燒味滷師 (安發大廈)

营业中

休息中

放左工太累唔想煮，黎左長沙灣燒味檔斬料做餸。位於長沙灣呢間燒味滷師外賣店呢日到左晚上7點左右大排長龍並非沒原因，因為價格真係幾相宜，店舖望落光線明亮、乾淨衛生。最吸引到我當然係掛在舖面嘅一隻隻燒鵝同鹽焗雞。買左四盒燒味外賣，份量足料且價格相宜。每款均配上相應嘅醬汁；酸梅汁、鹵水汁、蔥油、沙薑、醋 一應俱全！至尊燒鵝 上庄$110 下庄$120 由於一心諗住買埋叉燒同肚就試下上庄先～燒鵝皮很脆，夾層脂肪唔多，肉質地很好唔乾柴。客家鹽焗雞 $59隻一隻雞份量都幾大隻，從色澤嘅金黃程度都睇到好入味。雞皮薄身，肉質嫩滑又唔會過生，$59/隻完全收貨。佛山燻蹄 $50皮部分唔會過厚而且望落幾乾淨唔見豬毛，唔沾醋都食到濃郁五香鹵水香料味道。燒味佬叉燒$50$50黎講都幾大盒，蜜汁唔會過甜或黏口，豬肉軟稔幾高質。最抵其實係外賣單/雙併燒味飯 只售$22 咋

要去男朋友屋企食飯，當然唔可以兩手空空啦，最好嘅選擇就係斬料上去😆咁啱男朋友屋企附近新開左哩一間燒味店，而且啲燒味仲非常抵買，所以就買咗四樣唔同嘅燒味上去啦。呢度除咗燒味之外，仲有好多其他既食物同涼拌食物可以選擇。呢個就係鹽焗雞啦😍🎈客家鹽焗雞一打開就覺得真係冇揀錯，因為佢嘅份量好多，斬料拎去人哋屋企真係非常得體。雖然話係鹽焗雞，但食落去唔會好咸，仍然保留住雞嘅鮮味，肉質亦非常嫩滑，即使係雞胸都唔會「鞋」，值得一試。🎈燒味佬叉燒叉燒燒得唔錯，而且肥瘦適中，叉燒表面有甜味，應該係塗左麥芽糖或者蜜糖黎燒，食落唔會話乾身，食得出師傅嘅心機。🎈至尊燒鵝燒鵝表面香脆，唔會太過油膩，咬落去好脆口，而且有肉汁，最重要嘅係佢呢度嘅燒鵝真係啖啖肉，價錢更係非常實惠！🎈老師傅燒腩仔燒腩仔亦係肥瘦適中，呢間店既燒腩仔仲有一個抵讚位，就係即使放咗好耐，都唔會好似其他店舖既燒腩仔咁個脆皮淋曬，呢間燒腩仔外面層脆皮依然非常香脆。另外，店舖會比好多唔同嘅醬汁客人，例如燒鵝汁、芥末醬、酸辣醬、蒜蔥、薑汁，其實佢俾咗好多包，不過呢度淨係每樣拎咗一包出嚟比大家望吓。整體黎講，呢一間燒肉店真係好抵食，我買咗咁多嘢，都只係二

今日去開長沙灣，見呢間燒味滷師裝修乾淨企理，有好多人幫襯，於是就買左幾盒燒味返屋企加餸。客家鹽焗雞（隻）$68好大盒，$68超抵食，真係足一隻雞。雞肉鹽焗得出色，充滿鹹香，仲食得出雞味。雞肉都仲好滑。醬料齊備，啱曬鍾意點醬嘅屋企人。至尊燒鵝（上庄）$110燒鵝嘅皮烤得香脆，啲肉都好香。鵝皮唔會太肥，但都充滿油香，食得開心。燒味佬叉燒 $50叉燒超多塊，肥肉唔多。蜜汁香甜，顏色都好靚。 老師傅燒腩仔 $64燒腩仔份量都多，$64好抵食。肥瘦相間，咬落油香十足，鹹香亦足，煮返幾碗白飯之後配飯一流。

