燒肉LIKE (V City)

营业中

休息中

老公同諾諾最鍾意食燒肉，早幾日返屯門行街，見到日本東京嘅一人燒肉專門店👍🏻燒肉 LIKE👍🏻難得有位唔洗排長龍，即刻去試一試～燒肉 LIKE喺香港有好多分店，店舖有除煙技術嘅個人/共享式無煙烤爐，無論一個人燒定一枱4人一齊燒都無任歡迎，亦唔怕燒完一陣BBQ味😂至於餐牌價錢，套餐$100左右就有，相當抵食！而且單係牛肉嘅選擇就有好多！我哋叫咗兩個No.1之選 Like套餐150g $102 同一個超值套餐牛五花300g $108；Like套餐有牛舌+牛板腱+橫膈膜肉，一次試晒三款肉🤩牛舌好大塊，牛板腱口感好好，超正！橫膈膜肉油而不膩，啖啖肉香滋味滿分，而超值套餐有300g 牛五花，啱晒牛狂享用🤪唔夠食仲可以再單點其他食材，我哋就揀咗蟹棒燒😆個人推薦將白飯升級做紫菜溫泉蛋飯，配埋燒肉係最好味😋📍 屯門屯門鄉事會路83號V City1樓L1-9號舖#香港美食 #香港日本菜 #燒肉LIKE #vakinikulikehk#日式燒肉 #日本產和牛 #香港美食指南 #烤肉 #香港燒烤店 #屯門美食 #諾諾陽陽 #foodlover #hkeat #hkrestaurant #hkfoods #hk

最近同閨蜜喺屯門行街街，行到咁上下開始肚餓，又係時候搵嘢食啦！閨蜜話想食燒肉，我哋就當然搵一間性價比高嘅燒肉店啦😋咁我哋就喺V city搵到呢間「燒肉LIKE」，性價比十分之高😊LIKE 套餐250g $188 + $15 木魚絲紫菜飯150g+溫泉蛋 + $28 天日鹽窩夫雪糕 + $10 可樂LIKE 套餐150g $127 + $15 木魚絲紫菜飯150g+溫泉蛋 + $10 無糖可樂呢兩個燒肉套餐：有三款肉，分別是牛舌，五花肉，橫隔膜肉，份量都不少㗎，肉質鮮嫩，拎嚟送飯都係一流😋木魚絲紫菜飯：紫菜配飯本身已經好正，再加埋生蛋撈飯真係一流，配合燒肉一齊食，簡直係冇得輸😬

所有套餐都配有和風湯、白飯 (可升級做木魚絲紫菜飯)、泡菜或迷你沙律，睇落已好豐富。仲有唔同肉類組合，全部一人份量，可以完全按個人喜好選擇。而且價錢唔貴，性價比高👍🏻～～～～～～～～～～～ ～～～～～～～～～～🍱LIKE套餐 (250g) $135(牛舌、牛五花、橫膈膜肉)🍱壽喜燒牛小排 & 牛五花套餐 (200g) $135(配生蛋或溫泉蛋)🥗前菜：泡菜開胃，沙律配胡麻醬味道不錯。🥣和風湯：味道有啲似日式海帶湯，唔會太鹹，幾多芝麻，配上烤肉幾解膩。🥩肉類：⭐️牛舌：薄切，油脂多，外層燒得脆口，入口融化，好正😋⭐️牛五花：脂油多，燒得特別香口。⭐️橫膈膜肉：相對有厚度同咬口。⭐️牛小排(右邊)：牛味相對最香濃，好食！依款下次會再點。🍚木魚絲紫菜飯 + 溫泉蛋好鐘意，配大量紫菜，整體味道更豐富，同燒肉好夾。白飯配生蛋依個組合都好多人揀。～～～～～～～～～～～～～～～～～～～～～除咗套餐配搭自由度高，店內重有多種醬汁比你揀配肉，包括蒜香醬油🟠、鹽味醬🔹、原味BBQ🟤、辣味噌醬🔺、韓式辣醬🔴 及 胡麻醬🔸。我覺得蒜香最香濃帶甜味，鹽味個款可帶出肉香，BBQ淨係有甜味。每個醬汁味道較單一，但將幾款混合

近排好鍾意食燒肉，呢一間舖頭完全符合我呢啲一諗到要食就食嘅人，屯門呢一間鋪雖然都好多人排隊，但係流轉速度非常之快，肉既份量都可以選擇重量，咁就唔會造成浪費，而且佢嘅牛肉好有牛味，我食呢個餐$140，好似一般內地食店，掃講點餐，用電子支付俾錢，佢就會送上食物，我覺得合理公平：去燒肉店最鍾意就係佢提供唔同味道嘅醬汁，佢呢一度都放得有條理，而且有八款咁多：室內佈置：一人一爐乾淨企理：我呢一set有三種牛嘅部位，牛五花牛脷同埋牛肩肉，我覺得牛五花最正👍

