燒蝦哈 (已結業)

之前去曼谷已經好想試下非常出名嘅流水蝦，奈何去到現場發現衛生環境非常惡劣，攜老扶幼嘅我當然立即掉頭走，一直成為心中嘅遺憾。最近發現錦田有個BBQ場，經營模式同曼谷嘅好相似，食嘅亦係泰國大頭蝦，當然要去會一會佢。位置喺錦上路地鐵站附近，大概行五至六分鐘就到，旁邊係汽車維修場，招牌唔太顯眼，好容易行過龍，要小心留意。食物選擇多元化，各式各樣嘅肉類、丸類、腸類同蔬菜菇菌應有盡有。飲品方面有各款茶類、沙士汽水同清涼爽，如果有埋可樂雪碧之類就更好。重頭戲當然係大頭蝦，隻隻生猛任夾，密度相當高，基本上瞌埋眼都夾到，店員仲非常好，教我哋睇邊啲有膏。大頭蝦相當大隻，仲有大大對「拳頭」，望落好有攻擊性，每張枱都會有一桶冰水，帶住冰水出去揀蝦，一夾到即刻放入冰水入面凍暈佢，燒起上嚟都安心啲，而且感覺冇咁殘忍。大頭蝦燒之前先剪去觸鬚，以免蝦未熟觸鬚就先燒燶。蝦夠哂大隻，而且好多都有膏，味道香濃，唔知係咪同浸過冰水有關，肉質零舍結實彈牙。雖然大頭蝦係主角，但其他食物質素亦唔錯，尤其是係醃肉，每一款都有自己嘅風味，唔會好似某啲燒烤場咁，隻隻肉食落去都同一種味。咁多款之中我最欣賞嘅係羊架，加入香草調味，一放上烤網

今日黎到錦田既燒蝦哈，聽個名都知道主角係蝦，有蝦缸比你任夾任燒泰國新鮮活蝦，另外亦都有吾同既燒烤配料、飲品同醬料任均選擇，兩小時任食呢度係自助形式，店員會為你準備一個燒熱左既炭爐，仲有盤同夾，就可以自助去攞配料黎燒啦😊講下主角大頭蝦，將活蝦夾起之後要放入冰桶雪暈，如果吾係佢地跳跳紮道好容易整親架啦，店員推薦我地加鹽燒味道更突出，將蝦頭啲蘇剪左之後就可以放係炭爐上燒，加左鹽既大頭蝦味道好鮮，肉質結實彈牙，蝦頭仲有好香既膏👍🏾有得頑又有得食燒烤配料方面有蔬菜、丸類同肉類，個人覺得煙鴨胸同雞翼都值得推介，雞翼有辣同唔辣兩種，味道都醃得適中吾會過咸，豬頸肉都爽口蔬菜方面三色椒同菠蘿都值得推介，係炭爐上面燒吾會容易燒焦又保留到內層既汁，食得多肉用黎解膩一流鍾意食蝦既朋友可以一試，而呢度揸車都方便，餐廳外面有空地泊車，無揸車既話係錦上路站行十分鐘都到，不過溫馨提示記得惹蚊既朋友仔記得噴定蚊怕水啦

一班單車友入了元朗踩單車，去完南生圍再入錦田既燒烤場BBQ，朋友話有任食大頭蝦同任飲，比較少見，所以大家都去試試。一去到入返罐凍飲，好彩所有飲品都係任飲，大熱天時真係飲少啖水都唔掂。場地唔似西鐵燒烤場咁大，但地點比較舒服，有山景望同埋好開揚及通風。一開始緊係試下佢既大頭蝦，可能我們比較早，望住佢將一桶桶跳跳紮既蝦倒入魚缸，即夾即燒，特別有風味，而且大頭蝦每隻都充滿蝦膏，蝦肉結實，燒蝦都燒左幾轉。厚切羊架都一定要試，燒熟後外焦內嫩，十分juicy。其他豬扒、牛柳粒、雞翼、腸仔、雜丸及蔬菜都有，足夠食有餘。值得一讚就個用炭燒焗熟食物，所以唔會燒到太燶。

