牛大人台灣火鍋吃到飽 (加拿芬廣場)

营业中

休息中

各位各位留意返 其實已經入秋😌😌😌打邊爐嘅Moment又要來臨啦(都係乘機擦餐勁) 太耐冇開冷氣打邊爐 總係少咁啲樂趣而且嘅牛肉咁貴 一碟肥牛都已經~$100直接去食放題冇咁嬲啦係咪😉廢話少講 今次去咗牛大人台式台鍋店真係早吃晚飯嘅鳥兒有著數‼️唔洗排隊之餘座位任揀唔洗爭🤣🤣環境好大好乾淨企理 走簡約木系風格
我最concern嘅廁所意外地好乾淨衛生👍🏻專登嚟食牛牛 梗係揀最貴個餐啦🩷🩷🩷澳洲極上和牛任食120分鐘套餐 平日正價$328/位加一 21:30-23:00入座$308最抵食係19:30前離座/23:00後入座 只需$288比起平一個價位嘅套餐真係多4款靚牛肉10款自家正宗台式湯底 仲有自助火鍋配料吧🥰超過120款小食/水餃/熟食/飲品俾你揀再每人送多2粒特別好食嘅M9和牛牛丸‼️食咗太多款配料講唔晒 揀啲值得推介嘅和牛肉片當然唔洗多講 肉味濃郁夠大片最欣賞係冇乜筋位 啖啖肉食好happy🤤😋✨超出我預期係台式手工餃‼️蝦餃/蛋餃都好好食 細細條但好夠彈牙入味仲試埋熟食小食 炸午餐肉好夠脆夠香口😊鹽酥雞個外皮唔厚幾好食👍🏻配料吧就有菜/瓜/丸/風琴豆腐等等調味吧都有唔少配搭任君選擇

首先我8/10訂左openrice個4人套餐（已網上付款），然後8號風球改左一星期後食，但係只有3個人黎到，牛大人話因為係通過openrice買既，所以都係要比4個人錢同4個人既加一費，要我自己同openrice處理，但亦幫唔到我出左證明我得3個人食既紙或者文件。咁我可以點同openrice講？得個講字冇證明點信我呀？得3個人食加一都要比4人份呀！最後比多一位既錢都唔係問題，係我自己唔小心，以後盡量唔會再book要預先付款既訂座，但係牛大人連嘗試幫個客人處理下既行為都冇，我覺得感覺好差。另外叫甜品既時候唔係我講話我地book4個人喎，佢都係打算只比3份甜品我。

🐮極上和牛吃到飽 $328/ 人正價時段17:00-21:30入座有三個套餐，, 最平 $248 個精選嫩牛set 其實都已經有包晒豬牛羊雞😉中間價$288嘅美國特級安格斯set 會多咗幾款特選牛同埋手打海鮮漿，但每次嚟我都會揀$328個set😌呢個set會免費送每人兩粒澳州和牛牛丸外仲可以任食餐牌所有野😋 食足120分鐘🍅湯底揀咗"台灣濃香番茄鍋"係10款湯底揀左呢款揀咗呢個，超級足料同埋鮮甜，湯底好多蕃茄鮮橙色好濃郁😋飲落酸酸甜甜咁好開胃，啲食物烚完基本上唔使點調味料，淨係掛湯都已經好好夠味🐂「美國PRIME極級肩里肌」同「安格斯特選牛板腱」高質嘅牛肉片，肥瘦均勻👍🏻 咬落嫩口冇筋🐃「手切封門柳」就相反因為比較厚切相對好有咬口，好煙韌🥩「澳洲和牛M5牛肩卷」同「安格斯牛小排」淨係睇啲油花已經好靚，薄切有入口即溶嘅口感🍡跟餐贈送嘅和牛牛丸食落竟然有日本鐵板漢堡扒feel，濃郁嘅牛味🥟唔鍾意食咁多肉嘅，仲有多款海鮮揀，自己分別食咗三款魚🐟，個脆鯇魚腩encore四次，超肥美，仲有台灣直送🇹🇼鯛魚片一樣鮮味嫩滑，另外又有台灣必食嘅小食，🐔鹽酥雞台灣香腸都有🫣🧃自助區仲有長期fill滿大雪

