燒肉LIKE (新港中心)

营业中

休息中

有個侍應好似趕客走咁，未食完就收曬啲送，收空碗可以，但係仲有碗菜都未食完就收走，我朋友本身仲想繼續食菜，見到個侍應咁做真係好無語，態度極差，試過其他分店都無咁，真系勁失望咯

。。。。。。。。。。。。。。。。。。。燒肉Like唔係未食過，只係呢間店冇下次。話說食過沙田分店壽喜燒，幾鍾意食。今次叫番同樣餐，不過質素如下。。。。。。。。。。。。。。。。。。。。。。。啲肥膏位真係好多問店員係咪咁㗎 店員話「係咁！」不過店員有補一句 「搵人同你換」換咗以下呢個。。。。。。。。。。。。。。。。。。。。。點都好過第一碟ge$142冇諗住高質靚肉，只係唔好太差姐可能上次沙田比啲肉太好🥺

日本過江龍一人燒肉店 最新推出日式牛肉漢堡❗️🥩🔥相信大家都對呢間嚟自東京嘅一人燒肉店有所認識原來「燒肉LIKE」不知不覺已經喺香港開咗差不多20間分店🤯之前食過覺得快捷又扺食之餘 佢地嘅除煙技術真係幾好 食完唔會一陣油煙味 於是就二訪一下😆🐂和牛LIKE套餐 ($148)套餐一共有3款牛：牛板腱、牛舌、日本產和牛肩胛肉呢個價錢可以食到和牛真係幾扺😉牛板腱同牛舌都OK和牛肩胛肉雪花好靚 食落滿口油香 好正🤤🔥日式牛肉漢堡 (+$29)呢樣最新推出嘅單品只需要$29就可以加配牛肉漢堡以100%牛肉製成由於本身已經燒熟咗所以食之前只需要每面加熱2分鐘就食得🤪牛肉漢堡可以自選配撘生蛋黃、芝士或者咖哩汁我就揀咗生蛋黃🍳(本身諗住將蛋黃疊喺漢堡上面 但失敗咗🥹)肉味濃郁嘅漢堡加埋生蛋黃同原味BBQ醬食 真係唔錯👌🏻🐂美國頂級西冷牛扒套餐 ($178)大大塊Prime級牛扒真係無得輸唔單只肉味香濃 肉汁都好豐富☺️🍚木魚絲紫魚蛋飯 (+$15)每款套餐都會跟白飯、和風湯、泡菜或迷你沙律🥗食燒肉就點都要轉紫菜蛋飯先至完美🤭呢度嘅紫菜蛋飯好好味 忍唔住好快就清咗碗😋

侍應送餐過嚟嘅時候啲湯倒瀉咗大半碗，而且倒到成枱都係，一句唔好意思都無，就咁擺低濕紙巾就行咗去🫨我哋叫咗兩個餐，竟然兩個餐都錯晒😪我哋無叫到豬肉，嚟到係豬肉拼牛小排，問店員係咩餐嚟，佢話佢新嚟嘅，咩都唔知🤭夾食物個夾仲離譜，用紙巾抹咗3次都係抹到黑色野出嚟😑檢討下啦🥱

一個人其實都可以好快樂 不妨來個一人燒肉體驗！本身諗住自己一個去食 咁啱男朋友又話未試過又要跟我去😂正正因為佢哋個除煙技術好堅下💨所以下次我決定要獨自去偷歡全部人都係同一個空間食燒肉 但食完一啲燒肉味都無😎勁👍🏻而家仲要用超值震撼價$88起就可以嘆到近江牛*完全係我食一人燒肉嘅意外驚喜 🥰🥰🥰❣️近江牛套餐 $128/100g套餐比起其他近江牛單點會有啲唔同除左有近江牛嘅精選部位食 仲會配埋美國牛五花😆咁仲當然唔少得有前菜🥗飯🍚湯🥣近江牛果然係唔同 係一個極致享受油花分佈均勻🥩點埋佢地嘅醬汁又係另一個好味嘅層次就算燒完肉味仲保持到香濃 真係入口即溶😍❤️‍🔥❣️和牛LIKE套餐 $148兩個人就梗係想試唔同野 呢個又係性價比之選✔️牛板腱✔️牛舌✔️日本產和牛肩胛肉肉質一樣咁軟嫩 食幾多都唔會有膩嘅感覺😋牛舌望落雖然薄薄😳但咬口如此爽口又彈牙✨*全新「近江牛套餐」同近江牛單品喺「燒肉 LIKE」全線分店供應。數量有限,售完即止。