屯門v city又開咗一間燒肉餐廳今次間餐廳主打日式燒肉雖然係燒肉餐廳，但係唔會覺得好大油煙味而且價錢都好相宜套餐包括左燒肉、麵豉湯、沙律或者泡菜、飯而且白飯更有size之分，岩曬女仔食小啲都得壽喜牛小排五花 200g 壽喜燒醬汁甜甜哋，食落好惹味入口濃郁香醇，溫泉玉子可令肉質更為綿滑。豬三部合奏300g包括左豬五花腩、豬頸肉、雞腿肉當中最出色竟然係豬頸肉，厚切既豬頸肉肉質爽滑爽口，很出色而雞腿肉燒完之後依然很嫩滑另外，我哋追加左牛舌50g牛舌偏向比較薄身，但入口有油香，不錯之選

今日去屯門射箭加操練習，練完就肚餓啦，經過vcity就睇下燒肉like有無位先，平時都好多人排隊，咁下午4點幾左右就唔洗等位，但都見到店內都有唔少食客。門口已貼左餐牌，其實店內肉類款式唔算多，但勝在價錢唔貴，主打都係1人都可以燒肉，所以每個套餐或單點食品都可以選擇份量，咁就可以1人都試多幾款野啦。1人燒肉就安排左坐1人坐位，左右2邊都係1人燒肉既食客，爐黎左就比較細d，大約擺到4片肉左右，火力都算幾猛，枱頭都有好幾款醬汁選擇，又有海鹽同即磨黑椒，調味料黎講幾足。牛五花＆豬五花套餐套餐跟飯，麵豉湯同泡菜，唔要泡菜可選沙律，飯可選100g,200g或300g，1樣價錢，大食既我當然選300g啦，肉就揀200g，2款五花肉都屬半肥瘦，牛既肥比例就多少少，但食落都有肉香，麵豉湯配料有海帶同芝麻，味道適中，泡菜解下膩，呢個套餐76蚊抵食。雞腿肉雞腿肉得100g選擇，大約有6小塊，肉質都嫩滑。牛小排再豪氣d叫左個100g，牛小排，價錢就略高d要98蚊，貴過個套餐，但肉質都嫩滑，有肉味帶點油脂香，質素唔錯。總結黎講如果想以經濟既價錢食燒肉，燒肉like係個唔錯既選擇，特別係以1人情況下食都不孤單，食

燒肉LIKE (屯門)好食度： 😋😋😋/5性價比： 😌😌😌😌/5回頭率： 🚶🏼🚶🏾🚶🏻/5價錢：HKD48係探完港女之後，港男嚟到V City諗住醫下肚。行嚟行去，最後都決定嚟食燒肉like ，平得嚟又有少少儀式感咁。咁話晒都係一人燒肉，咁面壁食就係基本㗎啦，不過都真係好方便嘅，而且最平HKD48就可以食到燒肉，真係幾抵嘅，難怪越來越多一人燒肉店嘅開幕。老實講港男就唔係第一次食燒肉like嘅，不過佢嘅水准真係都幾浮動下，一時又正常，一時又可以好差，好彩今次算係正常嗰次。HKD48 100g嘅牛五花，六片牛肉，連埋飯、沙律菜同麵豉湯，份量上算係咁啦。牛望落都正常，可以接受啦。個麵豉湯就好淡好似水咁，但睇價錢份上，都可以接受。個沙律菜就好鹹，原本以為黑色汁應該係黑醋之類吧，但感覺好似加咗豉油咁，有啲鹹。不過整體嚟講，呢個價錢，食到餐可以維生嘅食物就已經好好了🫡———-//////————地址：屯門屯門鄉事會路83號V City1樓L1-9號舖電話：26820867～～～～～～～～～#堂食 #kongerguy #kongercouple #搵食 #情侶 #港侶 #couple #foodi

