爵士拉麵

营业中

休息中

完全感受到以下食評人的感覺. 因為差不多的原因我已經年不去爵士拉麵了.

2005年7月30日四人同行被迫在一張半圓形的小枱用膳﹗我們想試更多的小食，所以只叫了三碗大麵(share)，但由於我們不是一人一碗麵，店員不肯給予我們有小食優惠，那麼我認為我己叫了三碗麵，應該可以叫三款優惠小食，而且我們都能達到他的要求(每人要消費30元)，店員反覺得我們沒道理，還用很惡的語氣說"咁你即係間硬黎啫"......這個時間簡直興過火屎呀﹗不過算啦，我不同佢斤斤計較，我還有能力付錢，那我們便繼續進食，食完後茶都還沒喝，就想趕我們走了。那老板娘跟我們說"還有沒有其他野要?"我便說"你們都不允許有第二次落單﹗"老板說"係呀不可以再落單啦......出面好多客人等緊呀﹗"跟住老板娘二話不說，便拿起我放在枱角咭片套遞給我，並對我說"唔好溜低呀﹗"這樣做同趕客有甚麼分別？我覺得麵係好食，但唔代表可以咁寸，唔代表可以用咁差的服務態度........................好食唔係大晒，不知所謂﹗

我和3位同事星期六去食, 只用了約$300, 是正常的價錢。食物很有水準, 特別是拉麵, 真是一流的麵, 且湯底也很正。可能師傅是日本人, 店裹的Setting也很有日本feel ！但係講到服務態度就....一定要有心理準備。例如:唔知幾時開門，可以關門成個星期。落單即收錢, 而且只可落一次, 想再落單請再排隊。老闆娘款待"有禮", 成日見佢數錢。

我對爵士拉麫的食物評語係-- 超水準的拉麫，比起好多標榜自己係日本邊度同由邊個有名日本師傅整o既拉麫鋪,爵士就相對地含蓄而又有內涵得多。超水準之處:1/ 湯底一流(有一次碰到老闆同老闆娘一齊研究個湯底, 其實佢地對自己都有進步的要求)2/ 麫彈牙, 爽口, 絕無"簡水" 味3/ 咁既價錢($30幾蚊一碗麫) 比咁好質素既食物你不過,黎呢間野食, 要作好多心理準備:1/不定時的開放時間2/老闆娘的"有禮"款待3/先比錢, 後食野當做好準備後, 才來吃一個正拉麪, 相信你會食得舒服d。

我諗好多住上水粉嶺o既人都知道聯和墟有間拉麵，o係呢區都叫有名氣。我前1,2年食過一次，除左d麵係少d之外，味道都算ok，因為佢係標榜日本人主埋，100%日本北海道風味。o個日仲落住雨，望住出面o既雨景，一邊食麵，真係幾好feel。所以我一直都想同我媽咪試下。而且o個間野星期一、二又休息，平時又開得幾個，又多人排隊，見有機會咪去試下lor。難得我老豆同我阿叔返左大陸，我就同陽陽同媽咪試下。我打比我媽咪，佢話就快到，我地見到入面有位咪諗住入去等lor，點知入到去，個女人一聽到我地話仲有一個人，就即刻叫我地出去等，仲話間鋪入面同出面都都貼左紙話唔齊人要出去等，因為有d客要等d人拍埋車先落order，好耐。OK, 我地就出返去等，佢仲要我地o係出面落埋order，仲講埋唔可以落第二次單，都OK，就o係出面落埋單，不過咁o既service，我無謂再晒錢食小食，所以我地only叫左拉麵。入到去，完全冇得揀位坐，入到去仲要即刻埋單，比一千蚊又話冇得找，比著唔係我媽咪o係度，我同陽陽一定走硬。結果我得一張100，陽陽又係得1張100，一人比一張啦。我覺得今之d野真係冇以前咁好味，一來之前比個阿嬸煩完

家住北區, 附近沒有什麼特色小館, 想不到居然在聯和墟小角落, 有間日本人主理小館.最初慕名而來, 第一次記住個地址就去搵, 搵到已經收左舖. 第二次去到無開門, 去到第三次先至食到.第一次是單拖去, 在門口是個小妹妹招呼, 個小妹妹係間唔中先至出舖頭幫手, 由介紹至幫客人落單, 全部有板有眼. 一有空就抺抬, 面對客人很有禮貌, 真是有家教.爵士拉麵地方很少, 有Bar 枱位同二人位, 坐晒我估都係廿人左右. 裡面見到埋頭煮麵係老闆小村先生, 牆上有張北海道地圖, 寫上老闆個鄉下. 另外幫緊佢手, 黑口黑面應該係佢老婆小村太太. (我唔敢問, 不過九成係)爵士拉麵先比杯炭燒麥茶招呼你, 計你一蚊, 好唔好飲各人口味唔同, 我就會飲幾杯先肯走.通常佢地都會介紹湯底比你先, 有扎愰面豉, 東京醬油同辣面豉湯底. 我通常會揀東京醬油, 即清湯.跟住揀材料, 最貴係爵士拉麵, 有雜錦, 有年糕, 有肥牛, 有蔥拉麵同叉燒, Size 有細同中(奇怪唔見有大). 其實中同大差不多價錢, 當然揀大. 若果想試多D , 可以叫雜錦. 但我的心水是肥牛, 不過成四十幾蚊碗.其實料, 湯底, 拉麵,

前幾日同女友去食,7點到唔先排隊,遲小小都要.叫左X 燒拉麵B湯中碗,什錦拉麵B湯細碗,同埋芝士餃子.好好食!

