燒肉LIKE (綠楊坊)

营业中

休息中

話說我哋一行三人一齊想食燒肉！自助餐又好似有啲貴！咁就嚟咗呢間燒肉like ！一開始叫嘢食嘅時候，店員都非常之有禮貌！而且佢哋會主動察覺啲肉可能有啲冰冰地 。會主動上前同你更換！真係一間好有禮貌，好專業嘅燒肉店！而且價錢又唔貴，雖然食嘢時間係短咗啲！但係都OK喎 。啲肉又香！值得推介呀👏牛肉睇落去同食落去都一樣咁新鮮！豬肉脂肪均勻！啲雞肉燒完之後點咗個燒肉醬！好味到爆炸！再加埋呢個紫菜飯 。我覺得咁嘅價錢拍得住牛角👏 。真心正

位於荃灣地鐵上蓋，地點方便，不過好多人，要早少少去排隊。環境算ok，隨心試一吓日式燒肉的不錯選擇。“一人燒肉”店以為係一人一爐，原來太多數都係兩人一爐，見啲爐都冇特別會清洗，相信係每日收工後先會大洗一轉，呢方面有待改善。燒肉選料尚算新鮮，肉質同口感唔錯，佢哋自家調制嘅醬料，都幾好味。除咗燒肉，餐廳亦有壽司同刺身不同套餐，下次都可以試吓。整體來講，價格唔算貴，唔想屋企攪太多嘢，唔打算坐得耐，快食快閃，仍然值得烤肉愛好者一試。

我發現身邊9成朋友都係I (introvert) ，今次難得相約了一個E人(extrovert)朋友去迪士尼🤩玩完再去食燒肉！不過我作為一個得59% E的E人😂，鍾意同人交流之餘其實都好「獨」，比較喜歡自己食一個set，燒肉LIKE就好啱我 ，一人一個set，再交換肉share食，咁就好perfect! 「燒肉LIKE」全港第20 間分店最近喺新蒲崗 Mikilki 商場開幕，而今期全線分店都有【期間限定】「日本黑毛和牛前胸肉&牛板腱」套餐，配白飯、和風湯及泡菜或迷你沙律，只售$98（100g）/$158（200g）超抵食！😱日本黑毛和牛前胸肉質素都唔錯呀，脂肪同筋絡比例好，優惠做到13/8，我都想再去食一次！推介+$18 將套餐白飯轉木魚絲紫菜蛋飯，更好味！新品「雞軟骨配香辣粉」（$22/50g） 都好惹味，香辣粉用嚟蘸其他肉都得，值得加購！另一個餐我地點咗「三部合奏」套餐 （$88/200g），估唔到咁平嘅價錢就可以點到有三款肉嘅燒肉套餐！包括豬五花腩、豬頸肉、雞腿肉，有飯有沙律/泡菜有湯，大滿足 。☕️津路烏龍茶（$15）埋單每人$150，好抵食都好多人等位，快手食完再去下場就啱晒

未幫襯過堂食，反而試咗外賣先😂APP寫住20分鐘等候時間，差唔多時間先去餐廳攞，都即刻拎到；一打開發現明顯係整好15分鐘以上，連飯/湯都唔熱😅泡菜又超少，得3小塊😃我揀咗3款，牛五花、牛板腱、牛舌各50g牛舌好硬🙂又剪到好細塊另外兩款都唔識分，不過幾好食嘅，軟身有牛味，點埋醬都好惹味，但係份量好少，食完都無飽嘅感覺🥲紫菜飯係食唔晒嘅，淨返少少，嗌咗300g有點多；紫菜甜甜地加埋飯一齊食OK湯好油，微暖白飯微暖貴+唔飽+微暖=無下次吖

