燒肉駅 一人燒肉·丼飯

营业中

休息中

呢次喺旺角嘅鬧市發現咗一間一人日式燒肉店😍💕佢竟然有一人90分鐘放題🥶價錢都貼地😂唔單止燒肉套餐，仲有定食、丼飯、串燒😎餐廳會放啲日本小物例如車票同其他擺設🇯🇵好有日本feel🥹🍛 A4和牛丼 $98肥美多汁嘅和牛鋪滿飯面，充滿牛肉嘅鮮香同油脂🥰配埋滑溜溜嘅溫泉蛋，令到成碗飯嘅口感更加豐富✨仲有泡菜同熱辣辣嘅湯俾你暖胃～呢個價就可以享受到呢個級數嘅和牛，真係抵食！🤩🔥 牛魔王set+和牛肉燥紫菜溫泉蛋飯 $138真係必試！呢個set有齊牛五花、牛肩胛、豬頸肉、豚五花同雞腿肉🥓肉質新鮮嫩滑，燒到啱啱好嘅時候，配埋肉燥紫菜飯，嗰陣陣肉香同紫菜嘅鮮味真係夾到絕配！😍仲有泡菜同熱辣辣嘅湯，呢個set真係好豐富，一餐已經滿足晒你嘅燒肉渴望🤩💕無論一個人嚟定一班朋友嚟，都可以喺呢度享受到高質嘅燒肉料理，每款菜式都用心，味道一流😋加上價錢合理，店員都nice~~呢間餐廳絕對係旺角鬧市中嘅隱世好西🤩！下次一定會再嚟試其他菜式，特別係佢哋嘅90分鐘放題要再食，真係抵到爛！🤣

最近試咗間一人燒肉放題店. 重點 !! ✨HKD138 就可以任食肉肉🥓 CP 值都幾高下.肉類選擇有：- **牛五花**：唔會太肥膩，燒到香口，但要注意唔好燒咁耐呀. - **豬頸肉**：肉質不錯，d 肉好有質感. 冇雪味. - **豬五花**：肉厚實好有質感，佢嘅油脂比例唔算太高。- **雞腿肉**：好嫩的口感，燒出嚟唔錯。- **牛肩胛**：味道比想像中好，冇乜油脂. 減肥食呢個就啱晒啦👅一共有三款蔬菜：-生菜🥬金菇🍄‍🟫翠玉瓜🥒再加$18就可以享受罐裝飲品放題，包括可樂、無糖可樂、雪碧、+C我特別推薦佢哋嘅山梨縣產白桃梳打，味道清新，甜度啱啱好🫶🏻如果唔想食放題，店內提供嘅A4和牛丼✨只需$98，對於唔想食太多肉嘅人來講，呢個選擇都幾好。

有時一個人食飯又想食好啲，甚至想食吓日本燒肉咁，呢一間位於旺角嘅日式料理舖頭就啱晒啦！今日嚟到就試咗佢哋嘅90分鐘放題，每位價錢係$138，可以任食五款肉類，包括牛肩胛🐮、牛五花🥩、豬頸肉🐷、豚五花🐽、雞腿肉🐔，五款肉類嘅質素都唔差，其中我就最推介豚五花‼️ 另外仲會配埋肉燥紫菜飯🍚、麵豉湯🥣、泡菜🥙，非常豐富㗎！珍珠飯仲要係任加嘅，完全唔使擔心唔夠飽啊～除咗任食放題之外，佢哋呢度都好多定食同埋丼飯嘅，我哋今次就試咗佢嘅A4和牛丼🐮$98，當飯已經包咗麵豉湯同埋泡菜，份量唔算話太多，一個女仔應該啱啱好嘅！😉

🌟今日又係去食我最愛的燒肉，揀左西洋菜南街的一人燒肉餐廳。呢間燒肉好特別，除左有一人燒肉套餐，仲有定食，丼飯，串燒，另外仲有一人90分鐘放題，最平都係$138起😍🥢今日吾想食太多，叫左丼飯同一人套餐試下先。🐮牛魔王之選有三款肉: 牛小排，牛肩胛同牛舌，有250g, 男仔都夠食😋肉類的色澤同賣相都相當不錯👍🏻🥩最愛牛小排🤤肉同油脂比例剛剛好，食到肉味之餘仲有牛脂香。🍙升級紫菜温泉蛋肉躁飯紫菜同肉躁份量好多，好惹味，配上温泉蛋同燒肉一齊食，真係好正👍🏻🐮A5和牛丼吾使自己燒，師傅將A5和牛燒得剛剛好，肉汁豐富,牛脂感重😍温泉蛋令和牛口感更滑更香！🌟🌟餐廳環境都幾乾淨企理，吾會有油膩感，油煙味都吾多，下次要黎挑戰下一人燒肉放題先😆