每日都好多人排隊 今日終於食到啦!🫰🏻 ✨ 溫馨提示:店舖只收電子支持 不收現金 ✨ 溫馨提示:手機落單後 比埋錢 先有餐送到你面前😁日本產和牛肩胛肉&牛板腱套餐100g $155+泡菜+ 白飯300g (大)三部合奏套餐300g $108【豬五花腩 豬頸肉 雞腿肉】+泡菜+ 白飯150g (細)所有套餐包括白飯、和風湯、泡菜或迷你沙律好味指數 4/5 🍭🍭🍭🍭{每款肉都唔錯 和牛肩胛肉有2片 油脂不多 食到和牛既軟香感 真係想單叫多幾片 豬五花腩 煙煙韌韌 很易咬開 不會太油 好好味 其他既肉類都好新鮮 配上枱面上有很多款既醬汁很合襯 白飯可選 大 中 細 前菜亦可選泡菜或沙律}

市面燒肉店多是放題感覺較抵，但事實上又食唔到太多。燒肉Like多以一人前去訂立餐，價錢大眾化，平時簡簡單單，只是一兩人用餐，絕對係一個好選擇。星期日中午12：30， 等左近30分鐘都不算太耐，可接受。座位前調味好整齊。食物上時都好整齊，我鐘意食肉，叫左300g 牛，都係$108，抵食！另加左豬和牛舌個白飯可選 150／200／250g, 我選150g, 另加$8 溫泉蛋。撈埋超正燒出黎唔會太燶啲肉感覺幾新鮮牛舌厚薄幾好，唔會咬唔開整體好滿意，百幾蚊可食到咁多野，用餐時間都有俾到90分鐘，讚的！

*Time : Feb 2023, Lunch Time*Price : $1xx -HKD *Place : 燒肉LIKE*Review : 一個人去燒肉，在日本就試多了，香港以前就無什麼選擇，今次的這一間人氣很高，唔想等位要早一點到。- 燒肉Set ：有三款肉，分別是牛舌，五花肉，橫隔膜肉，分量不小，雖然是薄切，但也一定夠飽，味道上還不錯，肉質不會太肥，送飯吃相當不錯，而且這類的調味醬料相當多，總有一款合口味- 木魚絲紫菜飯 ：紫菜配飯本身已經香口有味，再加上生蛋提升口感，配合燒肉一起吃，比配白飯更開胃整體是好評的，雖然用餐只有60分鍾，而且價錢基本都過百，不過味道上不錯，肉的選擇也多，值得再試

好似無論咩時間，燒肉Like都要排隊🫠不過勝在算抵食兼味道唔差，久不久都想食下，經朋友提醒，如果假期或節日去食，起碼要提早一至一個半鐘喺手機app度拎定飛💪🏼叫咗個like套餐，有牛舌、牛五花同橫膈膜 如果鍾意牛舌，建議單點，因為見到隔籬枱單點嘅牛舌好似新鮮啲🤣 Btw 冇咗個柚子汁醬，差少少推介加埋紫菜飯同溫泉蛋😎

琴幾日聽朋友講 Vcity新開一間 燒肉，今日索性約好友老公共四人來試一試，中午12:00門口 見唔齊人唔可以入座，60分用餐時間，四人安排四人座位，三人叫 壽喜燒牛肉200g～ 伴生蛋我就叫牛肉300g壽喜燒牛肉 $138牛肉300g120整體服務不錯，中間調味料自助，服務算OK

甘岩OpenRice 外賣有8折優惠，平過堂食。可能要遷就外賣盒容量，飯既份量是固定（男生可能吾夠食，要加錢加飯底）。今次外賣只提蒜蓉醬汁（吾知有冇得要求其他味），但吾加醬汁d 燒肉都燒得夠味，有牛油香味，配埋泡菜岩岩好。對比下堂食泡菜，外賣泡菜有d吾夠食，呢點外賣輸左😂。但最後 外賣好快有得拎，堂食勁多人排隊，外賣完勝

叫佢出張單先知原來呢個係美心集團嘅～免收加一自助落單但質素正常水平以下純粹個人看法，按照當日水準所給予之評語(｡ ́︿ ̀｡)質素如圖應該不會有下次了～附近有更多更好嘅選擇～

年初三赤口唔拜年，新年小店多數休息，黎到商場呢間燒肉店，平時人頭湧湧，係電話禁左飛，應該好多人都無黎，好快就入得。套餐都係以份量區分，有150g, 200g, 300g, 唔知一個人應該食幾多g,我地兩個就叫左300g套餐🤭，一個係牛五花$108同牛五花腩肉套餐$98。基本套餐包左湯、前菜（沙律/泡菜）、白飯。300g份量都唔少，肉質性價比都唔錯，白飯好味。以呢個價錢黎講抵食，但同牛角比，牛角既肉就一定係好好多架啦，但呢間價錢平咁多🤣🤣最後一提，鋪頭格局好適合一個人黎食，唔會尷尬。