同兩個朋友行旺角，到咗晏晝唔知食咩好， 其中一個朋友提議話去食一人燒肉， 佢話又平又抵食， 一行三人就走咗去食燒肉啦～入到去睇個餐牌，又真係幾平， 套餐包一碗飯、 一碗湯、 一個前菜同埋一碟肉， 最平嘅套餐都係四十令蚊～我哋叫咗一個200 g嘅牛五花套餐、 一個200 g嘅牛五花豬五花雙拼套餐、 一個牛小排牛板肩雙拼套餐， 另外仲追加左幾份肉同埋牛舌～佢哋嗰度啲肉可以揀鹽燒、 汁燒同埋蒜蓉， 即係啲肉食係用咩汁做醃料， 我哋叫既肉揀咗汁燒同鹽燒～雖然價錢唔貴但啲肉既質素一啲都唔差， 牛五花同豬五花就有啲似平時打邊爐嘅普通肥牛同豬腩片， 但唔知點解， 啲牛五花比起平時打邊爐嘅肥牛個質地軟身啲， 燒熟咗又唔會柴～牛板肩嘅肉味最濃郁， 但係肉質就比較實， 牛小排算係果到最貴既肉食之一， 質地有啲似肉眼， 脂肪分布好平均， 燒起嚟最有油香～牛舌我就覺得改得太薄， 食起上嚟冇乜口感， 佢哋本來仲有一款厚嘅牛舌，但係好似賣晒， 所以叫咗普通牛舌～另外佢跟嗰個湯係海帶湯， 清清地都幾好，可以解油膩～啱啱睇到舖頭裏邊有啲廣告寫星期一至五中午12點至三點白飯任裝， 五點至六點入座有七五折， 可惜今日去係

今日（30-6-2024 Sun）晏晝，同老公落荃灣買餸前食個晏，但由於我消化不良，個肚有啲頂住頂住，所以都要輕食，天氣太熱，嚟到綠楊，老公話就喺呢喥搵嘢食唔行出去喇。呢喥有咩食？咪就係多數都係美心集團囉，我哋行去燒肉like睇，其實我都知燒肉like係美心集團，但都想試好耐，於是今次試下啦。lunch hour都重有位，唔使等，但店員都唔係那刻安排入座，都等咗2分鐘，入座時話一個鐘用還餐，同全部電子支付，唔收現金。我拎埋放喺門口嘅紙本menu入座，坐低後用QR code落單，我就選定Like套餐，老公話揀$172.00 250g嗰個，啊，其他咩嘢都唔加，只係白飯要大。佢就揀$48.00嘅超值套餐 呢喥有6種醬料同兩樽鹽供應。白飯只係暖暖地；和風湯就只係有海帶，但都幾鹹；沙律菜份量唔係好多，而醬汁唔係沙律醋，似係橄欖油。好喇，講返肉，老公嘅有豬五花腩，我哋第一個食，完全冇乜特別，食完後，老公話呢個得3片。吓？乜豬貴過牛咩？佢嘅牛係牛五花，我哋燒耐咗食就韌咗。然後我嘅牛舌，切到好薄同細件，大件啲切到吊吊揈lang住，味道就薄弱。樣地我都有牛五花，要燒到啱啱熟就夾起食，先至冇咁韌。最後橫隔

到綠楊坊看下旅行社的資料，忽然有啲想食燒肉，一個人也享用的一人份量。原來好多學生們都來這裏吃午餐。 No.1之選 LIKE 套餐 包括有牛舌、牛五花、橫膈膜肉，可以揀150 gram或者250 gram的份量，套餐還有白飯和一個和風湯或是沙律菜。牛舌有4片但好薄唔夠口感，牛五花肉質也不錯，橫膈膜肉厚身，咬落有口感。另外點了一份豬五花腩肉 100g ，豬肉燒出油香，還有好多醬汁供應。這兒只用電子支付，付錢後才送餐啊！

