爆丼屋 (山東街)

营业中

休息中

❤️ 四重火山盛丼$298被我稱之為痛風丼飯😆😆超浮誇，好多料，有海量嘅加拿大海膽，好鮮甜，好滿足，三文魚子，粒粒漲卜卜，蟹肉，吞拿魚茸，白飯神偷，禁多料得晤得架？！呢個份量呢個價錢，物超所值！❤️三重大極上丼$398有拖羅，海膽，蟹肉，防晒規呀，拖羅入口即溶，無筋，我一咬落去魚又出晒嚟，好滿足，差晤多有成十塊，絕對唔會偷工減料，淨係食拖羅都夠晒滿足！海膽鮮甜，蟹肉美味😍好幸福嘅感覺呢到比起舊址更加寬敞更加開陽，食物水準保持一貫作風夠晒爆！爆！爆！依家食滿$600仲送襟章添😍我真係好掛住日本！快啲嚟止下癮啦😆爆丼屋 (山東街) (旺角)旺角山東街57號地下

今日晏咗收工， 10:30去到旺角，女人街附近都冇乜餐廳可以揀，日本餐廳得返爆丼屋有開，就入咗去食。係佢未搬舖之前其實我食過一次，我覺得麻麻地。所以都冇特別想再去。 但係今次食完之後我對佢改觀叫咗個丼飯 唔係好記得叫咩名但係入面就好足料 (六重) 入面有好多塊火炙左口魚邊超級多三文魚子我本身唔係好鍾意食三文魚子，但係我竟然全部食晒，真係好夾，同埋平時唔鍾意食丼飯因為成日覺得啲飯多個餸，但係依個唔會，絕對係覺得啱啱好！

知道有呢間爆丼屋好耐 但係一直都無機會試 但係今日同朋友經過諗住試吓 我地叫咗一個三色海膽盛丼同埋一個四重火山盛丼 叫完野食無耐 就每人有碗面豉湯 可以係食刺身前暖暖個胃先一上主菜個兩個丼 當堂嚇左一跳 睇相以為份量唔係好大，其實真係好少見到咁重本嘅海膽丼，啲海膽多到滿瀉，而且食落味道都好鮮甜再嚟就係四重火山盛丼，入邊有拖羅蓉，三文魚子，蟹肉同埋海膽仲要疊到勁高，材料好新鮮食落好爽總括而言，爆丼屋真係夠晒爆，分量同埋味道都比到我好爆嘅感覺

三色海膽盛丼 （$358）海膽唔腥唔苦鮮甜無比，價錢係貴左啲，碗飯送到黎睇落好細碗，但原來佢啲飯壓到好實，食完一碗都好飽。重量級燒牛排盛丼-5成熟（$238）牛排燒到好香，而且肉質嫰滑無比，無渣，份量都超多，價錢係貴少少，但係價回票價。燒芝士年糕 （$56）呢個超級好食，外脆內軟，燒完外面層皮又唔會太厚而且非常脆，不過價錢貴，試一次可以了。炸雞（免費）呢個有啲油，麻麻地，係登記做會員送既。麵豉湯 （免費）比起出面食既，佢既味道唔錯，不會過咸又不會過淡，飲完唔會覺得口渴，而且好足料總體感覺良好，價錢偏貴但味道good good

旺角爆丼屋絕對係刺身丼的一哥， 自從佢搬咗去新地址座位空間更寬闊，坐得更舒適，而且丼飯嘅款式亦都更多。 入到去， 佢俾人感覺光潔明亮 ， 餐廳十分乾淨衛生， 枱與枱之間亦都有一定距離， 或者有膠板隔住 。佢不單止打卡好看， 而且份量亦都好足。三重大極上丼($398)， 分別有海膽拖羅同蟹肉, 海膽十分新鮮, 一啲腥味都無， 不過我最欣賞嘅係佢嘅拖羅入口即溶， 一食就知係新鮮高級拖羅， 而且一個飯足足有十塊， 仲要厚切十分抵食。夢之丼($278)， 我覺得呢個名係得十分之好 佢刺身款式種類十分多， 有牡丹蝦， 拖羅，帶子，北寄貝， 樣樣都有D， 又好食又豐富，感覺似令人似置身夢境咁幸福。青瓜柚子梳打($38)， 青瓜味十分濃郁， 完全無諗過青瓜同柚子嘅味可以配搭得咁好，清新得嚟又唔會太甜。熱泡泡朱古力($38)， 呢個係秋冬特飲， 喺寒冷嘅冬天飲一杯暖笠笠嘅朱古力， 真係特別舒服。而且佢上面仲厚厚嘅cream同朱古力粒， 完全將佢嘅口感同層次提高。