店舖雖然位置都算有d偏遠，但勝在夠偏遠，所以地方先咁大，周圍無乜野圍住，感覺好似去左度假咁，可惜今日天陰，如果好天既話，應該可以望到天空一片星星係d咁正既環境打邊爐，同一班fd傾下計，咁就正喇。聽到個名係笑蝦哈，就估到佢主打係燒蝦喇，但估唔到老板都落足本wor，用左大頭蝦，仲要隻隻都勁大隻勁生猛，老板用左個魚缸咁既，再加氣泡去養住d大頭蝦，唔怪得d蝦咁生猛喇呢度係自助夾蝦既，首先就拎一桶冰水先，之後就用夾夾d大頭蝦去個桶度凍暈佢先黎燒，咁d蝦先唔會跳黎跳去，而且咁食，都係一種比較人道d既食法，無咁殘忍。但夾果陣真係要小心d蝦跳去，彈到你成面水除左個蝦係任食之外，仲有唔少打邊爐配料同飲品都係任飲，咁既環境咁既食物，抵！

好出名既泰國大頭蝦燒烤,終於同到朋友黎食啦!😆建議駕駛入去,有免費泊車!呢度使用環保炭,都幾環保👍🏻但d火就燒得慢少少,但可以保證d食物唔會燒焦😂Price:大人 $368 小童半價 任食任飲泰國大頭蝦 好食到傻!😍呢度有自家養殖場 每隻大頭蝦都保證新鮮配埋個泰汁(似平時點生蝦個汁)簡直係yummy!好有風味啊!呢度除咗有得燒蝦之外,仲有好多食物可以燒~有小朋友最常食既腸仔,菇,菜🥬🍆仲有好難得見到既台灣黑椒腸,very good!同時有大人熱門中意食既羊架,牛柳粒,豬頸肉,雞翼,尖椒肉類全部都醃製得好好!🥩雞翼 🍗慢慢燒 好入味仲有好辣既尖椒,中意食辣既朋友🔥一定要try下!🤓

去過泰國嘅朋友，都一定試過任食大頭蝦，最近喺香港都有啦，唔使特登飛去泰國咁遠食。俾我哋搵到一間喺元朗嘅任燒大頭蝦餐廳，除咗大頭蝦之外，佢哋仲有各款嘅肉類、丸類同蔬菜都係任食，雖然喺元朗，但係其實錦上路站再行10分鐘左右就到，所以唔算好難搵。佢哋嘅形式好似喺泰國咁，有個大水缸可以自助夾新鮮生猛嘅大頭蝦，隻隻都扎扎跳，餐廳會提供冰桶，先將新鮮嘅大頭蝦放入去凍暈佢，再剪去佢嘅蘇，隻隻大頭蝦都好多膏，淨係食蝦都可以食到回本，怕食蝦食到悶仲可以燒烤肉類等等。

呢間任食燒蝦場鄰近錦上路站大約行15分鍾左右 入口有個好大嘅停車場 好像是free 零零些些有間露天似私人場地 岩岩黎到見到有一班人包咗下層開派對 我哋就係上層燒蝦 個缸d蝦都係店員間唔中refill 大頭蝦都算生猛嘅 佢地會比個冰桶我哋自己夾蝦 冰震住d蝦燒果陣就唔會跳黎跳去 個爐用環保炭 食物唔易燶 需要耐心靜侯 除咗主打大頭蝦  任食區肉類凍櫃有豬扒雞扒牛扒金沙骨豬頸肉雞翼腸仔 蔬菜類翠玉瓜白菜茄子青椒 飲品區都有5，6款凍飲 醬料也有數款選擇 總結 不過不失 希望能改善如廁能有水源沖廁

