牛丼家

营业中

休息中

係香港熱狗店齊柏林開嘅牛丼飯聽講呢排好多人去幫襯 搞到我同🐨心心思就左試試😎位置係旺角站出口行一陣就到 夠哂方便 而且價格都較大眾化 丼飯有大中細 三個size 可以按自己食量選擇size 🥰有牛肉 和牛漢堡扒 豚肉 雞肉 同鰻魚 可以配上不同配搭溫泉蛋牛肉飯 L size $54附上嘅溫泉蛋夠哂香滑 撈埋飯一齊食更香更正😎而且面頭嘅牛肉夠香 份量仲好多加埋香甜嘅洋蔥 配埋加左牛肉汁嘅飯底成個飯嘅牛香味 同埋口感豐富🫶🏻雙重芝士牛魔王飯 L size $75有兩大塊漢堡扒✨ 咬落多汁牛香味重再加埋雙重芝士🧀配埋飯同醬汁一齊食 每啖都夠哂邪惡.加配套餐✨✨炸雞3件+飲品 +$20外皮炸得夠哂香脆得黎 肉質咬落多汁又香滑😋炸公魚仔4條+飲品 +$15每條都炸得幾香脆 肉質易咬魚味夠香飲品就揀麵豉湯同冰紅茶🥰

👧🏻😋👅🍽✨平靚正有心牛丼飯 新張值得支持🙌🏻-🇯🇵 牛丼家主打平價牛丼飯, 第一下會諗起好多分店既另一間牛丼飯, 但我食過兩次都覺得份量偏少, 雖然平但唔太好食就冇再幫襯過, 反而牛丼家幾驚喜, 見佢地社交平台都好有心share返客人既feedback同會做咩改善, 試業期間值得多多支持🇯🇵 盛世酒店2層佔地好大, 1樓有幾部自助販賣機同少量座位, 本身都驚要等一陣, 但上到2樓見到好多位任坐! btw快餐店竟然一入門口仲有姐姐帶位😂 佢都好勤力上樓上收碟清潔-🐮 雙重芝士牛魔王飯 (L) $75💯餐牌寫到明L比M肉多80%, 飯多30%, 但明明漢堡扒就係一塊變兩塊, 連牛魔王汁都有兩兜, 識食一定係揀L size牛魔王🤓 💯牛魔王汁係牛油+牛肉汁勁好食, 枱面教學有寫係倒落飯撈勻, 果然係唔需要倒落塊扒, 因為本身已好多肉汁好夠味-🐥 照燒雞扒飯 (M) $36✨只需$36但唔頹! 雞扒好滑又厚身仲係脆皮, 淋滿燒汁冇得彈, 平靚正之選-🍱 優惠套餐💯公魚仔+飲品 $15 公魚仔即係多春魚, 一大三細正常發揮, 餐可以揀湯/飲品係幾抵, 伕品方面有白桃汁/冰紅茶, 有糖無糖都齊晒

旺角新開咗專食牛肉丼嘅地方😇係本地自家品牌齊柏林旗下餐廳😊旺角咁方便我梗係lunch去試吓啦😆呢度係快餐自助形式，有自助點餐機，餐廳有兩層環境寬敞，價錢亦都幾抵食，20幾蚊起👍🏻🔺雙重芝士牛魔王飯(份量M)$55 配青菜加冰紅茶+$10車打芝士係水牛加車打，而牛魔王係和牛漢堡扒🤩表面煎得幾香脆，肉質好juicy 🤤加入秘製醬汁，一啖飯一啖肉好惹味🫶🏻呢個價錢冇得挑剔🔺雙重芝士牛肉飯(份量M)$45 配炸雞加冰紅茶+$20滿滿芝士鋪滿成碗飯，差唔多連牛肉都睇唔到🤣牛肉肉質尚可👌🏻唔會好柴，調味都好足夠📣而家仲有試業優惠 當家牛丼 (M) $100/5碗 套票 （原價$145)

