牛品台式火鍋

营业中

休息中

近來在YOUTUBE不小心看到 晴天林的《小品之歌》"嚟牛品打個邊爐 把憂鬱苦惱放入個煲""嚟牛品 牛品 食完碟牛先再諗""牛品 牛品 就忘掉世間黑暗"非常洗腦，把持不住就相約友人到尖沙咀【牛品台式火鍋】大吃大喝一番。火鍋店佔地逾5000呎，寬敞闊落。裝潢亮麗雅緻。自助區食物飲品排列得井然有序。客人取食物偶然不小心弄污也會迅速處理，清潔衛生吃起來也特別放心。放題套餐價位由$179起，可任吃任喝2小時。湯底由台灣直送，其中秘製麻辣鍋、元氣養生鍋和酸菜白肉鍋是店內招牌。特式火鍋配料以QR Cord下單，還有十多款地道夜市小食可選。點了$299「牛御品」套餐，亮點是肉味濃厚，油花均勻的"澳洲M9和牛肩胛肉"和脂肪較少，更有咬口的"安格斯牛板鍵"。每位還附送"新鮮活鮑魚"或"棒球貢丸"，性價比甚高。台灣直送的火鍋配料"麻辣鴨血"軟嫩帶彈性、辣勁十足，Encore了數次。本港不常見的紫紅色蘿蔔"心內美"鮮甜帶甘，"水蓮菜"翠綠飽滿，入口清甜爽脆。小食"椒鹽蝦"鹹香鮮美，滋味得連殼也想吃掉。"鹽酥雞"外脆內Juicy、"原味香腸"皮脆肉香、"宜蘭蔥餡餅"肉汁滿滿蔥香四溢，"炸地瓜丸"金黃酥脆

Lunch time 四圍都排晒大隊，經過發現原來呢個位本身嘅邊爐鋪已經改左名變埋做台式（後尾發現原來已經轉左好耐），見無人等緊位一於試下佢。玩法同其他同類嘅餐廳都係大同小異喇， 佢有一個係「60分鐘午市定量套餐」有十款湯底同八個餐可以揀，第一次嚟又想食牛，於是揀左佢平少少但係全牛果個「精選美國牛胸腹」（150）配「沙茶海鮮鍋」 坐底就去佢個「自助食物」區拎其他野食，有丸呀、菜呀、菇呀等等，當然仲有醬料區畀大家隨意「混醬」，另外仲有幾個雪櫃可以攞飲品，每人可以最多拎兩杯。湯來了肉來了，開飯喇～！ 湯底比想像中腍 同濃， 都幾夠味，入面有兩隻蝦，幾隻蜆同一隻青口。 肉一嚟就一人三盤，比想像中多，牛嘅質素合理，絕對無輸。 60分鐘要清晒佢其實都有少少趕，但係好夠飽， 埋單連加一人頭 $97 絕對係物有所值！ 佢其實有好多好多唔同嘅套餐玩法嘅，大家可以睇下自己有幾多時間同可以食幾多野去睇下點邊個餐最抵~

最近發現間幾抵食既台式任食邊爐，食材都係台灣直送，仲有水蓮、鴨血、芋圓等少見既選擇提供，呢晚就同左朋友一齊食😝晚市餐廳都幾Full，建議book定位，好彩野食上菜速度幾快，亦都唔覺有漏單。牛御品120分鐘放題套餐>澳洲M9和牛肩胛肉：M9係澳洲和牛最高等級，油花呈雪花狀，肉質嫩滑，食落口肥而不膩，牛味濃郁，我太廢食得7碟，惟有靠朋友食到回本😣>美國封門柳：封門柳切成心形咁，雖然脂肪較少，食落肉質有少少緊實，但肉味幾濃，打邊爐食都唔錯。>新鮮活鮑魚：每位有一隻，用筷子督下佢仲識郁😂淥熟後食爽口彈牙。>蜆&海蝦：加d海鮮打邊邊，個湯底都鮮甜d，蝦好爽脆；蜆大粒又無沙。>麻辣鴨血：辣度適中，食落細膩嫩滑，帶少少藥材香。>花枝漿&手工蝦滑：打邊爐必點，質素都唔錯👌🏻>芋圓：有好多配料揀：檸檬愛玉、小圓子、仙草、芋圓+蕃薯圓、海藻球、紅豆、紫米等等，可以砌岩自己心水既，當中檸檬愛玉酸酸地又滑溜，推薦。本身飲品區都有汽水和茶，如果想升級飲台式飲品，仲可以用優惠價$20加配春陽茶事既飲品。

