燒肉時代 (已結業)

週末去行梅窩行山，但中午已經係到食，所以發現都唔知有咩好食，仲要落大雨，結果決定坐左半個鐘有多巴士去東涌食，發現開左間新韓式燒烤店，好彩有book 位，因為星期六都幾多人，但街坊就不多，九成人都是外來的客人，裝修都好韓式燒肉店的格局，員工十分有禮貌，又細心，主動會幫我們換鐵板，不過暫時未有酒牌，當晚4個人，點左韓牛拼盤，五花腩（忘記影相），甜辣醬韓式炸雞，韮菜蠔仔煎蛋餅，仲有個特式便當（但這裡的不用搖）生菜任食。

等了十數年東涌終於有番一間似樣些的韓式烤肉店了！ 位於富東商場的燒肉時代走的是現代韓式燒烤，內裏的裝潢跟市面上的烤肉店沒大分別，最大的分別咪就係我挑起條筋想食燒肉隨時都可以喺東涌食到囉！ 打開飲品餐牌我一眼便盯上這個原個菠蘿冰＄59，整個菠蘿挖空後內裏全是菠蘿沙冰，喝下去香甜冰凍啱曬我呢啲怕熱的人！不過質素就有啲參差後來共聚的清麗村姑點時不知為何面層鋪滿一陣白色泡沫有點像奶的感覺！可幸店員也滑換掉但再出來的賣相始終不及我那個好！ 8月中去食的時候餐廳還未領有酒牌！車爸爸及Thomas兩個好酒之徒就走去超級市場買咗兩支果味的燒酒來高興吓！分別買了柚子味和桃味燒酒估唔到味道有幾唔錯喎！多了一份生果香氣酒味相對不重味道真香甜可口！ 這兒的韓式前菜全部都係任食，吃完之後可以再問侍應加添，幾款質素都好唔錯但係最好味的黑豆竟然唔記得影相添失策！ 送上的還有爽口生菜，心棵棵完整質素不俗。 呢個時候侍應為我們燒烤盤添上蛋汁及牛油粟米，這是一次性送贈如想再要可以加錢添吃！ 而我更將泡菜放入蛋汁內將之變成泡菜蛋即時增添惹味度。 燒肉未吃得之前就來點小食吧！韓式甜辣炸雞＄69/5件，炸雞外皮香脆內裏還保持

這天，與為食朋友到東涌Outlet購物，行至食晏時間在商場到處覓食 ，就在富東商場發現這間"BBQ Time "燒肉時代"望入去好人氣啊~ 原來店子開張不久，難怪之前來過沒見到 ，居住在 東涌的朋友經常對我說這區食肆少選擇少， 現在可好又多一間韓式餐廳供選擇了！剛好有位，笑容可鞠的待應引领内進，燒肉店充满韓風的空間和工業油桶形的坐位 猶如置身於韓國一樣！座位充足舒適，濃濃韓風味~多種菜式配搭，也有午市套餐和單點麵，飯，湯……等。我是食肉獸,當然要試試燒肉喇！今天選了三款肉 品嚐~ 品嚐~滿枱的免費前菜和特别的醬汁生菜很翠綠新鲜鐵鍋邊的蛋和牛油粟米第一Round 是送的;醬缸醃牛肋骨肉 (200g) $138醬醃梅頭肉 (250g) $78降霜一口和牛 (150g ) $ 92牛肋骨肉夠淋和滑肉味濃，而豬梅頭肉有油脂甘香，不"鞋"口！醃得味道 恰到好處！燒起外層脆脆的，非常回味！一口和牛肥美肉香，沾醬汁更覺鲜味！吃過以上三款肉都感到很滋味！很滿足！在這麽型格的韓風環境下吃這顿燒肉特别有feel！是個開心的時光！下次再來试其他的菜式！