爆丼屋（旺角）去開旺角行街😆😆，上網睇下有咩好食❤️❤️重量級牛扒盛丼🍚$238重量級牛扒盛丼賣相好靚，份量十足，牛扒都有好多，味道好好食❤️❤️最愛牛扒😚😚三重大極盛丼 $398拖羅加海膽無敵，仲要仲有蟹肉，好正😋😋大大啖海膽😆😆好好食，喜歡海膽拖羅的朋友一定要食❤️❤️熱朱古力$38熱朱古力 有好多cream😆😆仲有d朱古力粒粒🤩🤩制霸魚缸沙冰（朱古力）$88好吸引❤️❤️ 魚缸沙冰好大杯，可以2個人飲🥰🥰沙冰仲有cream 朱古力粒，口感十足😋😋 跟餐送麵豉湯🫕整體評分：5/5味道：5/5環境：4/5抵食：4/5地址：旺角山東街57號

三重大極上丼($398)，鋪滿晒一片片油花超靚既大拖羅，頂層仲有金黃色海膽，見到都流晒口水，海膽香滑無苦澀味，大拖羅油脂非常高，在口腔入口溶化，仲有蟹肉絲圍住碗邊，一口飯一口蟹肉絲真係好正。夢之丼($278)，有7款配料，睇見都覺得開心，同樣大拖羅，質素同三重大極上丼既大拖羅都一樣咁美味，另外油甘魚係厚切，咬落更有爽口口感，刺身蝦既骨膠原好高，有黏口既感覺，而且好鮮甜。芒果沙冰($48)，芒果味濃，而且清甜，有粒粒芒果肉增加口感層次，哩個超好飲。朱古力沙冰($48)，相比較朱古力唔會太甜，似用dark朱古力。

我同朋友捉緊夏天尾巴叫左兩個夏祭期間限定丼(๑¯ω¯๑)´•ᴥ•`超份量·三重大極上丼($398)老實講呢個三重大極上丼嘅三重極上食材配搭真心吸引海膽拖羅蟹肉(・∀・)而且呢個價錢黎講 對個丼好大期望先講份量 海膽大約1/3板拖羅8-10塊 蟹肉就圍繞住碗邊比坊間嘅丼爆少少 但又未算爆得好震撼(๑¯ω¯๑) 海膽可以 唔腥 口感都唔錯拖羅油脂香 但略嫌唔夠厚 未夠肥蟹肉圍喺碗邊幾靚 但食起上黎好驚整跌(  ˙-˙  )整體食材配搭係冇得輸 但呢個價錢我期望更加爆(⌯¤̴̶̷̀ω¤̴̶̷́)´•ᴥ•`夢之丼($278)朋友就叫左夢之丼 貪佢咩都有啲🤡朋友表示各款刺身質素都唔錯 略嫌隻蝦唔夠大隻( •̀ω •́ゞ)✧不過同樣地朋友同我都輕易食曬兩個丼(可能我地太大食)所以都覺得未夠爆所以價位有啲偏高( `◡͐´ )✧反而想讚下跟餐麵豉湯味道唔錯而且有唔少配料 腐皮同菇等等飲品方面好不幸去個日試唔到佢地嘅沙冰 不過朋友飲嘅葡萄柚梳打都唔錯 ( ˆ꒳​ˆ; )唔會太甜亦都有葡萄柚粒喺入面 我想飲熱飲就叫左杯熱朱 賣相幾特別仲有一粒粒朱古力融埋落去 朱古力味濃(*´꒳`*)/ﾊｲ!總括嚟講 可以更爆丼(´∩𖥦∩｀)