🍴90分鐘放題任食🐮牛肩胛肉質細嫩，帶有豐富的肉汁，入口即化。🐮牛五羊肥瘦適中，口感豐富，燒咗之後香氣撲鼻。🐷豬頸肉肉質鮮嫩多汁，熟咗之後保持了豬肉汁唔鞋。🐷豚五花豬肉油花分佈均勻🐔雞腿肉肉質細緻，多汁鮮嫩，燒烤後皮脆肉嫩，加上獨特嘅醃製風味。🥬仲有菜金菇同埋翠玉瓜任食添，白飯任裝😋除咗有一個燒肉拼盤提供之外，仲有一碗紫菜肉燥飯，一碗泡菜仲好一碗麵豉湯飲！建議可以將啲金菇加佢嗰個蒜蓉牛油汁用嚟煮真係食過返尋味🤤

🥢🥢🥢市中心+平價 = 回訪率 75% 🥢🥢🥢話說之前經過已經bookmark 咗呢間，因為一個字：平！⭐️A4和牛飯set 唔洗一百蚊，食到薄切但肥美和牛，仲有溫泉蛋、湯、飯呢啲基本配備～⭐️90分鐘放題更加抵食，本身跟啡肉燥紫菜飯、面豉湯、泡菜，可以任食雞腿肉、牛五花、豬頸肉、豚五花、牛肩胛，咁當然呢個價位唔好要求咁多啦，個人覺得牛肩胛最濃味～啤酒都做緊$58買一送一，見閒日都算幾多人食～🏷️90分鐘放題$138；A4和牛飯set $98

燒肉駅 一人燒肉·丼飯行過見到有新開一人燒肉俾啲燒肉香味吸引左入去，入到去仲見到有$138任食真係好抵食呀！💛 90分鐘放題任食 $138入面有牛五花、牛肩胛、豬頸肉、豚五花同雞腿肉配左肉燥紫菜飯、麵豉湯同醃蘿蔔肉類質素都唔差，多款式，牛五花同豬五花都好好味脂肪比例啱啱好，鮮嫩多汁。肉燥紫菜飯食落好惹味，配肉同泡菜都好夾！💛A4和牛丼 $98上枱覺得好吸引，好多片和牛中間有蔥花同溫泉蛋配左麵豉湯同醃蘿蔔溫泉蛋汁配上和牛，味道好夾，令牛肉變得更鮮嫩和牛味道有所提升價錢：$236⭐️⭐️⭐️評分：8/10⭐️⭐️⭐️📍燒肉駅 一人燒肉·丼飯 (旺角)旺角西洋菜南街200號地舖

今日同朋友行過花園街附近行到攰就搵咗一間日式燒肉店嚟食入到去可以嗌唔同嘅Set鍾意食雞食牛食豬都得。標榜全部由日本進口。鍾意食平食貴都得貴起上嚟可以食和牛燒肉。該店亦都提供冰水俾大家自己斟。就算自己一個人嚟食燒肉都唔尷尬。因為每人一爐。另外，唔需要同人爭個燒烤爐。抽風系統亦做得好好入去燒嘅時候我個鼻好敏感都冇流鼻水流鼻涕。裝修非常日式乾淨簡潔。佢有激安套餐之選，最平有$68起。 就可以食到100g 牛肩胛。仲有配菜麵豉湯同一碗飯跟埋。如果想食貴啲仲有牛舌、牛肩胛、牛小排 250g $168。枱面仲有喜馬拉雅山岩鹽、胡椒粉、蒜蓉醬汁、燒肉汁去比你點烤完嘅燒肉。開心咗好多後生仔同旅客A4 和牛烤和牛肩胛肉，脂肪分佈均勻，入口即化的和牛燒肉，頂級和牛，肉質細嫩多汁。自行烤30秒，令兩邊燒到金黃色。食落超Juice, 加埋燒肉汁，一次令牛肉味道發揮到極致。肉燥紫菜溫泉蛋飯香濃肉燥覆蓋飯上，再加上紫菜點綴，加增鮮味。溫泉蛋半熟，蛋黃流出。三樣嘢加埋非常match。食落口感豐富，好懷念去日本時食到嘅蓋肉紫菜Don。日本雞肉精選日本雞肉，自行烤三到外脆內軟金黃色。食落雞肉鮮嫩多汁，雞肉非常爽口彈牙，

經過見到這間燒肉店的價位幾抵食就入內一試。環境不算大，但抽風系統做得不錯，沒有太大的油煙味。兩個人點了一份牛魔王燒肉套餐，有250kg 的牛小排，牛肩胛及牛舌，足夠兩個人享用，配麵豉湯及泡菜。牛舌爽口，牛肩胛油花比較少，口感比較扎實，牛小排油花分佈均勻，質地肥嫩柔軟，三款肉只需輕輕煎香，灑少少鹽，沾燒肉汁已經很夠味。除了性價比高的一人燒肉外，亦有供應丼飯套餐，推介$52的和牛肉燥紫菜丼飯及$98 的A4和牛丼飯，前者跟台式肉燥飯有點相似，但肉燥沒有台式般油膩，配埋紫菜及蛋撈勻來食，好味。後者的和牛份量頗多，帶有豐富的油脂，有入口即溶感，口感十分嫩滑，抵食。

