爆辣冷麵

营业中

休息中

尋日上完韓文堂後返屋企,極度肚仔餓天氣又焗又熱,不如就食冷麵消消暑？🤪元朗有間食冷麵幾出名,佢就係爆辣冷麵！加上小妹又勁鍾意食辣😜佢有得揀辣度,大家記得要留意呀❗️我地買左以下呢幾款:1)爆多蟹籽冷麵呢個係我地公認最好食！爆多蟹籽之餘,味道好惹味,係每一口都充滿蟹籽,好滿足！面頭仲要爆多蟹籽，落足料😋😋2)有賽磅蟹杯麵杯裝好方便,面頭有賽磅蟹,蟹用份量都唔少,都尚算鮮甜,汁料同撈麵差唔多,份量好大份！3)蟹籽沙律味道比較平穩,可以中和麵類既重口味,清爽既選擇！4)腸仔,牛栢葉,魚蛋呢3款小食都係正常發揮,牛栢葉唔錯5)爆辣雞軟骨雞軟骨好食！除左鹹左少少,用黎送酒正呀！即刻買左酒啤啤佢🤪🤪6)透明袋裝撈麵中學時期既味道！😆食冷麵真係要用袋裝最有風味！料唔重要,但佢個汁係好食7)爆炒烏冬呢個其實好香,但整體比較辣,就算嗌小辣,屋企人都覺得呢款特別辣,食唔到辣既朋友可以揀唔辣或蚊仔辣！是日姨姨可能重手左少少,呢款係鹹左少少🙈但佢個汁係好食,鍾意重口味既朋友會鍾意不得不說,佢地既份量真係好多,大家不妨可以試下！🥰

出名爆辣 真係有好多隻辣度選擇本身食開小辣嘅喺度都要叫蚊仔辣雖然價錢睇落去好似比一般冷麵舖貴但係份量真係裝到滿一滿我覺得比起細細包嘅就幾抵食爆多蟹籽冷麵真係好多好多好多蟹籽鋪滿晒連麵都搵唔到撈勻好食，特別有口感賽螃蟹杯麵我以為係細細杯，點知超大杯啲面裝到滿一滿上面有少少賽螃蟹肉我覺得呢個係最辣嘅會食到口唇發麻經典透明袋裝撈撈麵同行嘅朋友仲買咗一包細細個就食開嘅包裝有兩支竹籤撩吓撩吓特別有感覺味道同賽螃蟹杯麵差唔多爆炒烏冬現場即炒嘅烏冬 香氣撲鼻 食落去熱辣辣 蟹籽沙律除咗超辣嘅嘢食，仲有健康嘅選項青瓜絲做底加上沙律醬口感比較清新 唔食辣嘅人都啱牛肚腸仔魚蛋/炒雞軟骨除咗面之外，佢仲有唔少小食配搭我個人好鍾意雞軟骨用醬油爆炸得好香 每一粒都好爽口 好啱送啤酒

呢間爆辣冷麵嘅食物都辣得好過癮, 我放假行開元朗都不時買番屋企食! 呢度仲有唔同辣度可以揀, 第一次食嘅話最好由小辣試起先, 因為都幾辣! 1.爆多蟹籽冷麵2.蟹籽沙律3.爆炒烏冬4.有賽磅蟹杯麵5.透明袋裝撈麵6咖哩三寶7.爆辣雞軟骨小妹我多數揀小辣, 夠惹味就夠, 除非你真係好中意更刺激的辣度啦, 否則量力而為就好啦!個人最中意賽磅蟹杯麵, 上面嘅賽磅蟹碎滿滿,足晒足料, 配料仲有西蘭花、蟹籽、蟹柳、紫菜等, 口感仲好豐富tim！爆多蟹籽冷麵係我第2最愛, 蟹籽份量夠晒佛心,仲好爽口!

