燒肉 JuJu

营业中

休息中

本人上網見網上旺角洗衣街JuJu燒肉的評價不差，今日就第一次去幫襯食午餐。點了一set 價值138元的牛小排+封門柳燒肉定食。但，食品一來到，肉眼可見非常多肥膏，有沒有搞錯？！好難接受用100+元去燒肥膏！還有一半肉片，似豬多d喎，好淺色。另外，針醬非常普通，選擇款式正常，但與一般燒肉店的醬汁差太遠。誓不盃幫襯 JuJu燒肉這品牌！

比我搵到間平靚正嘅燒肉店👏，餐廳用Qr code落單，夠曬方便，套餐仲會配埋自選前菜、湯同白飯，夠曬食，仲唔收加一服務費😙 $138 A4和牛餐套餐有三塊和牛，好大塊，睇得出紋路好靚，又有油花，呢個價錢抵食，入口富濃香肉味，軟嫩順滑 $108/300g 牛舌牛舌有四款配搭調味揀，我呢個係黑松露蒜蓉口味，將二面都燒至金黃色，輕輕燒幾十秒，夾住松露蒜蓉醬食，非常滋味 $18/100g 豬梅肉追加$18 就有，仲有好多塊，好抵食 枱上都有幾款調味料提供，按自己喜好選擇，方便食用，仲可以追加肉類同海鮮，正呀

好久沒有吃燒肉，朋友突然想吃和牛，糧尾可以吃甚麼，吃一點中價的吧…這一家吃過一次，套餐好抵食，有唔同牛既部分可以搭配，仲有豬同少量海鮮揀，覺得叫２個套餐然後一齊share都幾好。最後揀左一個極上和牛套餐同埋店員大推的牛舌套餐。先是牛舌套餐，揀左洋蔥蒜蓉味，範因為覺得洋蔥蒜蓉比較唔會搶到個牛舌本身的牛味，因為其他係什麼松露呀…芫茜之類的，比較重口味。牛舌本身必切得薄薄的，吃法是先兩面煎好，再放上醬料，夾在一起吃就是最好的吃法！ 可以說是很嫩！蒜蓉真的放一點點就好，建議加小小白飯一齊卷住食，真係會有食完一碟再encore一碟的感覺～檯上亦有很多醬料以供選擇，都有成7款。重點來到A4和牛的部分，生肉紋理分明，一看就知道會好吃吧~燒的時候一次要攤開開的，不然就受熱不夠平均，因為是薄切所以半熟就可以了，然後一定要點醬汁再夾白飯吃才是王道！不得了呀～好軟，油脂好香～入口即化的口感，直接多來一碟行不行飯的部分也要說說，用上蘭王蛋，加埋紫菜撈撈撈，好好吃！一整個套餐吃下來飽到.....不過真的值得再來一次。

 一個人都可以快樂,一個人都可以燒肉旺角美食攻略2023 日本菜X旺角燒肉JUJU 今年新開張既一人燒肉店最平48蚊起一位激安定食100克,五花肉加單骨雞翼,仲要包飯,湯,前菜,超抵啊~另有牛五花,本上和牛,海鮮等選擇~仲有牛小排/封門柳唔夠仲可以單點追加環境舒適,一人一爐用電話落單,台上有多款醬汁供應我個人力推只配鹽同燒肉汁我地叫左份超值餐,加頂級和牛和牛份量超多,油脂平均,爐溫火力夠同日本食一樣FEEL 但比起日本單人燒肉舒適好多啊!日本真係迫到人貼人食,呢度唔會呢牛肉燒15~20秒就食得,可以燒熟3-4片配埋飯食,燒肉飯咁食加錢要左紫菜飯,仲有泡菜,定食黎講超大份,一定食得飽雞翼好食,好嫩滑,有雞味豬5花肉肥嫩甘鮮有肉汁平均消費$100評分8/10Yakiniku Ju Ju燒肉 JuJu旺角洗衣街113號地下G/F, 113 Sai Yee Street, Mong Kok#燒肉JuJu #旺角美食 #旺角#燒肉 #一人燒肉 #旺角燒肉@yakinikujuju2022 #HELLOHONGKONG #你好香港#EOSRP #35MM18 #canonphotography #

