爆丼屋 (已搬遷) 新店位置

突然好掛住日本🇯🇵走左去旺角食魚生丼止住渴先，雖然望落去唔算大碗😝原來食食下好鬼飽，真係唔好睇小佢😂極上拖羅盛丼：拖羅好肥美都有返咁厚咬落去好多油脂十分滿足，拍得住日本食晒成碗真係堅飽。海鮮盛丼：有海膽、勁大勁厚嘅鵝肝、超多帶子加埋隻蛋簡直完美。六重相撲盛丼：有黑魚子、牛油果、調魚，不過朋友要求走左大大粒魚子😝每一個餐都跟一碗麵豉湯，其實一定飽👍🏻👍🏻👍🏻不過問心真係唔平，平均都要二佰幾蚊碗。

望住餐廳內不同客人點的刺身丼飯在店內遊走，真是十分吸引。被一個夏日隱藏Menu所吸引，隱約從圖片看到滿滿的海膽、帆立貝，兩樣都是最愛！雖然價錢比較貴，但試問邊可以抵抗到呢！！丼飯一來就吸引場內人的注目，開蓋有一陣白煙飄出，終於看到丼飯真身，跟圖片一樣，舖滿了帆立貝及海膽。海膽色澤金黃，質感細膩，入口就化開，味道甘甜，帶有一點點回甘味。帆立貝新鮮水潤，厚肉味甜，鮮味無窮。終於吃到壽司飯，經醬油炒伴帶有煙熏味及濃濃的鵝肝味，飯粒亦發現不少鵝肝碎，味道濃郁，再吃底一點原來裏邊還有鮑魚，怪不得價錢比較貴，一碗丼飯，多種滿足！

很久未食過刺身，今日要食返夠本！Menu選擇很多，令人花多眼亂，最後選了個有齊多種刺身的丼飯～北海豪勢丼 超級豐富，有赤蝦、海膽、三文魚子、帆立貝、左口魚裙邊 等材料。赤蝦新鮮大隻，入口淡淡的甜味，口感軟綿。帆立貝鮮甜，不會切得太薄。火炙左口魚裙邊油份充足，帶有點點燒焦味，濃郁甘香。刺生份量頗多，三文魚子伴壽司飯同吃，口感豐富而且又充滿鹹香！吃到最尾，發現有很多飯都吃不下，要由大食朋友代勞！夠晒滿足～

上星期食完爆丼屋，個腸胃唔舒服左成個星期我叫左份期間限定既煙熏带子海膽丼，老實講，我食到後期都唔係好食得落，剩左好多飯，但用料真係新鮮足料，我呢份都算有特色啲，飯應該加左鹅肝碎炒，而且底下仲有两隻小鮑魚，唔食到最後都唔知朋友就叫左個三色海膽丼，海膽真係好足料，勁多，但真係好膩，我見佢只係食左半份，就食唔落，之後仲叫左份鹅肝壽司餸（只食鹅肝)，份鹅肝整得唔錯，上面有少少葱花，幾香口，但最後朋友都係無食完個丼而且價錢有點少贵，两個人食左7百幾，真係唔算抵食，可以的話，两人叫一份，再加少少小食就ok

琴晚收工同朋友去咗呢間長期都排晒長龍嘅爆丼屋，等咗一陣就已經有位！太好了入到去叫咗三個唔同嘅刺身飯，再加埋三文魚腩！北海道盛丼三色海膽盛丼六重相撲爆盛丼三個來講味道都唔錯，飯嘅份量都好多，一個女仔根本食唔晒一個飯！！

近幾天都落雨，今天因工作關係要外出工作，見完客搭巴士，需途經旺角轉車，咁不如食埋Lunch先轉車返公司上OpenRice搵下有冇好食，因最近比較少食日本野，最後我決定食日式嘢，搵到一間日本餐廳叫「爆丼屋」，午市有一個優惠，好似幾吸引，一於去試下我叫左「火焰盛丼 $98」，原價$155，足足平咗三份一價錢😁賣相係幾吸引，食材都算新鮮，但份量對於男仕來說，可能未必夠飽😅，女仕應該OK價格💰：$108 ($98 + 服務費$9.8)味道😋：OK

平時見旺角這間爆丼屋人氣很爆 超多人排隊 每次都只是路過 今日見到唔多人 就入去試下丼飯 本身好想試三色海膽 但怕食太多會膩 又想食其他海鮮 就揀了北海道海鮮丼 而另一位就選擇了牛排丼 再加三文魚腩 先來一碗熱湯 有豆腐卜 蘿白 芋頭等 幾鮮甜 之後三文魚腩有三片 不過不失 等左一陣 就先上海鮮丼 帶子鮮甜 有4片 很多三文魚籽 但左口魚群邊就有少少失望 有點腥 牡丹蝦很大隻 要食三啖先食完 但沒有特別 而海膽是很鮮甜 少食多滋味 另有一些海草既物體 無味所以唔食 但食這個要丼有小心 因佢有wasibi醬在裡面 不小心會中招好攻鼻 這個丼很多海鮮 但飯都太多 女仔食會好飽我要神助攻幫手食先無浪費 之後的牛排丼 好多塊牛 多到放滿碟都仲有 飯係熱飯加甜甜地既汁 好有牛味既飯 但服務就要改善 聽到男店長話員工 佢上丼飯時亦唔覺好有禮貌 而員工態度就比較好 另外店舖當時唔太多人 但我地想加水 叫都無人理 最後埋單員工先主動加水 沒有服務費就無問題 但要比$48加一服務費 咁既服務令人觀感好差 整體來講 足料多飯多餸 希望可以考慮比客人揀少飯 因佢太多飯了 易浪費 同埋唔會經常食 會好膩