同朋友坐坐昂坪纜車，去到東涌已到了中午發現竟有燒肉店，便走到富東商場試試。店舖位置差不多是在商場最後的位置。店舖裝修掛了不少韓文的海報畫，配上紅白藍吊燈，一支支的抽氣扇，一陣陣烤肉的香氣，踏入店內肚子的鼓聲隨隨響起。店員傳上五式醃菜，除有辣泡菜，還有菠菜、蓮藕、芽菜及黑豆，特顯韓國飲食文化，餐點中有多種不同顏色食材。生菜片、韓色辣醬、生蒜片，更是烤肉的好拍擋。點了雜錦拼盤，包括有梅頭肉、雞腿、牛護心肉，配上醬醃方式調味，還有扇貝及多春魚。漢拿山腩肉炒飯，店員即場在枱上烹煮，白飯加上腩肉、韓式醬、芝士及蛋，一步步烹煮。炒飯期間我和朋友一面享受燒肉的美味。醬醃的燒肉，燒得香口滑嫩，用生菜、蒜片包著一口一口的美味。漢拿山腩肉炒飯完成，店員把炒飯拼砌出一個心形。炒飯炒出少少的飯焦，炒蛋混合了芝士，吃時芝士在蛋中一絲絲的，軟滑蛋香增加了炒飯的口感。期間，店員不時留意烤板，為我們更換。我們點了一碟拼盤，就加添了兩次生菜片和蒜片，我實在太生蒜片了豐富的午餐作為今日旅程的開始。

今日好同事生日，就打算同佢食餐生日飯。但番工地東涌又無乜好揀。好彩有個住東涌既同事話富東開左間韓燒又有石頭鍋飯同其他韓國菜，而我個位同事又係一位(偽)韓妹，咁就唔使諗啦下話？裝修方面都少不了韓國特色。睇睇餐牌先，燒肉個part都好多選擇喎，不過無理由番工食個lunch都食燒肉咁串丫？都係散嗌啲小食同石頭鍋飯把啦-韮菜海鮮煎餅好香口，海鮮都好足料，有魷鮮同蜆，醬料甜甜地，食落仲有好香韮菜味-學生綜合飯卷醃酸瓜超開胃，夠哂酸，飯唔會太爛-辛辣腩肉石鍋飯一上黎就滋滋聲，食落有飯焦，腩肉入哂味，不過本人好鍾意亦好食得辣就覺得可以再辣少少，不過好在餐廳枱面有放支韓式辣醬係度，撈埋食就最正本人仲係一名湯王。搬左出黎自己住就無得飲媽媽牌靚湯，所以餐廳有湯我都會點。呢個人參鷄足足有半隻鷄，飲落清甜唔油膩仲有淡淡人參香（我好怕重人參味，因為驚苦），嗌呢個湯仲有碗白飯送，做湯飯一流丫食左咁多先呢個價錢，果然物有所值，下次叫哂成間鋪既同事收工去試埋佢地啲燒肉先!

要細數美食沙漠，除了我自家的馬鞍山外，數二應該就是男友住的那一區－梅窩。梅窩目前雖然不算是個很繁忙的社區，但是餐廳選擇真的少得很，而且周邊還會多建幾幢公屋，區內的食肆真的要多開幾間才能滿足人口。 如果要到外面吃的話，我們也只會去貝澳的一家英式酒吧或是到東涌，不過東涌其實選擇也有限，一係就屋邨快餐店，或是到東薈城那邊。最近屋邨裡終於不只是有快餐店茶餐廳，還多了港人至愛的韓式，可以說是大嶼山人的喜訊，起碼有多個不同選擇先！可能是迎開張的關係，平日來的話蠻多空位的，完全不用等。據我所知，餐廳無限定用餐時間，所以很適合朋友聚餐，大家可以慢慢吃。 ▼ 我同男友都喜歡吃燒肉不過每次食BBQ份量都不多，所以細細地就點了美國牛肉和豚肉嚐嚐。店內的抽風系統做得幾好，冷氣都很夠，不會吃到汗流浹背。 因為全程掛住同男友談話，經常忘記要翻翻燒肉，好彩店員非常好客，會主動過來幫我們燒才不會燒燶呢，還有把肉塊切細，很細心的服務。燒到差不多時候他們會為客人換上新的燒肉板，這樣便不會令肉黏住鐵板。 ▼ 整體上我覺得肉類都很新鮮，如果想再吃更香的話可以點我這次試的醬醃。 可能是區內極罕有韓燒，我們到訪的晚上剛好也

