熊貓薈

营业中

休息中

主題樂園出名餐廳嘅食物會比較貴 而質素平平 所以通常都出去食 或者食咗先入去但由於揀咗入住酒店 當然想玩完 方方便便食埋番去休息。本身其實好surprised 因為熊貓薈本身要有join 會員先有折 加上平時要打電話訂位係咩都無嘅情況下入到去 覺得好負碌好開心 好快就入座添 （因為近聖誕幾日 以為實喺好full）點知入到去啲野食選擇好少 樣樣野啲質素都麻麻地 無咩令人讚歎或深刻嘅地方叫就叫做自助餐 但無刺身無壽司嘅自助晚餐 覺得有啲辜負咗個價錢⋯呢啲都算 佢哋啲職員大部份都nice 嘅 但因為我拎完一轉野食 個staff 黎問我哋口唔口渴 要唔要野食 講咗幾種果汁 好喇 揀咗 飲飲吓 我發現佢張枱有張卡 有行超細嘅字話野飲另外收費 一枝50 蚊 嘩 個staff 無提過 個陣我哋都飲緊再check 番張單 再發現呢extra 嘅 100蚊 又唔係特別好飲 我寧願番酒店叫野飲⋯

前排去海洋公園，因為太肚餓所以想先食野再去玩，就近入場方便既熊貓薈食野，嗌左個精選套餐試一試，旅遊地點價錢少不免會貴少少，不過份量好足，唔係得個少少😚壹南肉燥蛋飯配果汁及芒果啫喱好味道😋😋😋肉燥飯不過不失，份量就非常足夠，食得夠飽可以有力氣係公園裡面玩🤗不過估唔到飲品係果汁，有啲喜出望外，係啲新鮮果汁，完全係好refreshing😋🌟個啫喱就係啲即食包裝個種，有啲化學味，成個餐係旅遊區黎講有主菜，飲品同甜品都算係咁👻

萬聖節的海洋公園有好多限定美食，中午睇完驚嚇血獄節目，當然要食返一萌爆的Line Frends主題美食中和一下嚇破膽的弱小心靈，呢個便當好啱小朋友食，已經色彩繽紛，有營養又健康。大人食都夠晒飽～BROWN & FRIENDS 開心哈囉喂便當 $228呢個價錢係主題樂園食限定套餐我覺唔算太貴。整個便當最特別的是盛滿蔬菜的小南瓜，配上酸酸甜甜的菠蘿咕嚕海鮮，及可愛度爆燈的 SALLY 造型芒果慕絲！而我覺得最有驚喜係個咕嚕海鮮，個咕嚕汁酸味剛剛好，海鮮又有蝦，帶子，青口，每樣兩大粒，加返個炒飯，唔洗15分鐘食清光～但杯野飲就麻麻地，佢話係芒果汁加橙啫哩，但飲落勁淡，又唔似芒果味，啫哩係大菜糕質地，加埋一齊感覺不良好...

今日去海洋公園玩，入去無耐就夠鐘要帶小朋友食飯，今日仲要落好大雨。見到好多間餐廳都係係室外。最後我地見哩間少人所以就入左去食，帶小朋右出去食飯好麻煩，因為佢地要食粥，唔係食餐廳野。加上哩間有bb椅又地方夠大，唔怕小朋友整跌人地東西。我地行哂成間樂園覺得我地選的無錯。講番d野食，味道都唔錯。只係偏貴，但都算坐得舒服。d飯望好似好多，但其實得好少，因為d竹桶厚。其實繼續行，樂園係有其他餐廳比哩間平易，如果想坐得舒服就最好係哩間。食完個餐，仲可以免費攞一個雪糕食。

