燒肉801

营业中

休息中

岩岩係尖沙咀做完facial見到樓下有間燒肉，價錢唔係好貴就入去試下有卡位有圓枱岩唔同需要，每張台都有一個爐沙律好大兜，有紫菜，木魚花，半熟蛋撈埋好好食，生菜又爽脆鹽味牛舌牛舌口感偏爽，味道岩岩好神盛特上牛胸腹肉牛肉味濃d殿前牛小排偏薄身，但脂肪比例岩岩好，依款好岩包菜食！！牛板腱肉有口感得黎好淋，一咬即斷，牛肉味夠九州雞脛柳已經好入味，唔駛燒太耐可以加錢配生菜set,會有埋泡菜生菜新鮮爽脆，包埋泡菜連埋牛肉真係好好食！！如果指定時段，加飯係免費架！我地再encore 左牛小排同牛板鍵肉單點既好似厚身少少，同埋可以揀選走汁我地鐘意濃味就無走汁

-{尖沙咀日式燒肉🥩}805黑毛和牛盛 ($298)和牛重油脂香 點生蛋食好滑溜 蛋味都好出🥰黑毛和牛小排有啲咬口~😋102極上厚切牛胸腹柳 ($138)睇落細啲但好厚肉😳食落腍身🥳嗌鹽味已經好好食😆冷麵 ($78)湯偏酸 係清新嘅感覺~醃青瓜酸酸甜甜咁中和下~👖褲評: 8/10整體食物不錯嘅 最推介牛胸腹柳！性價比: 8/10服務: 7/10環境: 7.5/10🚩 燒肉801 🚩地址: 尖沙咀加連威老道14號地舖 #fuudjai #fuudjai日本菜 #fuudjai尖沙咀

今日lunch 同同事慶生，食好少少去食燒肉🤭🤭原來午市仲有免費白飯、麵豉湯👍🏼幾抵食。。Lunch set 叫左「樂盛 300g $208」同「炎盛 300g $168」，樂盛包括：腹前牛小排、蔥鹽味雞腿肉、黑毛豚無骨小排。本來以為300g好少，原來都唔少，真心幾抵食👍🏼尤其腹前牛小排油脂分布好平均，厚薄適中，雞腿肉就濃味好厚肉又滑身、黑毛豚無骨小排就偏瘦啲但都好香肉味。。另外叫左個炎盛就得：腹前牛小排、同蔥鹽味雞腿肉，平幾十蚊都抵食👍🏼。Lunch set 加購野飲，Coke Zero +$8、日本忌廉汽水 +$12 😍抵食之選

2023第一期消費卷到手啦，即時約朋友出去消費一下，推動下個經濟，食下好野係最重要一環😆；位於尖沙咀 加連威老道嘅Yakiniku 801，係我其中一間最鍾意嘅燒肉店，之前已經黎過幾次，呢度食材夠新鮮，但價錢就比較相宜。🥢牛舌盛 再加$25 upgrade左個生菜🥬盛盒🥢神盛盒 再加$38 update 左個冷麵🥢黑毛和牛小排（燒汁）🥢九洲雞脛柳🥢帆立貝先講神盛，有三款不同部位嘅牛（特上牛胸腹肉，腹前牛小排，牛板腱肉）三款中我較鍾意牛胸腹肉，油花最多，口感係最好，兩邊燒至金黃，入邊保持5-6成熟度，入口一流，油花充斥口腔，呢款最岩用生菜包裹黎食，可以減去油膩感；牛小排同牛板腱肉質偏紥實，牛味較濃較出眾。牛舌係薄切，好岩我呢啲唔識控制火喉嘅人士😆，將牛舌放係燒爐，輕輕每邊燒半分鐘，見兩邊些小金黃就攪掂，牛舌最吸引嘅地方就係原全唔會肥膩，但又會食倒牛香😋。黑毛和牛小排，亦係薄切，所以好容易控制熟度，只須燒至側邊油花開始有點微微蕉，就係最佳入口時間，和牛嘅魅力係入口即溶，油花最香。雞脛柳，燒至金黃，入口淋滑。帆立貝好新鮮，燒至與牛油溶和一體，更加釣出帆立貝鮮味。

