爆汗串串 (已結業)

今日星期六和朋友在旺角行街，在廣華醫院附近見到有間餐廳黃色招牌，店面特別，不禁令我們停步看看是吃什麼，原來主打四川粉麵和串燒店，見價錢不太貴，就決定坐下食個下午茶蕃茄牛肉麵啲牛肉幾好，都淋既，唔會好硬到咬唔開爆汗牛肉麵 仲加埋蛋!叫左麻辣湯底 個人唔食得太辣，所以叫左少辣成都串串香之後就到主菜喇因為未到晚飯時間 我同朋友都只能輕食 我地揀咗15串嘅套餐當中我地揀咗牛肉、花枝丸、海帶、成都小香腸同埋鴨吞一嚟到望個樣好似平平無奇 但一聞落就知唔惹小 食落就更加愛上牛肉超鬆軟，應該之前用孜然/茴香醃過 食落好有風味 花枝丸同海帶完全索晒嘅麻辣成都老冰粉解辣之選! 冰粉唔會太甜, 仲加左酒釀、芝麻、山渣同提子乾, 無論口感同味道都好豐富!

今日同女朋友放假去旺角行街，行到咁上下肚餓想食下野，前兩日食完串燒唔多夠喉想再食下，係旺角最後搵左呢間試一試望落幾有氣勢咁，爆汗食完之後係咪會係咁流汗？😂我地叫左d小食，當然唔少得串燒，佢$128/30串，圍返起都係4,5蚊串，每串1大舊咁，幾扺食，而午餐太飽就冇叫。而佢枱面有紙巾同圍裙提供，都幾甜心串燒主角到，四川風味好濃厚，佢串燒應該全部係辣，而且係好麻，麻到頭皮發麻個種，鐘意食辣既人一定岩食！我都真係食到流哂汗😂我推薦大家一定要試既😆👍🏼豆卜 吸哂d味好正牛柏葉 爽口入味午餐肉 一定要揀喇其他就睇自己口味揀，我揀黎食個啲既味道都唔錯，所以大家自己都發掘下🤣

川菜一向都以辣出名，而我就係一個無辣不歡既人哈哈 岩哂我心水menu有好多不同既菜式可以揀今日就揀左個腸腸面同口水雞，同fd share黎食爆汗肥腸面大陸好hit既肥腸面，姐係我地既豬大腸一碗面就已經有勁多肥腸，唔似得車仔麵咁d餸得3 4舊！我再加左有蛋同豆卜材料都幾新鮮，味道都在合格之上，特別係個湯底令我好impress！辣得來帶點麻，好正宗係四川個隻麻！口水雞口水雞既價錢很便宜，而且係送個飯的，就好似叫餸食飯一樣，只需要38蚊！都咪話唔抵食黎到個例牌size都幾大，口水雞就冇得揀辣度，但係呢個辣係屬於小辣，接受得到的！雞件都幾嫩滑，特別係加埋d辣汁食會更開胃！飯有種解辣既感覺！不錯不錯

四川既野食不嬲都係出名辣既，而家咁凍食就岩哂今日去既呢間係油麻地新開既四川風味店，係新開既，主力係賣串串串串係新興既一種打邊爐食法，首先揀選左想食咩既食材，廚師就會用打邊爐既方法淥熟佢再送上枱，咁就可以即時食到新鮮滾熱辣既串串呢度既串串78蚊有5種唔同食材既串串，每種食材就有3串，姐係總共15串，計返都只係大約5蚊一串，都幾抵食當然最重要就係個味道！辣味勁道十足，加上佢上枱既時候係有湯底浸住，所以係非常之入味嗌左既有豬腸，台灣腸，娃娃菜，豆卜同豬軟骨，全部都好吸味！個麻辣既味道係辣到直接出汗！係冬天都熱到我地出哂大汗，呢個時候整杯豆漿岩岩好睇下個杯幾cute！打卡一流

