爆丼屋 (山東街)

营业中

休息中

成日都聽朋友話呢間好抵食，性價比高，終於搵到機會試試佢😻！呢間都有啲期待，入到去好新淨，樓底高，感覺都好舒服，唔會覺得好逼！.一黎到有湯飲，呢個湯一啲都唔hea，唔會淡茂茂，仲有唔少餸的～.Menu好多都好吸引，期待左咁耐，豪豪佢🤪呢個三段重大極上丼，圖文相符😻碗邊圍滿蟹肉，驚佢跌哂出黎，所以一定要試左先！好鮮甜，好重蟹味！大家都見到拖羅既份量，真係唔係講笑，油脂分布均勻，頂頂仲有一堆海膽，味道唔腥，絕對冇令人失望！無論係貌相定味道都好高質呀😆.第二碗嗌左鵝肝海鮮盛丼，本身都有啲擔心鵝肝會難食，但呢個果然都係高水準，煎到外脆內軟，仲夠哂厚。帶子係我最愛，大粒又鮮甜🥰份量又多，粒蛋撈埋落啲飯到，一流呀～呢碗都有海膽架！仲有魚子，咩都試到，性價比極高👍🏼！.介紹埋兩杯野飲先！呢到有好多特色飲品，見到隔離檯嗌沙冰，大杯到嚇親！自問飲唔哂果個巨大既沙冰，所以揀左呢款泡泡浴沙冰，好靚又好飲😻最欣賞佢唔會太甜！荔枝青檸梳打就好fresh。強烈建議大家行街行到身水身汗既時候一定要嗌呢啲野飲，飲完爽哂😆！！

旺角呢間爆丼屋除左材料爆多之外，人都好多，平日晚飯時間都見到有人等位，不過唔算太耐，同埋d 野食好好食，值得一等呀🤣🤣四重火山盛丼 ($298)🍱🍱拖羅蓉，海膽，蟹肉，三文魚籽，份量勁多咁鋪滿哂成個丼既表面，拖羅蓉軟滑，海膽係大大隻果款，蟹肉一絲絲甜甜地，三文魚籽又有返d 咸鮮，整體配合得好好，有好多重口感😋😋三重大極上丼 ($398)🐟🐟好鮮甜好好味既丼飯，海膽係由日本直送非常之甜，仲要有好多片大大片厚切既拖羅😍😍入口即溶好肥美，食到好滿足😚😚當然唔少得一大堆蟹肉黎餸飯啦😛😛跟飯仲有個足料麵豉湯，入面有肉絲，蘿蔔，仲蜆肉添👍🏻👍🏻芒果沙冰 ($48)🍹🍧朱古力沙冰 ($48)兩個沙冰都好大杯，但佢其實仲有個魚缸size 再大杯d🤣🤣沙冰夠足料有齊果粒同朱古力粒粒，兩個都好好飲📍 爆丼屋 (山東街) (旺角)旺角山東街57號地下#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblo

✨超份量！三段重大極上丼🥡💰398💫評分: 7.4/10📝呢個丼面頭鋪滿9塊肥美拖羅，側邊有蟹肉圍邊，上面有海膽，整體刺身好足料，拖羅有少少筋，但都肥美🥰，撈飯好滿足💯✨制霸！鵝肝海鮮盛丼🥡💰248💫評分: 7.8/10📝鵝肝帆立貝海膽丼‼️主角鵝肝有半隻手掌咁大，仲要係心型🤎入口即融，碗飯海量帆立貝用火槍微微燒過，中間隻生蛋黃🍳撈飯加埋鵝肝、帆立貝、海膽、三文魚子、黑魚籽一齊食，好幸福😍✨魚缸沙冰(芒果)💰68💫評分: 7.4/10📝份量大到嚇親🤣🤣🤣建議幾個朋友一齊叫先飲得哂，有粒粒芒果🥭，自己好耐無食過芒果汁味嘅沙冰🤣，店內仲有個泡泡浴沙冰爆谷🍿都好打卡🥰✨熱泡泡朱古力🍫💰38💫評分: 7.5/10📝因為驚成餐太多凍冰冰嘅嘢食，所以叫左暖笠笠嘅朱古力，加埋朱古力同棉花糖好邪惡🤣爆丼屋 𝔹𝕚𝕘 𝔹𝕒𝕟𝕘 𝔻𝕠𝕟📍旺角山東街57號地下(旺角🚇E2出口行3分鐘就到)💫評分: 7.6/10💬有機會想試埋佢個燒牛肉丼，牛肉疊到座山咁，爆丼屋旺角店搬咗新地址終於試到主打嘅就滿瀉爆丼飯，真係幾多選擇，叫兩個丼share兩個人一齊食就令到個丼更加豐富🌈，記住要落佢啲飯素，送飯一流🥰，其實間唔中夜晚

