影片
一路行揾紧食咩，行行吓见到呢间烧味舖，啲嘢食个样好似ok,有烧鹅，双并48蚊唔算好贵，入面唔迫又光猛，所以入咗去食。坐低无几耐就送咗碗热辣辣的例汤。好耐无食烧腩仔，所以最后拣咗烧腩油鸡饭，落单时，个侍应有问今日有乳猪，要唔要试，但因为第一次，想先试简单的。好快就上咗碗饭，暖的，个样望落几靓，仲另上咗包黄芥辣，包芥辣见到无香港制造。不过略嫌烧腩肥咗少少。一路食，都听到唔少人斩料外卖，侍应啲服务都唔错，下次会再食！
继续阅读
经过呢间烧味舖装修系传统嘅烧味店装修，见挂住d烧鹅几吸引就走左入去帮衬。叫左半只烧鹅同埋半斤叉烧外卖返屋企食，返到屋企盒鹅同叉烧都仲暖暖地就即刻食。🐦烧鹅估唔到又几好食，味道刚刚好又入味又好多汁! 半肥瘦叉烧味道都系出奇地几好味🐷，个人钟意半肥瘦咬落刚刚好！但叫左半盒烧鹅唔多够食因为屋企太多男人，下次要买一只份量先够全家食，因为真系几好味! 无谂过随意经过买黎试有呢个惊喜! 味道真系几唔错，价钱合理唔贵算几平几抵食!
继续阅读