燒肉 JuJu

营业中

休息中

眾樂樂不如獨樂樂，有時候真的是想吃燒肉，但又找不到人一起吃，這間燒肉店就剛好提供了這個機會！這裡有一人的燒肉位置，而且價錢又不貴，又沒有加一什麼的，真的挺不錯！而且很特別的這提供了挺多款自家製醬料，如壽喜燒味也是挺特別的！洋葱蒜蓉味牛舌150g（68元）性價比挺高的一個套餐，而且貴一點就有300g可以選，那就真的可能一次吃過爽了！牛舌用上牛舌芯的部分，所以油脂挺豐富的，吃的建議就是只燒一面，等那一面帶點焦就可以吃了，因為很薄，所以都是夠熟的，而且還能保留了上面的洋蔥蒜蓉！牛舌吃起焦焦嫩嫩的，有濃濃的洋蔥蒜蓉香，又有牛油香！套餐還配有飯，湯和沙律，挺豐富的。美國牛小排200g（158元）吃起來肉質挺嫩和多汁，牛肉香味不會很濃，而且是薄切的，熟得很快！封門柳（68元）這個油花挺不錯的，而且切得挺厚和大片，吃起來肉感很足，肉質非煲柔軟，肉嫩多汁！重點是這個份量真的很多，價錢又不貴！可樂（8元）

冇禮貌、女店員態度好差！！帶位到餐桌、枱底有個布袋用放隨身物品，隨行有植物花束不能放布袋內，食桌範圍亦冇位可擺放，看看四周圍、見仍有半間店數量餐桌未入座、門外亦冇客等候，想望一下有冇另一枱位置可選，稍望未幾，那個無禮女店員即語帶呼喝狀態囂張：「嗰邊個d喺3、4人枱嚟㗎！」，當下心情興致即時冇晒，拔門離開！唔想食到一肚氣、三思！

今晚同男友嚟到旺角經過呢間新開嘅燒肉店被門面同招牌上好大片烤肉吸引咗，一於試下先～入內環境都幾闊落，裝潢以灰色為主調配上木系餐桌牆上仲有好大幅的漫畫，可愛且充滿日式風格而店內亦播放著日本動漫歌，真係有少少去咗日本咁座位以二人一爐為主間格分好哂就算一人燒肉也不會尷尬睇吓餐牌先～哇好多款都好想食😍而且價錢唔貴仲有我最愛的牛舌，有四種口味😍辣椒蒜蓉、洋蔥蒜蓉、芫荽蒜蓉及松露蒜蓉味辣椒蒜蓉牛舌套餐 150g $68套餐跟白飯、湯及前菜店員上菜時提醒將牛舌燒哂兩邊再包住辣椒蒜蓉一齊食，就唔會掉哂落爐牛舌烤得微焦，連埋辣椒蒜蓉食落香辣而牛味濃郁肉質細膩柔軟又多汁，真係好好味牛舌愛好者不要錯過～店員介紹每張枱上都放咗自家制的醬汁仲有岩鹽及黑胡椒各款醬汁調味都不錯，個人推薦日式肉汁及韓國蒜香醬激安套餐 200g $78套餐跟白飯、湯及前菜豬五花烤得金黃帶微焦而油感十足食落鮮美多汁又質嫩爽口追加咗雞肉、豬頸肉、豬梅肉大滿足的美味晚餐～整體食材味道不錯，有得玩有得食而座位坐得舒適最重要係燒完唔會一身燒烤味價錢中等而不另加一，性價比高，值得再來～

自己一個燒肉都唔再毒~🤓旺角日式燒肉店，提供多款抵食嘅一人燒肉套餐！就算係自己嚟，都可以開心好盡興。牛小排×封門柳套餐100g $98 200g $138🥩會根據重量提供唔同嘅價錢，所以都可以根據自己嘅份量，👍作出個人化嘅選擇。牛肉好香，🐮而且非常新鮮性價比高，加埋佢嘅日本飯都好香，夠鬆軟。🍱一個定食已經夠曬飽，而且搭配都好多元化。套餐都配有白飯、味噌湯、同埋泡菜或沙律，更加可以(+$18）轉配日本蛋🍚JuJu紫菜飯，鍾意生雞蛋嘅朋友仔，🥚一定要試下。