相信大家都知來自東京嘅一人燒肉專門店「燒肉 LIKE」👍🏻，最近不惜工本由日本購入 16 隻堪稱「日本三大和牛之一」嘅近江牛🐮，以滋賀縣為中心所飼養，擁有 400 年以上嘅歷史，每年只能出產 6,000 頭非常稀有～現時特選多個稀有部位以震撼價出售💥，包括肩肉、赤身、胸腹、西冷、肉眼同牛柳，每個部位嘅油脂、味道同肉質各有滋味，「燒肉 LIKE」進口嘅每頭近江牛都得到認定證書💯，清楚列明產地、等級同養殖場，比大家一試達 A5 級和牛極致美味享受！————————————————👅 近江牛套餐（$128)👍🏻 全新包括滋賀縣近江牛多個精選部位✨，如肩肉、赤身、胸腹同美國牛五花。肩肉有如霜降般嘅雪花，入口帶和牛自然甘甜同香氣都恰到好處，入口即融，加少量黑胡椒同鹽已經足夠🤤。赤身相對紅肉較多，屬內後腿肉同臀肉，口感爽口中帶有柔嫩。胸腹混合全組胸腹肉，包括前胸肉同横隔膜肉，肉味同油脂味濃郁🥩，套餐附上美國牛五花，盡情品嚐不同牛肉。👅 「近江牛牛柳」單品（$88)👍🏻 近江牛牛脊嘅上面最嫩滑嘅部位，帶有少少油脂但口感又超軟嫩，建議燒至三至五成熟🔥，品嚐最鮮甜滋味！單品系列仲有「近江牛肉眼」同「近江

在門口的女服務員語氣實在太差，明白一小時要完成晚餐，要6點24分完成，但因為加左單，生肉在6點10分才到，女服務員提示我們要在14分鐘內完成，我們解釋生肉剛剛才到，佢回我們「咁點呀！我要同客解釋。」我覺得真好笑，唔通要我們吃生肉咩！如果佢答我，小姐，我們有客人繼續等緊，我地限定時間原本是一小時，給你多十分鐘，盡快啦！我都會盡快配合，最後我都在6點24分完成了，並在櫃抬前拍了女服員示意現在24分,把位置回給你，居然佢同一個稍高帶眼鏡的男同事講話我打佢，還要扮慘樣，個男同事質問我仲乜掂佢同事，重覆兇問左兩次。唉！怪唔知得個個都北上，唔幫襯本地餐廳。不過除了這兩個服務員，另一位男服務員真的好好，不但同我講唔好意思，還幫這位守門口的女服務員講好説話，門口女同事都好難做，我理解的，但對客人態度真的好有問題。似沒有受訓的員工。

食物質素是可以的, 性價比也高, 但其中一店員( 略胖及戴眼鏡)服務質素極不佳 。1. 因坐的位置, 頭頂上直接有冷氣直打頭頂, 問剛提及的服務員可否調一下, 問題未問完, 就已經語氣好差咁答" 冇呀" 2. 送餐時, 因我們對店舖的餐名不熟 (我們又不是職員), 他直接只講一堆我們聽不到的字句, 問他東西是什麼, 佢只重覆講多次剛才我們不懂的字句。 告訴他我們唔明, 佢仲話我哋自己叫咗咩都唔知。我哋又唔係職員, 問佢係咩東西, 佢直接講係牛肉+牛脷或雞肉+豬頸肉之類就已經解答了問題。實在未食就已經一肚氣。

店舖收22:30 last Oder 21:30 ,當日9:18 到達，店舖只有大約七至八枱客人，有位女職員稱已截單不能再入，唯有有下次。到下一次 9:08 到達，仍然係入唔到 ，又係已截單，又係那位女職員稱因不夠時間洗爐，所以早截單，咁門口9:30 last Oder 是有何作用？明白夜晚10:30係你地離開時間，不是10:30 先開始收工洗爐，咁請你門口更改9:00 last Oder ,你咪慢慢洗爐，冇人阻你收工，你收工係時間，我跟足你指引9:30 last Oder 9:08 都唔入得，我搭車來食飯就唔係時間？食評就冇因為根本入唔到去，唔係冇位呀，係唔比你呀，唔好阻人收工呀。