今日在旺角睇完戲後，仍不太肚餓，在登打士街走走看看，有間搶眼招牌《爆汗串串》，愛吃辣的我想來挑戰一下啦！ 餐廳全位有10枱，有麵類、串燒類，大部份客人都以串燒為主搭小小麵。平時撈麵加小食就多，今次用竹支去串上每樣食物，又幾過隱！可選擇 HKD 78 / 15串 （5款）全都是餐廳所推薦有口感爽爽聲的萵筍 、魔芋和小魷魚，牛肉 - 有咬口而且沒有很韌。肥腸 - 清洗得很乾淨，入味，而且沒有很多肥膏。缸缸火鍋粉 HKD 20 有大/中/小而我選了中辣仍撐得到，也能嘗到食物味道，薯粉水晶般通透，有咬口、煙煙韌韌不易斷。

今日天氣凍到得返12 度，於是同朋友行旺角買下衫，行完潮特去到廣華醫院附近睇到「爆汗串串」嘅海報，於是就去試咗。間食店好有大陸串燒店嘅感覺，但配合新穎又有創意嘅街畫，令人感覺份外輕鬆。血拼到又餓又累，於是我地兩個都叫咗碗麵，朋友就叫爆汗牛肉麵，我就叫爆汗素小麵加雞肉轉薯粉。不單份量十足，而素小麵有好多菜，又有酸菜、小竹筍、木耳絲、腐皮，各樣配菜爽口。話得黎食串串，就更加要食呢間店出名嘅串燒，$75 就有15 串，平均$5 一串咋！又多花款又有心機整，我地叫咗千層肚，原來姐係牛柏葉！唔單止洗得好乾淨，重好彈牙添呀！魷魚就偏細件，不過雞胗夠大搭救，秀珍菇入味又夠多，成都小香腸就有少少似台灣夜市feel! 食完麵再加配小食真係好滿足。因為有少少辣，飲埋杯豆漿就岩岩好中和晒，而且豆漿好有豆香味，又唔甜，perfect!

在這個冷冰冰的天氣當然要食辣的東西暖胃啦，在網絡上都會看到最近很多人說的麻辣串串，我也跟上潮流的去吃一下。當然吃辣的一定要喝飲料，這是烏梅汁及豆漿，幸好有點了它，不然我就要辣死。我們各選了一碗麵，朋友選的豬手麻辣麵先來，他不太能吃辣就選BB辣 ，豬手滷得很入味又夠嫩，朋友大讚👍🏻然後這是我選的爆汗豬腸火鍋粉，火鍋粉即是紅薯粉，是粗身那一款，辣度選了中辣，中辣真的是挺辣，但覺得還是可以應付的。最後我們點的串串終於來了，我們點了十款共三十串，這個辣度就不能挑選了，串串燒烤過後再沾麻辣汁，真是很惹味，其中秀珍菇、雞軟骨及黑木耳我最愛，而吃到這時候豆漿都早已喝光，但真是太辣了我便馬上點了一個甜品舒緩一下。這個簡直就是救星，冰冰甜甜的味道完全拯救我，讓我可以繼續吃下餘下的。這裡真的是讓我辣得非常過癮，頭髮都濕了。下次絕對絕對會再來吃，已經上癮了😍

屋企附近新開了一段時間的爆汗串串，究竟有幾爆汗呢？今日終於同老公去試一試。番茄牛肉麵加豆卜及腐皮番茄粒、牛肉粒、豆卜及腐皮舖滿了表面，牛肉粒很腍，豆卜及腐皮吸收了湯汁，幾夠味。爆汗肥腸麵加豆卜及腐皮豬腸洗得很乾淨，因為怕太辣所以點了BB辣，麻味就不強勁，辣味可以接受，但堅爆汗，加上豆卜及腐皮吸收湯底辣味，越食就越爆汗。滷掌翼雖然話唔辣，但始終都有點淡淡的辣味，滷翼炆得不算太腍。豆漿及烏梅湯豆漿味道較一般，似豆漿粉開；反而烏梅湯酸酸甜甜更好味。冰粉上面淋上山渣及提子乾，還有糖水，冰粉滑嘟嘟，去除口內麻辣感。