爆丼屋搬咗新舖位！靚咗又大咗，大家小心唔好去錯舊地址啊😉一坐低就有一人一碗味噌湯，店員好有禮貌👍🏻三重大極上丼 $398當然要叫我的最愛，三重大極上丼😍😍滿滿嘅おトロ鋪滿丼飯，超壯觀！油脂豐腴，食落入口即溶，好幸福啊❤️❤️三色海膽盛丼 $358呢個媽咪叫，佢最中意食海膽🥰有黎自不同產地嘅海膽，塊塊大片厚肉，味道醇厚鮮甜！重點係呢個價錢一片苦嘅海膽都冇，食得出幾靚👍🏻制霸魚缸沙冰（芒果） $68大到嚇死我哋🤣🤣🤣應該有成一公升@@ 飲完飽曬🤣芒果粒好多好甜，推薦！蘋果湯力 $38呢個就一般般，酸酸甜甜咁😬📍 爆丼屋旺角山東街57號地下

位於旺角山東街的「爆丼屋」，係一間主打重量級爆滿的的日式丼飯。店內裝修簡約潔淨，樓底勁高，予人感覺好舒適～餐廳採用QR code自助點餐形式，方便又快捷制霸！鵝肝海鮮盛丼陣容鼎盛嘅鵝肝海鮮盛丼，分別有黑魚子、三文魚籽、日本海膽、帶子、招牌玉子蛋同鵝肝。日本刺身帶子口感鮮嫩，鮮甜味美！三文魚籽同海膽都好新鮮，鮮味十足！香煎鵝肝外脆內軟，好肥美，不得了三重大極上丼三款極上材料分別係蟹肉、吞拿魚腩、日本海膽🇯🇵蟹肉已經去殼拆肉，方便易食～拖羅有十多片，肥美至極，入口即溶。海膽勁鮮甜，好高質！呢個丼飯好似去咗飛咗去日本食咁呀✈️荔枝青檸梳打酸甜開胃嘅梳打，新鮮青檸配清甜荔枝，好好飲朱古力沙冰旺角店有唔少限定特飲，揀咗呢個賣相吸引的朱古力沙冰～細碎嘅沙冰帶濃濃的朱古力甜香🍫表面仲有香滑奶油忌廉及朱古力豆作點綴

早聞爆丼屋的丼飯巨大，想不到餸比飯多到這地步！特飲更是大到喝不完！環境：就普普通通的餐廳，不過位與位之間並不太窄，少量擺設，餐廳定位是中價餐廳服務：服務態度不俗，有禮貌也有效率食物：制霸魚缸沙冰朱古力$88這個杯是怎麼回事？！大到像魚缸！幾乎可以養金魚！簡單的朱古力沙冰加上Whipping cream，加上朱古力碎跟薄荷，兩個人都「吃」不完泡泡浴沙冰$68藍色生死戀之約？蔚藍如天的色彩，加上脆脆的甜爆谷，非常夢幻的搭配！還給我偷看到店員逐顆逐顆的把爆谷設置，非常敬業樂業！重量級燒牛排🥩盛丼$238相當肥美，厚度適中的牛排丼，入口軟稔，脂香甚濃，加上照燒汁跟白飯的點綴，很夠飽！夢之丼$278款式頗多，具不俗的質素，當中拖羅，帆立貝，牡丹蝦質素相當不錯！三文魚子，油甘魚跟蟹肉也值得一嚐，醋飯也是粒粒分明，如果再酸一點就更佳了老實說，這價格真的很超值！

星期二同老公去還完衫之後，去爆丼屋食lunch醫肚。首先送上麵豉湯，我覺得幾好飲，唔會過鹹，岩岩好。制霸！鵝肝海鮮盛丼材料好豐富，有鵝肝、海膽、三文魚籽、黑魚籽、玉子、火炙帶子，仲有蛋黃俾你撈飯食。全部魚生都新鮮，下面係一大碗醋米飯。三段重大極上丼好奢華，大量吞拿魚、鮮蟹肉、海膽，好鮮甜肥美，超級滿足。泡泡浴沙冰上面吱左幼滑既忌廉同甜甜既爆谷，飲落係雲尼拿咪口，打成幼冰。朱古力沙冰冰粒相比添比較粗粒，好邪惡，透心涼。