今日試吓這間新開的烤肉店。這家店全自助，自行沾水、拿餐具，QR code 下單付款後，店員送餐。午餐有飯、沙律、湯和肉，價格實惠，肉的份量有100gram, 150 gram, 200 gram 和300 gram等。和牛Like 套餐$148這套餐有150 gram 牛板腱、牛舌、牛肩胛肉。牛板腱和牛肩胛的質量不錯，和牛肉質軟身，有肉味，沒有A4/A5 咁油膩，口感比較清爽，味道不錯。牛舌切得很薄，但口感非常滑溜，juicy 有汁，好味道。烤肉配上多種醬汁，有基本的原本，又有韓式辣醬、芝麻醬、黑椒、海鹽等，十分滋味湯是熱的，味道平平；沙律菜新鮮爽脆；白飯軟滑，整個烤肉餐不錯。

好想食燒肉，但係好驚燒肉放題，因為會唔想蝕底，反而令自己食完會好濟，好難消化。成晚頂住個肚訓唔著。所以燒肉定食先係王道。 🍖 選左價格最相宜既牛肉餐，已經非常出色，薄切，然後非常公整排列係碟上面。 🍖飯既份量可以自己揀，我唔大食，所以揀左100克，將我一片片薄片放起火上面，來回各煎幾秒，已經食得，醬汁選擇多，連飯一齊食，油香配飯香，一流。雖然覺得其實200克都可以食得完，但係夠飽就好，起碼下午番工唔會眼瞓。

經過海防道見到新港中心新開一間一人燒肉店，今日終於去試一試！餐廳環境寬敞，進入店內亦唔會充滿燒肉油煙味👍🏻食物方面有多種唔同選擇，亦可以按食量選擇肉量份量！加$15就可以將飯升級變成木魚絲紫菜蛋飯，其實單單一個紫菜蛋飯就已經非常下飯😋🔸五花腩 & 豬五花腩套餐 $48豬五花腩肥瘦分明，揀選100 g套餐性價比非常高！配上飯，女性朋友剛剛好！🔸Like 套餐（牛舌。牛五花。橫膈膜肉）$108橫膈膜肉屬於啖啖肉質感之選！一次過嘗試三種唔同種類牛肉。總括🔹值得一讚，餐牌大部份套餐都可以按肉類重量選擇價錢，同時亦有單點肉類項目！飯量都係以重量選擇，唔會浪費！

就公司樓下見到新開嚟試下，2點嚟到無人排隊Scan qr code自己落單，見到佢岩岩推出帆立貝+蟹棒*2 $75好吸引即刻點咗。因為唔食牛五花就點咗個牛舌+牛板腱+橫隔膜肉餐，佢仲有飯、有湯+沙律/泡菜。佢地飯可以揀飯量！肉就有150g而飯我揀左120g。依個量真係好足，好滿足！佢地嘅肉同油脂好香，牛舌薄切唔會韌。橫隔膜第一次食又幾爽口。板腱肉正常，唔會肥～佢地啲醬汁都會清楚寫晒名同口味介紹，大家可以按喜好加佢地都有紫菜生蛋飯可以轉、加埋個燒肉汁或韓式韓醬一齊食，超正！

海港城嘅燒肉店一隻手數得曬，今次第二次嚟呢間一人燒肉店食午餐，叫咗個比較貴嘅套餐，200克嘅肉分別有牛舌，橫隔膜同另外一種唔記得咗叫咩叫呢個套餐另一個主要原因係唔想食牛唔花，因為實在太肥膩，而且一向都好鍾意食橫隔膜肉，而今次套餐入面嘅橫隔膜肉亦都冇令我失望，非常之軟，完全冇筋，係三款入面最好食嘅另外牛舌係薄切，燒完都唔會覺得好韌最後嗰款唔知道係咩名嘅肉用肥瘦適中，肉質亦都唔錯呢個套餐要120蚊，其實就唔算特別平，不過可以享受一下午餐快快烤肉嘅樂趣

海港城有一間牛角，而家新港開埋yakiniku like，應該會搶佢唔少生意，但係真心想講呢到應該係尖沙咀最平嘅燒肉因為今日唔係好肚餓嘅關係，所以叫咗100 gram嘅牛五花肉，可以揀要沙律或者泡菜，我要咗泡菜，正常韓式泡菜味道，牛五花肉，多油脂，但52蚊嚟講其實佢肉質真係算唔錯，唔會好硬，而且喺唔係好肚餓嘅情況下，100 gram真係夠曬一個女仔食，配埋白飯啱啱好不過真係要提下大家，午市高峰期嚟食就要有心理準備，等位等到傻，我十二點嚟到門口已經排曬隊。。。溫馨提示可以用gulu攞位