當我知道有燒肉時代呢間韓國菜時，心情直頭用欣喜嚟形容，因為東涌終於有韓國菜食，喜歡燒肉的我，當然搵晚走去試下喇！九點去到都好多人，等入座期間見到有唔少韓國人用餐，裝修佈置都幾特別，抽風程度就普通喇，始終燒肉係會大味。 一坐低，店員會為你加上爐邊蛋漿、牛油粟米同生菜，跟手上款幾款不同前菜中，泡菜，魚仔、芽菜都好好味，較特別係其他餐廳少有的黑豆，入口甜甜的，女士們多吃對身體好好啊。這裡的前菜可以叫店員添的，所以我吃了兩碟黑豆。 點咗份牛肋骨拼盤($298)，可以一次過試曬唔同的部份。包括有醬醃牛肋骨肉、頂級和牛舌、調味牛護心肉同降霜一口和牛賣相擺盤都好唔錯，2-3人份量剛剛好。店員溫馨提示我地先燒降霜一口和牛，因為多釋放多D油份先，服務態度唔錯的。和牛粒入口即溶，油份甘香，配上生菜包住黎食，加少少韓式辣醬同青椒，好滿足！！另外調味牛護心肉質感有彈性，肉味較重，因已先調味，所以就咁食都好好。牛舌切得好薄，好快熟要好快手，唔洗乾晒就唔好食喇。牛肋骨肉就唔洗講，口感嫰滑，大大舊，7成熟就剛剛好，肋骨肉有肉汁亦唔會有雪味，推介！ 食肉唔食飯又好係爭緊少少，所以都叫左個辛辣腩肉石鍋飯($72)，除

今日就起行東涌OUTLET之前，先去富東商埸食番個韓國菜先，呢到除左有有韓燒，仲有不同的熟食，例如: 漢拿山炒飯，石鍋飯，懷舊便當，年糕粉絲，炸雞... 相信不少人跟我一樣除左喜歡日本菜之外，其次是韓國菜，特別喜歡韓式燒肉，數款不同的前菜中，最喜歡是黑豆，黑色甜甜，富咀嚼感，此外黑豆富高營養價值，呢到泡菜、前菜可以追加。 另外，當然少不了韓國的醬料，呢到有水供應，除此之外，有不同的韓國飲品可供選擇。 值得一選，追加生菜好新鮮，店員補給好快手。 今次分別點左一個「降霜一口和牛 $92 （150g)」，和牛充滿油香，和牛關係，肉質味道方面，油香會比肉味濃郁，如果喜歡牛肉油香的要試試。 本身叫左和牛，豬肉類方面，不想太膩，所以點了油份相對少的「醬醃豬梅頭肉 $78 （250g)」，豬頭肉軟林，大人小朋友一樣岩食，最佳配搭用生菜包住肉類、泡菜及配菜包住黎食，特別滋味。 除左爐邊蛋之外，呢到仲有牛油粟米。 果味牛肉石鍋飯 $72， 石鍋飯除左好香之外，果味牛肉好足料，更喜歡加入大量蔬菜，再按自己喜好混入辣醬拌飯食一流，石鍋可以將食物溫度保持。

