熊館 (已結業)

今日收工經過見到有新食店試業，有水煮系列可以食所以決定入去試一試。水煮牛肉湯麵$48-水煮真係好辣好彩買咗鮮橙汁救左我🤣🤣不過辣得來好好味，如果可以加底就好啦😋個面底有啲似韓國嘅拉麵，牛肉煮得啱啱好一啲都唔會老👍👍再加埋豬紅而個水煮牛肉湯麵而個價錢冇得頂😋秘製雞酒湯麵$58-雞嘅份量比想像中嘅多及肉質滑，雞酒味道比較濃😋再加埋花雕滷水雞蛋簡直係絕配。最後食埋雞絲粉皮及脆皮波板腸就啱啱好😋👍

觀塘出名多抵食又驚喜嘅嘢食 今次嚟到觀塘工廠區附近搵食 俾我搵到間又抵食又冇乜重複嘅嘢食呢度主要食上海同埋台灣嘅嘢食例如係水煮魚麵酸菜魚麵等等 呢啲平時如果返大陸食就平但係喺香港食都起碼百幾$200落樓仲要幾個人夾人少嘅話好難食到今次呢間鋪頭就俾咗一個小份量嘅酸菜魚水煮魚牛肉等等我哋去選擇 有時兩三個人想啱啱好食少少都可以啦酸辣魚片湯麵 🍜 $48呢個菜式係傳統嘅四川上海鋪頭隨時都要$200落樓 人少又唔想食得咁貴淨係食同一樣嘢嘅話就可以叫一個小份量嘅$48大概二人份量都夠飽鮑魚雞絲撈麵 $48為咗佢個鮑魚叫既 鮑魚嘅成本都十幾$20 加埋麻醬撈麵真係算係一個咁上下嘅午餐！ 雞絲粉皮 $28份量唔算太大可以用來當做小食 都幾多雞肉 算係一個幾健康嘅菜式 總括嚟講呢間鋪頭提供左一個小人但係又想食唔同四川菜食嘅選擇如果午餐就想試吓食四川上海野又唔想太飽太貴就可以選擇呢度啦

觀塘不嬲都出名多好野食，今日又搵到一間新店“熊館”🐻🐻似家庭式經營，而且剛運作，所以人手方法應有代改善，指示唔太清楚，客人需點餐後自行拎餐入去食熊館菜式以麵🍜為主，有多國特色菜，好似台式，四川，武漢，港式等,應該都滿足到大部分人既需要我最後點左東坡鹵肉撈面(杭州)，雖然係東坡，但一啲都唔肥膩，好香冬菇，豬肉碎撈面好正，面底似油面底，都好夾🤞面本身一隻流心蛋，好好味，真係有流❤️加叫多花雕滷水蛋(推薦小食)都係流心嫁，淡淡既花雕酒味，好正👍👍下次會想試下雞酒湯面，岩曬而家天氣甘凍，食完一定暖入心😝價錢又抵食

全店主打食麵，特別之處係可以在一間麵店食勻各種地方的特色麵食。例如四川辣麵、台式牛肉麵、港式葱油拌麵，連冷門的雞酒湯麵同天麻川芎白芷湯麵都有，認真唔簡單。餐牌細細，已經包含好多款式的湯麵，全部都是四十幾五十蚊到。後頁有小食同飲品。第一次食，我地當然專試佢的鎮店推介啦！每人點左一個心水麵同埋小食，都幾豐富。葱燒牛肉麵正宗台式牛肉麵，甜甜地的牛肉湯底，又香又濃。一睇就知，用料真心幾重手。牛肋肉有三大條，又淋又入味。除了牛肉，仲有好多蔬菜，紅蘿蔔同白蘿蔔。滿滿一碗都係餸，好滿足。麵底係粗身又少少偏韌的台灣麵，份量好足。水煮牛肉湯麵好香又夠辣湯底做法是好正宗的四川味。辣湯中找到不少乾辣椒和花椒，邊食邊麻的感覺認真過癮。湯底堅正，都幾辣幾嗆。主角牛肉很嫰口，除了牛肉之外仲有豬紅、芽菜同芫茜。湯麵是煙韌又索湯的，食完出身汗，簡直爽呀！鐘意水煮味的朋友咪錯過。拍青瓜 拍青瓜，小食來講份量都不少，酸酸地都幾開胃架。花雕滷水雞蛋 好味的滷水蛋，外層甜甜地，花雕味不算重。做到半生熟的溫泉蛋效果，蛋夠嫰亦好香蛋味，有誠意的。冷泡茶及果汁我飲的冷泡茶，幾好飮的，茶味好香，茶質就淡淡地，唔會澀。100% 萍果汁