男朋友之前同朋友食過呢間，搬左鋪之後就帶我黎食因為知我好中意食日本嘢，掃code睇餐牌，見到樣樣都勁吸引，勁想全部都叫曬，我叫左個四重火山盛丼，第一眼就比佢吸引到，有齊曬我最中意既材料，三文魚籽、吞拿魚蓉、松葉蟹肉，同埋大大份海膽，深淺色各有不同，海膽非常新鮮，深色海水味較濃，淺黃則係較鮮甜，大大啖真係好正，三文魚籽係個口到不停pop爆珠口感好得意，香葱吞拿魚蓉更加唔洗多講，加啲芥末同豉油，撈飯一齊食，入口即溶，超級幸福呀！一碗飯實現曬我全部願望！😍😍😍😍😍仲有個味噌湯非常足料，有海苔，蜆肉，瘦肉同豆朴，所以除左平時味噌鹹味仲有鮮甜味，似飲緊豬骨湯，作為前菜冬天暖胃又好飲，另外叫左個芒果沙冰，大大杯包你飲到捧住個肚走，佢真係有芒果唔係淨係得個味，overall真係大讚！必定翻check😂😂😂

聽朋友講得多呢間爆丼屋好正今日趁平日冇咁多人嚟 等左一陣就可以食啦🤩餐廳係scan qr code自己落單嘅我哋兩個人叫左一個四重火山盛丼同埋三重大極上丼丼飯餐會跟麵豉湯落左單好快就送左兩碗麵豉湯上嚟以為會好平凡嘅麵豉湯都有驚喜好鮮甜同埋足料 有好多蜆肉四重火山盛丼個丼飯同餐牌張相有九成相似份量好足！一啲都冇照騙入面有海膽 三文魚子 松葉蟹肉 拖羅蓉 海膽好鮮甜香濃拖羅蓉份量真係比得好足可以一啖飯一啖拖羅蓉😍三重大極上丼飯面鋪上一層滿滿嘅松葉蟹肉 然後係上面有大概十塊左右嘅拖羅魚生 最頂層就鋪滿左海膽 名副其實嘅爆丼魚生飯除左份量多之外 魚生都好新鮮拖羅入口即溶 而且油脂香濃嘢飲我地就叫左青檸梳打同荔枝青檸梳打好refreshing 可以balance翻魚生嘅油膩感好滿足嘅一餐飯🥰

爆丼屋搬左! 其實都係係對面街姐~ 不過裝修靚左, 整體感覺舒適左。仲見佢出左D新特飲, 見到隔離叫左個樣好靚, 自己都想試埋一份。依度D丼飯真係好吸睛, 款款都咁IG-ABLE, 而且全部都埋到坐山咁, 真係見到都流口水。四重火山盛丼 $298由海膽, 三文魚籽同埋蟹肉堆砌成, 海膽好creamy, 入口勁滿足! 三文魚籽係口中爆開, 個陣鮮味一流仲有好多既拖羅蓉, 每一啖飯都可以伴唔同既鮮味, 超正!超份量三重大極上丼 $398拖羅剌身, 海膽同蟹肉, 淨望個樣都見到份量十足, 拖羅有成10片以上, 而且唔係薄切喎! 入口油分重入口即溶, 雖然有少量根, 但依個價錢同份量絕對收貨! 加埋鮮甘香海膽同埋鮮甜既蟹肉, 真係好滿足!泡泡浴沙冰 芒果冰沙見到有新推出既特飲, 依杯個樣好靚好igable既泡泡浴冰沙, 面頭有忌廉同埋焦糖爆谷, 飲落係雲呢拿味, 唔會太甜, 不錯而芒果冰沙同樣大大杯兼足料, 有大大粒芒果肉, 入冰沙仲滲有芒果汁, 味道濃郁