有得去旅行但仲未去得台灣只好和朋友吃個台式火鍋止止癮晚市套餐分4個價錢用餐時間為120分鐘牛御品吃到飽套餐可點多款高質肉類包括澳洲M9和牛肩胛肉、安格斯牛板鍵除了牛肉西班牙栗飼豬梅肉、花雕酒雞件和紐西蘭羊肉卷也值得一試店內多款食材由台灣進口包括大甲芋頭、棒球貢丸、百葉豆腐、燕餃蛋餃麻辣鴨血也可任叫任食台式小食主要為滷水炸物牛品牛三寶、甜不辣、麻辣牛展、鹽酥雞、五味墨魚仔、炸地瓜丸米血糕、蔥餡餅款式多得好像把整個台灣夜市帶了過來飲品有罐裝汽水及自家製杯裝冷泡茶白桃烏龍、桂花烏龍、洛神花茶無糖更突出茶香還可以折扣價$20點春陽茶事飲品1款非常超值甜品區可任吃最愛的三色芋圓配上仙草凍和愛玉等9款食材充滿台式風味餐廳不但環境寬敞舒適食材尚佳服務也令人滿意性價比高會再回訪喔

放假去咗尖沙咀行街，行街前先搵間餐廳醫醫肚，由於我未食早餐好鬼肚餓，所以搵咗間火鍋吃到飽。呢度開業都差唔多有一年，餐廳嘅用餐環境以及洗手間都給我有一種剛開業一個禮拜新餐廳的感覺，非常乾淨。座位與座位之間好寬敞，唔會有逼夾嘅感覺，坐得舒服；餐廳一直播放著華語歌曲，完全係我平時聽嘅歌List，在這裡吃台式火鍋好似瞬間返咗去台灣嘅感覺。😂😂自助區方面有▪️醬料區 - 醬料選擇多，必試沙茶醬。▪️自助食物 - 台梗九號米、肉燥、滷豬手。▪️台灣直送 - 有蔬菜類、丸類、菇菌類、王子麵、響鈴。▪️台灣直送 - 台灣紅茶(熱)、台灣烏龍茶(熱)。▪️台灣直送（甜品） - 芋圓、仙草凍、綠茶愛玉、紅豆、小圓子、西米、紫米、海藻水晶珠、寒天。▪️冰凍飲料 - 有冷泡茶、蘋果西打、無糖飲品、燒仙草爽、汽水。🐮我地揀咗牛極品午市吃到飽套餐 $218，限時90分鐘。📱餐廳都係用「QR CODE」落單，上菜速度都幾快，呢度嘅湯料都係台灣直送。▪️牛品秘製麻辣鍋我地點咗小辣，香、辛、麻都有。湯底唔會好鹹，裡面有麻辣鴨血係度，但如果可以再Refill 會更好。▪️元氣養生鍋 不得不讚呢個鍋，用咗好多花旗蔘，蔘湯味道非常濃烈，放咗

今日係尖沙咀拍完野就黎搵野食啦！係樂道到見到呢間台式火鍋，午市都有放題食，而且價錢唔算貴～所以決定同朋友一齊入去食！呢度既格局幾特別～裝飾新淨～食材擺位都好鮮明，仲有台式小食可以叫，有鹽酥雞/滷肉飯/炸地瓜球！ 湯底可選鴛鴦湯底自選兩款唔同既湯底，我地選左聽落好養生既人蔘雞湯同牛品一品鍋湯～我地選左牛極品呢個級別！午市食90分鐘😋有美國頂級牛肩胛肉，好大塊好腍～雪花分佈都好靚！之後仲有安格斯牛板鍵～都係好好食，牛肉質素幾高級，手機掃code 落單，好方便！ 食物bar果邊有火鍋醬料可以自己調配～另外仲有滷肉飯可以自己𢳂！凍櫃既食材好整齊仲有冷煙霧散發出嚟～保持食材新鮮，店員話全部食材都係台灣進口，唔怪得啲貢丸咁好食！ 仲有鴨血任食～！手機Menu入面都有啲要額外加錢既食材見到有M9和牛可以點～不過今次冇食到～下次再試吓先！ 飲品方面有佢地自家製嘅杯裝鮮烏龍茶～同埋可以用優惠既價錢20$買隔離舖既春陽茶事台式飲品！ 食到最後食埋佢地既芋圓甜品！ 有好多配料俾你選擇！個芋圓都好好食呀🥰整體上呢間台式火鍋店性價比幾高！ 環境又坐得舒服～ 係可以再黎食既！

