燒肉LIKE (新港中心)

营业中

休息中

其實佢加咗一之後呢，我都好少過嚟食今日心血來潮 見到佢有下午茶入去試吓叫咗個六十零蚊點知上到嚟 佢真係夠嚿肉俾啲黑色變晒色嘅牛肉你放心，我有圖放上嚟嘅唔係吹水 你話下午茶但係唔係話好平真心真係抵冇乜人嚟仲要加埋一你俾啲咁嘅人大家睇吓圖片俾啲意見真心講，我試過叫正價諗住會有啲唔同啦雖然叫咗個牛五花但係佢竟然每一嚿肉，剩係得10%係紅色90%都係白色嘅肥肉所以呢間絕對唔抵食我去食返牛角好過啦冇service就學人收加一食物質素就越嚟越差

喺尖沙咀附近返工 食飯都唔平間唔中食吓呢啲幾十蚊就有得埋單 非常抵食叫左個牛五花豬五花套餐 50蚊左右套餐包埋泡菜 紫菜湯 100g肉 而且白飯仲可以選擇份量 100-300g肉份量就算係100g都唔會好少朋友叫咗300g 超多肉😂Lunch嚟講係啱啱好 爐火夠猛 好快就燒熟😋特別鍾意食佢呢度啲泡菜 又多又好味

話說今日同00後同事講緊邊間燒肉又平又好食，Happy Friday 可以一齊去。我就提議去燒肉LIKE @yakinikulikehk ，因為佢哋最近出咗「北海道乳清豬五花腩四重套餐」，我試過真係無得頂。點知個00後同事竟然話「燒肉梗係食牛㗎啦，邊有人食豬㗎？」，真係0尊！#曲 佢一定未試過好食嘅豬先講得出口，所以我星期五即刻捉埋佢去燒肉LIKE試吓北海道乳清豬五花腩。「北海道乳清豬五花腩四重套餐」（北海道乳清豬五花腩、豬上肩肉、牛板腱、牛舌)(配白飯、湯及泡菜或迷你沙律) $88(200g) / $125(300g)「北海道十勝豚汁」單點（＋$5 ）「北海道十勝乳清豬」以乳清餵飼，喺北海道十勝嘅自然環境入面成長，脂肪含量低、蛋白質含量高，怕肥人士都冇咁驚先。而且睇得出佢肥瘦比例好平均，瘦肉部分呈靚靚粉紅色。呢個「北海道十勝乳清豬」配埋「北海道十勝豚汁」，另外單點都只係+$5，味道香香甜甜，燒過之後會有股焦糖香，而乳清豬五花腩本身肉質好嫩好多汁，帶有淡淡乳香。豬肉嚟講真係好高質！套餐同時配搭三大人氣肉類部位，包括油脂均勻嘅豬上肩肉，富有嚼勁同肉香嘅牛板腱同 Q 彈爽口嘅牛舌。一次過品

其實間唔時都會食吓佢嘅雖然都係食最平嘅牛五花但真係一次比一次過分試過成碟都係肥近來仲要加埋一我真係唔覺得佢有咩服務可言即係變相+10% 坐就俾張鐵凳你。坐得唔舒服仲要成疊五花，剩係得肥得一條線係紅色係肉真係咁都拎得出嚟俾人平啫，都118 㗎加埋一122真係唔再幫襯可能我cheap但係我覺得做生意唔應該係咁囉118+埋一122 都唔係好平啫服務已經冇㗎啦肉又切到薄一薄重點係成碟90%係肥90%係白色 你都冇理由咁樣切出嚟俾人啦

由日本東京開到嚟香港嘅一人燒肉專門店「燒肉 LIKE」主打美味、快捷、超值。餐廳環境簡潔企理, 不論一人座位/ 大枱都坐得舒適。𓆹 南非和牛肩胛肉套餐250g $𝟷𝟺𝟾𓆹 班戟配牛油楓糖漿 $𝟷𝟸特別試咗全新推出嘅南非和牛肩胛肉三重套餐, 以M8/9 等級嘅和牛肩胛肉做主打, 再配搭牛舌同牛五花, 一次可以試到三款不同風味嘅牛肉部位。肩胛肉肉質厚實軟嫩, 油花細膩均勻, 非常Juicy! 牛舌彈牙而且爽口, 牛五花油脂豐富, 肉質軟腍。另外仲試咗期間限定嘅班戟配牛油楓糖漿, 用慢火將班戟燒 30秒至兩面金黃, 然後放上牛油同楓糖漿, 口感鬆軟, 帶淡淡蛋香, 非常滿足!

今日試下壽喜燒牛小排和牛五花套餐$148這個set 的牛肉有200 gram, 份量十足。牛小排肉質軟滑，滿有牛味，肉汁也不少，加上壽喜燒風味，味道甜香；而牛五花十分肥美，充滿牛脂甘香，燒過的油花格外甘香，加上各式醬汁，拌上溫泉旦，再呷一口白飯，十分滿足。