叫左炒飯同冷面，個冷面都叫做勉強合格，但個炒飯真係淨係得炒左既飯，一d餸都無，話寫就寫話有蟹柳，腸仔，粟米等等好似好多料，點個個腸仔係切到得1mm咁厚，仲要得兩粒，蟹柳係一條蟹柳摵開一條條後，之後落左一條半，粟米就俾左兩粒咁大把，飯又無炒開d鹽，咁樣既飯賣你58蚊，你有無離譜d老闆，真心大家唔好幫襯好過

爆辣冷麵喺元朗出名係人都知😙👍🏻估唔到佢哋仲有咁多其他嘢食🫶🏻除咗買咗🔥爆辣冷麵🧡仲買咗沙律🥗🍜烏冬啦雞🐥軟骨同埋佢哋自家製咖喱系列嘅小食🤤雖然係小店但係有好多種唔同嘅嘢食俾大家任君選擇, 除咗爆辣冷麵🍜之外大家都要試吓佢哋自家製咖喱系列添, 有魷魚啦魚蛋啦牛柏葉🙌🏻✌🏻✨✨✨呢度嘅老闆超級親民好多街坊都識佢㗎喇🤣✌🏻希望大家都可以支持下小店啦😙🫶🏻✨你元朗嘅朋友仔不妨一試☺️🫶🏻

記得之前去元朗食過呢閒爆辣冷麵，中意食辣冷麵既真係可以試試，辣度一定要謹慎，我净係選左蚊仔辣，都要食到勁係甘飲水，自問我平時都幾食得辣，蟹子好多，一盒402蚊都幾大盒，辣得黎好新奇既味道，好食。

元朗美食聖地 今次終於實試 爆多蟹子冷麵.果然名符其實 係勁多蟹子🔥冷麵同味道無咩特別 同平時小包撈撈冷麵無分別 有生蒜 醬料 拌勻 擔擔蟹子一齊食好正雖然賣相有d 亂葬崗 但唔錯的 -辣度任你叫 今次叫左小辣 個辣幾野味 食完個頭feel到俾層辣 困住左咁👹$35 不過不失 宵夜都不錯選擇

【爆辣冷麵】元朗不嬲出名多平平又好味嘅小店😋@very_spicy_cold_noodles2.0 出曬名蟹籽份量爆多🧡款式唔少之餘，每款都勁辣勁惹味🌶啱曬d鍾意挑戰辣度嘅港人街坊🇭🇰.👑爆多蟹籽冷麵 - 💰40招牌爆多蟹籽冷麵真係名不虛傳❕面頭蟹籽鋪到瀉曬出嚟咁濟，餐具放入去想喐都喐唔到😱一咬落去成口細細粒爽口蟹籽🦀冷麵口感彈牙得嚟，配上秘製辣醬麻麻辣辣咁，真係好鬼過癮~🍴爆辣炒烏冬 - 💰48呢款係我另一個心水食物🍜烏冬炒得啱啱好，唔會太硬或太爛，蟹籽同腸仔粒更係炒烏冬嘅完美搭檔，而且辣椒醬入面嘅辣椒碎辣中帶點香，食落有啲小驚喜，每一啖都感受到唔同嘅口感，真係好想一食再食🤤🍴爆辣炒飯 - 💰58呢個真係辣度自選嘅天堂，一共有6️⃣種辣度可以揀😮雖然淨係揀咗小辣，但都已經夠曬嗆🥵不過炒飯依然炒得好香，飯粒鬆鬆散散唔會好黏口，加埋蟹柳絲呢個組合簡直無得輸！🍴杯麵 - 💰30味道基本上同冷麵差唔多... 雖然係因爲太足料太滿嘅原因搞到食起上嚟會有小小麻煩，但呢個創意包裝真係我要大大稱讚嘅設計嚟，真係啱曬好似我呢d成日想邊行邊食嘅朋友，方便又乾淨，唔會成日食食下都會high到膠袋邊嘅醬汁😈~🍴

中大伏！早知睇吓其他食評先買嚟食，原來咁多人食到肚痾！俾人吹捧到好好食咁，但其實一般般，蟹籽又少，蒜味蓋過晒所有味，可能本身有酸叔味，但俾浸蒜味蓋過咗，聞唔到食完第二日開始唔舒服，胃痛超過48小時，半夜痛到飆冷汗，然後肚痾又屙水🤢 咁唔衛生就唔好拎出嚟俾人食啦！味道一般都算，仲要食完搞壞自己身體🫠 未食過又想食嘅就諗清楚啦，今次食完真係買個教訓，以後唔會再幫襯嗰d foodie、飲食page講嘅野真係信一、兩成就好🙄🙄🙄