年尾瑣事較多，短時間內未有機會北上吃喝，內心一直想念那些麻辣小吃。今天和友人在旺角逛街，看到這間標榜吃麻辣串的「爆汗串串」，二話不說進門一試。門外的宣傳海報強調是正宗成都風味。「爆汗串串」出售的食品不多，但大部分都離不開辣。所以筆者點餐時，已做好心理準備來迎接這個爆汗挑戰。筆者點了成都串串香的78元套餐，可選5款串串，每款有3串，總共有15串。串串香分別有素菜和葷肉可選，二三十款實在令人花多眼亂。所以決定依據餐牌上的店長推介，分別點了魔芋、雞軟骨、成都小香腸、魷魚和鴨舌。5款食材均十分入味。成都小香腸口感似臘腸。筆者認為當中以魔芋最為索麻辣味，軟滑的口感帶著濃郁的麻香味。店員遞上了一個竹筒，表示吃完的竹籤可以放進筒內。這樣便不怕意外被桌上亂放的竹籤弄傷了。爆汗麵食的辣度由BB辣到大辣可選。修行未夠的筆者只敢點BB辣，但吃了數口已經感到喉嚨麻掉了。湯底香辣但不油膩，麵質煙韌，甚為掛汁。前面2道菜都是辣味，頓時間滿口腔又麻又辛。尤幸點了這碟非辣味的棒棒雞，立刻成為筆者和友人的解辣恩物。棒棒雞是一味冷盤小吃，以青瓜絲墊底，上面舖上雞絲，淋上芝麻醬。雞絲和麻醬本就是無敵組合，不過落在以吃辣為主

店舖裝修幾新潮以黃色為主色，入到去見到牆身佈滿劃畫，畫功似d日本漫畫既手筆，都幾靚。凍豆漿($12)，燈膽器皿雖然唔係新事物，但做飲品器皿仍然幾吸睛。棒棒雞($36)，即係掠伴手撕雞之類，有雞絲、青瓜絲、胡麻醬、芝麻，食落又爽又香，雞皮好滑。五香鹵豬手($40)，煮得好入味，豬手皮好腍，而且豬手冇毛，處理得好好。爆汗肥腸麵、黑木耳、花枝丸($54)，麵好幼幾特別，唔係用傳統既米線，肥腸處理得乾淨，容易咬開，花枝丸亦好彈牙。酸菜豬肚麵、鹵蛋、陀陀餐肉($54)，蛋好滑，豬肚夠爽口，餐肉厚切，湯底酸尾尾，正。

大陸新興的麻辣串串終於登陸了旺角，即刻同朋友去朝聖。豆漿：以燈泡形狀的器皿盛載，豆漿味道不會太甜。滷豬手麵：豬手炆得入味且腍，入口溶化，外皮骨膠原豐富，另外還加了腐皮及豆卜，兩者都吸收了湯汁的味道，所以比較濃，而幼身的麵質比較腍滑。成都串串香：以麻辣汁浸著的串串，有厚百頁、雞柳、牛肉、鴨舌、豬皮，麻辣汁比較大眾化，不會太辣，適合大眾人口味，不過串串份量就不多，每串少少。最後以冰粉作結尾，食完之後完全清除口腔的辣味。

人生就是充滿住挑戰同嘗試今日竟然同朋友嚟旺角食麻辣串燒除左串燒之外，都有幾多其他選擇麵同小食都有埋牆上面既裝潢字句都幾搞笑連紙巾都印埋鋪頭名最細心係有埋圍裙嗌左兩枝有汽咸柑桔🍊嚟解辣棒棒雞($36)依個棒棒雞真係好棒棒個雞好滑，加埋加醬真係好正清湯水餃($28)又係另一個好食之選係好細隻既水餃，薄薄既皮包住全部都係豬肉嚟簡單既調味，一啖一隻，好快就啪晒成兜好味主角終於壓軸登場聞到陣麻辣味就覺得有種打大佬既感覺😂😂揀左$128有30串一串其實都係一兩啖就食得完食落唔係真係好辣，再上有啲麻，都幾過癮同埋辣左一陣之後，個辣好快散唔會好似其他死辣咁唔散嗜辣之人一定可以過足癮因為我怕越浸越辣，所以拎左上嚟😂(無錯，我認我係廢柴🤫)啲侍應見到我地咁廢，好主動問我地要唔要加隻油碟話可以解一解辣，好細心揀左十款，我就最鐘意肥腸、雞軟骨同五花肉雖然依幾款都唔算好吸湯，但我覺得就係咁先顯得個麻辣係調味，唔會喧賓奪主依幾樣加左麻辣都只係辣辣地，幾惹味最後再嗌多次棒棒雞😂一來真係好食，二來用冰凍既嘢食嚟解下辣依個辣食完唔會好辛苦，出乎意料都食得幾過癮

