很香充滿風味，還有薯蓉伴碟 😍🔸自助沙律 & 甜品無限添加，有多款款式可以選擇 🙌🏻 味道十分不錯！

最近初嘗咗出名CP值超高嘅 Mr. Steak嘅龍蝦生蠔•半自助晚餐( $338 一位)🍽️ε Starter鮮生蠔海鮮拼盤鮮生蠔2只•紐西蘭鑽石蜆，海蝦．翡翠青生蠔雖然唔算大隻厚肉，不過好新鮮甜美白酒🍸或紅酒🍷或果汁一杯ε自助沙律吧就咁沙律已經有最少10款選擇🥗 😆包括羽衣甘藍藜麥粟米沙律、櫻桃蕃茄水牛芝士沙律、泰式魷魚沙律、芝麻醬凍豆腐同田園雜菜沙律等，岩唒鐘意食菜嘅媽咪❤️😋😋ε Main course 我哋揀咗法式芝士焗龍蝦 •龍蝦汁意大利飯同法式芝士焗龍蝦•SRF牧場牛扒🦞龍蝦夠晒大隻😆上面有烤香溶化既芝士，濃濃既芝士配埋大隻龍蝦啖啖肉，爽口彈牙，好鍾意佢個意大利飯充滿龍蝦鮮味惹味又Creamy。牛扒🥩揀咗7成熟，肉質軟腍牛味濃，一D都唔韌好易入口，配埋龍蝦，夠晒豐富❣️ε自助精選甜品吧呢度有好多款甜品🍧選擇：木糠蛋糕 ､朱古力香蕉蛋糕、朱古力tart ､椰絲奶凍、豆腐花、抹茶牛油忌廉卷、啫喱同水果，每款甜品都好高質，仲有湯同飲品。媽咪忍唔住食咗好多件，已經幻想到淇淇係到有幾開心😆😆🍽️Mr. Steak📍九龍灣偉業街33號德福廣場2期4樓415-417號舖

朋友要移居加拿大🇨🇦 諗緊有咩餐廳好食又適合去Farewell 😚就揀咗呢間Mr.Steak 食飯！啲人話好食😋開咗咁耐我都係第一次食Mr. Steak🙈 然後發現銅鑼灣果間執咗🙂‍↕️😭龍蝦生蠔·半自助晚餐Lobster Oyster Semi Buffet Dinner Set每位$338 （另收加一）呢個價錢黎睇算正常！唔算好貴海鮮拼盤：生蠔、海蝦、蜆、青口生蠔🦪超級鮮甜，唔Creamy海水味重🤤係我本人中意食嘅生蠔口感🥰自助沙律吧：🌟超級推薦🌟煙火腿酸瓜芝士通粉沙律芝士火腿沙律涼拌豆腐 主菜：法式芝士焗龍蝦·SRF 牧場牛扒🥩 （5成熟）我地兩個都想食牛扒所以點咗🤣 呢個真係好食🥹🥹 勁重牛味又Juicy！如果可以再點多次食就好了！🤣龍蝦都有勁多蝦膏！超級正❤️ 自助甜品吧：🌟超級推薦🌟木糠布甸、豆腐花、椰汁撻白酒兩杯 及兩杯自選飲料Mr. Steak (德福廣場2期) 📍：九龍灣偉業街33號德福廣場2期4樓415-417號舖

懷念嘅Mr.Steak自助餐，我今日終於食到喇！我叫咗個半自助午餐set嘅煙肉野菌忌廉長通粉🍝沙津有好多款，有雜果沙津，好多雜果，仲有蝦、士多啤梨同藍苺。有蕃薯煙鴨胸沙津，味道較鹹，有粒粒鴨胸肉。有泰式魷魚沙津，味道微辣，尚算唔錯。有夏威夷雞肉沙津，有菠蘿同雞肉粒，可以一試。有英式鬆餅，口感鬆化，值得推薦。👍有意大利雜菜湯，有香濃嘅蔬菜味。嚟到主菜嘅煙肉野菌忌廉長通粉，有好濃嘅蒜香忌廉味同一粒粒嘅野菌，十分抵食。甜品有豆腐花、木糠布甸、朱古力撻同紐約芝士蛋糕。