-牛品台式火鍋🥢上星期某日同台灣朋友去買春陽茶事話一定要同我試下間店樓上既台式火鍋 見而家天氣轉凍又好耐冇食 就去試下呢個以食材為台灣進口做主打既放題🥢牛御品120mins 吃到飽套餐 （$339/pp）🧉湯底 - 鴛鴦鍋（+$50）一共有10款湯底 揀左較為養生同台味啲+ 元氣養生湯鍋 非常足料 有蟲草花 藥膳同雞肉 好香 又唔怕好重藥材味 都幾好飲~+ 酸菜白肉湯鍋 白肉係五花肉片 唔會太酸 好香 肉質爽口🥩 澳洲M9和牛肩胛肉🥩 頂級美國肩胛肉 2款都係薄切大片 肉質好好 落鍋即熟 🥩安格斯一口牛 - 好厚實 牛味濃🥩西班牙穀飼豬個人認為五花肉同酸菜湯底好夾 肉質爽口🦪送新鮮活鮑魚 - 好新鮮 肉質爽甜🥣芋圓甜品區選擇性多 可以一次過食曬所有料 重點係有芋圓任食好豐富呢 湯未滾起就已經食左一碗~🍚肉燥飯 - 肉燥任裝 個味道好有係台灣食到果隻味道😍🥢台灣丸類 + 菜品選擇多又高質 麻吉燒好q彈 香菇貢丸不錯仲有蘭花干 水蓮花好有台灣特色🥢台灣小吃炸地瓜丸外脆內軟 台灣朋友讚到停唔到口鹹酥雞外脆內軟 如果有埋椒鹽粉就滿分🥤飲品蘋果西打 - 估唔到台灣先有既飲品 呢度都有桂花烏龍茶

話說今日經開尖沙咀，突然之間好想打邊爐，於是求其搵間來個快打。搵到呢間牛品係左近，於是膽粗粗上去試下。初初見要上一層樓梯感覺上面應該坐得唔太舒服。但原來上面地方好寬敞，枱同枱之間好闊落。地方非常整潔，而且不只提供午市套餐，仲有牛極品火鍋。性價比高,鴨血任食,食材台灣進口,有M9和牛。另外，點春陽茶事的飲品,仲可以平$20一杯。食物方面我地集中火力專攻牛肉。牛肉都有3款，質素相當唔錯。最驚喜係佢有我最愛嘅牛雜鍋。牛筋牛肚炆得非常淋同入味。配料有最緊要的凍豆腐，索湯一流。小食有鹽酥雞同豬耳，味道唔錯。台式甜品有好幾款可以自己撈，好過俾雀巢雪糕。最後想淥個麵做總結，但好太飽。所以索性以牛代麵，滿足到晚餐都skip埋。服務方面，上菜速度超快，全冇漏單。值得一提，廁所好乾淨，廁格內超級寬闊。由寶塔行到廁格門足足要行2步，試問香港地邊有廁所可以咁有空間感？整體感覺唔錯，會翻兜。

