燈籠滷味 (新都會廣場)

营业中

休息中

今晚同妈咪撑枱脚，我哋拣咗新开嘅台式餐厅—灯笼卤味，上网睇返原来佢哋喺中环、铜锣湾同旺角都有分店。餐厅座位干净企理，有少少台湾夜市风味，好快已经座无虚席。招牌灯笼卤味（水莲、白萝卜、牛筋肉、大肠同鸭胗）$86卤汤味道浓郁，中间带有阵阵嘅药材香味，鲜甜回甘，忍唔住饮咗几啖。我同妈咪都特别钟意水莲同大肠，同酸菜一齐食，滋味加倍。人气葱抓蛋饼（奶油芋泥、肉松、起司） $56哩个好食🤤！饼皮烟韧香口，奶油芋泥清甜香滑，加入惹味肉松同从不会令人失望嘅芝士，真系绝配！点都谂唔到哩三样嘢摆埋一齐味道会咁好。九份经典芋圆伴QQ蕨饼 $46里面有芋圆、地瓜圆、蕨饼、红豆🫘、珍珠、黑糖同花奶，全部都系我嘅最爱❤️。珍珠非常烟韧Q弹，加入黑糖真系令人难以抗拒。抹茶蕨饼都好食，清爽香甜，抹茶味清香。冻清新冬瓜仙草柠檬 $31饮品相对无咁出色，冬瓜味唔够浓，不过仙草就好好味😋。