「燒肉LIKE」迷請舉手🙋🏻‍♀️❤️來自日本東京嘅「燒肉LIKE」係日本及香港首間一人燒肉店🔥主打「美味、快捷、超值」😍日日都大排長龍，質素梗係有保證👍🏻近期推出超抵下午茶新優惠！「激抵食高質一人燒肉Tea set最平$38起！！」即日起喺全線分店推出$38起超抵優惠下午茶套餐帶嚟多達6款下午茶選擇🤤包括多款人氣燒肉部位選擇，部份套餐計起嚟仲抵過半價！🤑▫️LIKE牛肉配溫泉蛋飯套餐$38▫️▫️豬五花腩＆雞腿肉套餐$48▫️▫️牛五花套餐$48▫️▫️牛五花＆牛舌套餐$58▫️▫️牛小排＆牛五花套餐$68▫️▫️牛板腱&牛舌套餐$78▫️我今次揀咗兩款🤤牛小排＆牛五花套餐牛板腱&牛舌套餐飯嘅份量可選大、中、小啱晒唔同胃口嘅朋友太貼心啦🥰主角肉類超有驚喜！肥瘦脂肪分布平均，肉質軟腍每款都充滿牛味🐮肉汁滿滿夠晒Juicy💦套餐包括埋湯、前菜、飲品夠晒大滿足啦❤️你都快啲mark實時間去「燒肉LIKE」試吓啦🔥

路過新港城，啱啱見到燒肉like招牌，就決定去食！好彩啱啱係中午12點，入去唔使等位，但食到12:15 ，望出去已經有好多人等緊位！三個人，叫咗三份套餐 , 慢慢食慢慢燒，12:45就食完走咗！個麵豉湯，好好味，唔會太鹹！如果唔想跟沙律菜，可以選擇細細碟韓式泡菜！我最鍾意有好多款唔同嘅醬汁點牛肉食，蒜蓉燒汁好好味！

其實一人燒肉越嚟越普遍基本上都唔需要再等成班朋友就可以食到！-我自己就係如果中間勁少時間可能喺見客之前半個鐘但係我又想食個快飯就選擇食呢個$48餐-因為入到去根本就唔需要有人理我入去！落單！叫野食Pay食食食完-滿足我快靚正我唔係嘆住食～hahaha

餐牌價錢貴過同類成50%都算喇，因為位置係廣東道旺區，但係食品質量真係好差，連基本日本飯都做唔到，主菜緊係食牛肉喇，超失望，又老又鞋，啲調 味料膠樽油立立，好難頂，無下次！！黎得廣東道食嘢，大部份都係帶埋內地朋友㗎喇，呢家餐廳唔改善一定比小紅書唱。講到落Order又係唔掂，支付方法少，如果點擊信用卡，要輸入email然後等OPT 認真到呢！至於服務態度，都算 OK 喇，總既黎講係老闆既問題，唔關火雞事，希望香港飲食做好個招牌喇。

下班後一個人正好想吃燒肉，就想到燒肉LIKE，剛好附近有分店，所以就來了。我這次點了壽喜燒牛小排和牛五花套餐200g。牛肉品質維持在高水準，一樣這麼好吃，再配合不同的醬料，充分引發出牛肉的美味。飯粒粒分明，非常好吃。

有個侍應好似趕客走咁，未食完就收曬啲送，收空碗可以，但係仲有碗菜都未食完就收走，我朋友本身仲想繼續食菜，見到個侍應咁做真係好無語，態度極差，試過其他分店都無咁，真系勁失望咯

。。。。。。。。。。。。。。。。。。。燒肉Like唔係未食過，只係呢間店冇下次。話說食過沙田分店壽喜燒，幾鍾意食。今次叫番同樣餐，不過質素如下。。。。。。。。。。。。。。。。。。。。。。。啲肥膏位真係好多問店員係咪咁㗎 店員話「係咁！」不過店員有補一句 「搵人同你換」換咗以下呢個。。。。。。。。。。。。。。。。。。。。。點都好過第一碟ge$142冇諗住高質靚肉，只係唔好太差姐可能上次沙田比啲肉太好🥺

日本過江龍一人燒肉店 最新推出日式牛肉漢堡❗️🥩🔥相信大家都對呢間嚟自東京嘅一人燒肉店有所認識原來「燒肉LIKE」不知不覺已經喺香港開咗差不多20間分店🤯之前食過覺得快捷又扺食之餘 佢地嘅除煙技術真係幾好 食完唔會一陣油煙味 於是就二訪一下😆🐂和牛LIKE套餐 ($148)套餐一共有3款牛：牛板腱、牛舌、日本產和牛肩胛肉呢個價錢可以食到和牛真係幾扺😉牛板腱同牛舌都OK和牛肩胛肉雪花好靚 食落滿口油香 好正🤤🔥日式牛肉漢堡 (+$29)呢樣最新推出嘅單品只需要$29就可以加配牛肉漢堡以100%牛肉製成由於本身已經燒熟咗所以食之前只需要每面加熱2分鐘就食得🤪牛肉漢堡可以自選配撘生蛋黃、芝士或者咖哩汁我就揀咗生蛋黃🍳(本身諗住將蛋黃疊喺漢堡上面 但失敗咗🥹)肉味濃郁嘅漢堡加埋生蛋黃同原味BBQ醬食 真係唔錯👌🏻🐂美國頂級西冷牛扒套餐 ($178)大大塊Prime級牛扒真係無得輸唔單只肉味香濃 肉汁都好豐富☺️🍚木魚絲紫魚蛋飯 (+$15)每款套餐都會跟白飯、和風湯、泡菜或迷你沙律🥗食燒肉就點都要轉紫菜蛋飯先至完美🤭呢度嘅紫菜蛋飯好好味 忍唔住好快就清咗碗😋

侍應送餐過嚟嘅時候啲湯倒瀉咗大半碗，而且倒到成枱都係，一句唔好意思都無，就咁擺低濕紙巾就行咗去🫨我哋叫咗兩個餐，竟然兩個餐都錯晒😪我哋無叫到豬肉，嚟到係豬肉拼牛小排，問店員係咩餐嚟，佢話佢新嚟嘅，咩都唔知🤭夾食物個夾仲離譜，用紙巾抹咗3次都係抹到黑色野出嚟😑檢討下啦🥱