#chuchu食在連鎖店 📍 燒肉LIKE @yakinikulikehk燒肉 LIKE喺全線分店推出咗「MOE 鬈毛豬五花腩」，今次同全世界唯一公認嘅鬈毛豬飼養機構「匈牙利鬈毛豬保育協會」（MOE）合作，引入咗世界三大矜貴嘅鬈毛豬，仲係匈牙利國寶級食材🤩！💡 喺29/5前都有得食，快啲把握時間去試啦！—————————————————————❣️ 「MOE 鬈毛豬五花腩」套餐 $108（150g） 如果食到多啲可以叫250g $138，有鬈毛豬五花腩・牛板腱・牛舌，套餐配埋白飯、和風湯、泡菜或者迷你沙律！將「MOE 鬈毛豬五花腩」燒到金黃香脆，入口即溶！原來鬈毛豬油花比一般豬肉多至少一倍，燒嘅時候都好惹火🔥 油脂甘香但食落唔膩口，咩都唔蘸已經好夠味，蘸少少鹽或者黑椒亦得！仲有濃味啲嘅牛板腱，同埋彈牙爽口嘅牛舌，三種唔同嘅口感再加飯一齊食，+$18升級做溫泉蛋紫菜飯，真係好過癮！除咗套餐亦都可以單點 $32（50g） / $58（100g）.❣️ 牛小排50g $58如果怕唔夠食，仲可以好似🐷咁加單點.💬 燒肉 LIKE主打「美味、快捷、超值」，燒肉fans可以用「貼地」嘅價錢試到世界級頂

一人燒肉，顧名思義就係一條友都可以食嘅燒肉，不過你都可以帶埋一家大細過嚟一齊食。呢間位於綠楊坊2樓嘅一人燒肉地方算係好寬敞，工作人員都多，所以上菜速度都快。今晚同左老公嚟食，佢話未試過一人燒肉，食完佢都舉起兩隻手指公👍👍我哋叫咗個二人套餐，三百幾蚊，份量夠晒，我嗰份仲食唔晒添強烈推薦嘅醬汁有兩個： BBQ醬汁+蒜味醬汁記得個火🔥唔好開太大，啲油脂滴落去會有火花。雖然佢有限時食一個鐘，但其實呢個份量，我哋食完都唔使一個鐘，仲可以坐一陣消化下再走。

餐廳主打美味、快捷、超值，$68起就嘆到達至A5級既和牛。另一亮點係除煙技術，唔怕頭髮同啲衫成陣味。⭐️近江牛套餐 $128✿迷你沙律/泡菜✿和風湯✿白飯(中-200g)(可選細中大)近江牛肉肉配搭由餐廳視乎每日供應量隨機分配，近江牛赤身/肩肉/胸腹+美國牛五花。近江牛粉嫩得嚟油花分佈平均，好似霜降咁❄️肩肉混合肩胛肉同上肩胛肉，肉質柔軟，油脂感同香氣十足。美國牛五花肉味濃郁，口感軟嫩。呢個價位食到和牛級數嘅肉質，抵食!⭐️近江牛西冷 $108油花分佈細密，燒到3-5成熟就食得，肉質嫩滑帶嚼勁，點埋蛋漿令口感更綿密。⭐️韓式拌飯200g $38(雞蛋、胡麻菠菜、泡菜、木魚絲、紫菜碎)新一年要撈起! 5款材料色彩繽紛，撈勻後加埋韓式辣醬，口感豐富又惹味。⭐️牛舌50g $48細細片都有成十幾塊，兩面燒到變色食得，口感帶嚼勁。