一個人都嘆到燒肉！不過我都係鐘意嗌埋sister😂😂😂成個set lunch包泡菜或者日本沙律，湯可以選擇簡味噌湯或昆布湯，兩種湯都非常清新，可以增加食欲點左一份極上和牛套餐，係最豪華嘅餐，好滿足！！有A4和牛，入口即溶，貪心嘅我不停試唔同嘅醬料另一個套餐簡左黑松露蒜蓉味牛舌300g，同朋友不斷大讚好抵，食完一舊又一舊牛舌肉質鮮嫩，加上黑松露和蒜蓉的調味，味道非常豐富。我地算係大食既女仔，食完覺得仲想嗌，所以單點左半殼帆立貝、豬五花和美國牛小排半殼帆立貝新鮮又大粒，豬五花肉質鬆軟，入口即化，第一片唔小心燒過火，之後控制返就勁正！美國牛小排濃郁肉汁，又唔太肥個飯本身係白飯，可以加錢轉日本蛋紫菜飯，撈飯好正呢！食得過可以encore，好少見咁抵嘅燒肉，一個餐百零蚊就落到枱

超抵食一人燒肉店🔥🐮.旺角有間一人燒肉店，空間闊落有晒大籃放外套同手袋，咁就唔驚臭臭🤭Set lunch超級抵，$100鬆啲就有一個餐啦😍.極上和牛套餐🐮 $198難得黎到，其中一個餐叫豪少少先🤩有日本A4和牛、牛五花🥳油香豐富，肉味又濃厚😍特別係個和牛，燒幾秒反一反就食得架啦！.黑松露蒜蓉味牛舌300g👅 $108有四種蒜蓉味嘅牛舌，試左黑松露味😌其實黑松露佔唔多，反而蒜味更重～好抵食啊300G有一大碟肉，建議可以兩人share，先有空間食其他野！.午餐配小食🥗可以簡泡菜或者日本沙律湯可以簡味噌湯/昆布湯🥣轉日本蛋紫菜飯加$18🥚🍚碗飯超級大🤩🤩🤩不過食食下就成碗食晒🤓紫菜好滿，個蛋鐘意撈飯/當壽喜燒咁點牛肉食都得😍.🌟單點美食唔夠喉既不妨加錢食其他👏🏻真心勁抵！🔺半殼帆立貝$38大大粒仲搽滿牛油🧈燒完好好食吖！🔺豬五花100g🐷 $28呢個估唔到咁正😍要燒到濃濃地先最正！咬落口會脆卜卜，又唔會完全乾晒(當然要控制得好🤭)重點係平呀$28有六塊～🔺美國牛小排200g🐮 $158牛小排唔會係肥，係食個質感！🔺Coke Zero🥤$8支裝喎仲要～好好飲🥳

以前一講燒肉就會諗起一大班聚會先會去，但宜家開咗好多一人燒肉店，有時想食/享受一下燒肉都唔駛約齊人先去，今次約個朋友係旺角食飯，經過呢個燒肉店突然興起就燒一燒肉。店入面座位都算多，唔算太迫，店員話用手機落單，入面有最新嘅餐單，我揀咗個牛舌套餐，友人就食和牛套餐。套餐包飯、湯同沙律/泡菜，好豐富，一開始未控制到個火力，頭2塊肉比我地燒到有啲老😂牛舌厚薄適中，燒完口感爽口，加埋洋蔥蒜蓉好惹味。A4和牛燒完油脂足又夠肉味，好好味！套餐有兩大塊，食完立即再追加。豬頸肉本身有醃料，個人覺得燒耐少少，迫走啲油份，更脆口又唔會太油膩。整體食身質素都唔差，份量好足夠又唔算貴，推推A4和牛，雖然燒肉點都係比較油，不過間唔時食下無咩所謂～

發掘到一間性價比極高嘅餐廳一個人燒肉都可以好享受坐位寛闊乾淨午市定食 最平幾十蚊就有仲有超多唔同套餐 實有岩口味推介牛舌定食總共有四款口味辣椒 洋蔥 芫荽 松露 配 蒜蓉所有套餐都跟泡菜或日式沙律味噌湯 白飯建議將白飯升級為日本蛋紫菜飯更香更惹味牛舌薄片嫩身牛味濃郁封門柳大理石紋 分佈平均肉質鬆軟 不易變韌海鮮都有好多選擇廣島蠔 帆立貝 多春魚蠔肉肥漲卜卜 好飽滿帆立貝新鮮大粒另外好欣賞調味料非常齊全個人最鐘意牛骨汁上菜有效率 店員親切有禮整體食物 環境 服務都十分高水準

