熨烤達人 (已結業)

九點唔知食咩好 見到呢間餐廳裝飾幾特別又未收鋪 兩個人就入左去食 因為我哋唔想食咁貴 所以就叫咗牛肩 無叫最靚嗰個牛 同埋叫咗調味五花腩都冇叫最靚嗰五花腩牛肉好味 但係五花腩有骨 淨係食呢兩碟肉應該都過咗每一日攝取肉嘅份量 不過唔緊要啦已經好耐冇食過韓燒 冇五穀類驚唔飽所以叫咗炸雞飯 炸雞份量多亦大件 原本想叫草莓乳酸梳打 但佢話冇 所以就叫咗隔離嗰個芒果加士多啤梨 得芒果味冇士多啤梨味 焦糖爆谷白朱古力雪沙 杯野好大杯 爆谷脆嘅應該係包裝嘅焦糖味爆谷 朱古力沙冰都OK正常 燒燒下無左火 都好快有人黎換 坐坐下發現牆邊有得叉電！！ 好貼心！另外 佢個爐上面有條喉可以申長直接係個爐上面 所以食完原全冇燒嘢食嘅味整體黎講 算抵食 因為全部食物都算中上質素 價錢唔算太貴

第一次食呢間, 叫左燒肉套餐+炸雞, 一開始就燒肉食~爐邊有蛋~食完再加蛋槳, 剩人理嘅情況下唔燒~咁就間下塊牛扒點燒, 佢話要換網燒...但剛加蛋槳又唔可以換網....再追炸雞又話要食完蛋槳先可以放上爐....塊牛扒上左枱都成20分鐘(都唔知會唔會有細菌), 咁燒完肉又要換網燒牛扒, 燒完牛扒先可上炸雞, 咩玩法?其實落單時同客人講清楚食法, 咁就唔會搞到咁麻煩.....仲有芝士炸雞要再上爐燒溶芝士....但有人唔食芝士, 就咁食d炸雞係凍的.....sorry~唔會再去, 唔執原因只得一個, 平!

我好耐冇食韓國燒烤，去到鑽石山荷里活廣場行下街，發覺有一間新開嘅燙烤達人，原來佢主打韓國燒烤，但係lunch嘅話，都有午市套餐，相對上好抵食架！我哋去到嗰時都有幾多人喺度食晚原來佢主打韓國燒烤，但係lunch嘅話，都有午市套餐，相對上好抵食架！我哋去到嗰時都有幾多人喺度食午飯，不過都仲有位俾我哋嘅！餐廳嘅侍應服務態度非常之好，一舉手就即刻好有禮貌咁過嚟問我地有咩需要！我哋雖然係五師過去，但係都揀咗食韓國燒烤，要左好多唔同嘅肉類，有雪花牛，金磚五花腩，仲有雞翼，佢啲雞翼係單骨雞翼，相對上比較容易燒！肉嘅質素非常之唔錯，仲有爐邊蛋送添！

約咗個同事係鑽石山食飯，醒起之前曾經食過呢間熨烤達人，佢哋烤肉好正，決定介紹個同事去食先。約咗佢六七點到嗰度尚未算好多人，叫咗一個雪花肥牛同埋一個濟州黑毛豬，等左一陣好快到。嗰度啲侍應幫你地燒埋，服務態度都好好，佢會燒左個黑毛豬先，一放上我燒烤板上，就會用一個好似熨斗嘅嘢壓着啲肉，跟住就出咗好多煙嚇死我🤣🤣🤣啲肉好稔又軟熟，而且佢仲有好多配菜，可以任加，唔使一陣就食晒。之後我哋燒牛佢哋換過另一塊鐵板，感覺好pro🤩今次牛就係自己燒，唔使燒好耐，因為牛太熟唔好食，入口即溶🥰超正！另外再叫左個炸雞，加埋芝士無得頂👍🏿👍🏿👍🏿我哋每人仲叫咗杯野飲，黎到哇咗一聲，好大杯，仲好足料，每一啖都會有唔同嘅口感，值得叫黎試下👻

睇完復仇者4，真係比呢個肥版美隊吸引左去食😂今日係平日，都好多人下喎👨‍👨‍👧‍👦👨‍👨‍👦‍👦👨‍👨‍👧‍👧又一個少驚喜就係芽菜，因為我係好愛食呢個醃的辣芽菜🌶坐底無幾耐就開爐，之後就幫我地倒蛋醬。可以加入芝士同粟米粒入去🥚🧀🌽.真露煮蜆 (推薦指數:😋😋😋)作為前菜係一個不錯的選擇，酒品不太重，都有好多隻。.人蔘雞湯 🐔(推薦指數:😋😋😋😋😋)呢個湯係好出色👍🏼👍🏼👍🏼d雞骨煲到好林，全部一咬就碎，可以食，仲有兩條人高麗蔘，應該會好補，仲有一隻雞，好足料👍🏼👍🏼，d糯米都煲得好綿，一個字！要叫！.特級雪花牛🐮(推薦指數:😋😋😋😋😋)呢個牛係無叫錯！好有牛味，有少少咬口，但絕對唔 “銀”,好好食。叫！.調味雞翼🐔(推薦指數:😋😋😋😋)好彩係佢幫我地開左邊，一啖食曬。.帆立貝 (推薦指數:😋😋😋😋)