山長水遠去東涌做野，唸住要食快餐醫肚，行下行下發現富東商場有間燒肉店，太興奮啦，午餐可以食韓燒😅睇到門口個meal box 已經好吸引😍餐廳都好大好多坐位我地兩點先坐底，好彩仲有午餐食啫👍🏻仲有餐前小食送，泡菜小辣👍🏻腩肉泡菜辣湯烏冬，屬於小辣，好多料，腩肉半肥瘦，仲有d肉丁，烏冬麵質煙韌，似稻庭烏冬質感😋總司令鍋，有好多配料，牛肉、年糕、芝士.......加一個韓國麵食韓燒點都要叫返個燒肉食下😋醬醃豬梅頭肉，超得👍🏻👍🏻👍🏻肉質好淋唔痴牙，醃料好香又唔會太濃未，完全唔使點醬汁其他燒物都好新鮮今次真係好驚喜，整體食物質素新鮮有水準，員工服務一流，可能過咗午餐繁忙時間，仲會幫我地睇下d 燒肉👏🏻👏🏻下次可以去行outlet 再燒過😝😝

今日同幾個同事去東涌地鐵站附近做野，lunch時間去醫肚，去到東薈城冇乜野食，我地就去左富東商場睇下有乜好食～比我地發現左有間韓式燒肉店，午餐有石頭鍋飯、辛辣麵套餐，價錢唔算貴～於是我地入去食舖入面冇油煙味～整潔我地每人叫左個set lunch，之後見到隔離枱叫左燒肉拼盤，於是大家就豁出去食豪d，叫多個什錦拼盤$219，裏面有牛、豬、雞肉、多春魚、扇貝～部隊鍋辛辣麵賣相唔錯，唔係太辣，好多餸鮮蜆蠔肉辛辣麵，蜆同蠔仔都好新鮮～如果再辣d就仲好食豬梅頭肉醃得好食、冇雪藏味，肉質鮮嫩真係冇諗過屋邨商場內有間高質素既焼肉店

住左東涌十幾個年頭，東涌的食店來來回回選擇真係唔多，聽到東涌新開了韓式燒肉店係幾咁值得高興！雖然韓式燒肉店外面比比皆是，但韓式燒肉可以話係東涌人的新鮮潮新時代！作為東涌人點可以唔試呢？！位置寬敞舒適，空間感夠，或許晚餐時間尚早，未見太多人！每枱會附上幾碟小菜，如果叫烤肉會馬上提供爐邊蛋及粟米我地兩個人分別order 調味護心肉（上）及加拿大有機豬柳（下）經調味過的護心肉不用點醬已經很入味，口感嫰滑juicy 完全不會過韌，喜歡食牛可以點這個，不錯！至於豬柳要多花點時間去燒，個人食落覺得口感乾了少少，反而我朋友讚不絕口，喜歡它烤得夠焦夠脆，是乎個人口味而言⋯⋯海鮮煎餅，金黃酥脆，口感不錯，2個人share 對我地黎講有點多😂😂每次吃完韓式燒烤，必定點個水冷麵來平衡一下，感覺上無咁滯無咁heavy～～麵條都幾Q彈，但略嫌個水冷麵不夠冰，如果有埋黃芥茉醬等醬料提供感覺較正宗！整體服務我個人感覺幾驚喜，侍應會主動走來換鐵板及refill 小菜，又會幫我地烤肉，見我食得論盡仲會幫忙遞紙巾😂😂抵讚！下次帶埋屋企人黎試下東涌燒肉先～～～

一到午飯時間，周圍都多人，見呢間新開又唔洗等好耐，就食呢間。拎左票，等左一陣就有位啦，2個人係易啲搵位！入去坐底，店員就拎左呢3小碟上黎。2碟都係泡菜，另一碟係涼伴菠菜，泡菜酸左啲，有少少少怪味，但菠菜就好味！午餐係呢個餐牌，朋友叫左大醬鮮蜆蠔仔湯飯，我叫左個迷你部隊鍋。等左20分鐘，終於有得食，耐左少少！大醬鮮蜆蠔仔湯飯:入面有百福豆腐(係件豆腐見到印住😆)，金菇，京葱，紅羅白絲，蜆仔同蠔仔。幾多料，但朋友食唔慣大醬湯，覺得甜甜咸咸，唔岩口味，我都覺得甜左啲！個白飯要問先記得俾我地🙄迷你部隊鍋:煮完成鍋上，保溫好啲！入面有年糕，芝士腸，半隻蛋，韓國面同一少片芝士，好豐富，但！？午餐肉呢？無餐肉既😢味道都ok，一般辛辣面湯底，但碗野好濃味，食完好口渴🙈！2個野食都包野飲，無收加一，你話佢貴，對比同區餐廳，我覺得差唔多！