一向對日本菜好有要求，旺角呢間餐廳，真係令我翻尋味。皆因食材超新鮮。丼飯碗碗都夠哂份量，到幾乎滿瀉。果然係「爆丼」「四重火山盛丼」超甜海膽．吞拿魚．蟹肉．啖啖新鮮，加上Wasabi, 真心好食。「重量級燒牛排盛丼」牛排可選8成熟...油脂分佈好均勻，又淋又Juice, 入口已吃得出係靚牛。加上醬汁，味道更香更濃。「芒果味 制霸魚缸沙冰」「朱古力味 制霸魚缸沙冰」超誇張嘅魚缸沙冰, 無諗過成個頭咁大杯，足夠2個人一齊Share, 但真係飲得好爽好開心。下次一定一定再Encore 試埋其他款。

💡足料重量級丼飯🍚提起丼飯，不得不提搬左新鋪嘅爆丼屋，環境裝修較之前寬闊舒適，亦都較光猛。呢到有好多人氣爆燈既海鮮丼，選擇亦好多，必定有一款岩你口味😍🍽 麵鼓湯湯底濃郁，材料有豆卜、蘿蔔、海帶等等，表現唔錯！🍽 重量級燒牛扒盛丼 牛扒份量有兩層咁多，多到滿瀉！牛扒可以選幾多成熟，今次雖然叫左全熟，但牛肉依然軟淋腍唔會太硬，肉汁豐富之餘肉味非常濃厚。另外配左燒肉醬，味道適中，唔會搶過牛肉鮮味。而且醬汁可另上，如果驚搶左啲牛味，就可以分開黎上，推介！👍🏻🍽 六重相撲盛丼呢個丼飯用料豐富，六重分別係有三文魚籽、海膽、牛油果、灸燒左口魚邊、蟹肉、魚子醬。另外，米飯上面鋪滿曬三文魚籽，鹹中帶點魚鮮味，份量超多。海膽好新鮮，creamy得黎唔會腥，食個陣入口好滑，好重海膽味。仲有超肥美炙燒左口魚邊，加埋牛油果，令成個丼飯好豐富😋🍽 魚缸沙冰(朱古力)一黎到，個份量大到嚇左一跳，大過我成隻手掌🖐🏻我諗有3個人份量，朱古力味好重，再加埋啲朱古力碎碎係面，飲落去更加有口感🧡🍽 熱蘋果茶雖然係用茶包沖，但係味道非常濃郁，冬天飲啱晒！

同價錢不成正比 叫咗個$288三色海膽丼 啲份量係就係OK嘅 不過食一啖就唔想再食 啲海膽好似腐爛咗咁又腥又臭又苦仲要好似溶咗咁 叫就叫三色海膽丼 完全見唔到邊度三色 三隻色都同圖片嚴重不符咁 完成唔推介 好伏吖

鼎鼎大名既爆丼屋，搬左去新鋪，7點黎到未算好爆，即刻就入得。自己掃code落單，特別menu就可以叫人幫手order。樓底好高，掛左D雲☁️燈幾可愛。每個丼都配碗麵豉湯，有幾粒蜆肉仔，唔錯。三重大極上丼一次過滿足晒三個願望，吞拿魚係頂級大拖羅，油脂分布好平均，松葉蟹圍滿左成碗飯，海膽就略嫌有啲少，都鮮甜，當係一個點綴😆。叫左杯朱古力魚缸沙冰打卡🥸超大杯，2個人都夠飲！Mega 爆盛慢燒牛肉丼砌到成座山咁高，有成400g咁多，牛肉係薄切，入口柔軟，個sauce食落似酸忌廉，撈埋蛋汁一流😋。食完又可以一解思鄉之情🤪。

