燒肉駅 一人燒肉·丼飯

营业中

休息中

想食燒肉？得一個人？想選擇小店？ 經過旺角，發現一間以木色為主，有點日本風格，環境不錯。進入餐廳，發現除了一人座位外，還有卡位可選擇。餐廳抽風系統很好，唔會有全身油煙感。 食物方面，餐廳提供不同款式的套餐，總有一款適合你！ 😋餐廳使用QR code，是日選擇：1️⃣鹿兒島和牛盛 <配前菜、麵豉湯、飯> 🔸牛仔骨肉、肩胛肉、牛西冷 🍽雪花均勻分佈，有光澤，油脂豐富，肉質鮮嫩，入口即溶，肉汁豐富。 餐廳提供三款不同的調味汁，蒜味燒肉汁、蒜蓉牛油汁、燒肉汁，令和牛味道更突出。客人可轉配和牛肉燥(紫菜)溫泉蛋丼，和牛切碎，加上紫菜及溫泉蛋嘅濃郁口感，令丼飯更香，層次更豐富。 2️⃣豚五花、雞松阪(雞頸肉)、雞腿肉 <300g> <配前菜、麵豉湯、飯> 🍽不喜歡食牛的朋友，不用擔心，這裡還有其他套餐可供客人選擇。 豚五花帶脂肪層的肉，肥瘦相間，肉質細嫩。雞是鹿兒島赤雞，雞肉鮮香多汁，肉質入味。雞松阪口感有咬勁，經燒煮後，肉汁仍保留，非常香口。

最近去左位於旺角既燒肉駅、餐廳係喺旺角西洋菜南街，有多款一人燒肉，最平$48就有一個餐🥰我叫咗佢哋嘅牛五花、豚松阪同雞松阪組合套餐，300克只係$118！仲附送珍珠飯、泡菜、中華沙律同埋味噌湯。餐廳用左鹿兒島薩摩赤雞，這種雞肉係無添加激素的，所以肉質好彈牙，口感豐富，牛五花嘅油脂好多，好多汁好香口；豚松阪都好嫩滑。配埋珍珠飯同埋泡菜，味道更加豐富。特別中意餐廳既醬料，其中一款牛油蒜蓉汁配上肉，將口感提升左👍🏻我仲試咗佢哋嘅A4和牛丼，只係$98！呢個丼飯裡面有高品質嘅A4和牛，肉質鮮嫩，入口即化。和牛嘅油脂好香好濃郁，一口一口都好滿足。加埋泡菜、中華沙律同埋味噌湯，完全夠飽！味道⭐️⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️

📍燒肉駅 一人燒肉·丼飯 (旺角)旺角西洋菜南街200號地舖==============================呢間燒肉店整個裝修風格都非常日系，牆上面有好多日式風景相片，仲有好多日本車票票尾，非常有心思坐位方面有吧枱同卡位可以揀，最重要係個爐會自動吸走哂d油煙，唔洗驚食到成身油煙味落單方面係用QR code落單，非常方便落單後職員好快就會拎食物來，同幫手開埋個烤爐==============================牛五花，豚松阪（豬頸肉），雞松阪（雞頸肉）烤肉拼盤牛五花：牛肉油脂豐富，牛味濃郁，配埋即磨黑椒同岩鹽非常好味豚松阪（豬頸肉）：口感好爽口，唔油膩，烤燶左外面少少之後，食落好香脆雞松阪（雞頸肉）：第一次食雞頸肉，肉質好嫰滑但咬落好爽口拼盤仲配埋白飯，麵豉湯同泡菜，沙律，味道都好好A4和牛丼和牛肉質好嫰同牛味好濃郁，溫泉蛋配埋和牛同埋燒汁好好味😋

真係未食過咁難食嘅燒肉..嗌咗個$153「安格斯」牛肩胛、牛小排set 200g+$28由白飯upgrade和牛肉燥飯 ,上到嚟釣梨腦母 全部都係肥膏點食呀 ,伏L到pk🙂 呢幾舊嘢懷疑200g都唔知有無 ,扑你個乖切埋切埋啲肥膏濫竽充數! 個和牛肉燥飯同台灣麵食嗰啲肉燥無分別..建議大家唔洗嘥錢🙂 剪完啲肥膏燒完嗰雞碎咁多肉食晒成個餐都好似無嘢落過肚咁黐孖筋..埋單收加一$199Dllm成餐食到谷鬼氣未食過嘅自己睇路!!