和牛五花套餐 - 有牛五花同A4和牛。牛五花雖然有d瘦，但牛味好香濃。咁樣配返肥肥地既A4和牛，可以有唔同感覺既牛味。而且價錢又唔算貴，200蚊有A4和牛食，而且仲係可以一個人壽去既毒男燒烤。個餐仲可以叫埋蘭王紫菜木魚飯，配埋曲蘭王專用醬汁，正到嘩嘩聲。黑松露蒜蓉牛舌 - 牛舌應該係佢既名菜，因為佢自己有張餐牌，又有唔同既味道，包括我揀左既黑松露蒜蓉，洋蔥蒜蓉，芫茜蒜蓉，同辣椒蒜蓉味。黑松露味好香好夾，配埋牛舌軟淋淋又無咁乾身。正！仲有既係有多款味配可以自己配搭，仲要係先自家製既醬汁。

旺角依間燒肉店簡簡單單，好食又唔貴！套餐形式，淨係揀肉就得，包白飯、味噌湯、泡菜或日式沙律肉仲有唔同份量揀，我試左Yakiniku JUJU 定食 150g ($108)，有牛小排、封門柳、牛五花，試到幾款肉幾好，幾香牛味，燒完仲好多汁！另外仲試左極上和牛套餐 100g ($128)，有日本A4和牛同牛五花，A4和牛入口有顯住分別，柔軟好多，肉汁、脂肪豐富，好好食！仲可以追加肉或者海鮮，都平，加左兩隻帆立貝$38，又大又新鮮！有好多唔同醬汁揀！依間真係幾正，難怪平日夜晚都咁滿坐！

一人燒肉不過就算唔係一個人都可以同朋友一齊燒肉，兩個人可以一齊共用一個燒野食既台，好方便。松露蒜蓉牛肉定食 $68擺盤好靚，好似一朵花咁樣，上面嘅配料有唔同嘅選擇，我就揀咗松露蒜蓉，蒜蓉味非常至六，將一小塊牛肉擺在燒網上，再擺少少蒜蓉器上面，就可以吸收晒佢嘅精華，食起嚟非常之惹味❤️另外，我仲叫咗豬頸肉同埋金菇， $150都唔使非常之抵，同埋夠食。定食有湯、泡菜、溫泉蛋、紫菜飯，仲包嘢飲，將溫泉蛋撈落個飯都食，好好味極上和牛套餐 $128有兩種唔同嘅牛，牛嘅花紋非常明顯，燒起上嚟都好易熟，因為夠薄，入口即溶。另外，價錢都好抵👌其餘定食都係有溫泉蛋、泡菜、紫菜飯等等，

🔸牛小排 X 封門柳 套餐 $138 / 200g 牛小排入口油脂味比較重牛小排肉同油脂嘅分佈好平均肉質嫩滑，食落幾夠牛肉味有咬口，但唔會韌到咬唔開封門柳牛味同樣出眾但係略為少少鞋感覺上封門柳嘅份量比牛小排多味道：7/10性價比：8/10🔸芫荽蒜蓉味牛舌(薄切) $68 / 150g建議食法：連埋面頭上嘅蔥花，放入爐燒，燒到單邊脆就食得🤤芫荽蒜蓉超多，蓋係份量好足夠嘅牛舌片上食落芫荽同生蒜味超濃因為係薄切，大概燒1分幾鐘已經食得味道同性價比嚟講，呢個係最高分👍🏻推介大家叫牛舌套餐😻味道：8/10性價比：9/10🔸激安套餐 $78 / 200g套餐包括：五花腩、單骨雞翼4舊五花腩嚟講比較瘦如果唔鍾意食肥嘅五花腩呢一種五花腩比較適合總共有兩隻雞翼 雞翼以單骨形式上枱雞翼味道比較淡如果鹹啲會比較好 但係呢個價錢呢個份量都冇得要求咁多🤣味道：7/10性價比：8/10所有套餐都可以選擇日本沙律或泡菜，味噌湯或昆布湯呢個咁親民嘅價錢喺旺角食到燒肉，係好難得🤤▪️無糖可口可樂（樽裝）$8🔹環境：大多數係二人座位但都有獨立位for一人燒肉👍🏻咁就唔怕一個人食燒肉會尷尬😂🗣不須加一服務費-人均消費：～$1