聽日難得放假，同朋友黎試呢間一直都好興趣既餐廳見到menu個個飯都爆晒碗咁勁，梗係要試下三重大極上丼呢款丼有海膽、拖羅同蟹柳肉，海膽睇落有2板，拖羅有8至9塊，拖羅都幾新鮮肥美，油脂味充足，無咩根位，幾唔錯🥳👍🏻另一個丼叫左鵝肝帶子海鮮丼有大概10塊帶子，食落都幾鮮甜，上面仲有手掌般大既鵝肝😍，鵝肝香煎過，所以表皮都幾香脆，跟住仲有海膽，好豐富野飲選擇都幾多，跟排秋冬仲有熱朱古力之選，朱古力濃郁得黎唔會太膩，可以一試

三重大極上丼（$398）：丼飯包括三款海鮮：蟹肉，拖羅，以及海膽。葡入眼簾就係滿滿嘅厚切肥美拖羅魚片，拖羅嘅頂端就係海膽，而蟹肉則圍繞碗邊鋪滿一整圈。拖羅柔軟鮮味，每一塊都充滿住吞拿魚魚脂嘅獨有香氣；海膽口感比較濃；而蟹肉則入口鮮甜。建議先品嚐蟹肉，再試吞拿魚，最後享用海膽。讓味蕾嘅體驗逐步逐步升級，享受唔同海鮮帶嚟嘅鮮味。夢之丼（$278）：呢款就特別適合胃食嘅朋友仔，海鮮包括有：甜蝦、帶子、吞拿魚、油甘魚、蟹肉、三文魚腩、以及魚子粒。絕對滿足到所有海鮮都想品嚐嘅朋友仔。全部都食到，一定好滿足。同樣地，海鮮嘅新鮮度值得讚賞！西柚梳打（$19）：西柚味唔會話好甜，有真材實料嘅西柚果肉。梳打水配以海鮮，甜而不膩。青檸梳打（$19）：清新嘅青檸味配以梳打水，戰無不勝嘅組合。相對上對於節食中嘅朋友仔負擔冇咁大，放心飲用。整體而言：餐廳嘅醋飯係用白醋，酸度適中，飯粒好有口感。係小編喜歡嘅壽司飯。飯粒越咬越香。夜半仲可以食到有質素嘅醋飯同海鮮，開心～爆丼屋 (山東街) (旺角)地址：旺角山東街57號地下電話：23322918營業時間：12:00-00:00#香港食好西 #旺角 #山東街 #丼飯

好耐冇食日本don飯~今日放工去mk的爆don屋，原來搬左鋪真係太耐冇來啦😎蟹肉don🦀全滿排左滿滿蟹排😋超正~鮮味再配埋蟹膏無得頂🦀Shrimp & Matsuba Crab Stick Big Don🦀🍛鵝肝帶子don~超多帶子加埋即煎鵝肝😋大滿足又邪惡Premium Foie Gras and Mixed Sashima Big Don仲有兩杯超巨大的沙冰🍧🍧🤭大到飲唔曬下次再試下其他款式的don~

成日係旺角山東街見到呢間日式爆丼飯都排哂長龍，今日早左收工，見門口唔多人排隊，決定試吓～環境舒適～打卡一流～Menu好整潔，而且丼飯嘅種類好多，仲有手卷、串燒、小食等等～飲品方面有特色梳打同埋酒精類飲品，好正～每個客人都有一碗麵豉湯～麵豉湯裏面好多餸，有蘿蔔、蜆肉、海帶等等，湯頭濃郁～飲品方面，叫左一杯蘋果湯加。好清新嘅飲品，蘋果口味略甜，配埋輕口苦澀的湯加，爽～另一杯就叫左葡萄柚梳打～呢杯口味更加清新，每啖都食到沙田柚肉，甜度適中，好解渴～我哋叫咗一個三色海膽盛丼～三色海膽鋪滿成個碗，多到滿瀉～三款海膽都勁新鮮，入口即溶，非常鮮甜～因為海膽份量真係好多，每啖飯配一大片海膽都無問題～另外我哋叫咗一個四重火山盛丼～呢個丼飯有鮮松葉蟹肉、三文魚子、海膽同埋拖羅魚蓉～份量勁足，個拖羅魚蓉高到成座山咁，食到最後係有餸淨冇飯淨，正到呢～總結，呢間嘅丼飯真係對得住佢個名，啲餸高質新鮮仲要份量勁多，日本丼飯迷唔可以錯過～

