牛大人台灣火鍋吃到飽

营业中

休息中

人氣台式火鍋專門店—牛大人，120分鐘吃到飽套餐一直大受歡迎，全因性價比高；食客可以自行挑選各種台式風味火鍋湯底、一次過可品賞到多款優質肉類、魚丸魚滑、手工餃子及台灣地道小食等，相當豐富！今次揀選牛大人紅燒牛骨湯，味道香濃入味，牛骨湯帶有一絲絲甜味，火鍋整體愈食愈出味，另外值得一提，牛大人各款涼茶特色飲品，相當適合打邊爐個時飲用，清熱解渴♨️ 餐廳環境企理乾淨，座位空間感充裕，整體屬於幾出色既台式火鍋餐廳～

✔️澳洲極尚和牛吃到飽套餐 $328尼個套餐可以叫晒唔同款式嘅靚和牛🥰仲有每人兩粒澳洲M9和牛牛丸 牛味濃郁 口感彈牙 入面仲有好多肉汁 好食😋湯底我哋揀咗台灣濃香蕃茄鍋👍🏻✨牛肉✨牛大人主打牛肉 我哋鍾意比較肥美嘅部位 因為肉質更為嫩滑🤤所以推薦尼度嘅安格斯牛小排 同澳洲和牛M5牛肩卷👍🏻👍🏻另外SRF美國黑牛後腿肉嘅牛味非常香濃 鍾意食牛嘅你都一定要試吓😝✨其他✨除咗牛肉呢度嘅海鮮都唔錯 我哋叫咗海蝦同沙白 食落都幾有鮮味😋另外 花雕雞、鵝腸、鴨血都係唔錯嘅選擇🥰我哋試咗好多人推薦嘅芝麻麻吉燒 感覺上似粒湯圓擺咗喺蕃茄湯入面煮 講唔停就覺得麻麻地🤣都係主攻牛肉好啲🤩✔️鴨屎香檸檬茶呢排做緊優惠 Follow 社交平台page同like咗個post就會送👍🏻有澀澀地嘅檸檬味😌

過完聖誕又到新年 唔知大家打咗邊爐未呢！🍲 講到打邊爐必選一定係牛大人🤭今次嚟到新開張嘅Popcorn店 去到將軍澳都有得食牛大人！🐮◍ 「極上和牛吃到飽套餐」 🐄 $328牛大人最出名就係食佢哋嘅120分鐘吃到飽套餐 今次揀咗唔高級嘅澳洲極上和牛套餐☺️淨係牛都有成7款咁多🤩必試封門柳同安格斯一口牛肉粒 食落好有口感☺️揀極上和牛套餐仲會每位贈送M9和牛牛丸2粒 一食就爆晒汁 的確比起普通牛丸出色得多😋📍牛大人台灣火鍋吃到飽 (Popcorn) (將軍澳) #lala_foodie_tseungkwano 將軍澳唐賢街9號Popcorn 2樓PopFood 3號舖

牛大人出曬名係高質火鍋 🤭🤭 不斷開分店 !! 今次終於嚟到將軍澳區 !! 咁近屋企冇理由唔試吓掛 !! 我哋今次食最貴嘅套餐 - 澳洲極上和牛吃到飽套餐 (2 個鐘) ($328) 😆一如以往調味料區乾淨整齊 , 款式又多 , 麵食區都係好多選擇 , 有我最愛嘅新竹米粉 !! 仲有飲品區嘅 signature 自家製冷泡茶 !! 😏😏阿嬤養生濃湯鍋 湯底好足料 😮😮 有桃膠 , 龍眼肉 , 娃娃菜 , 大大粒杞子 , 蟲草花 , 湯底清甜 , 唔會搶咗食材嘅味道 !試咗好多火鍋配料 , 想推介以下幾款 :手切封門柳 - 西餐食封門柳食得多 , 打邊爐第一次試 , 質地夠厚 , 牛味濃 雪花豬頸肉  - 咬落去油脂豐富 , 一啲都唔鞋 !!我最鍾意係安格斯牛小排 , encore 左咗好多碟 !! ❤️❤️另外仲推介海蝦 , 沙白蜆 ,  蜂巢豆腐 , 木耳 , 脆肉鯇 !! Like 牛大人 社交平台會送鴨屎檸檬茶 😋😋 好有驚喜 , 香檸味好正 , 唔太甜 , 好清新 , 茶味清清地 , 大家一定要試 !! 估唔到送嘅都咁有驚喜 ! 😌😌甜品有 Movenpick 朱古力雪糕 ,  2