今晚無飯腳，一條友係旺角遊走，走到依間招牌搶眼既燒肉店，見有一人燒肉餐，一個人原來都可以盡興🎵餐廳漫畫風，無油煙味，位唔迫，環境ok!有我最愛牛舌餐，而且仲有4款口味!芫荽蒜蓉味 (300g) $108薄牛舌有成10幾塊, 燒香兩面，再放d芫荽蒜蓉落去，口感彈牙有油香，加左芫荽蒜蓉味道就更香口。沙律，紫菜飯(+$8)，海帶湯係真紫菜飯唔係味素，值得加呀!燒肉配飯真係一流，碗飯好大碗，叫多碟牛小排黎撈飯😋200g($158)，份量足有4層肉，塊塊都大塊，差d食唔哂，眼闊肚窄早知唔叫咁多😂牛小排油脂豐富，牛味香濃，特登叫多隻日本蛋黎沾肉，入口更滑更香✔食左咁多肉，要飲番支茶消滯🍵

旺角新開既一人燒肉專門店 座位光猛闊落好坐 牆身更佈滿日本漫畫 有feel🔥最平套餐$48幾抵食 價錢已經包括白飯 泡菜 昆布湯 +$18轉左日本蛋紫菜飯係必須! 見到仲有學生優惠 送飲品同無限添飯 感覺自己老了🥹🔥松露蒜蓉牛舌套餐 (150g) $68🔥牛小排x封門柳套餐(200g) $138牛舌有四款口味選擇都好吸引 最後揀左呢個松露蒜蓉味 賣相幾特別🤓 牛舌大概有7-8片薄切 幾爽彈唔韌 黑松露味當然唔會expect好濃 啖啖蒜蓉好香口😋 牛肉厚薄適中 封門柳較有肉味同咬口 牛小排就冇預期咁靚仔 感覺一般 枱面亦有唔同醬汁調味🦐海鮮類追加左帆立貝同虎蝦 $38/2隻 size一d都唔細食落飽滿彈牙 質素唔錯~

店內食午餐時段，都有學生哥黎食，留意牆上面原來畫滿左漫畫公仔，畫得好可愛。叫咗兩款套餐叫左黑松露蒜蓉味牛舌150g（薄切)一個人份量就啱啱好。牛舌薄切配黑松露，味道唔錯，黑松露唔太濃，蒜蓉又好香，夾埋一齊好食。泡菜唔使去韓國，泡菜好味有韓國feel 。日本蛋紫菜飯，都幾大碗飯，我食唔晒。成個飯面都係紫菜木魚絲，加埋日本蛋唔錯。叫左支波子原味汽水牛小排X封門柳套餐 200g兩款都唔使燒好耐，而且燒出嚟嘅肉都唔會乾，我就唔使點醬汁都可以。

一人燒肉近年越黎越流行，剛剛去完日本仲好懷念，係旺角見到呢間「燒肉JuJu」，就一於緬懷下日本之旅。套餐有平有貴，豐儉由人，包飯、湯及泡菜/沙律，亦可以額外加點唔同嘅肉，想食乜就點乜。餐廳抽風做得唔錯，食完唔會成身燒烤味，檯面有各式各樣嘅醬料，配燒肉食一流。黑松露蒜蓉牛舌 : 本人好鍾意食牛舌，見到有牛舌餐就梗係要食啦。牛舌有四款醬可以選擇，我揀咗黑松露蒜蓉味，300g嘅牛舌份量相當多，薄薄嘅牛舌輕微燒過後已經可以食，入口爽口彈牙，散發出陣陣牛味，配埋香味十足嘅黑松露蒜蓉醬，味道濃中帶清新；套餐加8蚊可以轉紫菜飯，紫菜吸收肉汁後更加好味。A4和牛 + 封門柳 + 雞肉:一碟牛舌又點夠喉？再加咗A4和牛及封門柳各100g，A4和牛油脂分佈均勻，放入爐燒時已經聞到濃烈嘅肉香味，入口好濃牛味，非常鬆軟，絕對物有所值。封門柳略為厚切，雖然牛味唔及和牛，但厚切肉汁更多，$38黎講都幾抵食。除咗牛之外，仲點咗份雞肉試下，經醃過嘅雞肉好惹味，肉質鮮嫩，都算唔錯。