喺isquare睇完戲，去附近搵下野食，近近地有間牛肉火鍋放題叫牛品，啱晒啦，咁肚餓就食放題啦。午市有定量火鍋同任食火鍋，仲有午市套餐可以食飯麵個啲，仲有台式飲品，好多選擇咁喎。兩點幾入場，店員告知3點last order，3點半落場，時間係有啲趕，唔理啦，一埋位即刻落單先，店內用自己wifi同qr code落，好快就有湯底同肉啦。湯底要左鰹魚昆布，清清地啱晒食肉。放題餐就要左極品牛餐$219/位，有數款牛肉同豬肉片，仲有羊肉、雞件同台式小食。牛肉片肉嫩唔肥，真係好正，其中牛肩胛同牛舌片encore最多次。另外個人覺得羊肉片都好正，好重羊味好香呀。自助區有菜、菇、響鈴、丸等，推介百頁豆腐，滾起上黎外面煙韌內邊好嫩滑，同平時食開嘅口感唔同。台式小食要左滷水豬耳、鹽酥雞、甜不辣、炸地瓜丸同午餐肉，豬耳滷得入味，唔輸比滷水店喎，炸物正常味啦，勝在即炸仲係熱㗎。飲品有唔少罐裝選擇，仲有店家冷泡茶，白桃烏龍、桂花烏龍、洛神花茶，全部無糖正呀，兩杯烏龍都好清香，洛神個人就覺得酸左啲。最後唔少得留肚食甜品，任食！係任食呀！整碗勁豐富嘅芋圓仙草先，貪心啲咩都加晒佢，好正～強烈推薦綠茶愛玉同海藻水晶，再

今日食嘅呢間牛品係喺上年年尾開業，主打新鮮湯料由台灣直送，食材都係由台灣進口😜用餐時間有成120分鐘咁多😚😚有四款嘅吃到飽餐廳選擇，我地就簡左中上價格嘅「牛御品」套餐，價錢承惠「$339/位」，可以食到高質嘅澳洲M9和牛肩胛肉🤩8:30後入座更低至$319/位添呀❣️呢款套餐落單後仲會即送新鮮活鮑魚或者棒球貢丸添呀😙😙未食先拎人留哂口水啦🤤🤤🤤湯底方面仲有10個唔同味道嘅湯底可供選擇，想2隻味都試就可以加$50選擇鴛鴦鍋😚😚我地今次就簡咗元氣養生鍋同埋蕃茄濃湯鍋啦😜😜 兩個湯底都夠哂濃郁，打邊爐都可以養生🙈養生鍋入面有大量嘅雞件同埋養生嘅材料，真係好足料😌嚟得牛品就梗係直入主題品下牛先😚牛御品食到飽，馬上叫返兩碟套餐主打澳洲頂級M9和牛歎下🤩牛肩胛綿潤口感感覺奢華。連同美國肩胛肉、牛板腱、牛胸腹、封門柳同牛舌等等選擇充足😽😽😽食落果然肉質軟腍，牛味濃郁🥰🥰海鮮方面主要有青口、鮮蜆同埋虎蝦😙其中火鍋蜆肉較少見🤤整體都新鮮無沙，值得一讚👍🏻台灣火鍋配任嗌麻辣鴨血，嗜辣嘅就緊記唔好錯過🥳🥳而其他台灣直送配料質素高，取用區域闊落企理🥺凍櫃仲配有風閘，鮮度保存大大加分✌🏻食到最後，突然見到原來有得

超推介台式火鍋，近年我最喜愛火鍋店頭5位之餐廳！不知道是否日日都full booking要排隊呢，記得來食要book台！！環境非常乾淨，無論碗碗碟碟，還是外面的醬料區，自助食物，加上食物質素和款式很有驚喜，食材台灣進口，性價比極高，食材新鮮又有自己餐廳的獨特性，真的很滿意，很久無食一頓飯食得如此快樂。人均：$356.5.選了牛御品套餐鴛鴦湯底：養生鍋+牛品秘製麻辣鍋（需加$50）入去前要選定套餐所送的鮑魚或棒球貢丸，我們要貢丸，因為好少地方可以食到，之前食都是奶奶買比我們食！.湯底平時最愛麻辣，夠香夠麻，今晚養生鍋是我最愛的愛，滿滿湯料，湯滾先飲一口，哇了一聲，好足料有味，食到尾都仲有味！.所選套餐主打澳洲M9和牛肩胛肉外，還有美國肩胛肉，牛板腱，牛胸腹，封門柳，牛舌片，安格斯一口牛，豬兩款肉，羊肉和醉雞....全部肉叫了一轉，之後主打食M9，入口即化，在今晚的牛肉中，油脂雪花分布最均勻，肉香味又十足，超正！一口牛好有口感和奢華感！.實在太多選擇和款式，app落單主要是肉類、海鮮（青口和蝦好大隻）、丸類、台式小食（炸地瓜丸好好食）、自費飲品等等，其他外面有飲品區（桂花烏龍👍🏻），台灣直