食肉獸又黎燒肉啦☺️-201黑毛和牛牛小排（汁燒）走汁必點呀🔥油脂分布平均，薄薄地燒幾下就已經可以食啦雖然走咗汁，但係本身都有醃製過，所以都好夠味-102極上厚切牛胸腹柳 汁燒 $138哩款好出色，必點🔥醬汁甜甜地，配埋厚切既🐂，正🤤-402九州雞脛柳 $68雞脛柳爽口彈牙☺️-804炎盛 $113應該係俾咗雞髀位，好嫩滑，性價比高☺️-707辣牛肉麵 $78雞蛋好滑，而且牛肉份量多，麵又好食，湯底辣辣地，啱晒重口味嘅我☺️

⛩️環境:裝修係紅白木系日風，仲有小燈籠牆身全是日文，拍照打卡好似置身於日本，環境寬敞大部分位以卡位為主坐得舒服。🍴食物:[👍🏻 801盛 Single $ 198]依個係招牌盛，同店名一樣801證明必試！黒毛和牛肩胛肉，成個碟咁大塊，牛質嫩滑配埋個汁甜甜地都好好味，蘸埋温泉蛋汁一齊食，係燒肉既最佳組合。腹前牛小排，牛小排牛味最出，肉味濃郁，都係燒肉必食之一。蔥鹽味雞腿肉，醃得入味，建議蔥喺旁邊燒一燒再配雞食，又有另一種風味。特上牛胸腹肉，燒到五成左右好軟腍，食完會再想單點多份。牛板腱肉對比起上嚟就較普通，都係同一醃料，較薄身口感順滑。最後一類肉係同上面一樣既腹前牛小排係無骨加厚身一片片，肥瘦分明，燒起黎油脂味香，燒到少少香口先食正！比大碗飯仲大，紫菜分量多，紫菜下仲有温泉蛋同塩昆布，撈埋少少醬酒一齊加埋燒肉，食幾碗都無問題。⭐️燒肉種類多，套餐有得選擇份量多同少，夠曬彈性，要注意用餐時間喔。

以紅色作主調，真係十分搶眼，每次經過都引起我嘅注意，主打九州產黑毛和牛，價格親民，提供多款盛合，非常抵食！作為燒肉迷，一定要嚟食下設計以卡位為主，每張枱有齊茶水、調味料、餐具、碗碟及紙巾，手機Qr code落單！▫️801盛 Single $236呢款盛合係人氣之選✨有齊大判燒、腹前牛小排及蔥鹽味雞腿肉，好豐富呢😍大判燒黑毛和牛肩胛肉大大塊，真係好吸引，雪花分佈均勻，大火輕輕燒一燒，再沾上蛋汁，肉質軟綿，甘香滑溜，好正😋必食！牛小排肉味香濃，口感一流，而雞腿肉嫩滑多汁！🍜冷麵 +$38盛合加錢分別可以追加冷麵set、白飯set或生菜set！冷麵配燒肉一流呢，冷麵質感好爽口，酸酸地又夠凍，清爽開胃！▫️804炎盛 $113分別有腹前牛小排及蔥鹽味雞腿肉，都係一樣咁好食😋如果盛合啱食，抵食好多㗎▫️極上厚切牛胸腹柳 $138非常有份量嘅牛胸腹柳😍調味剛剛好，燒到表面少少焦香，入口超級juicy, 肉質Q彈軟嫩，唔使點醬汁，就咁食已經好好味！🍮杏仁豆腐 $28招牌甜品，當然要食啦！口感好軟滑，味道濃郁，甜度剛好，冰冰凉凉，超好食😋🍺麒麟一番搾啤酒 600ml $68食燒肉，必須要配啤酒呢，chee

中午行過見冇人，試吓啦！點左一個炎餐，一個唔記得名，係有三種肉嘅，午餐包飯同湯。肉類係價錢合理期望嘅質素，可以嘅！但可能本人食開韓燒，喜歡有多款免費蔬菜配菜提供，這間加生菜🥬$18份，所以只食肉同飯感覺單調！ 埋單$380！應該冇下次，因為個爐具好有問題，得一邊有火，食物要靠埋一邊先燒熟，爐版損耗穿咗窿，跌咗舊雞落去😞！其實真心不爽！我未試過食燒烤會咁！佢哋話午市限時70分鐘，晚市90分鐘！ 午市冇人食，我諗唔會趕客嘅！但咁多限制🚫就食第二間free d! 同埋揾間唔會燒到走雞嘅店！