估唔到有日會係海狗公園餐廳食嘢，平時都係坐岀邊是但買d熱狗，炸雞，薯條算，事關幾個朋友扮青春，買咗annual pass, 拎到買一送一下午茶，無論點都用埋佢啦🤪🤪！是日下午茶係燒味米線，附送果汁and 雪糕！味道就一定唔高期待啦，不過都要話雖則普通，但都超過預期，係above average 嘅！同埋份量好大，當午餐都夠飽，仲要服務幾好，唔知係咪無咩人幫襯🤣，竟然可叫雞胸鴨胸，食完都幾滿足！不過講番轉頭，咁嘅價錢一個燒味米線，如果唔係有買一送一，好難幫襯得落！

去得本地樂園都預左食野不菲，不過想要食飽都唔易嫁熊貓薈嘅餐可謂份量十足～味道唔錯～兒童餐簡直豐富差在未送埋波波，味道真係唔差的～不過甜點就麻麻，芒果布甸好假，餅乾太甜，但樣子可愛～但小朋友食得開心，照食可也燒味套餐要一讚因為叉燒係梅頭，雞係雞肶黎天賜嘅機會都比我遇到，所以點都要寫返篇食評讚嘆下不過同樣杯朱古力好太好味，睇黎甜品方面真係唔太適合我～跟餐重有杯haagen dazs送樣貌協會比熊貓包吸引左不過如果佢唔係芝麻饀係蓮蓉饀就好啦～

喺熊貓館隔離呢間熊貓薈快餐係食中菜嘅🐼 盛載飯餸嘅碗碟都係竹型好搞笑🤣🤣🤣紅燒川味牛腩配絲苗飯 $165配芒果布甸甜品成個套餐份量充足，飽到飛起😂😂😂喺主題公園嚟計，價錢都話還可以接受。 燒味單拼套餐 -- 單拼 $150 (只限叉燒/切雞) / 雙拼 $160 (可以選擇燒鴨/切雞/叉燒)送haagen dazs雪糕 (雲呢拿或朱古力味)原本睇menu燒鴨冇得買單拼， 不過唔知係咪因為叉燒賣曬，所以佢都照畀我嗌燒鴨🙈同樣份量好多，係平時出面食燒味飯嘅兩倍 !! 仲配埋油菜同雪糕 ，算唔錯啦👍👍

是日阿女學校到海洋公園上堂，當小朋友在威威天地玩到好開心的時候，有媽媽表示佢有張熊貓薈的8折優惠券，所以我們就組團去食午餐=]熊貓薈座位倒不少，要廿人分三張大枱一齊坐係無難道~~~望住餐牌就覺得就算打咗八折都幾貴~~~真心講如果離開海洋公園搭鐵路來回香港仔食午餐雖然平但又好浪費時間，所以預咗俾昂貴費用食飯= ="我們大部份的媽媽點咗雙併燒味餐，因為有飯有菜，而且仲有雪糕一杯~~~肉燥飯賣相都不錯~~~我就點咗札肉米線俾自己食，但感覺唔夠飽肚，味道中規中矩~~~兒童餐飲品先上，食物要後取~~~我地四位媽媽夾份買兩個兒童B餐俾阿女食~~~我阿女淨係食半份肉醬意粉和一件蕃茄就收手，我地一班媽媽眼見食唔晒就幫手食~~~我個人喜歡薯條粗又不錯，件炸雞的皮脆過麥當勞，感覺都OK~~~另外有位爸爸點咗兒童A餐俾佢仔仔食~~~由於8折優惠券得一張，所以我們好努力咁夾埋一齊找數，如果每次去海洋公園都有優惠券就好了，始終d餐唔平，但比較幸運係呢間熊貓薈食物算是不錯，值得再光顧

平時去海洋公園都會食飽哂先入去玩🤣今次去熊貓薈食自助餐，有意想不到既驚喜野食既選擇好多！有炸魚、炸雞、串燒、雞翼、白汁意粉、炒飯、凱x沙律、風乾火腿配密瓜、blueberry cheesecake, chocolate cheesecake, 煙肉包住粒帶子不過野像選擇比較少，得啤酒、果粒橙橙汁、可樂同埋水。食物refill得好快，仲有成1/4 就已經成盤換走最好食既係煙肉帶子，帶子既size 大過五蚊銀，好有口感！食過番尋味！