聽朋友介紹錦田開咗個任燒流水大頭蝦燒烤場💦🦐最近黎開新界就黎左試試佢🤪🤪真係食到 燒蝦哈🤣🤣🤣💰入場費 :大人$368 小童半價 任飲任食有得食勁重本既爆膏大頭蝦🥳 正啊🥳🥳流水大頭蝦每隻都超生猛! 🤤而且爆曬膏 朋友都大讚🤞🏻食物同野飲種類都幾多款特別推介 雞翼同牛柳粒🤩 本身調左味 燒熟已經好好食😼😼羊架都好大件 好香羊味🤤🤤蔬菜方面 亦有翠玉瓜 茄子 尖椒等等😙個尖椒好辣 勁過癮🌶️🤪停車場好大 揸車去夠曬方便🚙一路燒野食一路同fd吹下水🌃過一個悠閒既週末🍻

這間位於八鄉錦田的燒蝦哈，離錦上路站5分鐘的路程，地點非常方便，以任食大頭蝦作招來，每位不用三百元，可食兩個半小時。黃昏時分同屋企人過去，因為太陽還未下山，所以都比較熱，不過餐廳都有幾部大風扇，而且有帳幕，所以都唔算太熱。飲品有汽水及茶等，全部都是任飲。這裏用的環保炭，所以不是明火，食物雖然燒的時間會較平時略久，但好處是不易燒焦食物，比較健康，而且又無明火般熱。用魚缸養著的大頭蝦，自己夾入冰桶讓蝦冰暈後煎蝦鉗，點上適量粗鹽就可以燒，大頭蝦蝦頭充滿蝦膏，肉質鮮甜彈牙，非常新鮮。其他都是比較大眾化的燒烤肉類，如雞翼、腸仔、牛肉粒及丸等等，還有厚切羊架，肉類醃得入味又唔會過咸或過甜。

假日在元朗開飯不容易，因為到處人山人海，今天經地膽介紹，到了錦上路站附近的《燒蝦哈》，這裏人流不多，加上門前有大車埸泊車，超方便。燒蝦場共兩層，是夜閣樓燒烤，感覺開揚！有美式桌球可供耍樂，是項開心大發現！炭爐明光燒烤，別俱風味！每張餐枱旁邊有活蝦池，客人可隨意自取，還有凍櫃的肉食蔬菜飲料，放題價每位$328，尚算合理！《燒蝦哈》顧名思義，燒蝦是主角，新鮮生猛，當然美味鮮甜。蝦頭有大量蝦膏，是精華所在，美味非常。豬扒雞翼一向是 BBQ的主角，今夜也輪為配角了 🤭🤭，隨意輕取一點，點綴點綴！肉類有適當調味，不用張羅醬油增味；蔬菜則百分百天然無添加，原汁原味！凍櫃飲品自取，款式不多，有久違的陽光飲品，那些年的至愛 💖💖發現了聚會新地方，見識又增長了！🥰🥰

今日同男朋友都放假，見係平日而且疫情有好轉，之前au係屋企太耐好厭悶，所以就即興早左啲打電話去book離屋企唔遠既燒烤場bbq😂我地諗住太陽落山就開始b，所以約咗六點半😁一去到店員就幫我地起左個爐先，跟住捉左好多勁生猛既蝦落張檯隔離既魚缸😆店員教我地先用冰水整暈佢，再剪手腳先去燒～我第一次咁樣夾啲新鮮生猛到彈黎彈去既蝦，有啲會成隻跳起，一路夾一路心驚膽跳，不過幾好玩😂😂啲蝦好大隻好爽，淨係點好少鹽已經好鮮味好好食😋😋 有啲仲有好多蝦膏😮另外有個飲品雪櫃同食品雪櫃，最欣賞台式黑椒腸，錫紙包蒜蓉金菇雞脾菇，雞翼同埋金沙骨👏今次應該食左bbq史上最多既蝦😂😂 特別既體驗！👍