牛扒先生 Mr.Steak嘅晚餐有兩種價錢選擇只有主菜嘅精選套餐 或者主菜+半自助餐套餐半自助餐包括各式沙律，湯，前菜，生果，甜品及飲品等。今日我嗌咗兩個主菜。黑安格斯平鐵牛扒 （$278/298）牛扒嘅平鐵部位厚肉多汁，充滿油花，牛扒表面煎到香脆，7成熟剛剛好。切開每一嚿，冇筋唔韌，好易入口，非常正。半碟有厚切薯條及油漬蒜籽。薯條每條炸到金黃色，沒有過燶，外脆內軟，充滿薯仔香味，好好食。柑橘蜜糖醬焗德國式豬手 （$285/305）伴碟有煙肉洋蔥羽衣甘藍及薯蓉豬手嘅皮覺得好香，但個皮好厚，好難咬，所以都放棄咗食。要將成個豬手皮劏開，先食到入邊，處理呢個部份有啲論盡。因為佢用木板上，豬手扎住薯蓉同埋羽衣甘藍，一路切啲蒜蓉壓晒出嚟啊。但係木板太細，又怕佢瀉出嚟，有啲難搞。建議佢可以用返隻大碟，然後薯蓉嘅擺盤，擺返喺隔籬。 豬手肉質嫩滑，多汁好食。柑橘蜜糖醬汁正到不得了，甜甜酸酸，平衡返豬手嘅鹹味同油膩感。📍九龍灣偉業街33號德福廣場2期4樓415-417號舖

今日中午到德福廣場二期「Mr.Steak」食午餐，呢間餐廳以半自助餐形式：先點主菜價錢由$126至$286不等可以任食自助沙律+甜品吧+廚師精選餐湯。先點主菜：✅香煎盲曹魚柳 •蘿勒蕃茄汁盲曹魚柳非常之香滑大大件👍✅ 安格斯特級西冷牛扒係Mr. Steak 怎麼可以不吃牛扒呢😄👍👍自助區食品：沙律種類有9至10款非常之多選擇，蟹籽櫻花蝦玉子沙律是我最愛😀甜品方面試咗：mouse cake 、cheese cake 、瑞士卷 、木糠布甸 、豆腐花 桂花膏 有酒店嘅水準👍各有特色，唔會太甜。各類食物職員refill得好快，餐廳環境都幾舒服，枱與枱之間有一定嘅距離。（推薦）

尋日去德福行街，行到肚餓，見到semi buffet dinner set 有龍蝦🦞生蠔🦪先三百幾蚊，仲可享用埋自助精選甜品吧又幾抵食。Main course:有四款可選擇，我哋揀咗法式芝士焗龍蝦🦞配SRF牧場牛扒🥩，牛扒揀咗7成熟，肉質軟腍牛味濃，龍蝦🦞都幾大隻，鮮甜爽口彈牙，配埋龍蝦面上嘅香濃芝士食，真係一流😋。跟餐有個海鮮拼盤，生蠔🦪好鮮甜，肉質肥美，食完仲想食多幾隻😋,超正！海蝦爽口彈牙，蜆同青口鮮味十足。配一杯白酒/紅酒或果汁，我揀咗杯白酒，配海鮮，好夾！最後梗係去自助吧食埋個甜品先完滿，呢度有好多款甜品選擇：木糠蛋糕 ､朱古力香蕉蛋糕、朱古力tart ､椰絲奶凍、豆腐花、抹茶牛油忌廉卷、啫喱同水果，每樣都試咗，估唔到甜品都咁高質，沙律吧仲有超過十多款菜式選擇，仲有湯同飲品。