牛丼家

营业中

休息中

齊柏林進攻日式牛肉飯市場, 樓高兩層既餐廳就係旺角T.O.P旁邊, 位置便利, 試業當中已經吸引左好多人排隊買飯, 而家仲做緊優惠$100/5碗，即係$20食到餐飯, 真良心價。飯餐設計同日本連鎖既大同小異, 設有大中小三個分量. 另外仲有D小食好似炸雞, 炸魚仔咁。叫左個溫泉蛋牛肉飯($39  M size)另一個雙重芝士牛魔王飯($55 M size), 溫泉蛋牛肉飯就係classic既牛肉+甜甜地既洋蔥。而牛魔王飯就豐富D, 有mozzarella同埋cheddar cheese, 漢堡同飯既熱力令芝士溶溶地, 仲拉到下絲添，另外配左自家製牛魔王醬汁撈飯。哩個價真係好親民, 係醫肚既好選擇。

以前最中意食齊柏林既野食， 最近聽講佢旗下開左一間主打牛丼飯既日式餐廳， 咁緊係要捧下場😋 地理位置好方便 ，就係旺角通菜街。岩岩新開張都幾多人撐場，價錢黎講絕對係抵， 最貴都係$75一個大丼飯。 今次帶埋男朋友黎食， 中意食牛既佢就簡左「雙重芝士牛魔王飯」，而我就簡左「鹽醬汁豚肉飯」。 仲可以加錢升級套餐， 我就加$10要青菜套餐配味噌湯；而男朋友就加$20要炸雞套餐配雪碧。🐮 雙重芝士牛魔王飯（$55）：一拎到手真係嘩一聲 。 真係滿滿都係芝士🧀🫨🫨🫨好震驚既多。 真係啖啖芝士味😋😋 中意食芝士既朋友真係岩哂🫢 個牛都好大舊 肉質鮮味有牛味😋 夾埋芝士勁大滿足感☺️🐷鹽醬汁豚肉飯（$38） ： 豚肉彈牙多汁， 個鹽醬汁好入味，味道岩岩好！仲要幾大塊， 真係超抵食。 🐔 炸雞套餐+味噌湯：其實一個飯加$20就有。 飲品除左味噌湯，仲可以簡汽水/白桃汁/ 冰紅茶。 炸雞有3舊，肉質鮮味又林🤤味噌湯味道比想像中淡身 但整體唔錯， 岩哂唔太喜好濃味既人飲🥬青菜套餐+雪碧： 味道唔錯👍唔會太油/太清淡

齊柏林班底新開咗一間日式飯店，抵食又夠份量！🧀雙重芝士牛魔王飯 M size $55（公魚仔套餐+$15）厚切和牛漢堡扒鋪在飯上，配上兩層香濃芝士，一啖咬落去，又濃又香嘅和牛加埋拉絲芝士🧀嘅感覺。仲有一個特色柚子醋醬汁可以加落啲飯度一齊食，很有風味！🐟 公魚仔味道是可以的，如果大條啲會更開心😝🥚 溫泉蛋牛肉飯 M size $39 (炸雞套餐 +$20）溫泉蛋put on the side ，牛肉飯夠多汁，味道剛好，甜咸適中！牛肉加埋溫泉蛋香滑嫩口！超抵食！ 🐓 炸雞味道正常，如果可以熱啲就更好！牛丼家試業期間，仲做緊$100/5碗優惠劵🤗我地都買咗set 👍🏻

