熊館 (已結業)

今日約左友人黎到觀塘行街，行到累累地就搵間餐廳坐下，好多都收好早，咁岩行到呢間就入去坐下傾下計。係岩岩新開。首先我朋友就選左個蔥燒牛肉麵，個湯底都可以，牛肉方面都好林，入口即溶。個麵底都算彈牙。重配埋個溫泉蛋，中間個蛋王係金黃色，非常之好味。而且重有包紙包飲品送。我就叫左碗醉辣魚片湯麵，個湯底苦苦地帶甘香，我都幾鐘意，魚片都係好軟身，重有小小配料。呢個都係有溫泉蛋同埋一包紙包飲品。溫泉蛋係我嘅至愛。