爭鮮外帶壽司

营业中

休息中

賣相拎到返屋企都還可以，簡簡單單食一餐。$36一盒好抵食。$3一件都有幾多的款式可以選擇，唔想逐件揀，可以好似我咁，揀一盒套餐。以平價的價錢黎講，爭鮮壽司🍣可以接受

身邊同事一聽到食爭鮮就話垃圾，其實三蚊一舊你想有幾靚料？唔通日本直送咩？我自己就覺得同元x分別唔係好大啦。講返呢盒壽司，揀左呢盒雜錦款，三十蚊十舊，即係同散買自己夾嘅包裝好壽司一樣錢，但我覺得呢啲盒裝嘅大舊啲，應該係心理作用，不過少啲包裝紙稍微環保少少，自我感覺良好。三文魚壽司都ok厚，軍艦啲紫菜又無話淋晒，味道上真係幾ok，間唔中過下壽司引囉又唔差，食得爭鮮都係貪平啫。唔知係咪間間分店一樣，我發覺西鐵站呢間啲豉油同芥末比得好慷慨，一盒都比左兩包豉油兩包芥末，其實唔需要咁多。