今次試下新開嘅牛丼家，去到嘅時候人頭湧湧，睇黎大家都鍾意試新嘢😆，座位都好寬闊，暫時只開咗一樓，二樓還未開放，價錢非常親民，選擇都有好多，有雞，豬，牛，和牛漢堡扒和鰻魚雙重芝士牛肉飯我哋嗌咗雙層芝士牛魔王飯，芝士鋪滿曬成個飯面，下面嗰層全部都係牛肉，份量好多好抵食，牛肉軟滑，再加埋溶溶嘅芝士好香，啲飯充滿了牛肉汁，好鬼正炸雞套餐配雪碧我哋加咗炸雞和雪碧，炸雞炸得香脆雙重芝士牛魔王飯另外嗌咗個牛魔王，佢係和牛漢堡扒，漢堡扒好厚肉，裏面仲加了芝士，成個漢堡扒都好juicy公魚仔配味噌湯我哋upgrade咗佢，公魚仔係多春魚，炸得香脆，成條都食得味噌湯好重味噌，好足料

試新嘢，性價比高，原本諗住買套票，不過都係試吓先，好彩冇買到😂，牛肉似打邊爐烚完再烚同鞋口鞋面嘅港版牛肉飯，真係估唔到係咁有特色，都係食返佢地齊柏林嘅熱狗會好D。

齊柏林最近開副線，主打平價牛肉飯，經開旺角一於試試佢～🌟雙重芝士牛魔王飯 M $55‼️餐牌除咗牛肉，另外都仲有好多選擇，俾呢個雙重芝士牛魔王飯吸引咗！枱上面有指示教你點食呢個牛魔王飯，記住唔好將啲汁淋喺塊扒度，係要淋落啲白飯度～醬汁柚子味幾突出，撈勻啲芝士再加漢堡一齊食，可以減輕啲芝士嘅膩～🌟泡菜照燒雞扒飯 M $46‼️老老豆豆，我幾鍾意佢啲泡菜喎🤣唔會好酸，帶少少甜味，雞扒好嫩滑，越食越開胃～而家仲見到餐廳做緊優惠，100有5碗牛肉飯套票，$20一碗真係好抵牛丼家 (旺角)旺角通菜街123號盛世酒店1樓及2樓

旺角開左間大眾化平民版嘅牛肉丼，最最最重要新開張做緊$100有5碗丼套票。真心抵食👍🏻👍🏻👍🏻咁嘅價錢仲有堂食，冇得輸。雙重芝士牛魔王飯🍚顧名之義更係厚厚嘅牛肉整成嘅餅，大量芝士🧀仲配埋個醋汁好鬼惹味，價錢一d都唔貴相當抵食，加埋套餐就好足夠喇。溫泉蛋鰻魚飯🍚兩塊厚厚嘅鰻魚，加埋溫泉蛋🥚撈飯，你話唔正。小食我選擇咗炸雞同青菜，飲品有冰紅茶同罐裝汽水。一餐飯已經好滿足喇🤩🤩🤩

👧🏻Wodafoodie in Mong Kok本地人氣熱狗店踩過界開埋日式餐廳😍店舖有兩層，有自助點餐機，主打平價日式丼飯，有牛、豚、雞、鰻魚，每款分大中細size，最重要係平至$29已經食到一碗牛丼❤️‍🔥‼️‼️簡直係窮人恩物💯👏🏻👏🏻✨🐮雙重芝士牛魔王飯 $55最近有股食漢堡扒熱潮，呢到都有！呢個牛魔王飯鋪滿雙重芝士，配上由和牛牛油、柚子醋等製成既牛魔王汁，淋上白飯撈匀，推薦食法係一啖漢堡扒，一啖飯，再食白薑片解膩～漢堡扒好香好juicy😋白飯索曬芝士同醬汁好惹味🧀✨🐥泡菜照燒雞扒飯 $46照燒雞扒飯都好正😍雞扒都有5件，煎得皮脆肉嫩，再淋上照燒汁，送飯一流🥰撈埋泡菜輕鬆KO一碗飯😋 呢到所有飯都default左叫中size，唔係超細食既女仔食中size都岩岩好👍🏻 ✨🍗炸雞 $20✨🐟炸公魚仔 $15小食最平加$10就有，炸雞有3件，炸魚有4條，炸雞啖啖肉，炸魚稍為乾左少少，但呢個價錢真係無謂挑剔😝👍🏻✨🍹冰紅茶✨🍲味噌湯買飯會送埋飲品，冰紅茶唔會好甜而且超大杯！味噌湯味道偏鹹，而且好細碗，建議叫冰紅茶😆😆🌟新店開張，見到推出左$100/5張牛丼套票，即係$20就食到一碗！😱😱😱抵

