爭鮮迴轉壽司 (石籬商場二期)

营业中

休息中

天氣熱嘅時候，食飯就會想食啲凍凍地嘅嘢，所以今日就揀咗壽司，返工附近比較抵食嘅就係呢間位於葵涌大隴街110號石籬商場二期3樓B318號舖噶爭鮮迴轉壽司。呢間爭鮮嘅環境都算ok，裝修比較簡單但位置好闊落唔會好擠迫，都算舒服。入到去坐低基本上都係自助。唔同顏色嘅碟都有唔同嘅價錢，不過最貴都係16蚊，今期粉紅色蝶出乎預期嘅抵食，同埋款式比較多，最令人覺得驚喜嘅就係個蜆處理得比較乾淨，冇乜沙，茶碗蒸雖然係凍咗，但食落去都係好滑好鮮甜。三文魚刺身都好肥美。一路食一路傾計，不知不覺都食咗好多蝶下次放飯想食壽司都會揀返佢。

每次諗唔到食咩嘅時候，就會嚟爭鮮食，石籬商場終於開咗爭鮮，呢間大家好多，兩點入去唔使排隊環境乾淨可以無限飲茶真係正一嚟梗係食我最愛嘅鰻魚，鍾意食鰻魚嘅大家，呢度嘅鰻魚真係好抵食！枝豆亦係我自愛～啲芝士同魚籽加埋一齊真係好鬼正！如果多人時段嘅話，呢個就會新鮮啲，同埋可以見到塊紫菜係挺身嘅，好多魚子，好開心。唔知點解去到每間爭鮮佢都好少出呢隻款，可能好少人食？但係自從有一次試食咗佢之後，一試就愛上了，佢係幾塊鮑片，上面有啲沙律醬，燒到好似焦糖咁，真係超鍾意食呢個，不過每次都要同侍應講先出，可能咁樣即刻燒會新鮮啲！

好耐冇食爭鮮壽司的堂食。平時通常食外賣多。晚上七時多來到，岩岩好有枱。眼見壽司轉黎轉去都果幾款，而且質素比外賣仲差，蟹籽不夠新鮮，鰻魚偏薄。到差不多食飽時，青口和北寄貝先狂出，但好新鮮！

見到佢出左新野，經過上一次嘅經驗，心思思食與唔食之間！本來想去石籬食粉仔，冇開😞😞！改去石籬商場食間泰國餐廳，點知仲執埋添😦😦發現原來開左間‘爭鮮’又冇人排隊，件事好似命運咁比曬機會你再去，點知係比機會你再去伏多次😢😢一如上次咁用餐時間只有40分鐘，坐低10分鐘都未見新壽司🍣轉過黎咁就直接向職員👱🏻‍♂️order，咁邊等邊食其他！🙂🙂攞左4款鰻魚，味道帶甜有鰻魚嘅油脂，沒有太多骨，幾好味☺️☺️2款八爪魚🐙壽司🍣屬中規中矩腐皮壽司🍣2款雖然好似唔低但就是喜歡佢獨有嘅腐皮甜味🤤🤤熟蝦就太熟已經食唔到蝦味！可惜可惜😩😩Order左壽司🍣等左半個鐘，吹都吹左幾次，期間運輸帶見到其中兩款都唔敢攞，怕攞左佢又送上黎，我唔要好衰咁！35分鐘侍應親手黎左一款‘珍寶帆立貝’稱其他兩款廚房冇材料！😨😨我嘈都冇用，唯有係運輸帶攞埋另外一款‘炙燒油甘魚’‘珍寶帆立貝’帶子幾厚但略嫌腥咗啲蓋過左柚子味‘炙燒油甘魚’好大塊，好香魚油味，食落滿口魚油香，正👍🏻👍🏻最後可能只有半場客，到左40分鐘都沒有要我地走，但經過兩次嘅遭遇，就算有新野都唔會再堂食啦😣😣

今晚9點係尖沙咀，諗住打去問下 last order 幾點，睇Openrice 話收十點半，打左幾次都無人聽，真係難打，唔知有無想叫外賣，打唔通？！請跟住，電話打唔通！！