買左雙併飯，燒肉切雞飯 $22打開一睇，燒肉三舊，切雞切到一片片薄ee ，北寄貝刺身厚度啦⋯⋯ 飯量唔使講，少！原本唔諗住寫食評，所以係影相食左個飯但真係唔飽！女仔都唔夠食，更何況男人呢？$22 行前d都有燒味店係呢個價，唔好講送多與少，至少白飯搭夠！坦白講，唔明點解甘多正評！我覺得唔好買飯盒靜買燒味應該可以！因味道唔差！但真係太細舊我都試唔到咩味！！一片片甘我不如食返30幾40蚊個d飯盒喇，至少飽肚先！唔使依家食完唔飽又要再買過野食

食咩西餐ribs $50就食到比西餐正嘅蜜汁燒排骨 ～～～一到新年又係媽咪最忙碌嘅時間 今晚食團年飯媽咪又要煮好多個人嘅餸菜 為咗減輕佢嘅負擔 今日我就特登去咗長沙灣嗰邊買燒味俾屋企加餸😊～～～呢間燒味舖好抵食 份量好多 之前屋企都買過一次 上次食完大家都讚好 今次團年飯要買個穩陣啲嘅選擇 所以就算遠少少都特登搭地鐵過去買 ～～～上次嚟嘅時候蜜汁燒排骨賣晒 好彩今次仲有 今日都咁多人食飯 所以今次一叫就叫左四盒 包括有燒味佬叉燒 蜜汁燒排骨 客家鹽焗雞 同至尊燒鵝～～～蜜汁叉燒好香甜 撈飯食一流 係姐夫嘅最愛 幾乎係一個人就可以搞掂一盒 而我最鍾意就係客家鹽焗雞 隻雞超大隻 但係只係$59 我哋成家食完之後 都仲剩三分之一盒最後我哋再加啲紹興酒落去自己整醉雞 ～～～而爹哋最鍾意嘅就係至尊燒鵝 香香脆脆嘅外皮 扎扎實實嘅鵝肉 半肥瘦 有肉食又有鵝脂味 最後就係上次食唔到嘅蜜汁燒排骨 多人買果然係有原因同叉燒一樣非常之香甜但係連骨嘅肉就比叉燒更加嫩口 平時西餐嗰啲ribs要幾舊水 呢度$50就食到成盒 真心抵～～～推薦度：🔥🔥🔥🔥🔥🔥🔥🔥🔥燒味滷師 (長沙灣)長沙灣長發街28號安發大廈地下

今晚要加餸啦，年28洗邋遢，洗到都冇時間煮飯嚕，之前幫襯過呢間燒味店，質素好高，離遠已經聞到好香嘅燒味味，今次一於斬料加送過新年，包括客家鹽焗雞，燒味佬叉燒，叉燒，至尊燒鵝😊客家鹽焗雞勁大隻好足料重點係勁平，真心唔買對唔住自己，因為我係一個雞控嘛，客家鹽焗雞味香濃郁，皮爽肉滑，個鹹香味真係做得好出色😘至尊燒鵝(上庄) 食完上次媽咪不停話好味，今次係門口睇落已經又靚又正❤️ 隻燒鵝夠香，肉質都好嫩，燒鵝配酸甜酸梅醬😍 咬下去鵝肉併發出油花，整個口腔充滿油香😉老師傅燒腩仔上次食唔到，今次終於嗌到啦，肉質夠腍又有嚼勁，好有肉汁🥰個皮燒得好脆口，微微既炭香味😊燒味佬叉燒，叉燒肉質軟嫩多汁，靚的叉燒是用半肥瘦梅頭肉烤製，選作叉燒，望落色澤鮮明，仲要厚切，好有咬口喔，香味四溢😍😍

燒味呢D啖啖肉，看似好男人的浪漫既野，其實都可以好細膩新式既裝修簡潔舒服，唔似舊式燒味店總係有總油淋淋既感覺一打開已經聞到陣陣香味至尊燒鵝（上庄）食燒味就當然要食燒鵝啦單係上庄已經裝到成盒，真係超誇張呢到既燒鵝都真係唔錯燒到皮又脆，肉又嫩就算食胸肉都唔會鞋口最正係佢香料味好正好入味加埋酸梅醬同豉油食簡直一流脆皮燒肉睇下呢份燒肉層皮幾正就算拎到返屋企都依然咬落去脆卜卜好似食緊薯片咁肉身亦唔會太肥，脂肪量剛剛好而且食落有誘人既咸香配啤酒一流燒味佬叉燒燒味最經典當然係叉燒，梗係一定要叫埋啦呢到既叉燒係完美既半肥瘦令你咬落去鬆軟又不失口感食落仲唔會膩甜甜地咸咸地既蜜汁好送飯客家鹽焗雞好抵食既一隻雞呢到成隻雞先幾十蚊真係邊到搵雞肉都唔錯，食落都唔會鞋而且用鹽焗過令佢咸咸地幾惹味