爆汗 串串位於旺角廣華街， 由旺角東港鐵站行過去要大概十數分鐘。 餐廳不算很大，但仍能夠坐 二十多來三十人。 爆汗串串主打的是成都菜， 這天再來一次這裡的菜如何爆汗。口水雞飯這裡的口水雞 麻辣味非常重， 集麻辣鮮香嫩爽於一身。醬汁香之餘帶辣勁，雞肉肉質嫩滑， 唯一美中不足的是白飯比較細碗， 如果一個大男人來吃未必夠飽呢。爆汗肥腸麵點的是BB辣，湯麵上高浮了薄薄的一層辣油，麻香辣夠勁，冬天的午餐換換吃個重口味的麵食也夠暖身的，果然一邊吃一邊冒汗，舒爽又通體，肥腸斜切段，雖然中間還有少許肥膏，但肥腸吸收了滷汁後味道很香。杠上滷掌翼即 鹵水鵝掌鵝翼 ，軟韌厚肉，軟硬適中， 鵝掌鵝翼鹵得入味，肉質嫩滑，非常不錯吃。當然還要叫一些不辣的東西 以解辣味上湯娃娃菜娃娃菜細嫩而無渣。清湯水餃水餃皮薄餡嫩、 肉餡細嫩化渣 ，味道也不錯吃呢。最後我們叫了豆漿，豆漿放在燈膽的器皿，很得意呢。

12月還沒有去深圳遊樂，倒是對串串十分想念，香港地好像還未普及化，卻給我們巧遇了一家小店：蒜泥青瓜16細細碟，碧緣爽脆，蒜粒充足，帶點刺激。棒棒雞36蔴醬濃郁芬芳，大家一块撈起，雞絲和青瓜令人超開胃。農家小土豆16全餐最掂，辣粉有後勁，個醬令烚薯即刻5單調，薯仔好粉，麻辣味道要好。上湯娃娃菜18清清的娃娃菜，份量不算少，菜蔬夠軟淋。成都串串香78 15串 只限5款蓮藕切得厚，爽口。魷魚🦑有咬口，彈牙。煙肉金菇最美味，煙肉半肥瘦，有咸香，金菇索辣汁，兩者好夾。成都小香腸好迷你，有嚼口，味道較有層次。豬皮最索汁，很脆呀。這道店子湯底沒有小中辣可選，但味道港式不會太辣。王老吉12烏梅汁12💡樽幾靚賣相，烏梅酸甜開胃，冰凍怡人。食後感：價錢實惠，食物中上，沒有加一，地理便利。

踏入秋冬天，都會想吃熱辣辣的東西，串燒就最合我口味。早前上網得知這店爆汗串串有超過三十款串燒選擇，好想去吃，昨天就約了好友一起去歎下這裡的串燒風味啦！裝修簡樸，圖像逼真寫實，地方整潔，在這裡食串燒，別有另一番風味！餐牌上除了串燒外，亦有四川湯麵、風味小食、甜點和飲品。這裡的湯麵底特別加入由成都空運香葉、草果、桂皮、丁香、紅花椒、印度椒、八角等十二種配料，再加入秘製辣椒油製成，正宗四川風味。我們點了 $78 / 15串 (可以選5款)，有牛肉、鴨舌、黑木耳、白蘿蔔和娃娃菜。每串食物都有醬汁浸著，麻辣味十分香，配料亦很濃郁，吃每一串口腔都感受到勁辣滋味，嘴唇立即出現紅紅熱熱，更而且有麻的感覺。現在天氣只得12度，但每吃一串竟然都會出汗，刺激又美味，真是辣得夠過癮啦！！！還有揀了成都老冰粉 $15、烏梅汁 $12 和 健怡可樂 $12。賣相特別的成都老冰粉，晶瑩剔透的冰粉，口感有點似涼粉，加入用黑糖製的糖水，清甜可口，再加上山楂片、青葡萄乾和白芝麻做配料，口感豐富，既好味又潤喉。用燈泡💡形狀的器皿盛載烏梅汁，別有心思，烏梅汁帶少少酸，濃濃烏梅味道，飲起來亦有少少甜，最重要是剛剛食完麻辣串串，