將軍澳popcorn終於開咗牛大人 新一年當然要對自己好啲 決定食返餐靚火鍋先🥰 將軍澳牛大人地方都寬敞 自助區都乾淨同光猛 職員態度好👏🏻 澳洲極上和牛餐 $328牛大人紅燒牛骨鍋好似食緊台灣紅燒牛肉麵咁 味道濃厚 微微帶辣 同牛肉好襯👍🏻澳洲M9和牛牛丸M9和牛牛丸跟餐每人送2粒 和牛味好濃好香 咬落去仲會爆汁 質地又唔會太硬 我好鍾意食🥰SRF美國黑牛後腿肉和牛餐嘅限定 黑牛後腿肉就比較似赤身 冇咁多油脂 質地軟嫩 唔會鞋口😉黑松露海鮮漿期間限定 好似黑松露墨魚滑咁 咬落爽口彈牙 仲好似有啲墨魚粒咁 黒松露味後期滲出 都幾香👍🏻澳洲和牛M5牛肩卷呢個餐先有嘅和牛牛肩卷！牛肩卷為薄切 牛味濃同油脂分布平均 唔會有太肥膩膩嘅感覺😋 食完一塊又一塊 掂埋醬料又另一番風味～鴨血台式火鍋必叫 鴨血本身醃過 自帶花椒八角味 質感滑嫩 唔會一夾就散🫶🏻台中仙草凍次次都會揀呢個 一嚟特別啲 二嚟仙草可以下下火咁自助區有好多配料 例如蔬菜、丸類、麵⋯⋯ 加萵筍同蘿蔔慢慢煮 可以吸晒湯底精華 入晒味😋 我仲加咗台灣必食嘅王子麵 麵底唔會太多 作一個好結尾😚飲品有自家冷泡茶、汽水同熱飲 比如桂圓紅棗茶

.‼️❤️ 記得CLICK我PROFILE關注我呀 ❤️‼️.🥘 𝘼𝙡𝙡-𝙔𝙤𝙪-𝘾𝙖𝙣-𝙀𝙖𝙩 𝙃𝙤𝙩𝙥𝙤𝙩 𝙎𝙚𝙩 @ 🌟 牛大人台灣火鍋吃到飽《👽食神大媽打邊爐》.👽 大媽成日翻兜嘅「牛大人」開咗呢間新分店，即刻同區內朋友仔去試吓。呢間分店好鬼大間，坐位非常舒服。.🥬 自助區照樣係由台北直送嘅食材，淨係啲丸類同埋蔬菜類，咁多種類選擇，基本上都已經食得飽。.🥩 我哋今次照樣揀「澳洲極上和牛吃到飽」套餐，因為佢真係好抵，淨係HKD 328可以食到澳洲和牛，仲要送「澳州和牛牛丸」！.🥘 湯底方面，佢有個期間限定嘅「椒皮辣椒雞鍋」，即刻趁有機會試吓。佢冇其他辣湯底咁辣咁油，不過就好惹味，同埋啲湯算幾清，非常唔錯。.🐂 叫呢個套餐，重點當然係食「澳洲和牛M5牛肩卷」，講真真係好優質，冇筋，同埋唔係切到薄到透光偷工減料，大塊有肉味。仲有好多其他優質部位選擇。.🍡 最鍾意佢有好多台灣美食選擇，例如：順德鯪魚球、台式蝦餃、豐原排骨酥、台灣鯛魚片、澎湖花枝漿，尤其麻吉燒好好味。唔會淨係打邊爐咁悶，呢啲小食全部都好好味。.🍋 佢仲做緊推廣，只要關注佢FB或者IG，就可以有一杯「鴨屎香檸檬茶」。超級好味，尤