搬新鋪後第一次食爆丼屋，感覺環境裝修較之前寬闊舒適～嚟到依度梗係要食人氣爆燈既海鮮丼，估唔到除左有極量級既丼飯，連飲品都有巨大化版本😍❀ 三重大極上丼 🐟丼飯上鋪滿一片片拖羅，頂層加入日本海膽作點綴，而碗邊圍上一絲絲松葉蟹肉，賣相吸引又足料！拖羅顏色粉嫩，充滿油脂香又肥美，食落無咩筋，海膽新鮮唔腥，質感軟綿，配埋旁邊鹹香既蟹肉絲，夠晒鮮味～❀ 四重火山盛丼 🐟同樣份量十足，依款仲有四款配料：拖羅蓉、海膽、三文魚籽及松葉蟹肉絲，食材新鮮，口感好豐富。當中最鍾意食拖羅蓉，份量多到堆滿成一座小山，口感軟綿，入口即溶，配埋其他配料食好正❀ 制霸魚缸沙冰 (朱古力) 🍫上枱真係嚇親，無諗過係咁大杯沙冰🙈 沙冰上有一層厚厚既cream及朱古力醬，仲有唔少朱古力粒增加口感。飲落有香濃既朱古力味，而且質感幼滑，份量十足好抵飲👍🏻❀ 泡泡浴沙冰 🍿依杯藍色沙冰好夢幻，中間有由忌廉整成既白雲，上面仲有忌廉加爆谷，好啱打卡😍 估唔到味道係雲呢拿味，配埋脆脆既焦糖爆谷，好邪惡呢～

今晚，我哋黎到呢間爆丼屋，當然要黎食「デカ盛り丼」啦。🥳🥳 我哋用QR落單，我哋點咗一個熟食丼一個刺生丼&兩杯沙冰。食物嘅份量就正如佢果名一樣咁有份量、係重量級嘅爆多。😎麵鼓湯：熱辣辣嘅麵豉湯入面有蜆肉 海帶 紅蘿蔔 白蘿蔔 豆卜，真心非常足料😁夢之丼$278：一個丼有幾款刺身&中華沙律😋。全部刺身都係好高質，好鮮💕。帆立貝大大粒😎，三文魚、拖羅、油甘刺身塊塊都係厚切，好有份量、好滿足 🤤 仲有甜蝦、松葉蟹肉、三文魚子簡直係冇得彈呀！🤗爆盛慢燒牛肉丼(400g)$188：牛肉選用咗柔嫩嘅紐西蘭西冷🤩。慢燒牛肉燒得岩岩好，入口一啲都唔乾😻，特別一提嘅係自制嘅香蒜燒汁、山葵忌廉汁，真係超級惹味😍正 推推推👍👍👍芒果制霸魚缸沙冰$68：哇～真係Big Big Big Size😳，可以2-3個人一齊飲。沙冰有Cream & 好多甜芒果肉 讚👍朱古力沙冰$48：鋪滿了朱古力粒&Cream，好好飲🥰

收工同朋友去食飯見到呢間好似搬咗新位同埋冇人排隊加上好肚餓，就入去試試開頭都覺得有d問題，點解間間都要排隊點解咁少人點知真係賴嘢。有原因：我叫了一份炙燒三文魚🍣飯冇諗過是一個侍應小姐負責求其燒兩下，唔專業燒到啲帶子燒燶晒三文魚表面都係同成件事變咗好似落街食茶餐廳咁求其講到服務都冇乜要求。加上燒到唔好食三文魚又唔好，性價比冇，價錢一啲都唔抵食服務麻麻，環境裝修後覺得好似一間茶餐廳或者雲南米線感覺，連一般日本餐廳熱茶都沒有。不會不會再去

行過見到賣相唔錯入黎試下, 叫左個極上拖羅飯, 點知原來係極伏拖羅飯, d拖羅質素差到一個點, 多筋又Un, 仲要有一塊係類似碎骨既硬物, 未食過咁差既拖羅飯, 仲要賣$245一碗...