經過旺角通菜街見到大排長龍原來係有新餐廳開業🤩牛丼家位於盛世酒店一樓及二樓大紅色的招牌好搶眼🔥🔥坐電梯去到一樓人氣指數🆙❣️雙重芝士牛魔王飯飯上鋪滿芝士🧀啱晒仲意吃芝士嘅朋友⋯漢堡扒肉質鬆軟富肉汁，而且油香十足，搭配埋自家製牛魔王醬汁，感覺超吸引啊～丼飯亦會配有白薑片減低油膩感😆加$15有份炸公仔魚，外脆內軟，好滿足！❣️溫泉蛋鰻魚飯一送上來就能看到肥美鰻魚鋪在飯上🍚而且炭烤過的鰻魚香氣四溢，搭配溫泉蛋，打開蛋液流出，把蛋液和鰻魚飯伴在一起吃更加美味😋整個幸福到不行～喜歡吃鰻魚飯的朋友一定要來試試⚡️加$10有份青菜🥬真係好抵食！優惠套餐包一款飲品冰紅茶☕️白桃汁🥤味噌湯🥣罐裝汽水

齊柏林旗下主打丼飯既餐廳係旺角開幕啦 🎉🎉 今日就黎試一試佢😎😎 位卡旺角盛世酒店，有2層既area，位置非常寬敞，有好多大窗，採光度十足👍🏻 每份餐既份量都有分為大中小，勁食/輕食都得，勁細心我哋就叫左2款，分別係招牌雙重芝士牛魔王飯 中 ($55） 同 雙重芝士牛肉飯 中 （$45）。套餐有炸雞同公仔魚再加2杯飲品。牛魔王飯係厚切和牛漢堡扒，外層煎到少少脆口，之後切開中間會有肉汁，漢堡扒厚薄適中，連埋獨有既醬汁同埋醃甜薑，味道不錯 👍🏻 而芝士牛丼一樣好好食，洋蔥甜甜地食落冇咁油膩，有勁多牛汁同芝士 🤤🤤🤤 炸雞一定要試，肉質好鮮嫩👍🏻 呢個價錢呢個味道，值得一試 😎😎😎😎 📍旺角通菜街123號盛世酒店1樓&2樓#GYUDONYA #牛丼家 #GYUDONYA牛丼家 #牛丼家GYUDONYA #牛丼 #牛魔王飯 #牛魔王汁 #丼飯 #豚肉 #和牛

#foodiezo食在旺角 #foodiezo九龍篇齊柏林新副線 - GYUDONYA牛丼家🆕 唔止賣熱狗🌭 仲賣埋日式丼飯🥸 撈過界又夠唔夠撼呢😆 今日實測咗😗 首先地理位置係近旺中，夠方便👍🏻 營業時間由7:30 做到凌晨2:00 夠flexible👍🏻 啱曬啲夜鬼 仲可以當宵夜食😆 定價合乎質素🤣 幾廿蚊就有大大碗飯仲跟埋餐，依家真係買少見少🥴 坐位闊落，坐得舒服係好緊要架！樓高2層，聽講遲啲仲會有埋壽喜燒供應添🤫 應該都會幾受歡迎🤗—————————————————————🧀雙重芝士牛肉飯 + 青菜 + 白桃汁 $55還原普通日本牛肉飯🫢 用最簡單嘅鰹魚醬汁同味醂整成嘅牛汁撈飯，已經好香好好味🥹 牛肉就係薄切肥牛 好淋☺️ 碎芝士都做到輕微拉絲🤪 牛汁份量唔會搞到成碗飯濕曬👍🏻 青菜就係油麥菜，鮮嫩☺️-🐮雙重芝士牛魔王飯 + 公魚仔 + 冰紅茶 $70牛魔王其實就係漢堡扒咁解😆 真係平時食漢堡扒嗰塊扒，厚切，入面仲夾住啲洋蔥碎，好鬆軟😉 味道有少少燒汁感覺 幾送到飯😉 仲有啲子薑好好食！甜酸好開胃🤗 推介🖐🏻

Weekend Lunch 齊柏林副線牛丼家在旺角試業，佔地兩層，有落地大玻璃，採光很好，食物質素不錯，價錢合理，丼飯$29起，試業期間購買套票，$100就有5碗當家牛丼（M)!雙重芝士牛魔王飯(L)$75丼飯上灑滿了邪惡的雙重芝士，有兩大塊煎至香脆微焦的漢堡扒，肉味濃郁，肉質不錯，珍珠米淋上餐廳以和牛牛油及柚子醋特製而成的牛魔王汁，令味道更滋味。泡菜雞扒飯 (L) $66皮脆滑身的燒汁雞扒入味，配搭酸脆的泡菜，同樣是不錯的選擇。+$10升級套餐配小食/青菜及飲品/味噌湯我選擇了青菜配味噌湯，朋友則選擇了惹味炸雞配冰紅茶。