早排聽朋友講錦田開咗個任燒流水大頭蝦嘅燒烤場，住新界既我地梗係要立即行動啦！大人入場費368小童半年，任飲任食，仲有非常重本嘅爆膏大頭蝦，收費合理！呢到D遊戲算好多，大人又可以玩下飛鏢，打桌球，小朋友可以夾下公仔！食物種類都有好多款，最愛土匪雞亦，辣辣地幾過癮！羊架大大件好香羊味。亦有茄子青瓜翠玉瓜粟米等等！流水大頭蝦隻隻好生猛，而且仲爆曬膏！罐裝啤酒都係$2x罐，抵飲！可以訂下飛鏢飲下酒吹下水！個場夠大，食物味道幾好，而且仲有個私家停車場，路口有車返屯門，九龍，交通算很方便！

早排上網見到有間新開又高人氣既燒烤場，主要係任燒流水蝦，本來想上星期去bbq 但落雨，最終終於約左岩岩呢個星期去。呢個燒烤場有2層樓，地下係bbq場 廁所 k房... （但因為疫情期間停開），所以就直接安排左我地上樓上燒蝦😜 ，上到去就見到一個一個水缸，裡面已經有好多好多新鮮游水既流水蝦，靠牆邊就有兩個雪櫃，一個放燒烤食物，一個放飲品。全部都任食任飲。每張枱有一個炭爐，水缸旁邊有夾，夾起左蝦之後，要先放入冰筒凍暈隻蝦😌之後再放隻蝦上粗鹽到，之後再擺係炭爐度燒。 大約燒幾分鐘就食得啦 ，點埋泰式酸辣醬好鮮味😋😋😋 我地每人食左10幾隻，真係好抵回晒本😂 其他燒烤食物都不過不失，豬頸肉，豬仔骨同雞翼都好食。另外有蒜蓉 錫紙 可以整菜／菇食😛 最近疫情期間有社交平台打卡9折，不過建議大家黎之前一定要噴蚊怕水，因為真係好多蚊😀😅😅

泰國好出名任食燒蝦，朋友最近去完，平靚正，引死人。後來發現香港最近呢幾年都開始有呢樣野，即刻約朋友黎啦～今次搵左元朗呢間燒蝦哈，聽名都知係燒蝦啦。會搵呢間最重要既原因係出面有得泊車！！好大既地方，超方便！眼見佢地位置唔算大，大約有十至二十枱左右，我地今日坐上面，一上到去有幾個好靚好靚既藍色蝦缸，兩枱用一個。碗，碟，餐具，全部都係膠，獨立一個，非常安全～主菜大頭蝦，夾上黎冰陣十秒左右就可以放上爐燒，因為大頭蝦已經暈左，唔會彈下彈下，佢呢到係用炭爐，所以唔會太大個，大約可以一次過放10隻蝦，因為炭爐既關係，會燒得比較慢，但係一件好事，可以鎖住蝦既汁，大大隻大頭蝦，蝦膏非常多，超級新鮮，鮮甜，爽口！！另外仲有好多其他野食，豬扒，雞翼，雞扒，腸仔，菜類，款式唔算多，但味道一流，一Ｄ都唔差過出面！最特別係飲品，奇怪冇正常可樂等等，但有檸檬茶，解茶，冰紅茶等等，都唔錯丫～

是日回涼之日，正好去戶外一遊。駕車郊遊之後，正好大吃一餐。在附近繞過幾圈後，最後選擇了於錦上路的燒蝦哈--吃炭燒蝦的專門店。駕車的話十分方便，店門前有一大片停車場，要泊車的話完全不用等待。泊好車後，步行幾步即可到店口，場地寬闊，多人聚會也完全沒問題。步行幾步上上層獨立樓層，一缸缸海蝦正在等待我們。就座後等待店員準備好炭爐，就可以等待主菜海蝦進場燒蝦哈的海蝦十分大隻，而且與一般市面能購到的海蝦不同，這裡的海蝦有兩隻前螯。抓起來，放進冰桶弄暈，擺到炭爐炭燒，烤熟，灑上粗鹽，一氣呵成，簡單直接。肉質不錯 不愧是以燒蝦為主題的店燒蝦哈除了燒肉以外還有燒肉放題款式也算多絕對能吃到飽