話說幾日前中午去舖頭買左個蟹籽冷麵外賣返屋企食，講真呢段日子天氣都不是太熱，返屋企路程大概十五分鐘。味道無乜特別好味唔好味，之後就無再食其他野。過左幾個鐘之後個肚突然好痛，入廁所柯左一轉水，十幾分鐘之後個肚又痛，因為今次有屋企人用緊廁所諗住可以忍一忍先，但係個肚越黎越痛，痛到我標冷汗，要叫屋企人即刻出黎比我解決左先，結果又係柯水，好彩係柯完兩次之後就無再痛。今次係我open rice第一次寫食評，因為個體驗實在真係太差！

<讚👍🏻>.🥣爆多蟹籽冷麵🥣：💰$40呢個鎮店之寶，冷麵面鋪滿爆多燈色蟹籽，多到好似唔洗錢咁！冷麵份量又多，每條都撈晒秘製醬汁，又辣又惹味。🥣爆辣炒飯🥣：💰$58自選辣度，有六種辣度🌶️一大盒好重手，啲飯塞到滿滿，有蟹柳絲配料，覺得小辣都好夠，飯炒到粒粒分明，調味岩岩好，小編一盒可以分三餐添🤣🥣爆辣炒烏冬🥣：💰$48炒烏冬炒得夠均勻，質感唔易碎，配有蟹籽、腸仔粒，呢個秘製辣椒醬可以見到有唔少辣椒碎，會越食越上癮。🥣杯麵🥣：💰$30外形幾特別，真係用杯裝既杯麵🤭雖然食既方法有點困難，只可以由頂食到底，但一杯份量都唔少架。🥣冷麵🥣：💰 $18/4包係香港人童年回憶🇭🇰$20都唔洗可以簡4包，抵到喊…仲要有咁上下重量，唔似旺角某啲冷麵店咁少🤫蒜味同辣味都掛住係每條冷麵度，好滿足呀！🥣招牌蟹籽沙律🥣：💰$48沙律有沾滿沙律醬既勁多青瓜絲，配料有蟹柳、裙邊、蟹籽、粟米、紫菜等，食落好清新，仲可以解下辣添。

今日去挑戰成就解鎖🔓，錄歌拍mv 🎤，最後都mission complete，😳點知導師有開小食店，而且都係喺元朗🤯！咁老闆就請我過去試食🥳一下佢嘅舖頭嘅嘢，💥佢舖頭係叫做“爆辣冷面”💥。如是者💨老闆請咗我食好多嘢咁呀💸，開心子🤏🏻，咁我😉都做返少少功課啦🤘🏻。【💥爆多蟹子🦀冷麵🍜 $40一盒】，可以自由加食餸🤲🏻，呢款冷麵主推辣爆兼塞爆🤯嘅100g蟹子✨，一見到嘅時候我都驚嘆😲咗一下！好足料呀！【爆炒🍥烏冬$48一盒】裡面有少量紫菜同🦀蟹子，個烏冬都幾有鑊氣🍳咁，推介。【🦀爆辣“賽螃蟹”杯麵 $38 一杯】有蟹肉、蟹柳、紫菜、蟹子、粟米🌽、仲有一朵西蘭花🥦，覺得幾得意，真係「杯」麵嚟🥤，印象好深刻。【招牌蟹籽沙律🥙 $48】 有帶子裙邊、沙律醬、蟹子、蟹柳、粟米🌽、青瓜🥒，呢款係唔辣嘅，又有青瓜可以食下，食下蔬菜🍉。【香港經典透明袋裝撈撈麵 $15/3包 $18/4包】 揀咗一包麵、蟹柳💗、腸仔、粟米🌽，仲有多款食餸選擇👀，好似仲有牛肚、魚片、墨魚丸等…真係應有盡有呀。【爆辣炒飯 $58一盒】裏面已經有多種助料🧑🏻‍🍳，有紫菜、蟹子、腸仔、蟹柳等等，🌹我自己最鐘意食佢呢一味，真係幾好

