爆辣冷麵 (已搬遷) 新店位置

要食得開心緊係要爆多材料，見到都興奮🤣爆辣冷麵樣樣都爆多料，食到小明好滿足又勁仲意😋價錢又親民，買外賣番屋企同屋企人一齊食，好正啊😚小明為食餐單: 爆荽蟹籽冷麵🥗 $40 芫荽控見到依個爆荽蟹籽冷麵一定會尖叫🤩滿到爆既芫荽蓋住爆多既蟹籽，再下面就係辣冷面，我揀左小辣，辣辣地又香又惹味😋爆多蟹籽冷麵🍝 $35蟹籽多到完全蓋曬所有冷麵，每一啖都有蟹籽，好滿足🥰爆撈小食(中撈)🍢 $58有魚片、大腸、腸仔、粟米、牛肚、蟹柳、蟹籽、尤魚、火腿丸、墨丸，依d小食用黎送下啤酒一流😋仲有小撈同大撈可以選擇添🥰爆辣冷麵🍜 $15/3包 $18/4包用經典透明袋裝住既冷麵，好方便，食落好惹味，仲要好抵添😍

我記得以前放學成日同啲同學一路行街一路食撈撈🥰不過而家疫情之下，都冇得一路行一路食，原來元朗都有冷麵買，喺又新街嘅又一新城，地方唔算難搵，都好近電梯入口！有袋裝冷麵、盒裝、仲有到會添～我建議買盒裝超抵食，呢度最出名就係辣椒🌶️雖然我唔食辣，不過依然咁好味😋佢嘅醬料同出面唔同，超正呀！冷麵上面鋪滿好多好多好多嘅蟹籽😍😍除咗蟹籽冷麵之外，小食拼盤都超好味😋樣樣都有，真喺超豐富！食完真係超飽啊🙈

無論你係元朗之友或者唔係都好，入到元朗絕對不能錯過同要支持一下呢間良心小店！💛💛我就試咗佢哋嘅《撈撈》，記得以前讀書年代放學都成日買嚟食的，一包麵幾個餸要大蒜大辣，啲回憶突然擁晒出嚟，感恩再次比我遇上，從而尋找到兒時的味道！不過佢哋嘅辣味就更加惹味同辣的！🔥🔥另外仲買咗一盒爆多蟹籽冷麵同爆撈小食返屋企慢慢嘆！的確係爆多蟹籽的，滿滿掛住係冷麵上，堅足料，好似蟹籽仲多過麵咁！食落滿口脆卜卜，口感真常之特別！另外盒爆撈小食都好正，有成十款不同配料，好啱配埋啤酒同食，聽說日後仲會有改量版面世好期待呀！😁😁😁店主浩思同店員都好Nice的，小食價錢又親民，除咗係現場購買之外，仲可以叫熊貓同袋鼠外賣的！非常方便！ @very_spicy_cold_noodles 由於為食嘅關係，我係現場仲食咗一杯《貓星人》Homemade嘅榴槤雪糕! 香濃又夠滑，重點只係HK$15咋！真係好低食呀！不過唔食榴槤嘅朋友可以選擇蜜瓜味、士多啤梨牛奶味或香蕉朱古力味！更加經濟只係HK$10杯！ @scaredycathk

今日一場去到元朗呢個充滿街頭小食嘅地方，就順便去搵食🍽老公鍾意食辣🌶搵到呢間個名都叫爆辣冷麵嘅買外賣返去一齊食。不過我唔係好食得辣，所以叫咗一個唔辣嘅爆多蟹籽冷麵，見到店家喺度整嘅時候喺麵上面鋪滿蟹籽，真係勁震撼😱😱不槐為爆多蟹籽😆而老公就叫咗一個爆辣程度嘅芫荽爆多蟹籽冷麵 🍜 蟹籽同芫荽嘅份量又係堅多😆兩個冷麵嘅份量都係好多，食完真係超飽。而且食到生蒜🧄麻油味好香。非常食得辣嘅老公話普通爆辣程度唔夠，下次要食就一定要食爆爆爆辣😂😂最後要咗一個本地製造嘅 椰子牛奶雪糕🍦比小朋友，佢自己食晒成杯，我試咗一啖，又確實有好香濃嘅牛奶同椰子味😋