收工來到綠楊坊覓食，一直對日本燒肉念念不忘的我，見到主打美味、快捷、超值的一人燒肉專門店「燒肉LIKE」，一於去食！之前食過德福分店的「燒肉LIKE」，綠楊坊分店則更寬敞，坐得舒適不逼狹。無煙烤爐採用先進除煙技術，店內沒油煙，就算燒完離開也不會一身臭味。採用電子點餐埋單，就算一個人食都不怕尷尬啦。醬油味虎蝦配韓式拌飯套餐 ＄188臨近新年，「燒肉LIKE」推出應節紅噹噹的「醬油味虎蝦配韓式拌飯套餐」。除了有200g牛五花及牛板腱外，還有2大隻醬油味虎蝦。把附有的蒜蓉牛油醬燒溶，蘸上爽彈的虎蝦，夠晒惹味！就連蝦頭燒完也啖啖蝦膏，拌飯一流！套餐還配搭香濃惹味的韓式拌飯，配料有胡麻菠菜、泡菜、木魚絲、紫菜碎及生蛋黃，淋上韓式辣醬撈起，夠晒哂好意頭。另外，醬油味虎蝦（2件）都可以＄52單點，而其他套餐都可以$28優惠價加配韓式拌飯！LIKE 套餐（150g）＄108喜歡食牛舌的我，當然必點人氣 No.1的LIKE 套餐，皆因有齊牛舌、牛五花及橫隔膜肉。薄切牛舌配搭最簡單的海鹽、黑椒調味，加上檸檬汁，已經好好味。牛五花油香足，橫隔膜肉則軟嫩多汁，牛肉味濃。配埋套餐有白飯、和風湯、泡菜（或迷你沙律

食品非常之差 牛肉沒有牛肉味 牛肉質地也非常的差 .只靠醬油的味道 非常難吃服務非常之差 只是趕著一小時內要吃完所有東西一分鐘也不可以留下來 浪費時間千萬不要去吃 這家餐廳真是很乞丐

朋友話佢住嘅地方，荃灣綠楊坊新開咗間一人燒肉LIKE分店，見到成日有人排隊，約我今晚嚟食燒肉。去到，門口已經有人攞飛排隊等入去食，呢度要用QR code点餐落單，限時60分鐘，環境稍為嘈雜。我哋分別揀咗牛五花200g同牛小排&牛板腱200g套餐套餐有白飯或加錢升級，麵豉湯，泡菜或迷你沙律。我嘅白飯升级，加$15，木魚絲紫菜温泉蛋飯。朋友嘅牛五花套餐200g，佢嘅白飯無升級，我哋不約而同揀沙律。總結：呢度嘅肉質素唔錯，燒出來嘅牛肉，肉肉質腍同味濃，啖啖肉香，肉好食，配合木魚絲紫菜飯，大滿足

永遠排長龍嘅燒肉LIKE👍🏻之前喺沙田食過燒肉LIKE👍🏻，排隊等咗成個鐘覺得幾好食，今晚喺荃灣經過見到出咗四重套餐又忍唔住排隊😂今次試嘅期間限定四重套餐有松葉蟹棒呀！套餐有海鮮又有牛，包括松葉蟹棒、熟帆立貝、牛五花、牛板腱仲有飯、沙律🥗/泡菜、湯，飲品要另外加錢飯可以選擇100g/200g/300g唔洗另外加錢所以我哋次次都會一份300g，一份200g份量就啱啱好，唔浪費！講返個套餐，松葉蟹棒好鮮味，輕輕燒熱返就食得熟帆立貝大大隻，又鮮又彈牙牛五花、牛板腱肉味香濃多汁好送飯每次帶朋友嚟燒肉LIKE👍🏻食佢地都大讚啲肉好嫩🥰燒肉LIKE 荃灣蕙荃路22-66號綠楊坊2樓S10-S12號舖

最近多咗唔少日式燒肉餐廳開張，今日encore燒肉Like 食， 之前食過覺得肉嘅質素相對唔錯，睇吓有無keep 到水準壽喜燒牛小排&牛五花套餐200g首先可以選温泉玉子或者生蛋， 建議要生蛋，因為生蛋漿可以即時為牛肉冷卻及令牛肉更為滑溜可口。再可以選迷你泡菜或沙律，感覺沙律係好食啲嘅。然後選細，中或大嘅飯量， 因應個人胃口，唔好浪費。同時可以再加點飲品或其他單點。 牛小排輕燒兩面， 已經可以食。牛味夠，牛脂好香， 好食。牛五花同樣油脂豐腴， 但食落口唔會膩，滿滿嘅肉感，真係好幸福另外叫咗個牛五花套餐300g自己控制火喉，啖啖都係烤肉，真係好正！