🎪 燒肉駅 一人燒肉·丼飯 (旺角)旺角西洋菜南街200號地舖一人燒肉專門店，店內很乾淨，餐廳最窩心是推岀90分鐘放題都是$138。不追求高質靚肉又想吃燒烤的朋友，超值！串燒仲有買一送一暑假優惠。🌟90分鐘放題 $138牛肩肉、牛五花、豬頸肉、豚五花、雞腿肉任食，仲有肉燥紫菜飯、麵豉湯任食～薄切牛肉豚肉而份量不吝嗇，燒完仲可以吃到肉質鮮嫩，材料不馬虎。紫菜肉燥飯見心思。可以配肉吃～yummm🌟A4和牛丼 $98另一名物是丼飯～不用自已燒，可以吃到靚牛，牛肉份量滿滿，肉質鮮嫩柔軟，蛋液沾滿珍珠飯，好豐富的口感，不錯～

通菜街有一間燒肉店，佢哋擁有各式各樣嘅套餐，亦都可以選放題，我同我友人選咗一隻包含豬肉同牛肉的飲食放題，大家有自己一個電池網鍋燒，所以其實係唔會一齊燒。另外我哋都叫咗一個和牛丼飯再加溫泉蛋其實都非常之惹味，佢亦都擁有啤酒任飲嘅套餐，不過我哋因為唔係好飲得，所以只係叫咗一杯。整體而言這間餐廳小巧玲瓏，但係佢嘅一人一鍋都係一個特色。另外服務員都好好人，佢哋好有求必應好快就可以幫你處理到嗰種要求係一個好嘅用餐體驗。

“90分鐘放題”($138)“A4和牛丼”($98)又畀我發現多一間一人燒肉店😝呢間燒肉駅喺旺角,地點都幾方便最正嘅就係呢道有燒肉放題😆90分鐘放題set只係$138肉類有五款牛肩胛,牛五花,豬頸肉,豚五花,雞腿肉配上和牛肉燥紫菜飯,麵豉湯,泡菜仲有罐裝飲品任飲,真係好抵食😛枱面上都有唔同醬汁,調味料大推蒜蓉牛油汁,雖然好肥但好邪惡🤣除咗燒肉呢道都有唔少丼飯可以點我地就叫咗個A4和牛丼🐃同樣配上麵豉湯同泡菜輕輕燒過嘅和牛脂香十足🤤配上溫泉蛋口感更加順滑☺️正呀☺️

Sorry, 食得太忘型唔記得左影相。一開始我地5個人walk in 去食，老細見我地全部大大份男人都好主動安排張全場唯一大枱比我地。食物同價錢我就唔多講，一定係抵食同好食，睇其他comment都知架啦。我主要係好鐘意老細同員工嘅Service，對客好似對待一個朋友咁，一定會再翻黎食！

#fatchubelly旺角📍 燒肉駅 一人燒肉·丼飯 (旺角)💥A4和牛飯 set和牛燒到半生熟食落入口即溶😋和牛嘅油脂亦都非常之香配上蔥花同埋溫泉蛋一齊食一流推薦加多少少燒肉汁一齊食👍🏻💥牛魔王 set呢款牛魔王色啱晒鍾意食牛肉嘅朋友🐮有牛小排、牛肩胛同埋牛舌份量亦都俾得非常之多三款各有特色✨牛小排肉味非常之香🔥牛肩胛非常之重油脂味牛舌就淋得來有咬口🍽️💥和牛肉燥紫菜溫泉蛋飯肉燥紫菜飯非常之有驚喜🤤和牛肉燥食落好香甜好腍食落非常飽肚之餘仲好好食👏🏻燒肉駅 一人燒肉·丼飯 (旺角)旺角西洋菜南街200號地舖

旺角平日Lunch Time見到佢無人，居然唔相信有伏，入左去食 😂叫左炙燒雞腿肉温泉蛋丼點知佢d肉大部分入面係粉紅色，得表面係熟隻温泉蛋就實心咁款，好似要拎黎整月餅既鴨蛋黃咁實 😂佢跟餐送一份小食，我叫左忌廉蟹肉薯餅，點知又係得表面係熱，入面勁凍（同店員講聲，佢地都好好咁換過個飯比我，第二次就熟啦 😂）同行朋友叫左炸雞定食 ＆ 豚肉温泉蛋丼都係唔ok 温泉蛋繼續係實心蛋黃咁濟，豚肉又係生生地，d飯又好硬，泡菜比起食開既酸好多，感覺上唔係正常泡菜總之，可能因為佢係食一人燒肉，慣左d野唔洗煮，直接生上？ 😂所以lunch set唔得掂同一條街間間lunch都坐滿咁濟，得佢無人，係有原因的 😅😂