上次睇新假期先知原來粉嶺有間好味既拉面,男友又係住附近於是去試下, 咁大個女都係第一次去間舖頭食野係咁多規矩...第一, 食客一定要排隊係門口等位,人未齊唔準入第二, 排隊時就要點定食乜, 係門口叫左幾多就幾多入到去坐低唔準再加單第三, 一坐低就要馬上比錢, 面未到都要先付款.味道方面老實說這裏的日本拉面的確做得比出面的拉面店出色, 面彈呀得很即使食到最尾那注面都不會發賑, 值得一讚,這裏的面比測魚涌那間函館拉面還好吃, 我選的賑油湯底亦很好,不太咸味道很鮮, 叉燒我覺得一般, 函館做的叉燒比這裏好得多. 很欣賞這裏的拉面,可是服務方面郤未能配合, 這裡的服務不是沒禮貌那樣簡單, 而是這店一點都不尊重這裏的食客, 人家來吃你的面是要付錢的不是乞求, 即使好吃也應給客人一點點尊重吧, 希望老板娘日後會改善.

又同男朋友開餐，今晚可能比較早，不用等位。老闆娘未返，所以可以慢慢叫野食，肥肥地短頭髮的女侍應都幾好聲氣。落單叫了小雜錦拉麵(B.唔辣湯)、中叉燒拉麵(C.兩隻辣椒)和一客芝士餃子。等食物來時，發現廚房多了位男土，眼金金睇老闆點煮麵同開料，我估是徒弟吧。好快兩碗熱騰騰的拉麵送到。我怕吃辣，但都嘗了匙叉燒麵湯，嘩真的很辣，還是吃我的雜錦拉麵算了。很足料，叉燒正，仲有海苔同海帶，麵帶有鼓油湯味，好吃而不會覺得味太濃。後送來的餃子，芝士味香，不會覺得太甜，加上少少菜粒，幾清香。下次都會再叫來吃哩~小插曲，吃到最尾老闆娘返來喇，坐在隔離的一對男女，我想他們第一次光臨，諗緊叫咩食好。但老闆娘成日吹佢地落單，點了幾款之後，女的話轉頭再叫，老闆娘無乜禮貌回應："只可以落一次單，下次來食再叫過啦!"嚇得女的即時叫多了幾款。唔知佢地食唔食得哂呢??!!我覺得老闆娘的態度可以再好一點囉。即使我們走時，己90度躬身開門說"多謝光臨"，她的表情也令我聯想到她心裡是否想"快點啦，我門外還有客"

老闆日本人,煮拉麵時一面認真,唔多講野,因為地方好細,好有家庭feel,除左拉麵ok,仲有特色小食,芝士餃子,大和煮不過太有性格, 經常唔開舖

環境似日本車仔，師傅又有頭巾。每次只落一次單，不會落第二次。好耐心解釋，但一見客無心水，就推介六號什錦拉麵拼B湯底。強調無味精，但我叫了味噌中辣叉燒麵，明顯味噌就係有啦，但好彩夠濃，辣味係辣油加辣醬咁上下，但個顏色都唔錯。叉燒唔錯，夠多，咬落又唔易碎。拉麵第一口食落好似有少少簡水味，但其後又覺彈牙同無乜簡水味咁。服務無乜，做野好快，想做多點生意咁，令客有食快餐感覺。

本人甚愛日式拉麵，因而見到招牌或廣告話自己間拉麵得，我都會試，但食左咁耐最好食同最正宗非爵士拉麵莫屬，除拉麵外炸豆腐、芝士餃子都好食，但係佢地服務的確唔係咁好。1~唔知幾時唔開，可以關門大吉成個月，去之前最好打個電話去！2~老闆娘把聲好煩，又狂迫人食完即走，惹人反感！3~ 最抵食係叉燒拉麵，勁多叉燒，其他拉麵只會有兩塊，日本正宗係咁！4~蔥拉麵的確不錯，但D蔥其實日式百貨公司有得賣！5~正宗日本麵店的Setting，感覺勁日本feel！

今日同朋友第一次去呢間野食lunch，見到老闆娘真係好似忙到理唔到我地！好遲先同我地落單，叫左麵豉湯底既雜錦拉麵食，唔知點解老闆娘見到我其中一個朋友要細碗，就聳恿佢食大碗喎。味道黎講算係中上啦，不過叉燒略嫌少左d 啦！

依到既炸芝士餃子真係好好味呀當然,拉麵都好出色,因為即整即食,如果放耐左仲會即刻倒左添雖然唔係日日開門做生意, 環境好細,又多人排隊,而且食之前先畀錢,同埋每人只可以order一次,不過,仍然好鍾意依間爵士拉麵

八月逢星期一,二,三唔開星期四只開晚市,星期五,六,日午市同晚市都開.好多佢個月歷mark左開o既日子,最後去到都係唔開,話東主有事喎...唔好意思,有o的激氣,頭先個comment比人殺左,我都係想話比其他人知要先打電話問清楚咋.