📍牛丼家(旺角)旺角通菜街123號盛世酒店1樓及2樓新開牛肉飯店，今日咁啱經過，就一於試下有幾好食。好濃牛味，價錢又親民，依家仲有試業優惠，100蚊5碗優惠卷，真係好抵食。仲有豬雞同鰻魚揀，夠多元化👉雙重芝士牛魔王飯💰$55💰套餐+$15😋😋😋😋.7/5滿滿芝士鋪喺面，見到都流口水，仲有塊厚厚和牛漢堡扒，非常重牛味，跟足埋個指示將牛魔王汁配埋個飯，就真係絕配，搞到我食哂成碗飯。加埋個套餐優惠，有香口嘅公仔魚同微甜嘅冰紅茶，食完真係好滿足👉泡菜照燒雞扒飯💰$46💰套餐+$10😋😋😋😋.8/5塊雞扒成個碗咁大，雞肉又夠嫩滑，配埋微辣泡菜就更加開胃。唔洗加任何醬汁已經夠惹味，應該係啲飯粒夠煙靭，好有口感，令人食完再想食。配咗個健康青菜同冰紅茶回頭：yesyesyes!咁抵食又好食嘅牛肉飯，當然會成日都嚟食啦#GYUDONYA #牛丼家 #GYUDONYA牛丼家 #牛丼家GYUDONYA #牛丼 #牛魔王飯 #牛魔王汁 #丼飯 #豚肉 #和牛

最近社交媒體談論度好高，屬於齊柏林旗下新開業之日式丼飯店牛丼家，今日專登過嚟試下地點位處於旺角花園街市政大廈隔離的盛世酒店上，鄰近T.O.P商場，非常方便。店舖有兩層，採用自助形式。❇️雙重芝士牛魔王飯［M］套餐 (配公魚仔及味噌湯)▶️牛魔王系列係餐廳主打，當然要試試上枱時見到個碗滿滿的芝士條舖滿飯面，芝士味香濃下面的和牛漢堡扒都幾厚身，表面帶有焦香，牛肉味濃個飯跟咗個秘製牛魔王汁，跟返餐廳教的食法去食，唔會蓋過漢堡扒的肉香，而醬汁配有柚子醋的關係，可以中和牛肉同芝士的油膩感跟餐小食公魚仔炸得香口又唔會好油❇️泡菜豚肉飯［M］套餐(配炸雞及冰紅茶)▶️豚肉份量都唔少，而且帶有油香夠juicy。配上酸辣開胃的泡菜增添惹味跟餐小食炸雞有3件，外皮有少少脆，入面肉質嫩滑每款飯類都可以選擇細、中或大size，可以方便唔同食量的人都幾好另外，試業期間依家做緊$100/5碗套票價惠，即平均只須$20已經可以有一碗中size的當家牛丼，超級抵食！

香港終於有屬於自己嘅日式牛肉飯，最近齊柏林就喺旺角開咗一間日式牛肉飯店叫做「牛丼家」😎鍾意食牛嘅，我又點會錯過呢？睇下有咩食先😎🐂雙重芝士牛魔王飯厚厚嘅牛肉漢堡配上濃濃嘅雙重芝士，每一啖都好有層次，加上專屬嘅醬汁，食落口感更加豐富🐖鹽醬汁豚肉飯鹽醬汁鹹鹹地咁好開胃，豚肉吸收咗醬汁變得更加惹味，真係令人食唔停口所有嘅飯都可以配套餐，可以揀青菜、宇仔、或者炸雞，仲可以配埋飲品或者麵豉湯添！重點係價錢好優惠！下次出旺角嘅時候一定要再試吓其他款先😎

新開張嘅牛丼家，有2層，好多座位。呢間餐廳有牛肉丼飯、漢堡扒、雞、豚肉飯。有多款套餐選擇，非常抵食。雙重芝士牛魔王飯，揀了套餐配青菜、麵豉湯。雙重芝士牛魔王飯係厚厚嘅漢堡扒飯，配上濃郁嘅雙重芝士，味道濃厚而不膩。青菜新鮮爽口，麵豉湯味道醇厚。香蔥牛肉飯揀了套餐配炸雞、冰紅茶香蔥牛肉飯係一款經典嘅日式丼飯，肥牛夠嫩，配上香蔥絲及洋蔥，好香口。套餐內嘅炸雞酥脆。冰紅茶清爽解渴。牛丼家新開張仲推出咗$100/5碗嘅套票優惠劵，非常抵食。