呢幾年一人燒肉喺香港十分流行，而旺角有一間cp值極高嘅一人燒肉店！ 北海道和牛盛呢個set係由和牛舌芯、沙巴當同肉眼蓋組成。和牛質地鮮嫩，入口即化，肉汁十足。每一片肉都經過巧妙處理，保留住最原汁原味嘅滋味。 牛小排小排厚實多汁，經過燒烤後，表面呈現香脆嘅外皮，內裡肉質鮮嫩。每一口都帶有濃郁嘅牛肉香氣，絕對係肉食愛好者嘅不二之選。 雞松阪雞肉多汁鮮嫩，經過燒烤後，肉汁鎖喺雞肉入面，配埋唔同醬料可以食出唔同風味～ 而呢間燒肉店嘅highlight之一係和牛肉燥飯，真係好特別，食燒肉之餘，每啖飯都可以食到和牛肉燥，好惹味！

天氣咁凍 除左打邊爐🍲我地幾日前仲去左食燒肉🤭一人一個私家爐 同樣暖笠笠🔥餐廳行日式木系風格除左一人獨立燒肉位 仲有卡位而店內抽風系統都好勁 食完都唔會成身味😏當日點選左🔹鹿兒島和牛盛 同🔹牛肩胛安格斯、和牛腹肉、牛舌🥩上枱見到和牛油花超靚 質素好高😍跟餐仲配前菜、麵豉湯同飯每塊肉都燒到油脂大爆發咁😋好好味 特別牛舌好爽肩胛肉亦係我最愛💜枱前仲有好多種醬料我地試左燒肉汁同蒜蓉牛油醬後者真係食到我回味無窮 牛油🧈味好香 但唔會漏 好夾👍🏻一人set份量岩岩好配埋支茶解下油膩感好幸福☺️

旺角近太子方向發現左一間 #燒肉 新店🔍 餐廳主打一人燒肉！最基本嘅牛五花Set $48起, 定食包麵豉湯、飯、前菜🍚而牛肉同所有食材都從日本入貨🇯🇵個人特別喜歡店家特製嘅牛油蒜蓉汁！好香牛油味🤤🤤🤤牛五花、豚松阪(豬頸肉)、雞松阪(雞頸肉) 300g SET $118加和牛肉燥 (紫菜) 溫泉蛋丼 $28加飲品 $18和牛肉燥飯嘅肉燥採用和牛同普通日本牛肉混合而成, 配上溫泉蛋和紫菜, 超級好送飯😋而牛五花、豬頸肉都好厚肉A4 和牛丼SET $98加飲品 $18和牛超厚肉,又多肉汁！配飯好好食😋強烈建議要配牛油蒜蓉汁🥹巧巧食呀‼️牛舌 300g $884塊都厚肉多汁🤤🤤

有時自己出去旺角買野，想自己一個人搵個地方食野，放鬆下，一人燒肉店真係超級方便&唔錯嘅選擇。餐廳裝潢扮到好似係日本地鐵站⭐️鹿兒島和牛盛（牛仔骨肉、肩胛骨、西冷）配前菜、麵豉湯、牛肉燥紫菜溫泉蛋飯和牛口感入口即化，雪花均勻分佈，有光澤。個人最鍾意❤️西冷，牛香味更濃，但肉質滑嫩。有三款醬可以點，蒜味燒肉汁、蒜蓉牛油汁、燒肉汁。如果唔夠食可以追加肉類&蔬菜。第一次食燒肉有得揀牛肉燥紫菜溫泉蛋飯，推薦食👍🏻

🐰燒肉駅 一人燒肉.丼飯🐰聖誕前同朋友聚一聚，見到旺角依間一人燒肉有啲興趣🐰佢嘅燒肉爐唔係炭燒爐而係發熱線😳雖然開頭 佢冇乜動靜， 以為唔夠火喉， 原來燒落都好夠，仲唔會好大油煙😳😳😳amazing😳😳😳我的冷衫安全了😳😳😳同朋友叫左2款 燒肉丼飯👉🏻宮崎和牛盛和牛肉躁 (紫菜) 温泉蛋丼泡菜& 中華沙律 味噌湯和牛好大片同埋肉汁都好出👍🏻👉🏻牛五花豚松阪(豬頸肉) 、雞松阪(雞頸肉)和牛肉爆 (紫菜) 温泉蛋丼泡菜 & 中華沙律味噌湯特選嘅薩摩雞肉 本身肉質好 ，就算我呢啲燒肉苦手燒得太耐， 入面都仲係好多汁juicy👍🏻👍🏻👍🏻配燒肉嘅丼飯可以配紫菜飯 或者和牛肉燥飯 or 雙拼💕 仲有最鍾意嘅溫泉蛋撈飯🐰 冇得輸🐰🐰🐰👉🏻黃金烏龍茶除咗茶飲仲有汽水同埋beer, 總有一款啱你😆

去試左間新開嘅一人日式燒肉環境幾好 日式muji風 抽風系統都做得幾好 食完都唔覺得D衫有咩怪味✨平平地一人餐50蚊都唔使就有牛五花同豚五花可以食到一人餐包左麵豉湯同飯另外加小小錢就可以食到加埋和牛肉碎 #溫泉蛋 #紫菜 飯有小小似 #牛角飯 但更加豐富同有牛肉碎✨另外叫左個 鹿兒島和牛盛入面三款牛 牛仔骨 肩胛肉 西冷 都好好食油脂豐富 有小小入口即化 牛仔骨最為肥牛脂最重✨另外一人餐就真係好適合平平地過下口癮燒嘅時候會考功夫D先會整得好✨餐廳提供左6-8種醬料同調味粉每塊都可以揀唔同口味

