燒肉LIKE (V City)

营业中

休息中

一人燒肉專門店「燒肉 LIKE」，今次特別由日本本店引入以100%牛肉絞製而成、豐富肉汁嘅人氣「日式牛肉漢堡」！由即日起至4月23號喺全線 燒肉 LIKE 分店推出！只需 $29就可以加配啦！將日式牛肉漢堡放喺店內可自行調教火力嘅烤爐上以3或4度加熱2分鐘，就食得啦！一咬肉汁爆發！ 仲可以免費配生蛋黃 / 芝士 / 咖喱汁，加埋軟糯米飯一同享用！正！不得了！😆牛小排＆牛板腱套餐 (200g) $158和牛LIKE套餐 (150g) $148 牛板腱、牛舌、日本產和牛肩胛肉日式牛肉漢堡 +$29配生蛋黃 / 芝士 / 咖喱汁_______________燒肉LIKE (V City) (屯門)屯門屯門鄉事會路83號V City 1樓L1-9號舖_______________

想一嚐燒肉，但平時燒肉店平既都要$150起跳，唔想食得太貴，但又想食燒肉，就最適合揀燒肉Like啦！一個人自己慢慢燒，享受me time都冇問題。手機scan qr code點餐，佢既超值套餐：牛五花&豬五花腩套餐只係$50有找，又唔需要加一！包左一碗飯、一碗湯同埋菜，雖然佢只係有10片左右既肉片，但你可以慢慢燒，隔離就有唔同既醬料任自己調味，一個人食真係啱啱好！個人物品可以擺係檯底，每人都有一個籃仔裝住，好貼心！

今晚突然燒肉癮起，於是到訪位於屯門V City來自日本東京的一人燒肉店「燒肉LIKE」一過口癮，品牌主打「美味、快捷、超值」，店內環境衛生舒適，沒有油煙味套餐豐儉由人，肉量可自由選擇，包白飯、和風湯、泡菜或迷你沙律「近江牛套餐」特選多個部位為食客帶來達A5級和牛極致享受提供多款調味料以滿足客人口味店員親切友善，殷勤照顧客人需要-近江牛套餐 100g $128+$8白飯轉大盛沙律，蔬菜爽脆新鮮，加入麻油夠滋味；和風湯富鹹香及麻油香套餐囊括日本滋賀縣近江牛多個精選部位，包括肩肉、赤身、胸腹及美國牛五花肩肉混合肩胛肉及上肩胛肉，入口甘甜，油脂及香氣皆恰到好處赤身部位屬內後腿肉及臀肉，口感爽口，肉質柔嫩胸腹則混合了全組胸腹肉，包括前胸肉及橫隔膜肉，肉質柔軟，油花分佈均勻，肉味及油脂味濃郁美國牛五花同樣肉味濃郁而口感軟嫩-牛小排及牛板腱套餐 200g $158人氣回歸+$15白飯升級木魚絲紫菜蛋飯，蛋可選生蛋或溫泉蛋；加入木魚絲、海量紫菜碎及溫泉蛋的飯特別滋味又開胃最近仲有新出嘅期間限定韓式拌飯，套餐+$28就可以試到牛小排脂肪比例適中，肉嫩甘香，油脂豐腴；牛板腱相對較瘦，肉質緊實細緻，肉味濃

餐牌都係1人1套餐。最平40幾蚊100克肉類，至百幾蚊都有。所有套餐都配有和風湯、白飯 (可升級做木魚絲紫菜飯)、泡菜或迷你沙律，睇落已好豐富。仲有唔同肉類組合，可以按個人喜好選擇。不過黎到，份量偏細，如果唔係有飯會好唔飽。店內重有多種醬汁比你揀，包括蒜香醬油  、鹽味醬🔹、原味BBQ  、辣味噌醬🔺、韓式辣醬🔴 及 胡麻醬🔸。我覺得最蒜香香濃帶甜味，鹽味個款可帶出肉香，BBQ淨係有甜味。每個醬汁味道較單一，但將幾款混合，個味道就提升好多。現在屯門店等很久，最好上Gulu 攞左飛先，否則7:00之後就要等粒幾鐘，我就等了45mins吃牛肉當然首選，不牛的，都有豬拼盤可以選擇。