收工時間經過長沙灣，街角位有間燒味店一直都好多人排隊，今日終於要試一試😜 前面有好多街坊都幫襯買燒味飯或者單叫燒味加餸，我就諗住橫掂都係試，買多幾樣返屋企😆😆😆燒腩仔❤️❤️❤️❤️脆皮燒腩仔個皮好脆，肥瘦均勻，超級好食客家鹽焗雞❤️❤️❤️❤️❤️呢個份量真係絕對唔手軟，一餐真係食唔晒，鹽焗雞再配附送嘅沙薑汁冇得頂至尊燒鵝&明爐燒鴨❤️❤️❤️❤️燒鵝一向係我至愛😆 隻髀皮脆肉嫩，d鵝油好香。相對之下燒鴨就正常，不過當然燒鴨價錢就相宜好多☺️

星期日晚媽媽話唔太想煮飯所以我返屋企之前就去咗呢間燒味店斬啲料加餸再喺屋企煲啲飯炒啲菜咁就可以一餐啦呢間燒味店我見咁多人排隊 味道一定唔差～不過可能因為人太多 排隊打飛定排隊等嘢食條隊唔係咁清楚而家做緊啲優惠都唔錯㗎屯門同埋長沙灣都有分店～大家可以揀一間就近嘅試吓買完就拎返屋企試吓先！不過可能路途比較遠我唔小心滴左啲汁出嚟 好彩個膠袋夠密實冇漏我唔客氣啦！叫咗呢四款 有雞燒鵝燒肉同埋叉燒 份量又比我想像中多～ 我哋四個人都食唔晒總括嚟講味道唔會太鹹亦唔會太油膩係我鍾意嘅味道成日燒味食完之後都要飲好多水個感覺真係唔係太好 但係呢間完全唔會不過略嫌個叉燒未夠蜜汁香脆 其他大家都滿意 呢個價錢呢個質素我覺得值得一試

食團年飯買乜加餸好，斬料通常都係大家既首選之一。呢間燒味滷師成日都咁多人買，望落價錢又幾抵。門口張海報話新開張益街坊，雙拼飯先係22蚊，一於試下，斬啲料加餸，食多啲。咁我買左幾樣燒味，至尊燒鵝 (上庄)$110、客家鹽焗雞$68、燒味佬叉燒$50同老師傅燒腩仔 $64，三百蚊有找，抵。外賣到手，仲係熱辣辣，香噴噴，多人買，流轉快。雖然返到屋企隔一陣先試，但係媽媽都讚唔錯，話燒鵝咁大隻都咁嫩。而雞就好滑， 叉燒好味過平時佢買既。😂我都覺係幾好味既，見到屋企人食得咁開心，我就開心。

每逢喺長沙灣附近經過，就想起燒味滷師的燒味‼️真係好抵食，一大盒，都只是外面的7到8折價錢，而質素還要比普通的燒臘店好，新鮮熱辣辣~每次去到都總是人頭湧湧，新開店至今的人流還是能保持👍👍叉燒，燒腩仔，鹽焗雞及燒鵝，始終是我最愛的配搭😋拎到返家時，燒味還是暖暖的，叉燒色素不會很多，吃完也沒口喝感，味道剛好不會太甜或太鹹😍燒腩仔的五花腩肉鬆軟，一層層的看得見，豬皮還是肥卜卜~鹽焗雞剛好熟透，肉質嫩滑，肥美適中，有咸香燒鵝肥瘦即中，很厚肉，不會只得皮及肥油那種，燒鵝表皮也燒得很靚很均勻，賣相已很吸引😍