牛大人 🥘睇到好多人都去食牛大人打邊爐今次等我帶埋媽爸黎試下先尖沙咀分店裝修乾淨簡約為主座位寬敞 同埋好夠冷氣呀同媽爸都要食好啲叫左120分鐘極上澳洲和牛吃到飽 $328/人推薦 阿嬷養生濃湯鍋好香既雞湯味 仲要個味唔會cover左肉味用黎淥菜類都唔錯呀呢個湯底岩同老人家食而且感覺健康啲添呀🥩 牛肉類叫呢個餐都係必食澳洲M9竹和牛個油花好靚 肉味都好濃肉片切薄岩曬老人家食呀另外手切封門柳都係又腍 肉味又好濃每人包左2粒澳洲M9牛丸口感彈牙仲好Juicy🥬 🦐 其他食材啲海鮮都唔錯 夠新鮮又大隻特別係隻蝦 大大隻一咬落去啖啖肉蔬菜方面好多選擇仲有我最愛既萵筍添 用黎打邊爐一流🫙 醬汁自助區有齊曬打邊爐必落既醬料調配自己最愛既醬料黎打邊爐我就落左巨量蔥蒜加豉油真係太正啦🧃飲品自助區大推自家製冷泡茶特別係白桃烏龍 茶味好香🍨 甜品每人一份甜品 可揀芋圓/雪糕雖然已經好飽 但係抗拒唔到芋圓嘅引誘啊唯有叫一份芋圓 share啲雪糕都好正 食完就完美了

步入9月尾就好想打邊爐啦我地屋企鐘意出街打邊爐因為唔洗自己備料同洗野 超方便今次就同老豆老母一齊出尖沙咀打邊爐裝修得幾靚 座位寬敞兩老坐得舒服 食得飽飽重點係個洗手間好乾淨👍🏻👍🏻120分鐘極上澳洲和牛餐（$328/位）我地揀左阿嬤養生濃湯鍋 味道清清地可以食到肉既香味同蔬菜的清甜▫️肉類🥩澳洲和牛M5 牛肩卷顏色好靚, 油花多啲解議涮3-4 秒就好, 有少少粉紅色入口好香既油脂味手切封門柳腍得黎肉味好濃 好新鮮澳洲M9和牛牛丸必食推介! 彈牙又多肉汁仲好牛味 + 啖啖油香▫️自助區👐有各類丸類、菇類、豆製品同蔬菜個人推介有齊曬打邊爐必落既醬料 但可惜冇芝麻醬，如果有埋就perfect ▫️飲品自助區🥤自家製冷泡茶好好飲我就專一地飲白桃烏龍茶 茶味好清香白桃味好重又可以清清油膩感▫️甜品🧁係我最愛的haagen Dazs cookies & cream

我係第一次去牛大人食火鍋午餐，但係因為我未睇清楚餐牌，所以一去到就叫左一個90分鐘放題任食牛同豬，$148再加一服務費。然後入到去見到其他客人都係叫一個套餐，亦都可以出去取食物及飲品，價錢由$72-$178，感覺上再抵啲，但係要下次先可以試。講返我今次揀咗$148任食牛同豬，係任食套餐入邊呢個套餐係最平嘅，牛係上五花，真心係有啲韌嘅，但係佢有好多小食可以手機落單，而手機落單係一人套餐冇嘅，咁就感覺好似有得揀吓嘢食🤣雖然牛同豬嘅質素都一般，但係的確有小食同埋自助吧嘅丸、菜等等任揀都已經好足夠，所以午餐係一定飽。另外不得不讚服務質素，人手非常充足，無論加湯、落單、收拾，幾乎你唔使出聲，都即刻有員工主動過嚟幫忙，感覺幾好！因為價錢都唔貴，所以下次會試吓一人套餐！

同朋友過嚟食放題，🐮想吃和牛，剛好有澳洲和牛任食，點咗濃香番茄🍅鍋。湯底番茄味重，有新鮮番茄粒粒。我哋仲放咗爽口嘅金菇🍄同埋腐竹入去索味。每份的量都剛剛好，🥩什麼都可以試下，肉類種類都好豐富🤓🤓首推澳洲和牛，肉質的嫩滑爽口，係湯底中煮好和牛，再點啲醬料，😚太正了。自助區品種齊全，🧃飲料也很多選擇，推薦自製茶飲🍵，唔會好甜，蔬菜水果都新鮮。店員都很有禮貌，😉幾親切，服務態度幾好。