🤓 今日同朋友去咗旺角食飯，朋友帶咗我去一間性價比好高嘅一人燒肉，🤭一個人都可以食燒肉唔尷尬！真係一個人原來都可以盡興，又唔算貴喎！😌👍🏻✨鹿兒島和牛盛有牛仔骨肉，肩胛肉，同西冷嘅set🤩🤩牛肉質感鮮嫩，入口即化，肉汁豐富，令人回味無窮🫡🫡🤎✨牛五花、豚松阪、雞松阪牛五花、豚松阪同雞松阪都係日燒菜單上嘅經典選擇，口感豐富，豚肉鮮嫩多汁，雞肉鮮香多汁，肉質都好入味🥳👍🏻✨和牛肉燥溫泉蛋丼和牛肉燥溫泉蛋丼帶有溫泉蛋嘅濃郁口感，肉質鮮嫩多汁，😝配上溫泉蛋，🥰味道更加豐富，啲肉燥係用一啲冇辦法再切成一片片嘅牛肉易整碎嘅材料整成嘅，食落好正🫶🏻🫶🏻✨溫泉蛋紫菜丼溫泉蛋紫菜丼結合了溫泉蛋同紫菜，口感鮮美，營養豐富😆😆👍🏻

出開旺角行街就發現呢間日本燒肉❤️，地點方便，餐廳環境都幾靚，以木色為主，好有日本feel，同埋雖然係燒肉店，但基乎無咩油煙感👍🏻有好多唔同款式既套餐，性價比都好抵食，今次就同朋友試下唔同既套餐牛肩胛「安格斯」、和牛腹肉、牛舌就咁睇，牛既油花都好靚，食落都好食，牛香都幾足，仲加碗左個重點，和牛肉燥飯，食落油香十足，滿滿既牛香👍🏻牛五花、豚松阪（豬頸肉）、雞松阪（雞頸肉）雞係鹿兒島赤雞，雞肉肉質非常嫩口，牛係厚切肥牛，食落更有口感，豬頸肉都好爽口，油香十足

最近餐廳做緊優惠，燒肉可以免費配set，每個set都會有溫泉蛋紫菜飯，泡菜同中華沙律，仲有碗味噌湯～❥鹿兒島和牛盛 $308呢個套餐包咗三款肉：牛仔骨肉、肩胛肉、牛西冷每款肉都好香牛肉味，油脂慢慢，肉質嫩而且一共有250 g，一個人絕對夠食Upgrade咗做和牛肉燥溫泉蛋丼肉燥係由和牛嘅邊角料切碎製成，所以特別香㗎❥牛五花、豚五花 $78一共有200 g，呢個價錢都幾抵食而且佢切得比較厚，肉感比較充足！而且牛肉同豚肉嘅油脂都好多～

尋日食完羊腩煲，今晚就當然要食返個燒肉黎平衡一下啦🤣🤣咁先係人生丫嘛😝今晚就黎到位於旺角嘅「燒肉駅 一人燒肉·丼飯」，呢間燒肉店係新開業無耐，小編覺得佢地都幾有心架！大家要多多支持一下佢地呀😬十勝和牛盛 $268 + $28 和牛肉燥（紫菜）溫泉蛋丼 + $8 檸檬味「可口可樂」呢個和牛盛包括：牛三角+中腹肉+和牛舌芯，三種牛都非常之高質，入口即溶😋亦好鮮嫩！再加埋和牛肉燥（紫菜）溫泉蛋丼真係大滿足👍而且肉肉都切得比較厚身，食落口感十足🤤而醬汁方面, 店內設有秘制蒜蓉牛油汁點落啲肉肉度，十分之夾！牛五花(100g) $48 呢兩個套餐都係附有泡菜+中華沙律+味噌湯 仲有一碗珍珠飯😊牛五花油脂分布平均！食到油脂嘅味道，小編就最鍾意呢種味道😋 呢個價錢就已經有交易，真係性價比相當之高👍P.S. 講到抽氣系統方面，味道唔會依附係衣物上，走出店後都唔覺身上有燒肉味😬

想食燒肉又食唔到咁多，一人燒就最岩！我最近都經常幫襯一人燒肉店～ 貪佢小小地又滿足到想食燒肉嘅心態～ 最近就去咗旺角新開嘅 @yakiniku__station，環境唔算好大，有卡位坐，最重要係燒嘅成個過程都係冇煙味！👍🍭牛小排、和牛腹肉、和牛舌 220g ($198)成個餐有3款牛，一碗米飯(點咗溫泉肉躁飯)，漬物同麵豉湯～ 牛肉肉質鮮嫩，油脂分布平均，燒兩燒就食得！好香口，油脂爆發，牛舌好有咬口，好食！🍭豚五花、雞松阪（雞頸肉）、雞腿肉 300g ($108)呢個我都大推！當中的雞松阪好有驚喜！佢係來自日本無激素雞頸肉，可以安心食用！中間有條骨位，口感爽脆嫩滑！豚五花肥瘦均勻，肉味香濃😍