今日同中學同學聚會，見到鑽石山有間燒肉評價唔錯，原來之前有試過，而且亦都好近我朋友，所以過咗去，果然無失望，水準仲保持得唔錯。嗰日我哋叫咗磚頭五花腩肉，牛肋骨同炸雞點解覺得佢咁驚喜係因為當啲肉嚟到嘅時候店員好主動幫我地用專有既鐵板燒個五花腩 燒到岩岩好 外皮好香脆點啲豉油夾埋生菜一齊食岩岩好 另外個燒牛助骨，肉質非常腍腌料好入味，正！最後講到韓式料理一定唔可以唔叫炸雞，好香脆係即炸，仲要加埋勁多芝士一齊食，好好食好正呀！兩個人最尾食到捧住個肚走，下次想食韓燒，一定會來黎返呢間

好掛住韓國嘅燒肉，但同男朋友有冇假期去旅行，唯有喺香港食返啲地道韓國燒肉滿足返心靈。呢間燒肉係香港算係出色嘅一間，因為啲肉好高質素之外d小食係好岩口味而且好地道，配菜好好食仲要無限添，所以基本上食燒肉都係揀佢🤤首先，基本上一入去坐低就會比啲前菜你食唔好睇小啲前菜，個大豆芽同泡菜係會回味無窮👍🏼今次同男朋友叫咗磚頭五花腩，一碟雪花牛同埋豬頸肉磚頭五花腩係一次必點，因為燒到外皮好香脆包埋生菜食一流，而且每次去基本上店員都會幫我地燒埋加剪埋，好方便😂另外雪山牛同豬頸肉都係好高質素食得出啲牛係好腍身同埋燒豬頸肉係我最愛，唔可以唔叫☺️我哋仲叫咗個自暴自棄即食麵，話明係自暴自棄即係唔肥唔識食🤣個面本身加咗芝士同埋腸仔好好食，又唔係成日食所以冇所謂啦🤣唯有係咁安慰自己！

今日睇完avengers4 end game😍專登book呢間門口有個美國隊長🇺🇸首先點了調味雞翼，佢係剪開單邊的x8，即4隻雞翼，上面是特別雪花牛❄️肥瘦均等，入口十分不錯店員提醒我們為了避免燒焦，所以盡量靠邊邊燒😍爐旁邊有雞蛋🥚可自由加芝士or粟米，每枱都會有，等到最後先吃🤤芝士可拉絲，十分邪惡😈而且落單後，每枱都會送上泡菜、白夢白、芽菜，酸酸地增加胃口👍🏼真露煮蜆😋鮮味十足，湯主要係醬油味食燒肉食到口乾可叫人參雞湯，mini原隻雞，十分足料而且十分飽肚，湯下上了米，令湯較結，雞十分嫩和煲得好冧🤩好易咬，好好食😼🙋🏻‍♀️大約7點多已經先拎飛等位😚想食真係要早啲去員工態度幾好💯會細心教你每樣野點燒，每個爐都有抽煙機，唔怕食完成身味✅

行過荷里活係佢地門口見到大大個金仔，同一個同行既friend好似樣，唸都冇唸就入左去。入到去D裝修都幾得意，牆身果到有個美國隊長頭，開頭以為係裝飾黎，望真D原來個係usb插口黎，幾得意。間舖既凳雖然係好舒服，但係環境都唔差，每張檯上面都有個抽油煙機，成間舖都冇油煙味，整體黎講都叫舒服既。我地四個人食左六百幾，食物質素都中上唔錯，都抵既。同埋要讚既係員工既服務質素都幾好，會幫你燒。我地第一個嗌左厚切五花腩，舊五花腩黎到真係嚇親，成個沙煲咁大。員工會幫手燒既，唔洗擔心唔識燒。五花腩都幾好食，員工燒得幾好，岩岩好，唔會老，都幾有豬肉味，唔係係雪櫃雪左成年咁，好有肉汁，大力推介。第二樣叫左特級雪花牛，牛既份量就冇五花腩咁多，不過食得出係靚牛肉黎，油脂分布都平均，食落去真係會溶化。另外叫左芝士炸雞，呢個又係一定要食，份量勁大，炸雞起碼有十大舊，芝士成盤都係。店員會幫手整炸雞既，等D芝士溶左，卷住炸雞一齊食，一個字，大件夾抵食。最後叫左雞翼，雖然menu話辣，食落去都係得少少辣。總括黎講，呢間野值得再試

場內座位擺設鬆動。服務員態度唔錯。食物品質非常好，夠新鮮。菜式種類選擇亦好多。特別推介「韓國濟州豬」。特飲好大杯，好好味。特別推介「焦糖爆谷白朱古力雪沙」。整體來講非常滿意。