#鼠尾草食飲玩 #sagefoodiehk壽喜燒🍳 × 油脂😳 × 燒肉🔥近期香港越來越多燒肉嘅舖頭😍，除咗有嚟自日本嘅牌子之外🎌，仲有一啲係香港模仿日式嘅燒肉牌子🤣。今次就嚟到由香港代理開嘅日本連鎖燒肉舖頭啦，相信大家都唔陌生嘅🤧。平時有貴有平，就算係中學生嘅財政能力都可以嗌到平嘅套餐🤑。不過今次就試啲好啲嘅餐啦，呢個係標榜壽喜燒🥺，但係識落其實冇乜壽喜燒嘅味🫠，反而係佢俾埋嘅生雞蛋點肉真係幾正🤤。💰 壽喜燒牛小排&牛五花套餐200g ($169)🥢 燒肉LIKE🗺️ 屯門鄉事會路83號V city 1樓L1-9B舖

由出餐到返屋企食，前後唔夠半個鐘。d肉係暖都唔暖，都唔知係咪由晏就擺到夜晚。肉ge 質素都好差，好似食緊柴咁。肉已經唔係多。咁ge價錢，咁ge質素真係好失望。唔會幫襯。

今日帶媽咪食好野，梗係要帶佢試下新穎先進嘅用餐體驗 — 嚟自日本東京嘅「一人前」燒肉專門店「燒肉LIKE」😋。欣賞佢店舖內嘅無煙烤爐有先進嘅除煙技術，唔會食完一身油煙味。一去到人頭湧湧，好彩一早喺THE GULU拎定飛知道佢地8月初推出期間限定「日本黑毛和牛前胸肉」， 已經Target咗亦二不話說即刻用QR code點餐先📌 日本黑毛和牛前胸肉套餐 HKD158 (200g)(配白飯、和風湯及泡菜或迷你沙律)據講日本產嘅黑毛和牛比一般和牛肉質更加口感鮮嫩，而牛前胸依個部位嘅運動量較大，霜降脂肪更均勻，相比其他部位嘅肉質更有咬口，肉味亦更濃郁。由於我偏好柔軟嘅肉質，燒7成熟就剛好👍🏻 和牛肉入口軟嫩，肉質不失嚼勁，脂香四溢，同時感受到新鮮彈嫩嘅口感同埋牛脂嘅甘香；媽咪鍾意全熟，肉質之優就算燒至9成熟，都保持到柔軟彈牙嘅口感😌套餐既白飯我加HKD 26 (300g)轉咗期間限定「明太子紫菜飯」。日本飯粒粒渾圓飽滿又入口軟糯，配上明太子獨有嘅鹹鮮、微辛嘅味道好開胃，爽脆嘅紫菜飯加軟嫩和牛，豐富嘅味覺層次將燒肉體驗推至高峰😜📌牛五花套餐 HKD 115 (300g)（配白飯、和風湯及泡菜或迷你

👦🏻👧🏻最鍾意試期間限定既食物，燒肉LIKE依個8月期間限定「日本黑毛和牛前胸肉」同「明太子紫菜飯」，就試下先！套餐嘅肉品可以跟據自己食量去揀份量，有100g/200g/300g。選擇套餐之後仲可以單點各款嘅肉類。店舖採用先進除煙技術嘅無煙烤爐，食完都唔會有油煙味沾上衣服👕👏🏻。日本黑毛和牛前胸肉套餐 $122/100g黑毛和牛前胸肉既霜降脂肪分佈均勻，肉質軟嫩而不失嚼勁！輕輕燒完之後，牛脂嘅甘香出哂嚟🤤。如果鍾意較鮮嫩嘅肉質，建議可燒到7成熟就可以👌🏻。套餐跟配白飯、和風湯及泡菜或迷你沙律，任何套餐可額外單點黑毛和牛前胸肉。明太子紫菜飯我地將套餐嘅白飯，加錢升級做新出期間限定嘅明太子紫菜飯。白飯口感軟糯煙韌，加埋豐盛嘅明太子同紫菜，明太子少少辣加上爽脆嘅紫菜絲拌人白飯，好惹味😋！ 👧🏻鍾意再加啲蒜香燒汁，增添味道層次。壽喜燒牛小排&牛五花套餐 $102/100g甜甜地嘅壽喜燒醬汁包咗肉味濃郁嘅牛小排，再沾上蛋汁，滿滿嘅幸福感。牛五花食落幾爽口。可樂 $20/2罐📍 燒肉LIKE (V City) (屯門)屯門屯門鄉事會路83號V City1樓L1-9號舖@yakinikulikehk