平時行開經過旺角洗衣街，見到一間平時好想食嘅燒肉，肥妹仔就梗係諗都唔諗就入左去食😍😍店內環境都ok, 岩曬同1到2個朋友去自私燒燒肉juju套餐(牛小排、封門柳、牛五花）300g$188套餐入面包左三種牛肉，各有唔同肉質口感，想一次過食唔同嘅肉就岩晒啦，不過肥妹仔就轉左日本蛋紫菜飯，生蛋撈紫菜飯再加埋蘭王蛋豉油，味道一獨🤩黑松露蒜蓉味牛舌300g （薄切）牛味好濃郁，配合埋黑松露蒜容醬就更加惹味添😍另外肥妹做仲叫左一啲海鮮燒添，真係好鬼正呀😋餐廳仲提供好多唔同嘅自家醬汁比我地選擇添😬

「哭著吃過飯的人 是能夠往前走下去」，是的，只要捱過片刻的心痛，便可以走下去💪🏻-日本燒肉是我喜愛的美食之一，所以每月必見一次 好友，帶我去吃一間位於旺角性價比高的單點日本燒肉餐廳。-來到這家日本燒肉餐廳，我會被招財貓及牆上漫畫風格的插畫吸引。雖然是一人燒肉，但與好友2人同享一個爐燒烤，真Sweet 。-此餐廳其中最受歡迎是牛舌套餐，我與好友分別點了HK$68黑松露蒜蓉味牛舌 150g 及荽茜蒜蓉味牛舌 150g ，牛舌是一道切成薄片的牛肉，配上黑松露蒜蓉及芫荽蒜蓉味調味，口感豐富。因為我喜愛吃紫菜及雞蛋，可以選擇+HK$18轉日本蛋紫菜飯，讓燒肉搭配上紫菜和蛋的香氣，更加美味。此外套餐日本燒肉是配上泡菜和日本沙律，能減輕油膩感。昆布湯也是一道不可錯過的美食，能夠讓人在燒烤之後享受到一碗溫暖的湯品。-HK$128 A4和牛 100g~脂肪像雲石一樣，光看着它也讓我流口水，入口肉質極為細膩。-HK$68封門柳 200g 及HK$28牛五花～前者牛肉不需要什麼醬料便可以吃到濃郁牛味，而後者牛的脂肪不多，非常適合正在減肥的我；-除了牛肉，還有其他的選擇，比如HK$12單骨雞翼(100g),H

唔洗下下約friend去食放題，一人前燒肉同樣可以好豐富!多款燒肉套餐，餐有飯，沙律/泡菜，味噌湯/海痛湯。價錢由$48~$198都有，唔夠仲可以追加肉，好多選擇。極上和牛套餐(200g) $198日本A4和牛油脂豐富分佈平均，油香滿滿，肉質細嫩。牛五花肉質較有彈性，牛味都幾濃。飯亦特別揀左日本蛋紫菜飯，蛋香加紫菜拌飯真係一流😋特別一讚店內提供多款醬汁，而且係自家製作，有燒肉汁，牛骨汁，壽喜燒汁和醬油等，食起上黎多花款👍🏻再追加左封門柳同埋芫荽蒜蓉牛舌。中意封門柳大大塊有厚道唔會碎濕濕，有口感👍🏻芫荽蒜蓉牛舌好特別!芫荽蒜蓉醬燒完之後味道更出更惹味，加埋牛舌本身既油香，正!

一個月一次的約會 美女朋友想吃燒肉旺角這間新開燒肉店 賣點是四色牛舌莞茜／洋蔥／辣椒／松露 的蒜蓉牛舌實在太吸引我們兩個 一於收工去試試雖說是一人烤肉 其實也有二人四人位日式簡約裝修 牆上漫畫風有趣的字句「哭著吃過飯的人 是能夠往前走下去」不要哭而且化悲憤為食量 點了一大堆 燒得焦香的肉肉與海鮮 沒有經過醃製調味是靠沾醬 而醬汁自家製款式甚多有辣有濃亦有淡 不愛汁也有海鹽黑椒 自助下單沒有加一服務費 性價比不錯-⧫⧫ 黑松露蒜蓉味牛舌 𝟏𝟓𝟎𝐠 ⧫⧫ $𝟔𝟖⧫⧫ 莞茜蒜蓉味牛舌 𝟏𝟓𝟎𝐠 ⧫⧫ $𝟔𝟖套餐配泡菜或沙律 以及味噌或昆布湯其他再追加單點 價位在旺角頗為抵食 牛舌約有十片 面層鋪滿自選的蒜蓉醬薄切牛舌口感爽彈 配上松露十分惹味朋友的莞茜蒜蓉亦十分誘人 配飯一流加１８蚊 仲可以轉埋日本蛋紫菜白飯生雞蛋配合蘭王蛋豉油 味道特別夾呀平常不太吃飯的我 忍不住一口接一口-⧫⧫ 𝐀𝟒和牛 𝟏𝟎𝟎𝐠 ⧫⧫ $𝟏𝟐𝟖⧫⧫ 半殼帆立貝 𝟐𝐩𝐜 ⧫⧫ $𝟑𝟖四片和牛油花豐富 分佈均勻十分豐腴燒出來熊熊火光 粉嫩變網紋入口即溶帆立貝有種水產店磯燒感覺 相當厚肉-⧫⧫ 封門柳 𝟐𝟎𝟎𝐠 ⧫⧫ $𝟔𝟖