講親日式燒肉，通常個個都剩係諗到2個字果間燒肉店今次朋友話帶我試差唔多價位，但高質d既結果就去了 燒肉801我哋叫咗招牌801盛: 大大塊牛，打卡一流，最緊要係超鬆軟。雞腿肉有想encore嘅衝動，好嫩好香803: 牛胸腹肉同牛板腱肉都好正，牛板腱肉好重牛味806: 牛舌係必點，有鹽味及醬油，2種都好食。如果有厚切就仲正牛腸: 好肥美冷麵: 朋友話好好食，因為麵質更爽同味道更有層次一開始我哋個火比較細，就變左慢火燒，燒出黎嘅肉好鬆軟，好重牛味後來我地就用大火少少燒，就會好香口，都好好食，不過缺點就會比較似坊間其他燒肉店燒出嚟嘅味我建議大家同一碟肉都可以用2種燒法，各有特色！

我今日試咗一啲日式燒烤，包括特上牛胸腹肉、腹前牛小排、牛板腱肉、黑毛和牛肩胛肉（大判燒）、蔥鹽雞腿肉等。呢啲肉類都經過精心烤製，呈現出好香嘅口感同風味，真係好出色。首先講特上牛胸腹肉，牛肉質地好柔軟，口感好好，肉汁好豐富，加上特製醬汁，味道更加鮮美。同時，腹前牛小排同牛板腱肉都好出色，經過烤製後，肉質更加鮮嫩可口，每一款肉都有自己嘅特色。接下來係黑毛和牛肩胛肉（大判燒），呢道菜係我今日試嘅最好嘅一款。成塊咁大嘅肉，燒嘅時候好刺激，一口咬落去，肉汁四溢。蔥鹽雞腿肉都好好味，雞肉經過精心調味同烤製，好嫩好多汁，燒好之後，再配上蔥鹽香氣，味道非常特別。除咗肉類，我仲試咗泡菜冷麵同日式沙律。泡菜冷麵配上麵條，口感清爽，好有彈性，泡菜嘅酸味同麵條嘅軟硬度搭配得非常好，非常適合夏天食。日式沙律嘅配料好豐富，包括生菜、芝麻同沙律醬等，味道清新，非常開胃。總括而言，呢間日式燒烤餐廳嘅食物非常精緻，每一款菜都好出色。如果你鍾意日式燒烤同埋日式料理，呢間餐廳絕對係一個你唔可以錯過嘅好去處。

呢間位於The One對面既日式燒肉，長期都企滿人，約朋友食飯果陣，話想食燒肉，靈機一觸就諗起呢間😍用餐時間係90分鐘，用QR code落單，好方便，想食咩就用手機落單👍🏻🌟黑毛和牛上肩肉（汁燒) $148🌟見餐牌獨立推介呢個上肩肉就試下先，油脂分泌好均勻，燒到剛好，建議唔好過熟，口味非常美味juicy🤤🌟806牛舌盛り (150G) $136🌟+牛舌盛り Single (150G)+冷麵 set +$ 38牛舌有鹽燒同汁燒之分，全部都試曬，why not both🤭鹽燒就可以試到原汁原味，汁燒就調味過，味道更濃郁入味🤗搭配既冷麵都相當出色，口感好煙韌，放耐咗先食都唔會變淋👍🏻🌟803神盛り（150G）$193🌟+神盛り Single (150G)+生菜 set +$ 25花多眼亂之下，就揀咗呢個神盛set，有牛小排、牛胸腹肉、牛板腱；相比之下牛板腱牛味偏濃郁，燒既時候記得要留意火喉，燒到剛好，先唔會浪費咗咁高質既牛肉🫡🌟檸檬燒酎梳打 $58🌟味道酸酸甜甜既檸檬燒酎梳打，好似飲緊檸檬梳打咁，酒味不太過濃，一啖燒牛肉，一啖冰凍梳打，好爽皮🤪

人氣日式燒肉店，$200已經食到日本黑毛和牛，CP值超高。餐廳以燒肉拼盤做主打，超過10款組合，豬牛雞海鮮樣樣齊全，總有一樣啱心水。黑毛和牛盛包括大判燒！黑毛和牛肩胛肉及燒黑毛和牛小排，兩款精選的部位。兩款肉皆肉汁豐富，大火炙燒後焦香鮮嫩。搭配上日本蛋汁，味道更加突出，而且更顯得肉質嫰滑。極上厚切牛胸腹柳，肉質柔軟，又帶小量脂肪。大火炙燒，表面稍微焦糖化，又帶豐富的肉汁。用以配生菜包簡直一流。雞脛柳燒口感爽脆有嚼勁，味道濃郁。配搭上檸檬汁食，味道更加突出。牛舌盛，包括鹽味牛舌和醬油牛舌。經過烤制後，肉質依舊柔軟爽脆。個人比較喜歡鹽味牛舌，簡單用鹽調味，已經帶出濃濃的牛肉味。