今次嚟到元朗呢間已經聽咗好耐嘅爆辣冷麵🍜 其實我本身唔係好食得辣，所以專門叫咗姐姐幫我俾最少最少嘅辣度😅呢度係外賣形式，好似以前細個讀中學喺學校附近食小食嘅感覺~ ✨爆多蟹籽冷麵超多蟹籽，食嘅時候充滿咬破一粒粒蟹籽嘅口感~✨蟹籽沙律我最鍾意嘅應該係呢個，有咗沙律青瓜絲嘅中和，清清涼涼咁樣對我嚟講冇咁辣，少許嘅螺肉亦令整體口感同味道 更惹味✨爆炒烏冬呢個係我就算唔食得辣都好推薦嘅，因為佢真係辣得好好食，我最後一邊飲牛奶一邊都要食😅✨有賽磅蟹杯麵呢款比較香，有淡淡嘅油香味開頭唔係好有辣味，但係後勁好強✨透明袋裝撈麵呢個袋裝撈麵，簡直係中學時代嘅懷舊小食，情懷滿分❣️✨爆辣炒飯我自己好鍾意食炒飯嘅，所以呢個我當然都係好鍾意🙌🏻推薦大家試試喔~✨雞軟骨雞軟骨炸得好香口，唯一就係有少少太鹹，唔小心重手咗🤣所以我係配埋蟹籽沙律一齊食就啱啱好

最近喺社交平台經常見到呢間小食店咁啱我今日要去元朗 就一於試試佢本住未必會再嚟嘅諗法我一次過叫左6️⃣款諗住試哂呢間店嘅名物（最後分左好多餐食。。）🔸️爆多蟹籽冷麵真係超多蟹籽滿滿嘅蟹籽將冷麵完全覆蓋一放入口就係一粒粒蟹籽被咬破喺口入面爆開爽爽嘅口感搭配冷麵軟冧冧嘅口感令人好滿足🔸️蟹籽沙律其實我好怕蟹籽沙律入面青瓜嘅草青味但呢間嘅青瓜並無果種草青味雪凍咁食 青瓜加上醬汁 清清涼涼 入口很清新少許嘅螺肉亦令整體口感 味道 再多加一個層次🔸️爆炒烏冬呢個我會用「必食」呢形容因為佢真係辣得好好食有啲似鼓油王炒烏冬但因為有辣味佢嘅味道並不單調咸 辣 兩種味道交織令呢份烏冬變得好好味🔸️有賽磅蟹杯麵如果唔係好食得辣呢款我真係唔推介（我都辣到唔係好食到）佢一入口 係淡淡嘅油香味完全無辣味但轉瞬間 佢嘅後勁便出現並且非常非常‼️辣如果你鍾意食爆辣🥵我會好推薦你食呢款🔸️透明袋裝撈麵食呢個嘅時候令我好似返返以前細個果陣成日食袋裝撈麵大個左就冇乜點食絕對係懷舊小食之一💓🔸️爆辣炒飯呢個味道辣得嚟同烏冬差唔多但我會比較欣賞烏冬因為烏冬比飯更入味更香但炒飯都唔差推薦大家試試喔～

今日同幾個朋友嚟元朗挑戰爆辣冷麵見佢社交平台好多靚女都有介紹 好似好出名咁咁就要過嚟睇吓到底有幾「爆辣」本人食開譚X10小辣 朋友食開小辣辣度可揀爆爆爆/爆/大/中/小/蚊仔辣怕辣都唔使擔心 仲有唔辣可揀叫咗以下幾樣嘢食 揀咗蚊仔辣都幾辣- - - - - - - - - - - - - - - - - - - - - - - - 1. 爆多蟹籽冷麵上手真係蟹籽滿滿 就快想跌出嚟咁啊成個盒面充滿蟹籽橙色 真係吸睛蟹籽上面舖咗少量紫菜 下面就係冷麵冷麵用咗粗麵 唔會淥到淋晒食每啖麵都感覺到蟹籽嘅爆裂感為冷麵帶嚟咗豐富海鮮風味2. 招牌蟹籽沙律呢個沙律有好多食材喺裡面包括青瓜絲、蟹柳絲、粟米、蟹籽仲有海鮮帶子裙邊 咁多食材6種顏色同口感都好豐富食到好辣嗰陣 食啖清爽沙律即刻可以幫手緩解到個刻嘅辣勁3. 賽螃蟹杯麵賽螃蟹即係用咗蛋白模仿蟹肉好多時見中國菜式入面先有估唔到可以加入冷麵度仲要咁有創意用杯裝住杯頂裝有好多食材 除咗賽螃蟹仲有粟米、西蘭花、蟹籽、蟹柳、紫菜4. 透明袋裝撈麵記得以前中學放學會成日買嚟食18蚊4包 叫咗蟹柳、粟米、香腸本身已經有蟹籽同紫菜要蒜要辣 回憶即刻返返晒嚟呢個我