真係好少可要寫食評😂見到個名叫牛丼家就滿心歡喜走入嚟就諗住呢啲普通食個丼唔會差得去邊！點知都係唔可以咁樣諗叫左一個丼家牛丼（L) $48一個叫牛魔王飯（M) $42先講個牛丼～牛丼份量正常 牛肉都並沒有好多 岩岩好夠鋪係個碗面到，之後偏鹹！食完一碗而家想瘋狂飲水。都冇其他特別野好講之後個牛魔王飯先係重點～個名就好響，以為有咩特別。黎到只有一塊乾真真的肉扒！咬落去只有實的的既肉扒。完完全全超出我既想像。可能就係幻想得太美好出事。大家黎食之前降低你既期望應該就唔會好似我咁大反應

齊柏林熱狗唔只賣兩餸飯，今次仲做埋牛肉飯。有本地品牌做日式牛丼，唔使俾啲集團壟斷，點樣都要支持一下。開業無耐已經好多人上去食，餐廳係1/F同2/F，上一層先買飛可以用昇降機。主要食物係丼飯有牛丼、豚肉丹、雞扒丼、鰻魚丼，同埋牛魔王=和牛漢堡丼。Size分大、中、細，味道亦有咖喱、泡菜等選擇。雙層芝士牛魔王飯試咗佢呢個和牛漢堡飯，芝士鋪滿咗飯面，和牛鬆軟多汁，我有另外一個燒汁跟埋，可以直接撈落個飯一齊食。我就額外加咗個溫泉蛋，同埋加咗小食套餐，有個唐人炸雞同埋飲品。朋友個泡菜雞扒飯都唔差，佢要嗰個小食就係公魚仔，係脆食，好香口。最抵食係佢哋嘅牛丼， 中size都係$29。呢期仲有優惠有$100 / 5碗中牛丼套票。分分鐘平過返大陸食。

終於有本土品牌開嘅牛丼飯開張.  佢係距離旺角地鐵站B3出口 唔使不足一分鐘就到  ”GYUDONYA牛丼家”朋友話要一齊試下同支持本土餐廳!  佢地有成兩層都好大, 上到去牛丼家，有自助售賣機或者可以去櫃檯買.  D 枱距都好寬闊, 坐得幾舒服 ! 雙重芝士牛肉飯    好重料, 好多芝士拉到絲 , 主角件牛肉餅真心有誠意好厚身，煎得火喉剛剛好鎖住晒D肉汁面層有少少焦香, 珍珠米飯粒軟熟！加$15  配公仔魚同飲品.   公魚仔真係少食,  好香脆有咬口！泡菜照燒雞扒飯  雞扒煎得好好, 多汁好嫩滑,雞皮微脆 件雞好入味配埋泡菜多層味道, 解膩 , 加左$20  配炸雞件同飲品 .炸雞件厚身香脆不錯. 宜家仲做緊試業優惠, 套票$100/5碗，平均每碗只$20 真係超抵. 快D去試喇. 

係香港熱狗店齊柏林開嘅牛丼飯聽講呢排好多人去幫襯 搞到我同🐨心心思就左試試😎位置係旺角站出口行一陣就到 夠哂方便 而且價格都較大眾化 丼飯有大中細 三個size 可以按自己食量選擇size 🥰有牛肉 和牛漢堡扒 豚肉 雞肉 同鰻魚 可以配上不同配搭溫泉蛋牛肉飯 L size $54附上嘅溫泉蛋夠哂香滑 撈埋飯一齊食更香更正😎而且面頭嘅牛肉夠香 份量仲好多加埋香甜嘅洋蔥 配埋加左牛肉汁嘅飯底成個飯嘅牛香味 同埋口感豐富🫶🏻雙重芝士牛魔王飯 L size $75有兩大塊漢堡扒✨ 咬落多汁牛香味重再加埋雙重芝士🧀配埋飯同醬汁一齊食 每啖都夠哂邪惡.加配套餐✨✨炸雞3件+飲品 +$20外皮炸得夠哂香脆得黎 肉質咬落多汁又香滑😋炸公魚仔4條+飲品 +$15每條都炸得幾香脆 肉質易咬魚味夠香飲品就揀麵豉湯同冰紅茶🥰