🍲好耐冇打邊爐，好彩屋企附近有牛大人😋呢日要咗個「極上和牛吃到飽套餐」💰$328，另外有「美國安格斯吃到飽套餐」💰$288、「精選嫩牛吃到飽套餐」💰$248湯底好多選擇，要咗阿嫲養生濃湯鍋，另外佢仲有🧄台中蒜頭雞鍋、🍅台灣濃香番茄鍋、🦴牛大人紅燒牛骨鍋、🌶️牛大人秘方麻辣鍋等🐮SRF美國黑牛後腿肉🐮澳洲和牛M5 牛肩卷🐮安格斯牛小排三款牛都好食，薄身唔韌🐮手切封門柳先生鐘意食，有口感有肉味🥟福建燕餃食親牛大人都食嘅，包得實淨唔易散，細細條食肉味不錯🥟高麗菜水餃🥟韭菜水餃唔好煲太耐，否則易散開，肉餡味道幾好🥢即炸午餐肉好厚身出面仲有自助吧，可以拿🥬菜、🍜麵、🧃茶飲等💰$328+10% service charges / 1 person🚩牛大人台灣火鍋吃到飽 (Popcorn) (將軍澳) @masterbeef.hk 📍將軍澳唐賢街9號Popcorn 2樓PopFood 3號舖

嘩，話說我啱啱喺“牛大人台灣”食咗場肉食盛宴呀！最搶眼肯定係佢哋嘅澳洲極上和牛啦，個個係咁叫好食！首先，嗰麻辣湯底真係正！勁夠味🌶️，煮啲牛肉出嚟又夠香又夠麻辣，刺激到我啲味蕾跳舞💃！佢哋個澳洲M9和牛牛丸肉味濃郁到不得了，質感扎實，一啖咬落去話唔講得咁滿足，就係唔夠再嚟幾粒咁好味。而家講下其他幾款牛肉，安格斯牛小排好有嚼頭，肉質彈牙；牛肩卷呢，軟滑得嚟肉汁充足；封門柳就香濃得嚟一啖又一啖；黑牛後腿肉少少油，但味道濃郁，過癮！食肉之餘，我仲一定要提提你哋啲海鮮同配菜都正！尤其係海蝦🦐，新鮮彈牙，真係唔食會後悔。最後，選擇界嘅冬瓜茶同仙草凍都令我清新提神，喺滿屋肉香之中加啲清甜滋味，完美！總之，呢度既有質量又有選擇，肚仔飽，心靈都滿足👍🏼。我打算遲啲再約多幾個鍾意食嘅朋友過嚟，我深信佢哋都會鍾意！响將軍澳食到咁嘅地方，真正係罕有！最後小貼士，下次我會早啲黎，咁可以食得再慢啲，再享受啲！🥳🍖

第一次寫食評，因為從來未試過咁嬲。冇訂位18：30去到，店員話冇曬位，俾張飛話要等下一輪19：15等有訂枱的客人入曬座，就會安排walkin入座。OK，我地等，等到19：15開始叫曬訂枱客人入座，輪到叫walkin客，點知遲過我地來的客都入曬，都未叫我地，當時19：35，走埋去問店員夠竟有冇位，佢話有位安排緊，好～咁再等多陣囉，19：45再問店員其實有冇位，冇位就早D講，佢話執緊枱，最後19：50先有位俾我地。好心冇位就唔好hold住D客啦，一定唔會有下次😡😡😡