朋友勁鍾意食燒肉，趁佢生日我哋去咗呢間位於加連威老道嘅燒肉801，平時夜晚見到好多人排隊，今日我哋食6:30都幾多人，呢度環境坐得幾舒服，非常寬敞，完全唔覺得擠迫，而且店員服務都非常好。牛舌盛$98有鹽味牛舌同醬油牛舌，牛舌質感爽脆。雞腿肉肉質嫩滑，雞皮燒到10分香口。神盛$168有特尚牛胸腹肉，腹前牛小排，牛阪腱肉三款牛肉，牛肉味道濃郁，肉質鮮嫩彈牙，超級Juice。醬油昆布小蕃茄小蕃茄酸甜多汁，作為開胃菜不錯嘅選擇。另外我哋加咗套餐要左生菜，生菜新鮮爽口，包埋肉類一齊食10分好味。

🍴之前行街經過，見到一直都想去試下，次次經過都見到好多人等位，所以就決定放工去試下，六點半去到餐廳已經坐左一半人🫣未夠七點就爆曬場💁🏻‍♀️所有燒肉盛都有兩個分量可唔揀，Single / Double🔸801盛 - Single 一個拼盤入面，可以試到三款唔同既肉😋大判燒！黑毛和牛肩胛肉🥩：油花分怖平均，口感軟腍，蘸埋蛋汁入口更嫩滑腹前牛小排：肉味香濃，配埋個醬汁，甜甜辣辣蔥鹽味雞腿肉🍗：雞腿肉嫩滑多汁💦🔸牛舌盛 - Single有鹽味🧂+醬汁味，牛舌雖然係薄切，但口感無常爽脆😍🔸極上厚切牛胸腹柳好厚身🙈完全係視覺既享受，醃到好入味，肉質好腍，燒到兩邊金黃色，再剪開一條條，肉味濃郁🔸辛辣味噌牛腸牛腸超肥美，食落滿口油脂既香味，韮菜索哂牛腸既味，辣辣地好惹味🤤🔸生菜set燒肉盛+$25就可以配埋，除左生菜🥬，仲配埋泡菜同辣醬，包住燒肉食一流🔸冷麵燒肉盛+$38，冷麵好煙韌，冷麵湯加左檸檬汁🍋，酸酸咸咸，好開胃😆🌟用餐時間90分鐘，想成班坐低傾下計就可能有少少趕

已經有一排冇食燒肉，今日口痕就同朋友嚟咗尖沙咀食日式燒肉！燒肉801 餐廳位置都容易搵，主打日式燒肉定食。環境方面，座位闊落，而且每檯都有抽氣管，唔怕全身油煙味。今日有啲肚餓，所以一個叫咗三個set😂，有齊豬、牛、雞。樂盛 $108如果晏晝12pm-4pm嚟食嘅話，會免費升級為套餐，跟埋麵豉湯同白飯，大家可以揀大碗或者細碗白飯，非常抵！樂盛有腹前牛小排、黑毛豚無骨小排同蔥鹽味雞腿肉。牛小排油花分布平均，肉味香濃。黑毛豚肉比較多肥嘅位，識落特別有油香，燒耐少少仲可以做到外皮脆脆地嘅口感。雞腿肉非常彈牙！配埋蔥鹽味道更豐富。神盛 $168神盛有特上牛空腹肉、腹前牛小排同牛板腱肉。特上牛空腹肉比較厚身，有咬口，肉味更濃郁，而且唔會韌。牛板腱肉薄薄一片，幾大塊，肉質柔軟。牛舌盛 $98牛舌盛有齊鹽味牛舌同醬油牛舌。牛舌薄薄地一片，食落有咬口同爽口。醬油味就濃味啲，鹽味嘅話就更加食得出牛肉嘅味道。跟餐可以加錢加倍飲品，今次我同朋友飲咗日本忌廉汽水同日本蜜瓜汽水。