香港終於有自己出產既牛肉飯專門店，就緊係要支持下啦🤫冇諗過齊柏林賣完熱狗，麵包，而家又賣埋牛肉飯🐮價錢仲要相當貼地，最平既$26都已經有一碗😮餐廳有兩層高，都幾闊落，裝修就用左簡約日系風格，似足日本既牛肉飯專門店😂呢日見佢有部份枱加左電磁爐，睇離遲下除左有飯之外，仲會有邊爐或者壽喜燒😇.👁‍🗨雙重芝士牛魔王飯(7.5/10)💲55 (M).➰雖然賣相未係好靚，但係果兩塊厚厚地既牛肉漢堡都幾高質，首先食落吾鞋口，有牛肉汁，個牛味仲要好香濃突出，食倒陣陣牛脂既香味🤩雙重芝士吾係好膩果種，未算好濃芝士味，個人覺得可以重手多啲啲🤫配埋佢果個自家製牛魔王醬汁，帶少少柚子香，幾清新😜另外加左$20升級做套餐，揀左配炸雞同凍紅茶☕️炸雞又估吾倒咁有水準，熱熱地之餘，啲雞肉好嫩身又有肉汁，炸皮夠脆吾係乾身硬掘掘😋.👁‍🗨溫泉蛋牛肉飯(7/10) 💲34 (S).➰牛肉都係高質，牛味相當濃，不過呢日啲牛肉咁岩比較瘦身，所以望落冇咁吸睛😂溫泉蛋質素正常，但係個飯可以多番少少牛肉汁就更好🤓如果吾係好肚餓，叫個細size 再加套餐就真係岩岩好😬另外呢個套餐就揀左公仔魚配白桃汁，前者脆脆地吾會太咸同油膩，後者白桃

最近熱狗專門店齊柏林喺旺角新開咗一間日式丼飯店。餐廳主打係價格親民，佢唔止當飯嘅款式種類多，每個丼飯都可以自選大中細三個size，真係符合晒男女老少各種人嘅需要。👍🏻**雙重芝士牛魔王飯**呢一個係佢哋餐廳嘅招牌菜式，光聽名稱就已經覺得超吸引啦。我揀咗嘅係M size嘅套餐，見到佢份量都唔少。飯上面鋪有一塊鬆軟可口嘅牛肉，另外仲疊滿咗芝士，加埋啲柚子醋，一啖飯一啖肉咁樣食真係好滿足。另外仲加錢配咗個炸雞套餐，估唔到都唔錯喎，外脆內軟。🐮**鹽醬汁豚肉飯**佢哋嘅鹽醬汁經過調製之後，有一種微妙嘅酸甜口感，仲加咗一啲特別嘅香料進去，令到呢個醬汁香氣四溢。再配以鮮嫩多汁嘅豚肉，分量好足夠，豚肉配搭呢個神奇嘅醬汁之後，就更加發揮咗佢哋嘅原有特質，咬落去極之軟爛，入口即溶。🐷

齊柏林熱狗店現已新開牛丼家，餐廳正進行試業優惠，套票$100/5碗，平均$20/碗，物超所值，快啲去購票。丼飯HKD26起，親民價錢。。餐廳分成兩層，先下單後等候號碼取餐，餐廳設有多個單獨座位，一個人去食都唔尷尬。枱面設有電磁爐，相信很快便推出牛肉火鍋，到時一試。。牛丼家飯設有三個分量，少不了牛肉外，還有和牛漢堡,豚肉,雞扒,鰻魚選擇，及設有三款小食和四款飲品選擇。🍯｜雙重芝士牛魔王飯｜HKD 55/M濃郁芝士用上常見的馬蘇里拉和車打芝士，配搭漢堡帶有有鹹香味。漢堡則厚切多汁，加入秘製牛魔王醬汁，令人吃光整個飯。🍯｜泡菜照燒雞扒飯｜HKD 46/M泡菜酸酸甜甜，酸甜度剛好，令人食慾大增，脆皮雞扒配搭甜鹹的照燒汁，肉質嫩滑。。另外揀選了兩款小食，青菜和炸公魚仔，青菜配搭醬油，公魚仔如加蛋黃醬食用味道更佳。