同朋友喺V City行街食飯，想試燒肉Like好耐。不過食完認真覺得無論食物質素及服務都很一般般。只係性價比取勝。我同朋友叫咗2個Like套餐。有牛舌，牛五花，橫隔膜肉。大部份冇咩肉味，一定要狂沾醬汁食。但醬汁又調得唔係好味。因此啲牛淨係食到醬汁味。唔沾醬好少少。牛亦唔算係新鮮。😔我自己覺得呢間食過就算喇。

八號風球食乜好去到V City 其實好多食肆都有開門今日就試一試一人燒肉！平時都要排隊先食到！汁醬種類選擇多期間限定雞頸肉套餐雞頸肉附有黑炭燒汁醃料 賣相一般但食落幾好味牛肉+牛舌+橫膈膜肉套餐牛舌太薄 燒熟後更細塊總括來說 無乜特別😂飯可選木魚花紫菜飯配生蛋或溫泉蛋 前菜可配沙律或泡菜海鹽雪糕窩夫每邊燒十至十五秒皮脆脆 雪糕半溶唔會太硬甜咸味道幾夾 推薦！價錢OK! 最重要係唔洗排隊！辛苦八號風球上班既店員 雖然唔夠人手但都保持到應有服務🙏🏻

已經不是第一次去V City燒肉Like食飯，今日再一次去用餐，食物質素無變就樣咁好味，但員工態度真係有需要進步，有一位女士應該係話事人，係我身後經過然後大叫"講嚟講去都係咁，唔好迫我發惡"，我諗佢應該教緊員工做事，但可否身位管理人員需增值自身的忍耐力，接納力，以及處事應變能力，應慢慢去教育指導員工，而不是在客人面前咁處理，好不成熟。另外其他員工完全欠缺積極性，不停玩手機，靠牆翹腳企，吹水，搵個職員幫手都要叫兩三次。無錯餐飯係無加一服務費，但都唔係咁態度吧，真希望公司好好培訓一下員工工作態度

夜晚成九點，見到喱間最多人諗著實冇死啦點知就瀨晒嘢件西冷樣衰到牛肩胛 加 小排如果唔係啲醬汁肉顏色暗啡勁唔新鮮百幾蚊唔貴 但絕對唔值睇見唔開胃！食落牛肉有啲變左超級唔掂☹️ 冇下次

怱怱忙忙lunch hour，難得拎到第一張飛，很快入座。雖然二人共用一爐烤起肉來有點不夠用，但座位尚算舒適。點了150g Like套餐，三款牛肉肉質不太差，份量十分足夠；另加$15升級紫菜生蛋飯，每啖充滿脆口紫菜和蛋香，令人知不覺扒光整碗飯。能在lunch hour享受到一頓簡單快趣的燒肉午餐，十分滿足!

不用多說，只用眼睛看挑選前挑選後平時堂食是不錯的，但外賣就…雖然外賣都預咗無堂食水準，但落差都不是這麼大啩？！叫了個豬五花套餐，變了個肥肉和煙肉套餐！真是胆固醇大挑戰！

假期12點鐘去到Vcity見燒肉like冇咩人，一於入去食個lunchLIKE套餐 $102/150g / $135/250g有牛舌、牛五花、横膈膜肉三款肉，枱上有好多唔同款醬汁，燒完肉可以按唔同喜好去選擇木魚絲紫菜飯150g+溫泉蛋 $15燒肉送呢個飯一流，我覺得好味過牛角個牛角飯👍