去元朗搵朋友佢帶左我遊元朗身為北區人真係十年唔去一次地膽既佢化身免費導遊😂夜晚又餓了晚餐就簡單食個撈叫左皇牌蟹籽撈估唔到大大盒 ，一盒絕對飽食到辣既可以挑戰爆辣唔係就建議小辣先🤭🤭蟹籽多到條條面都包住😍依架仲有爆茜冷面，#芫茜控Try! JUST DO IT 🤣有住個邊既你地都可以試下見有雪糕賣特登要左海鹽雪糕因為本身都好鐘意🤤🤤📍 @very_spicy_cold_noodles

朋友之前介紹過元朗有一間食好辣嘅冷麵，由於我非常之鍾意食辣野嘅關係，難得一次入元朗，梗係唔會錯過啦兜咗個圈搵到間鋪仔，真係唔係好顯眼，睇啲網評個個都話食少辣已經好辣，仲要講到辣到忘記左自己！我懷着非常之興奮嘅心情叫咗個小辣撈麵帶走。當時有兩個職員，枱面擺咗一盒蟹子，但係冇完全無野遮掩，也沒有擺落雪櫃，而且我去間舖頭之前亦都唔見有顧客。其實係呢一刻真係有想過不如唔要，但係既然落咗order就算啦，其實內心係非常之不安！落咗街之後去咗雞粥度食野，即刻攞盒麵出嚟試吓，‘’咦點解一啲都唔辣嘅‘’簡直係崩潰呀！點解個個網民都係話小辣已經好辣？

係openrice叫良心外賣💛，唔洗等咁濟，方便👍🏻鋪頭細細間，留意返，無得堂食嘅，叫左個爆多蟹籽冷面，小辣$35。真係爆多蟹籽！咁多蟹籽自然口感好好，好似食爆炸糖冷面咁😂小辣都已經好辣，唔食得唔好亂試。加左d餸，$38有魚片，腸仔，粟米，牛肚，蟹柳，蟹籽，魷魚，火腿丸，墨丸，味道就唔多講啦，都係現成買返黎果啲感覺啦，好足料，都係好辣，野飲準備。如果行過掃街嘅淨係叫冷面都夠哂數，我正餐先叫咁多咋。

又一新城呢個場，真係開左咁耐都無上過去，近日屋企人多左去呢度，因為開左爆辣冷麵！佢啲蟹籽多到瀉真係出晒名，親身去買盒就知幾誇張。叫左小辣嘅冷麵，打開盒果然無失望超多蟹籽，多到幾乎睇唔到麵。第一時間就係撈混佢食啦，個辣汁入面仲有唔少生蒜，辣椒籽等，重口味之選，哈哈。麵條吸滿辣汁好惹味，每一啖都勁多蟹籽，爆下爆下嘅口感，仲有佢係越食越辣嘅，鍾意辣野嘅真係好過引。挑戰過一次中辣，哈哈，呢個已經覺得太勁頂唔順，都係食番少辣夠啦。前排做緊特價買一送一，35蚊兩盒抵到喊出黎，唔知優惠完左未呢。

🔎爆辣冷麵 (元朗) 💛📍元朗又新街37-51號又一新城1樓F066號舖-🔹爆多蟹籽冷麵 $35/盒一盒相等於4包麵 仲要有咁多蟹籽 相當抵食有名你叫爆辣冷麵 辣度當然唔會令你失望 由蚊仔辣同爆爆爆辣 總有啱你嘅辣度愛蒜之人表示蒜都落唔少 正呀🤣總重口味愈正覺得唔夠嘅仲可以+$5加餸㗎app都有做緊優惠 有興趣可以留意下

終於俾我食到爆多蟹子冷麵成日係社交平台見到人地post今次我都得起心肝走去買去到見到佢整緊野準備開以為佢未ready 好 因為網上都寫2:30開甘佢都好好甘話開左有得買唔洗搵地方hea時間真好買完可以回家了佢只有外賣🥡鋪頭細細甘 但五臟俱全真係好多蟹子撈埋一齊啖啖都有蟹子痴住係麵到d麵都好爽口 唔算霖 係冷麵既感興配上臭蒜 但真係好正粒粒蟹子係口到爆既感覺 興奮🥰不過一定要叫小辣 唔好叫bb辣無辣就無甘好食小辣係岩既 唔算好辣 但有辣味真係值得一試又唔貴 35蚊 就可以食飽食曬真係飽足一個下午滿足