假日同朋友係Moko mall shopping, 一到搵食時間就比較難搵位, 於是就落咗上海街搵食, 果然比我地搵到平靚正嘅燒肉店。餐廳牆壁以漫畫圖案做佈置, 頗有日系風。店員送上Menu, 告知推出了新張優惠, 人均消費滿HK$250仲可享九折, 而且飲品第二件半價!Order以scan QR code落單, 牛舌同肉類分別都有set選擇, 每款set都包括有自選前菜、湯同埋白飯; 另可追加各款燒肉同埋海鮮。+$8 升級紫菜飯牛舌有四款配搭調味, 而且不列於追加項, 所以我就揀咗其中一款牛舌SET。套餐包括了泡菜、味噌湯, 味噌湯味道剛好, 唔太淡亦唔會過鹹。 【莞茜蒜蓉味牛舌(300g)套餐】HK$68 牛舌粉嫩新鮮, 店員建議將牛舌兩邊烤至金黃, 再夾住莞茜+蒜蓉入口, 倍感香口惹味。另外再追加了兩款肉: 【封門柳(200G) 】HK$68色澤暗紅, 牛脂較少, 肉質林, 肉味香濃… 【美國牛小排(200G)】HK$158牛脂偏向集中, 薄切令肉質顯得嫩得黎唔鞋。套餐不包括飲品, 需要散點, order咗蜜瓜味波子汽水。

近月各區開了不少日式燒肉店，自己一個人去食燒肉也可以。窩夫與蝦子餅日前試了旺角洗衣街的「燒肉JUJU」。六時前入座，趁後面未有食客把握時間在漫畫牆前打卡。窩夫與蝦子餅二人共用一爐。窩夫與蝦子餅都愛吃牛舌，見到餐牌上的牛舌立即心心眼，有四款口味選擇，分別是松露蒜蓉味、辣椒蒜蓉味、洋蔥蒜蓉味和芫荽蒜蓉味。除了牛舌，還有很多燒肉選擇，最平的激安定食只需48元。窩夫與蝦子餅點了兩個套餐，一個是300克的燒肉JUJU套餐($188)。所有套餐包括白飯、湯、泡菜或日式沙律。湯可選味噌湯或昆布湯，窩夫個人比較喜歡昆布湯，昆布份量不少。燒肉JUJU套餐有三款牛肉，分成兩層，上層有牛小排和封門柳，下層則放了牛五花。牛五花燒過後散發陣陣油香。三款當中窩夫與蝦子餅最愛吃封門柳，肉味最濃，肉質軟腍，稍為燒過火也不會韌。牛肉本身沒有醃過，可按個人口味好好利用桌上的調味料，有鹽、胡椒、七味粉和多款自家製醬汁，其中窩夫與蝦子餅最推介牛骨汁。另一個是性價比超高的300克松露蒜蓉味牛舌套餐($108)。顏色鮮艷的碟子令人心情開朗，食慾大增。牛舌和松露蒜蓉醬的份量十足，依店員指示先燒牛舌兩面才加入松露蒜蓉醬，薄切牛舌爽滑

旺角美食又有新嘅打卡點啦 ✺◟(∗❛ัᴗ❛ั∗)◞✺.餐廳更有4款新奇惹味嘅🐮牛舌套餐，好特別，又好夾！.配搭特色醬料，🍄我今次揀咗菇味好香嘅松露蒜蓉醬。牛舌食落，口感爽嫩，非常彈牙。😙而且唔會老，燒完之後，🔥仍然可以保持住好多汁。.特色牛舌定食價錢：💰$68/150g或$108/300g。可以四款口味隨心選擇，分別有香濃的松露蒜蓉、🧅清新洋葱蒜蓉、秘製辣椒蒜蓉及創意🥬芫荽蒜蓉口味！🤓