今日約左友人黎到觀塘行街，行到累累地就搵間餐廳坐下，好多都收好早，咁岩行到呢間就入去坐下傾下計。係岩岩新開。首先我朋友就選左個蔥燒牛肉麵，個湯底都可以，牛肉方面都好林，入口即溶。個麵底都算彈牙。重配埋個溫泉蛋，中間個蛋王係金黃色，非常之好味。而且重有包紙包飲品送。我就叫左碗醉辣魚片湯麵，個湯底苦苦地帶甘香，我都幾鐘意，魚片都係好軟身，重有小小配料。呢個都係有溫泉蛋同埋一包紙包飲品。溫泉蛋係我嘅至愛。

觀塘有好多工業大廈 其實入面有好多好好味嘅食肆 今次係東廣場附近行行吓就見到呢間新開嘅鋪頭 見到個名以為係食日本野 其實係一間食麵嘅鋪頭秘製雞酒湯麵（$58）當你以為呢間鋪頭淨係得中式面嘅時候 原來佢有分台式四川同埋客家啱晒一大班朋友食 呢個秘製雞酒湯麵 一想到枱之後比我想像中多面 仲有好香酒味 啲雞肉仲好嫩滑 都幾多舊 一啲都唔‘鞋’ 個湯仲好好飲添 水煮牛湯麵（$48）水煮牛煮得好出色 仲有埋豬紅添 啱晒食辣嘅朋友 牛肉索曬啲湯嘅味 辣得來好有口感 牛肉仲好新鮮添 湯麵偏硬 同平時喺台灣食嘅牛肉麵嘅質感相似 辣到好多層次感

喺觀塘返工嘅朋友仔有福啦最近呢就有一間新開嘅麵店，佢嘅地方非常之近啲個工業大廈係位於怡王工業中心嘅地下好易搵，方便附近ge打工仔。睇睇個菜單食物嘅種類都算好多而且佢係有唔同地方嘅菜式包括有港式，四川台式上海等等。實在令人地花多眼亂而且價錢又唔算貴我就試咗佢哋其中一個推介嘅天麻川芎白芷魚湯麵藥材味非常之重而且好香，所以未食已經流晒口水另外我仲加左一隻花雕滷水雞蛋都只係$8隻唔算貴魚嘅份量非常之多而且好大塊，湯頭充滿咗好重嘅天麻川芎味道，兩件事配合天衣無縫。而且麵質彈牙，整體個配合做得相當唔錯仲有佢嘅份量係非常之足夠。最後講講佢嘅滷蛋，真係做到流心嘅效果而且非常之入味，但係我只係略嫌佢嘅花雕味可以再重一啲咁就有強啲嘅酒味會更加香依家餐廳係點餐嘅時候做配上一個免費嘅蘋果汁仲要係100% fresh juice 唔係糖水

又係星期五同小朋友補習周圍搵速食既時候，聽家長朋友話附近最新開左一間小店，快靚正有碗好味的麵食，我見價錢好合理，一於試試小朋友我點左碗䓤油雜菌拉麵比佢，拉麵醬汁好香濃，佢有䓤嘅香味，加埋醬油鹹鹹地，仲有大量雜菌撈埋一齊食，小朋友不嬲都好鍾意食拉麵，呢碗麵正合佢心意另外老闆推介波板腸比小朋友，佢嘅造型好似一條條波板糖咁樣，但係就用脆皮腸而造成，小朋友見到覺得好玩又好味，只係10幾蚊，優惠。另外竟然比我驚喜發現呢度有酸菜魚食，一碗酸菜魚拉麵40幾蚊，啱啱上星期先喺中餐館食完，一鍋要二百幾蚊，估唔到呢度可以有一人份量而且價錢咁優惠，絕對要一試酸菜魚份量都唔少，魚塊好滑，酸酸辣辣開胃又好味，辣度可以㨂，我棟小辣原來已經好刺激。老闆話呢個麵底係蘭州拉麵，所以特別淋身有口感而且特別掛湯，真係超級好味。另外小店就係有一份人情味，老闆聽到我鐘意食芫茜，竟然拎左一小碗芫茜比我添落碗麵度，太正啦。下星期小朋友補習我一定要再嚟食多碗。

.路過工廈，見到有間試業中嘅麵店，食物種類頗多，而且價錢唔貴。當晚未有晚餐心水，決定一試。.水煮牛肉麵（$48）表面鋪上大量花椒同埋乾辣椒，湯頭充滿濃烈麻辣味。辣度算高，我要挑走啲乾辣椒先食到😖。肉片份量頗多，鮮嫩無筋，肉味香濃😋。.東坡滷肉撈麵（$38）麵底彈牙，而且充滿蛋香味。肥肉入口即化，瘦肉炆得軟嫩入味。配上蔬菜，營養更均衡👍🏻。溏心蛋生熟度啱啱好，連蛋白都好滑，超驚喜🤤！.🐼熊館觀塘成業街16號 D6-7號舖.