我最近去了牛大人台式火鍋店食火鍋放題。揀選了極上和牛吃到飽，真的是一次非常滿足的用餐體驗！這家火鍋店提供任點任食任飲的服務，而且他們的牛肉絕對是無可挑剔的。除了新鮮的牛肉之外，他們還提供了許多台式小食，如鹽酥雞、甜不辣等等，還有滷肉飯、和牛牛丸、魚皮、油炸鬼、鴨血、多款餃、丸、蔬菜等等。首先，我要讚揚他們的牛肉品質。每片牛肉都新鮮嫩滑，質地鮮美，入口即化。而且他們提供的牛肉種類非常多樣化，可以滿足不同人的口味喜好。另外，我還想特別提及他們的海蝦和海蜆，這兩種海鮮也是任食的選項，而且非常新鮮美味。海蝦新鮮彈牙，肉質鮮甜。海蜆則是中隻鮮甜。這些海鮮的加入無疑為整個用餐體驗增添了更多的豐富性。除了牛肉和海鮮之外，「牛大人火鍋吃到飽」的台式小食也非常豐富。鹽酥雞外酥內嫩，味道香脆可口。甜不辣則是傳統的台式點心，口感鬆軟，搭配甜辣醬汁更是美味。滷肉飯是一道經典的台灣料理，他們的滷肉入味，搭配軟糯的米飯，令人回味無窮。和牛牛丸彈牙，魚皮脆口，油炸鬼則是外酥內軟，非常好吃。最後，他們還提供了雪糕作為甜點選擇。這是一個完美的結尾，讓人在用餐之後享受到清涼的口感。

作為一間任食既餐廳，但係叫極啲牛都唔到。訂左位7 點鐘開始食，一路叫牛都係速度極慢+無反應，樓面唔見有服務員可以幫手追單，就算見到都係各自做緊自己工作，無時間理客人。到左8點30分，就好準時出現一位哥哥同我地講要last order同埋單，見佢黎得話last order就同佢講要多三碟牛啦，結果佢叫我自己用返app落單，話幫唔到我。既然係咁，咁你洗乜過黎講last order呢？我咩都自己用個app做咪得囉。同佢反映我叫極啲牛都好遲先黎甚至唔知有無黎哩個問題，佢先至同我講話催下廚房，最後根本就唔知有無跟到，因為佢都淨係周圍叫人埋單。食物味道一般，湯底無味，皇帝菜幾新鮮。TLDR：負評

上一次到旺角瓊華店食完之後，其實我都去咗兩次尖沙咀店食，兩次都係叫返酸菜白肉，如果湯底都係有蝦米嘅。想證明返其實呢個湯底真係每一次都有蝦米，瓊華店嘅員工根本都唔清楚呢個湯底，同埋係湯底比較求其，真係好想嗰位員工可以睇到呢個post，同埋可以話返比嗰位員工聽其實呢個湯底係真係有蝦米的。 今次要讚嘅係尖沙咀嘅員工，本身一坐低我哋就話揀最平嗰個餐（我不吃牛的，只是我朋友吃），但係之後可能佢哋員工入錯咗，開咗一個貴啲嘅牛俾我哋揀，而我哋又唔知道嗰個牛原來係貴啲嘅餐，所以叫咗一碟個隻牛肉，結果買單嘅時候，發現價錢唔係我哋所揀嘅，所以之後就同返職員講，而最後經過佢哋一番討論後決定俾我哋去返原本我哋所揀嘅套餐價錢。我覺得佢哋處理呢件事做得好好，事實係我哋真係話要最平嗰個餐，但係佢又開放貴嘅牛肉俾我哋選擇（但前提係我哋唔知嗰隻牛肉原來係貴啲嘅，亦都冇標示）但始終我哋都有叫咗嗰隻牛肉，所以其實我心裏面都覺得可能我哋要俾返貴啲嘅價錢，但係最後佢可能理解到成件事有人入錯或者點樣，俾我哋用返最平嗰個餐，真係10分感謝！其實真係只係少少錢，唔係話幾多，就算係要比都冇問題，但係處理手法就好好，令到顧客都好安心同開

經常幫襯嘅連鎖式火鍋專門店。最鍾意午餐食一人火鍋，食到捧住個肚走都係$100左右，而且可以食好多好多菜。湯底款式有8款，主食肉類主打牛豬雞，仲有好多款火鍋配料同飲品，任君選擇。餐廳空間十足，而且乾淨企理。