最近天氣凍返少少，全家人都食下韓燒，喺荷里活廣場行開街，就上OpenRice睇吓附近有冇韓燒食，發覺呢間都幾多好評，好似好高質，所以就試吓！一入到去，侍應都態度非常積極咁招呼我地！仲同我地講，而家做緊推廣，想Facebook like佢哋個page，就會送一杯嘢飲！我哋揀咗兩杯嘢飲，一杯凍檸茶你一杯就係類似芒果沙冰，但係佢又加埋乳酪同橙一齊去整，就像甜酸酸咁，唔會好似街外嘅芒果沙冰一係就太甜！我地仲要咗一個lunch set, 係金仔炸雞飯，價錢唔算好貴，但係有好高質嘅享受，炸雞飯係用石鍋上嘅，所以一上到嚟都係熱辣辣嘅，炸雞配埋個汁好好味，啲炸雞都揸到脆卜卜，一咬落去，啲肉汁標晒出嚟！真係好好味，強烈建議大家去食！

上次食完韓國菜，心思思又想食韓燒！咁啱去鑽石山行街，喺荷里活廣場行咗一圈，發覺有一間叫熨烤達人。原來佢都有韓燒食，因為我哋晏晝去，所以仲有午市套餐添！我哋一入到去，餐廳嘅侍應好熱情咁招呼我哋！佢哋同我地介紹有啲咩主打菜，like咗Facebook仲會送一杯嘢飲，真係好抵呀！於是我哋叫咗杯golden dreaming,呢杯野係芒果加橙加乳酪嘅沙冰，同平時嘅芒果沙冰唔同，會多咗一份娛樂嘅酸味，同芒果配合得非常之好，甜中帶酸，好有新意。咁就當然唔少得要燒內啦，我哋叫咗個金磚五花腩，五花腩會有專人同我地燒，服務好好！仲帶咗雪花牛肉，油脂分布非常之好，燒完之後入口即溶抵讚啦！仲要左原味嘅單骨雞翼，佢將雞翼破開一半，好贊成呢個做法因為咁樣會易燒啲！總括呢間餐廳好值得一試！

裝修與菜式設計得不錯，食物質素尚可，可惜其中一些侍應生的工作態度和表現不合格，星期六晚上我經歷到以下體驗: 當晚輪候客人不算很多，其他小事例如侍應生沒時間講解服務內容、菜單沒列明配菜需收費、燒烤設備不夠完善的先不要緊，但客人需要幫助但侍應生經過都視而不見，特別那束名馬尾高瘦身材的女侍應生，同一張枱，連續兩次忘記客人剛說過的要求，包括忘記換爐頭郤有空走去踢下張收納櫈，收取客人信用卡後遲遲不埋單郤又站在一邊發呆，最終兩次都要找其他侍應生幫忙，假設那名女侍應生身體不適而表現欠佳我還可以體諒，但要知道在這間餐廳裡要得到一名侍應生的回應是多麽困難，而且同一個請求需要找幾次人，連最重要的埋單俾錢都可以咁懶懶閒，相信這可能是內部管理不善的問題。所以，談到抵食嗎？ 相信我不會再到這間餐廳去付款跪求在其他餐廳都有的服務及食物了。

好耐冇去韓國旅行。好懷念韓國燒烤嘅美味。諗起都口水流。原來鑽石山荷里活開咗間韓國燒烤，平時冇乜留意。今日見到，即刻要入去試下 。新式韓國餐廳，檯中上面有一條長長抽氣管，可伸縮。大大增強吸力。咁樣，就唔怕食到成身燒烤味啦！一坐低，就點咗個靚靚沙律，叫做猩星沙律。 佢入面有好多唔同嘅蔬菜同生果，士多啤梨，藍莓，而且仲有芝士。中間放咗醬汁。擺放精美。 食落又好味，食完沙律，再烤肉，就一定唔怕肥啦！韓國餐廳有一個福利，就係懶人烤。好好享受由侍應生幫你燒。真係好。講嚟又奇怪。佢地燒得d肉特別好味，燒到啱啱好，超厲害。我點左個五花腩，真係好正。肉又鮮味十足。我好奇問點解用個熨斗放在肉上面呢？原來係希望將熱力平均，特別厚肉嘅，一定要用。都唔知係啱唔啱。但出來效果又真係唔錯。當然牛舌，雪花牛，燒烤實唔少得嘅。最後，叫埋飲品，就完滿啦。但我覺得個冰就一般般，下次可以考慮叫第二d飲品試下。

推荐砖头五花肉，调味五花，雪花牛肉和调味牛排。锅边的芝士蛋也非常滑嫩。喜露煮蚬子也很好吃，不过有点少，鸡翅也好吃。牛肩胛太肥且难咬，不推荐。牛舌一般般。总体非常美味也不算贵，会和朋友再来~