餐廳的環境光猛乾淨，而且爐火夠猛，食物很快就熟用QR code點餐，省去了等待服務生的時間，非常方便。我點了極上和牛套餐（200g) $198和海鮮盛盒（$128），兩者的價錢跟重量成正比，胃口少一點的人可以點平的套餐。所有套餐都包括白飯、味噜湯、泡菜或日式沙律，而且還可以加18元轉換成日本蛋JUJU紫菜飯😍😍日本蛋很新鮮。極上和牛套餐的肉質非常鮮嫩，每一口都能夠嚐到牛肉的鮮味，而且份量也很足夠。燒過後牛肉質感保持嫩滑多汁，配搭紫菜飯很惹味😚海鮮盛盒的廣島蠔、虎蝦和帆立貝各兩份，每一種海鮮都很新鮮，尤其是廣島蠔，鮮甜清新，口感保持鮮嫩多汁，虎蝦燒過後口感都保持爽滑。

最近，我有機會去了一家專門烤肉的餐廳。我對這裡的肉類品種感到印象深刻，包括牛舌、豬頸肉和優質和牛。牛舌烤得非常完美，肉質多汁又嫩滑，在我的口中完全溶化。味道平衡且帶有微妙的甜味，我非常喜歡。豬頸肉同樣美味，外皮有點脆，內部嫩滑多汁。腌料非常香味十足，每一口都是真正的享受。但是這頓飯的亮點無疑是優質和牛。肉質的品質在每一口中都很明顯，味道鮮美，有著豐富的奶油味。肉質也非常嫩滑，咀嚼時几乎溶化了。總的來說，我對這家烤肉餐廳的食物質量感到非常滿意。肉類烹調精湛，味道平衡美味。我強烈推薦這家餐廳給任何尋找令人滿意的食物的人。

宜家好興一人燒肉，咁啱就係旺角發現一間超抵食嘅燒肉餐廳呀！細食啲嘅話，最平竟然48蚊就有一個燒肉套餐包白飯、味噌湯、泡菜或沙律！就算正常食量200g肉，都係平均一百蚊左右就有，真係超抵喎！另外餐廳都提供幾多醬汁，有胡麻醬、壽喜燒汁、牛骨汁、日式肉汁、和風沙律汁，一次過滿足多種味覺慾望！韓風五花腩、牛五花套餐 200g $82 👍🏻五花腩油脂同肉嘅分佈均勻，好正！偷偷地教大家解鎖一個秘密食譜，就係加埋泡菜均勻塗抹腩肉嘅表面，一齊燒一齊食，仲正架！牛五花相對黎講就普通啲，不過呢個價錢一定係超抵呀！極上和牛套餐 200g $198 👍🏻和牛真係入口即溶，超肥超邪惡！一放入口，個種油香即時洋溢口中！加上壽喜燒汁，真係唔洗飛日本都食到壽喜燒和牛啦！仲要呢個價錢，抵呀！記得係燒嘅途中，加啲鹽加啲黑椒，風味更佳！紫菜飯 (跟餐 +$8)加左紫菜嘅飯，風味就肯定唔同啲架啦！好食就梗架啦！建議一定要加！消煎茶 (+$ 12)茶就唔多講，就係普通支裝淳茶舍消茶~ 燒肉配煎茶解膩係完美組合！