星期五晚同家人食飯，一於買d燒味返去加餸。去開長沙灣見到有間新開張既燒味店 燒味滷師，一於試下。店裡很多人排隊買燒味，燒味很多款式，睇落又平又靚。今次決定食 至尊燒鵝，燒味佬叉燒，老師傅燒腩仔同客家鹽焗雞。至尊燒鵝燒鵝今次選擇左上庄，燒鵝色澤光鮮，鵝肉帶油香又啖啖肉，可以點甜酸醬食，更滋味。燒味佬叉燒半肥瘦的叉燒帶甜甜既蜜汁味，肉質軟稔。老師傅燒腩仔燒腩仔大大件，瘦肉比較多，肉帶鹹香，皮好脆。油雞有貴妃雞、豉油雞及鹽焗雞3款可選。今次決定定客家鹽焗雞，雞肉肉質很嫩滑又入味，沾沙薑蓉黎食更正。宜家有特價仲只係59蚊一隻。..燒味滷師長沙灣長發街28號安發大廈地下D號舖..

臨近農曆新年屋企人忙着大掃除，梗係要斬料加餸獎勵吓屋企人，是日收工晚上去咗長沙灣長發街「燒味滷師」斬料。離遠已經見到店外排着長長人龍，好受歡迎呢！客家鹽焗雞瑤柱貴妃雞、客家鹽焗雞、玫瑰豉油雞都做緊試食價益街坊新張優惠：$59一隻，$30半隻，勁抵呀！我都買咗原隻鹽焗雞，雞肉好滑溜，而且夠入味，配上蔥油及特製醬汁，非常好食燒味佬叉燒叉燒肉質偏瘦，啖啖肉，蜜汁味道甜美可口老師傅燒腩仔燒腩仔肥瘦相間，口感鬆軟，鹹香滋味，送飯食一流至尊燒鵝(上庄)燒鵝份量十足，皮脆肉嫩，同樣係啖啖肉，無得頂呀！

今晚爸爸生日，無法外出慶祝，現在家裏吃豐富點😄爸爸喜歡吃燒味，打算到燒味店斬料加餸🤪同事說她家裏附近有一間很好吃的燒味檔，便來到這裏買。這間在區內應該真的很有名氣！超多街坊到間買燒味😱買了四款燒味回家吃～🔶燒味佬叉燒一點也不乾身！外層淋上薄薄的叉燒蜜汁☺️甜甜的～味道不會過濃👍🏾而且肥膏不多！真的啖啖叉燒肉😋肉質厚實得來又不韌🤟🏾🔶老師傅燒腩仔外皮燒得十分香脆，咬下去脆卜卜的😏但肉汁仍然保留在內～每啖肉都很juicy ✌🏾肉質很嫩滑🥳火喉十足！而且肥肉比例不太重☺️輕輕一點點的肥肉襯托著，無比香滑！🔶至尊燒鵝這個選擇了上莊的部分～我本身對燒鵝沒太大興趣，因為平時吃的燒鵝，肉質比較「粗鞋」，很難咬開，吃到最後只剩得一團肉渣吐出來😒但這個燒鵝很易咬開之餘，也嚐到肉汁的味道😱原來燒鵝也可以很好吃🥰🔶客家鹽焗雞雖然是鹽焗雞，但一點都不醎～而且淡淡的鹽味還加強了雞的鮮滑味道🤪就連雞胸部分也很嫩滑😍配上沙薑汁更加野味🙌🏾⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️燒味佬叉燒$50⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️老師傅燒腩仔$64⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️至尊燒鵝（上莊）$110⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️客家鹽焗雞$5

見尼間好多好評又多人排隊，一於買黎試下，原來而家係新開期間，好多嘢都平，特別係雞，差唔多平左一半！！屋企人多加上咁平，一次過買左4盒🙈🙈至尊燒鵝（上庄）$110買上庄有一隻燒鵝脾，好多肉，皮啲油脂好香，啖啖肉好滿足🤤老師傅燒腩仔 （一斤）$64燒腩肉脂肪同肉比例剛剛好，肉質軟得黎有咬口，燒豬皮好脆，唔係用左好多醃料唔會好鹹。叉燒 $50額外有袋豉油，可以根據自己口味落幾多，我就覺得唔落都夠，本身底都有汁，叉燒肉質軟腍味道甜甜地，好入味。客家鹽焗雞 （一隻）$59$59就有一隻雞，超抵食！額外有盒沙薑麻油點雞，雞肉都幾滑，唔會好鹹，個人覺得切得有啲細。