牛大人 @masterbeef.hk 主打台式火鍋吃到飽多款由台灣直送的火鍋配料 地道小食 滷肉飯等還有十種台式湯底 超推介晚市120分鐘慢慢食共8間分店 聽聞將軍澳新店在裝修中🎊好期待⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐄澳洲極上和牛吃到飽最貴的套餐也只需$328 贈送澳洲M9和牛牛丸自助火鍋配料吧 及 肉類無限量供應 輕鬆吃回本＊7:30pm前離座/ 11pm後入座 $288＊9:30pm - 11pm入座 $308＊小童&長者優惠價 $228 (任何時段)·🥘牛大人紅燒牛骨鍋店內人氣之選 採用優質牛腿骨先燒後燉而成散發燒牛骨的濃郁香味 保留牛骨中的細緻味道用來涮牛一流🐮套餐包含澳洲和牛M5牛肩卷安格斯特選牛板腱、牛小排、一口牛肉粒美國PRIME極級肩里肌 手切封門柳 上腹牛五花期間限定🥩SRF美國黑牛後腿肉 牛胸爽！推介→隱藏食法：響鈴卷包起牛肉/魚漿/娃娃菜煮·🫕DIY鴨血豆腐鍋任食靚牛肉後 不妨自製一個微辣鴨血豆腐鍋湯底帶有胡椒香 台式豆腐好多孔洞 鎖滿了湯汁私房鴨血口感嫩滑Q彈 飽滿噴汁 真是不敗組合配搭其他肉類吃🥓西班牙豬梅肉片、豬五花片豬頸肉 紐西蘭羊卷肉 花雕酒雞

湯底完全不使用人工調味料，🍲精心熬煮的湯頭為店家招牌。.特色是含有多種中藥藥材的養生高湯， ٩(❛ัᴗ❛ั⁎)湯底濃厚，🥩能夠消除肉的腥味，凸顯牛肉新鮮口感。.就算用來煮海鮮，🍤也可以去掉食材的腥味，美味，口感鮮甜。.肉類已經仔細切片，(´,,•∀•,,`)以最佳狀態提供，🐮牛肉都鮮紅色，好香肉味。.🥘火鍋習慣一邊煮一邊吃，可以同朋友圍繞著火鍋，୧(﹒︠ᴗ﹒︡)୨邊夾自己喜歡吃的食材品嚐。

呢度湯底選擇好多 岩哂心多多嘅大家今次專登叫阿嬤養生濃湯鍋 貪佢味道清清地 可以品嚐倒每種食材嘅原味M5和牛油脂分怖靚 肉嫩帶有肉香前後叫咗幾wound都保持倒水準 個人覺得牛小排更好味 而跟餐嘅和牛牛丸充滿肉汁 爽口彈牙千祈唔可以錯過手打漿 款款都真材實料食倒粒粒墨魚同八爪魚肉小食我就最推薦皮蛋豆腐同台灣小香腸 充滿台灣風味甜品有雪糕同台式鮮草凍兩款朋友嗌咗cookie and cream而我就叫返仙草凍解膩又下火🥰

講起牛大人🐮，相信大家都已經唔陌生，之前係旺角分店食過幾次，今次轉戰尖沙咀分店。 今次同朋友目標明確，專攻牛肉🐂。🤣叫左最貴嘅極上和牛吃到飽套餐，湯底叫左台灣鳳梨雞鍋🐣，鍋底味道酸酸甜甜，除左有2塊大大件既雞，仲加入咗鳳梨、苦瓜、娃娃菜同蜆去煮，清甜得嚟又唔會蓋過食物嘅味道，攞嚟碌牛肉一流呀。 除左叫左1碟水蓮菜之後，枱面再也見不到一點綠。差不多所有唔同牛肉既部位我們都試了，分別有澳洲和牛M5牛肩卷、美國Prime極級肩里肌、安格斯特選牛板腱、手切封門柳、SRF美國黑牛後腿肉、安格斯牛小排和牛胸爽等等。 澳洲和牛M5牛肩卷叫得最多碟，肉質非常鮮嫩，脂肪比例較少，肉味亦都十分香濃。 最後，2個人淨係牛肉都食左25碟，相當滿足。 仲有叫了些特別想食既：🥓真珠小香腸，配蒜食一流。 🦆私房鴨血，鴨血QQ彈彈，好嫩滑，值得一試。 🦢百配鵝脆腸，爽脆彈牙。 打完邊爐後，以movenpick雪糕和同賣燒仙草作結尾。 總結，食肉策略相當成功，希望下次可以破記錄🤭