呢間火鍋連鎖店應該無人唔識，終於等到佢喺將軍澳開分店啦！身為火鍋控當然要去試試！平日未夠七點已經坐滿，店內周圍環境闊落，地方乾淨，食物水準不錯！澳洲極上和牛 （$328 120分鐘）🔸 湯底有十款湯底選擇，我地揀左台灣鳳梨雞鍋，湯底味道清甜，有半隻雞雞肉入口嫩滑。🔸 肉類每位贈送澳洲M9和牛牛丸兩粒，粒粒爆汁仲有超濃牛肉味，非常彈牙！多款肉類牛味濃郁，食落肉質嫩滑，淥幾秒就食得！分別有安格斯牛小排、澳洲和牛M5牛肩卷、美國SRF黑牛、手切封門柳、一口牛柳粒、牛五花！🔸 海鮮火鍋配料有蜆、蝦、魚等新鮮海鮮，鮮蝦和蜆都大大隻，好鮮甜！仲有各款菜類、丸類、菇類，魚漿類。必食黑松露手打墨魚滑，超香黑松露味道！仲有牛大人獨有，例如台灣直送水蓮、芋頭丸和瓜仔雞水餃都好特別，可以一試！🔸 小食必食鹽酥雞和炸魚皮，非常香口！仲有各種台式小食有甜不辣、油炸鬼、台灣腸、炸甘薯等……🔸 飲品最愛佢地自家製茶，白桃烏龍、桂花烏龍、洛神花茶…等等。仲有數唔到甘多款的啤酒、汽水和果汁。🔸 甜品食完火鍋配料，再黎一個台灣王子麵，王子麵索晒湯汁好正，幾飽都食得晒！最後黎個仲有仙草芋圓或者Häagen-Dazs雪糕，大

今次嚟到牛大人將軍澳分店，的確有些失望！訂坐19:00（星期日），到埸登記19:03在場仲係好多人等，但仍然要大量照顧Walkin客，其實，根本浪費客好多寶貴時間！等咗20分鐘方可安排入座，但仍要等待人員清潔枱面，但點餐紙已出！門口接待處人員態度差，店內員工未有及時清潔和準備餐桌完備就請客人入座，可見服務一斑😅。入座後，送餐員工比較懶散和粗魯，放低餐盤也好大聲，仲有一樣事情，佢哋搞錯枱號計用餐錯時間，真係一句祝福「中伏」，感受好直接影響當日對食物嘅體驗，所以我哋好快食完埋單走人！下次真係唔敢再試將軍澳分店，我會建議改去荃灣分店。

今日放假帶咗媽子去popcorn睇戲睇完戲就當然要去搵食啦比我見到呢度新開咗牛大人梗係入去吃到飽啦😋新店裝修採用木系裝修睇落寛敞簡潔 坐得幾舒服我地點咗澳洲極上和牛吃到飽套餐（$328/人） 🍍 台灣鳳梨雞鍋 揀佢係因為覺得呢個湯底幾特別湯底裏面有菠蘿、苦瓜、魚乾、蜆同雞仲配埋吸曬湯底既津白及薑片 超豐富湯滾起梗係第一時間試湯頭飲落好有層次有淡淡嘅菠蘿香又甘甘地用呢個湯底打邊爐都幾健康 又食到食材本身既味道🥩 SRF 美國黑牛後腿肉（期間限定）超正！牛味好濃，肉質軟韌度剛剛好🥩安格斯牛小排切到薄薄的 易咬岩曬媽子食呀一放落去幾秒就熟 即刻食得🥩封門柳切到比較厚身 食落有𡁻口 牛味更重🐮 澳洲M9和牛牛丸每人包左2粒牛丸口感彈牙仲好Juicy🥬 🦐 其他食材啲海鮮都唔錯 夠新鮮特別係隻蝦 大大隻一咬落去肉質彈牙蔬菜、飲品、丸類都有好多選擇井井有條咁放曬係自助區🧃飲品自助區大推自家製冷泡茶特別係白桃烏龍 茶味好香🍨 甜品每人一份甜品 可揀芋圓/雪糕媽子點咗黑白配（仙草凍加豆腐花）唔太甜啱晒佢老人家我就梗係食最愛嘅士多啤梨味雪糕啦BTW職員服務殷勤有禮，多次主動問我地要唔要加湯💕