選擇好多我同朋友揀左兩個唔同既share食落鮮甜價錢都唔算係特別平可接受但餐廳內有點逼聽到隔離講咩食完就要走唔可以坐得耐感覺適合食個快飯又食好少少唔適合朋友聚舊傾偈美中不足

壽司🍚]因為疫情嚴重 所以人多嘅餐廳都比較少去🤫 .但係油麻地既爆丼屋依然人頭湧湧 同埋排長龍🤣 一望之下發現takeaway有九折仲要免加一🤪 所以就同朋友決定拎走食～所以非常之抵！.左上角係火焰盛丼（原價：$155）而下面係北海豪勢丼（原價：$198）🤗.雖然拎走食嘅話賣相就冇堂食咁靚 不過味道依然好好🥳！魚生非常之新鮮用料份量都完全唔會吝嗇😍食到海水嘅鮮甜味！呢個價錢來講絕對值得～可惜就係食到蝦頭嘅時候有沙⏳成為唯一一個敗筆🤫 Other than that highly recommend!唔怪之得大排長龍🤣

🌟火焰盛丼 ($155)呢個火焰刺身丼十分豐富 入面有帶子 三文魚 左口魚同蟹棒 中間再加隻流心蛋黃 堆到成座山咁高 一上菜就有陣灸燒嘅香味撲鼻而來😆😆 整體食材都好新鮮 尤其係左口魚非常好味 推介鍾意同我一樣鍾意食火灸刺身嘅朋友試下💖

生日食係有免費既一個飯～～～～～如果吾係我都真係吾會食！！！！因為真係覺得貴同埋自己吾會食到甘多～所以就等到生日去用呢個優惠！自己係叫左海膽～朋友叫左大甜蝦飯！見到個飯黎到都真係覺得好震撼！！！！！係好多好多好多海膽自己係中意食海膽但係好怕腥既人～但係呢個就吾算係好腥，只係我食吾到甘多。。。。。到最後真係食吾到。。好浪費～而朋友就食哂佢啲蝦啦 不過 佢都話食到後段都會覺得有啲腥！最後都靠佢食哂～飯都真係有啲多～真係會食吾哂～

火焰盛丼呢個好驚喜 估唔到咁好食超多份量 堆到成座山咁 其中左口魚我覺得係最好食仲有帶子 三文魚呢d 食完真係好飽四重火山盛丼反而我覺得呢款冇咁好食敗北係海膽到唔知係咪我地果日既海膽唔新鮮定點真係麻麻地但其他料例如係三文魚子 吞拿魚果d就都真係好好食既亦都係好大份量 好滿足

平時夜晚經過，依間店都係排長龍。今次試下lunch時間黎，又唔駛排太耐。終於試到依度既刺身丼。打開meun每樣都十分吸引。同朋友揀左幾款唔同刺身丼食，可以試多點不同刺身。首先上左火焰盛丼。每款刺身都唔錯。最中意左口魚 ，好甘香，有入口即溶既感覺。甜蝦丼一上枱就吸引。視覺享受，全部都係甜蝦，岩晒甜蝦愛好者。佢地既甜蝦係偏大隻的，好鮮甜。推介朋友好中意食刺身大蝦，所以點了北海豐盛丼。刺身大蝦超大隻。好多不同刺身，食到最後都仲有刺身好多，好豐富。

咁熱既夏天就想食d涼少少既野去開旺角見咁耐以來都未食過以前排哂長龍既爆丼屋，一於入去食個lunch!同老公一人叫一個丼食😛我就叫左火焰盛丼，老公就叫左個mega爆牛丼。丼未來之前，先來一人一個麪鼓湯，一打開個蓋 - 嘩都幾足料，入面有蘿蔔、葱花、豆腐pok、牛肉等等正料喺入面，非常有口感👍🏻個湯已經feel到間餐廳幾有誠意😊之後老公叫既爆牛丼來先，來既時候又wow左一聲 - 個牛有400g, 堆到成座山咁高😂試左塊牛，都幾surprise佢個牛唔係熱，而係凍食既，味道都幾特別，老公話個成個飯都唔錯，但牛可能熱食會更好味。等左陣我個火焰盛丼都來埋，個丼有炙燒三文魚、帶子、左口魚邊、蟹棒，加埋日本流心蛋撈壽司飯，都幾豐富！不過個飯對女仔來講都幾多，最後老公幫我清埋d飯佢😂😂喜歡食日本丼既不妨來試下爆丼屋😋😋

Lunch hour is the best hour of the day其實旺角真係一個好多好西食既地方小食 放題 火鍋 糖水 中西餐咩都有今次我去左爆丼屋到食午餐因為平時爆丼屋要排大隊 所以我揀左兩點後去食 小啲人 避開唔洗排隊 哈哈佢有個$98 三選一既爆丼set 我點左一個火灸剌身丼食呢個丼包左三文魚 蟹棒 帆立貝 啲剌身燒得岩岩好 唔會太燶/有陣燒燶左既味 同埋都剌身都好新鮮份量方面好大份 個丼入面有隻蛋黃 將啲飯撈埋蛋黃再加剌身一齊食 係味道既享受不過唯一可惜既係個飯底既醬油就多左小小 令到個飯底有啲鹹Remark:中午同晚飯時間都比較多人排隊食 建議早小小去拎飛等位Location: Mong KokPrice (10 is expensive): 6.5/10Yummy (10 is delicious): 7.5/10