今日相約朋友去咗昂坪360玩 消耗完一大堆體力之後 決定喺東涌搵嘢食係極度肚餓嘅情況之下 叫咗個韓式湯飯試下 湯飯材料非常豐富 有新鮮嘅蜆肉 新鮮嘅蠔仔 好滑嘅豆腐 配合鮮紅色嘅辛辣湯底 見到已經流曬口水白飯配合鮮味嘅辛辣湯 有一種暖胃嘅感覺 加上好肉同蜆肉完全冇沙 啖啖肉唔係因為我極度肚餓而覺得好食 而係呢個湯飯真係做得出色另外朋友叫咗個 辛辣腩肉石鍋飯石鍋拌飯顏色豐富 用眼睛看已經非常夠味 有菜有肉 有原隻煎蛋 非常均衡嘅拌飯最後還選了一個 韭菜海鮮煎餅 韭菜味好香 間中會咬到粒粒海鮮 口感非常豐富 而且煎得唔油膩

聽朋友講東涌開咗間新嘅韓式燒肉店 咁啱今日去探個朋友 一於試下啦餐廳感覺寬敞 座位舒適 同一般嘅韓燒店一樣 都有一條長長嘅抽氣扇 在燒烤嘅時候可以吸走油煙味 唔使將臭味帶回家韓燒又點少得爐邊蛋呢 特別既係配上牛油粟米 牛油粟米經過加熱 牛油味香 粟米味好甜 呢個配搭又幾新鮮喎爐邊蛋色澤金黃 蛋味濃而且好滑 韓燒又點少得呢啲配料呢 韓式前菜 味道正宗 以及 一籃子嘅生菜 都係免費的薄切牛舌 爽口彈牙韓牛肉眼扒 厚度適中 非常大塊 醃製過嘅護心肉 基本上唔使點醬汁都好入味一口牛 燒至七成熟最好 食落有口感肉質豐富利用肉眼扒本身嘅脂肪煎香牛扒 煎到外面香脆金黃 肉質林滑韓式肉眼扒 size好大塊 油脂雪花分佈比例偏多配合餐廳提供嘅洋蔥汁 好好味以上是韓牛拼盤 其實都幾抵食 牛肉質素上乘 一次過可以試哂唔同嘅部位 推介

食過咁多間韓國餐廳 醬油蟹係我每次必點之選 最特別嘅係每間餐廳既韓式醬油蟹味道都會唔同 有佢哋自己一套嘅獨門秘方醬油蟹由韓國直送 配合紫菜麻油拌飯 我都係第一次咁食法$188韓仔為我們送上鮮味無窮嘅醬油蟹飯 感覺好似真係去咗韓國咁醬油蟹非常多膏 好邪惡呀韓仔帶著手套將醬油蟹嘅膏同埋蟹肉 拆落飯中 成件事係好衛生嘅 唔使擔心鮮蟹肉 同甘香嘅蟹膏 攪拌到飯中 即可食用其實蟹肉已經拆得好乾淨 我當然唔會浪費啦 食埋佢啲手手腳腳 蟹肉非常嫩滑 帶有豉油嘅鹹香 非常鮮味醬油蟹飯濕潤 帶有蟹膏嘅甘香 超好味另外點左個鮮蜆蠔仔辛辣湯飯$78個湯非常鮮 而且香濃 有點點微辣 非常開胃湯底有蠔仔 鮮蜆 豆腐 非常豐富