我哋真係好鍾意食火鍋今日又帶咗大小姐去食午市火鍋放題啦又去咗位於尖沙咀嘅牛品台式火鍋好難得人少少可以食得好舒服呢度嘅午市火鍋放題套餐價錢好優惠60分鐘午市定量套餐由$68起想食好啲仲可以揀90分鐘吃到飽添今次我哋就揀咗60分鐘定量套餐有西班牙栗飼豬梅肉仲有精選美國牛胸腹雖然價錢平但係食物質素都唔差㗎除咗本身套餐入邊嘅肉類之外其他蔬菜同埋丸類可以於自助區自取飲品方面每位包兩支嘢飲除咗汽水之外仲有健康茶飲天氣開始轉凍大家應該都會經常食火鍋㗎喇下次不妨去試吓啦

有靚靚牛肉放題，更加有多款小食！💕哩一間店嘅牛肉真係上得好足，而且服務態度好，waitress成日都會行過嚟👍幫你收碟。🥘環境坐得冇咁擠迫，自然會食得暢快啲✨牛肉一定係必叫，🤓我哋試咗好多款，最鍾意嘅都係🐮澳洲和牛。入口好香嘅牛肉味，用嚟打邊爐就最正🥩另外值得一提🍧佢哋嘅甜品自助區，因為有多款嘅配料可以俾你自己加，🍮我最鍾意煙韌嘅芋圓同埋小丸子。仲有好滑溜嘅西米露。食完邊爐之後，🧊再自己整一個甜品，都好正。

尖沙咀返工多年，食過好多間午市火鍋set，早前係街見到人有派傳單，發現有新開既火鍋店，今日就同同事食午市，食完之後十分失望。首先上到樓上，發現一枱客人都無，都覺得有啲奇怪（以前哩個鋪位係牛X 12點已經好多人），因為Lunch只有一小時，叫左個60分鐘套餐，包每人兩杯飲品，當時侍應表示15分鐘前會提示客人及先埋定單。安排入座後就開始出去拎野食，四個人只有一個細碗去自助火鍋配料區拎野食，食物種類唔太多，不過比較驚喜既係有甜不辣同櫻花蝦片，醬油區方面，配料都算多，唯一失望既係無麻醬，另外可能因為12點先岩岩開門，豉油樽連一滴豉油都無，叫員工幫忙但員工完全無反應。。。拎完野食返去坐低連火鍋煲都未拎到出黎。覺得服務效率有點慢。食食下侍應就突然同我地講已經夠左60分鐘需要要立刻俾錢及即時離座。侍應完全無係15分鐘前通知我地，而且當時我同同事仲差一碟牛未食。我地見當時空位較多，就諗住快快手食埋佢，但侍應不斷係我地身邊轉黎轉去 多次叫我們要即時離座。我當時只是覺得 既然無其他客人等位，其實係唔係可以寬容一下呢？另外因為套餐包兩杯飲品，同事同我都未飲完所以就打算拎返公司慢慢飲。結果 外面中年女收銀態度

原本係open rice見有200幾個like，又係公司附近，就諗住開開心心去食火鍋，其實尖沙咀區都有好多間不同既火鍋，而都試左好多間，但今次真係一次好差既火鍋體驗。平時午市火鍋都係任飲，但原來佢只係可以飲兩罐，已經覺得好奇怪，出面拎既火鍋料唔太多，但都有啲特色嘅好似甜不辣，王子麵拎，但很奇怪沒有甜品，如雪糕…同埋唔知係唔係剛開門，豉油又無，叫人加又無人加，湯底其實一般。但有啲員工收盤同加湯都算快。最大問題係差不多食飽，平時放題都會15分鐘前通知你重有15分鐘就要走，但居然係臨尾要比錢先通知，最慘都未食完，重要個員工係咁望住，逼你走咁，搞到食都未食完就趕住走咁，唔怪之得午市得咁少人食隊都唔洗排，真係食一次就夠。