話說睇到報道見到元朗有一間出左爆辣冷麵仲要係多蟹子，咁今日就抱住挑戰嘅心態黎試吓😂上到去舖頭細細，咁就叫咗個爆辣冷麵，上到去丫姨問我食咩辣度，咁我就話小辣，佢仲好貼心話小辣都已經好辣😂 甘打開個盒見到入面真係好多蟹子 非常之甘足料😌開頭食左幾啖覺得冇乜嘢 點知食多幾啖就開始黎料！真係好辣！佢係辣到喺胃位度你都feel到😨我仲只係叫左小辣 ！真係唔敢想像辣或者之後嗰啲辣有幾辣😱不過鍾意食辣嘅朋友絕對唔可以放過，一定要去挑戰一下！😂

每次同細妹㩒錢經過都一定叫我試的冷麵，但次次都食唔到，所以佢貼心到買外賣返屋企比我食，位置喺七十一對面的一個商場，滙豐櫃員機旁有樓梯上去，不當眼，鋪面細，但有捧場客，原因在於佢個冷麵爆多蟹子，而且辣度叫爆辣，中意食辣嘅人一定要買嚟享受下~當然，為保險計，佢買咗BB辣比我，因為佢上次食完即時ko咗一枝綠茶都未能解辣，所以佢買個入門級比我，ok的話下次再升級挑戰。果然沒有令我失望，BB辣都幾辣，但我接受到再辣D，以＄35盒嚟講係夠飽，可作午餐之選，但買咗即食先係最好味，嗰日買咗差唔多成個鐘先回到家進食，食唔到最佳味道，但都好好味~刺激味覺的首選，除單點，仲可到會，但就只得外賣。下次嚟個升級版～

爆辣冷麵🔥.有一次係朋友派對上食咗爆辣冷麵今日好開心又可以食多一次😍.最欣賞嘅係佢夠哂辣 醋味濃有辣度選擇BB辣 小辣 中辣 大辣 爆辣 甚至爆爆爆辣😂小天后叫咗大辣已經食到流鼻水了😶💧.原來秘製辣椒醬係由老闆親手用三個小時炒製而每一次嘅製成品只足夠用三日所以保證新鮮！.老闆外表人如其店名 - 爆如果唔係佢講嘢先你絕對唔會敢同佢講野🔪不過一開口就感受到他的不拘小節和好客！小天后問佢點解咁多蟹子又咁大盒都只係買$35咁平？老闆淡淡然答道: 「只要客人食得開心就ok啦~」見到呢一種人覺得香港仍然可以容許到呢種價值觀存在感到好恩惠🥰.希望多啲機會嚟元朗又可以再食啦☺️☝🏻————————————爆辣冷麵📍元朗又新街37-51號又一新城1樓F066號舖⏰ 14:30-21:30☎️ 26989997———————————#noodles #coldnoodles #冷麵#YuenLong #asianfood #麻辣小天后 #元朗#食好西 #爆辣冷麵#辣 #辣椒 #hongkongnoodles #foodporn #foodie #spicy #chilli #chili #hkspicyfoo

上網見好多人都話元朗有間撈麵啲蟹籽多到唔洗錢咁~睇相個個都話好味又好抵食~所以專登去搵吓佢嚟食~搵咗一輪~原來喺一間唔太起眼既商場入面既小食店~當日去到係唔需要排隊~企係小店前面諗咗一陣~決定試咗佢出名嗰個蟹籽撈冷麵~好心急想試吓~全程睇住佢整~店員問我哋要幾辣~我同店員講我食到譚仔既小辣~佢就話....咁就BB辣啦賣相幾靚架~見到都流口水~佢無堂食既~我哋心急到企喺個商場啲吉位度撈嚟食~又真係幾好味~同埋BB辣都真係好辣啊~食完之後....我極速飲咗成枝綠茶~~飲完之後,都仲覺得好辣~愛辣人士~可以挑戰一下啊~

喺又一新城去駿領體育穿線，店主推介旁邊嘅爆冷辣麵好好味，見$35一大盒都唔算貴，所以就幫襯下。由於本人唔係好食得辣，所以就叫咗蚊滋辣。大大盒，蟹籽勁多，店主毫不吝嗇咁放喺麵面！好食麵質唔會太林，有口感！撈完之後，仍然每一啖都有蟹籽。正呀不過小店不設堂食。所以一係就帶返屋企食，一係就邊行邊食。依家仲新增左支付寶俾錢添大家不妨去食下呀！仲可以順便去旁邊嘅駿領體育買羽毛球用品，或者拎支羽毛球拍去個度穿線