好開心將軍澳開了牛大人，位於將軍澳唐賢街9號Popcorn 2樓PopFood 3號舖。 晚飯時間大約七點到， 店內環境舒適， 自助區有滷肉飯、丸類、菜類、飲品和醬料，點了極上和牛吃到飽套餐$328 和紅燒牛骨鍋。 🔸飲品 ～ 飲品種類多， 自助區有罐裝、紙包和冷凍茶， 還有手搖台式飲品🧋， 至喜歡金桔椰果和冬瓜茶，而我最喜歡冬瓜茶，味道甜美又消暑。 🔸紅燒牛骨鍋🫕 ～  超香濃的牛肉味， 湯底 越食越出味。 🔸火鍋配料 ～ 有和牛牛肩卷 、美國PRIME極級肩里肌、 SRF美國黑牛後腿肉、 安格斯特選牛板腱、 上腹牛五花、 手切封門柳、紐西蘭羊卷肉、 北海道十勝豚、 章魚珍珠漿、干貝鮮魚漿、蟹籽墨汁漿、海蝦、沙白、鯇魚片、台式蝦餃、皇帝菜等等， 款式多， 每一次都唔會食得曬！推介幾款我特別喜歡的火鍋配料，澳洲M5和牛牛肩卷🥩， 肉味濃郁又嫩滑， 油花分佈平均， 打邊爐一啖一塊， 食得特別爽👍🏻！ 海蝦🦐甜美， 肉質夠鮮。蟹籽墨汁漿很新鮮🤤，嫩滑又Q彈。 🔸澳洲M5和牛牛丸 ～ 套餐每人有兩粒和牛牛丸， 入口Q彈美味。 🔸熟食 ～ 今次食了滷肉飯， 香濃美味。 🔸甜品 ～ 最後到甜品時

📍之前都有食過牛大人，依家分店越開越多，開到埋將軍澳都有，今次約咗同事過嚟食！套餐比較人氣嘅有美國特級安格斯餐($288)同澳洲極上和牛餐($328)，澳洲極上和牛餐除咗有澳洲和牛M5牛肩卷之外，仲有我哋最鍾意嘅封門柳！不過我哋發現最好食係牛小排，淥7-8秒就食得，好軟入口即化！套餐仲會每人送兩粒和牛牛丸，都好重牛味同多汁。牛大人嘅湯底選擇都幾多，揀咗招牌之一嘅紅燒牛骨鍋，少少辣幾惹味，同埋個湯底味道偏濃，唔使點醬都夠味食，出邊仲有新竹米粉同王子麵可以拎，索哂啲湯底食最正！配料咁多款入邊最推介麻吉燒，有芝麻同花生味可以揀，放入湯底之後煮嚟食又甜又鹹反而又幾夾！我哋每人食咗超過10粒。

最近天氣凍 最啱就系烚下烚下😎加上聖誕節 梗系要食飽飽啦🤪呢間被譽為最抵食火鍋放題嘅牛大人越嚟越多分店 終於開到嚟將軍澳近近地史努比梗系要去啦😛-放題分咗3個價位 今次嗌咗最貴嗰個set原價$328 19:30前離座就$288 真系幾抵😛.👍🏿澳洲極上和牛套餐 $328先講湯底 史努比揀咗鳳梨雞鍋幾appreciate佢湯底夠清👍🏿不過其實就冇乜味 只有淡淡嘅甜味醬料選擇唔算太多 史努比試咗兩款豉油 兩款都偏鹹🙌🏿另外有款幾特別嘅洋蔥牛肉醬上面有啲蒜蓉同芫荽 唔會太鹹 略帶少少甜味但芫荽味太重 史努比麻麻😂.攻略😂：知道唔系個個都鐘意睇長文 所以寫個攻略先🤪有興趣先再睇～唔同價位嘅牛肉確實有分別 牛魔王嘅話揀最貴個set你會好滿足但如果食放題唔系狂食牛嘅話揀中間嗰個都夠架啦佢仲有好多台式火鍋配料連海鮮(蝦、沙白、脆鯇腩)呢啲都有提供加上質素唔錯 呢啲全部價位都有得食😍史努比特別推介鴨血、脆鯇腩、鯛魚片⭐️所以如果大家去嘅話按自己需要去揀詳細食評歡迎繼續睇落去🤣.Lv3👍🏿澳洲M9和牛牛丸 9/10最貴個set會送每人一客嘅和牛牛丸每人得兩粒 等史努比試下有咩咁把炮先😛牛丸都幾彈牙 重點系