👧🏻😋👅🍽✨平靚正有心牛丼飯 新張值得支持🙌🏻-🇯🇵 牛丼家主打平價牛丼飯, 第一下會諗起好多分店既另一間牛丼飯, 但我食過兩次都覺得份量偏少, 雖然平但唔太好食就冇再幫襯過, 反而牛丼家幾驚喜, 見佢地社交平台都好有心share返客人既feedback同會做咩改善, 試業期間值得多多支持🇯🇵 盛世酒店2層佔地好大, 1樓有幾部自助販賣機同少量座位, 本身都驚要等一陣, 但上到2樓見到好多位任坐! btw快餐店竟然一入門口仲有姐姐帶位😂 佢都好勤力上樓上收碟清潔-🐮 雙重芝士牛魔王飯 (L) $75💯餐牌寫到明L比M肉多80%, 飯多30%, 但明明漢堡扒就係一塊變兩塊, 連牛魔王汁都有兩兜, 識食一定係揀L size牛魔王🤓 💯牛魔王汁係牛油+牛肉汁勁好食, 枱面教學有寫係倒落飯撈勻, 果然係唔需要倒落塊扒, 因為本身已好多肉汁好夠味-🐥 照燒雞扒飯 (M) $36✨只需$36但唔頹! 雞扒好滑又厚身仲係脆皮, 淋滿燒汁冇得彈, 平靚正之選-🍱 優惠套餐💯公魚仔+飲品 $15 公魚仔即係多春魚, 一大三細正常發揮, 餐可以揀湯/飲品係幾抵, 伕品方面有白桃汁/冰紅茶, 有糖無糖都齊晒

旺角新開咗專食牛肉丼嘅地方😇係本地自家品牌齊柏林旗下餐廳😊旺角咁方便我梗係lunch去試吓啦😆呢度係快餐自助形式，有自助點餐機，餐廳有兩層環境寬敞，價錢亦都幾抵食，20幾蚊起👍🏻🔺雙重芝士牛魔王飯(份量M)$55 配青菜加冰紅茶+$10車打芝士係水牛加車打，而牛魔王係和牛漢堡扒🤩表面煎得幾香脆，肉質好juicy 🤤加入秘製醬汁，一啖飯一啖肉好惹味🫶🏻呢個價錢冇得挑剔🔺雙重芝士牛肉飯(份量M)$45 配炸雞加冰紅茶+$20滿滿芝士鋪滿成碗飯，差唔多連牛肉都睇唔到🤣牛肉肉質尚可👌🏻唔會好柴，調味都好足夠📣而家仲有試業優惠 當家牛丼 (M) $100/5碗 套票 （原價$145)

今次試下新開嘅牛丼家，去到嘅時候人頭湧湧，睇黎大家都鍾意試新嘢😆，座位都好寬闊，暫時只開咗一樓，二樓還未開放，價錢非常親民，選擇都有好多，有雞，豬，牛，和牛漢堡扒和鰻魚雙重芝士牛肉飯我哋嗌咗雙層芝士牛魔王飯，芝士鋪滿曬成個飯面，下面嗰層全部都係牛肉，份量好多好抵食，牛肉軟滑，再加埋溶溶嘅芝士好香，啲飯充滿了牛肉汁，好鬼正炸雞套餐配雪碧我哋加咗炸雞和雪碧，炸雞炸得香脆雙重芝士牛魔王飯另外嗌咗個牛魔王，佢係和牛漢堡扒，漢堡扒好厚肉，裏面仲加了芝士，成個漢堡扒都好juicy公魚仔配味噌湯我哋upgrade咗佢，公魚仔係多春魚，炸得香脆，成條都食得味噌湯好重味噌，好足料

試新嘢，性價比高，原本諗住買套票，不過都係試吓先，好彩冇買到😂，牛肉似打邊爐烚完再烚同鞋口鞋面嘅港版牛肉飯，真係估唔到係咁有特色，都係食返佢地齊柏林嘅熱狗會好D。