熊本燒肉

营业中

休息中

我哋成班朋友都好鍾意食燒肉，呢間熊本燒肉位於銅鑼灣地鐵站附近，位置好方便，而且仲有任食M5澳洲和牛同任飲生啤，方便大家同三五知己一齊去食！👍🏻👍🏻👍🏻.一入到嚟已經比佢哋嘅裝修吸引咗，餐廳用咗唔少動漫精心佈置，當然仲有熊本熊坐鎮☺️今次試左午市澳洲和牛燒肉放題，價錢 $296，食物質素唔錯，除左可以任食封門柳，牛肩胛，牛板腱同鹿兒島豚五花等等燒肉。仲有好多唔同小食同海鮮！佢地仲準備左自家制飲品任飲，我同朋友都食得好開心！

臨近年尾開始多聚餐，今日朋友帶路嚟到銅鑼灣熊本燒肉食放題，有120分鐘時間算幾充裕。店內以大量日本海報、旗幟、燈籠等作裝飾，日本風味濃厚。🔸精選熊本放題 $298基本價錢已經包咗唔同部位嘅牛肉、豚肉、雞肉，仲有不少前菜、沙律、小食等選擇。值得一讚嘅係呢度落單以件數計，可以每樣試少少先，唔怕唔啱食/叫太多變咗大嘥鬼。前菜選擇有枝豆、中華沙律、螺肉，沙律都有幾款，仲有日式炒野菜。小食有清酒煮蜆、日式餃子、厚燒玉子、炸物如紫心香芋丸、唐揚雞塊、天婦羅炸蝦、流心芝士年糕等。推薦每位加$38升級任食澳洲M5和牛🐮雖然只係多咗和牛肩胛、和牛板腱、鹿兒島日本豚、和牛三角四款選擇，但肉類質素真的很不錯，升級咗之後可以主力食呢個😙個人大推和牛板腱+和牛三角，肉質軟嫩脂肪分布平均，入口唔會太油膩。甜品除咗雲呢拿泡芙、朱古力布朗尼、店員奉上的芒果口味雪米糍，仲可以燒棉花糖😆火爐熱力好夠燒一陣已經做到外脆內軟口感🤤另外like and share fb會送一大盤海鮮拼盤，有鮑魚、大蝦、扇貝等，啱食嘅記得不要錯過✨

銅鑼灣咁多嘢食嘅選擇，呢日就去咗食燒肉放題！貪佢乜都有得食午市成人價$258，加$38就升級澳洲M5和牛呢個價錢嚟講食物種類選擇都幾多！由肉類到蔬菜仲有熟食、甜品，同唔少得嘅自助飲品櫃（飲多幾罐都抵😆）講返嘢食，我哋係牛魔當然都係主攻牛，睇得到啲肉嘅油脂分佈就會視乎返部位～ 以我所記得應該係牛小排嘅分佈最平均最值得encore😂 另外就係豬嘅護心肉，係一個幾特別嘅部位，用蒜腌過後幾突出我哋都有再encore其他肉的位基本如果將menu上嘅所有試勻一轉都肯定會飽晒😂熟食方面我哋揀咗用嚟襯肉嘅味素飯、清酒煮蜆、炸蝦同充滿回憶(!?)嘅炸帶子😂 反而覺得甜品有啲驚喜，燒綿花糖就固然必食，燒到外脆內溶就啱啱好。炸香蕉都係特別嘅嘗試，紅豆和菓子真係有啲驚喜係好有咬勁嘅水晶皮😆 食晒咁多嘢，捧住一個好飽嘅肚走…

☆ 熊本燒肉銅鑼灣謝斐道477-481號3樓✦ 精選熊本放題每人加$38可以升級澳洲和牛，咁抵緊係加埋，食物方面有好多選擇，牛肉種類好多，例如：和牛肩胛、和牛封門柳、和牛板腱、牛側腹橫肌、厚切牛舌、薄切牛小排、安格斯西冷、醬燒牛排骨，仲有好多其他，整體肉質鮮嫩，油脂分布平均。另外豬呀雞呢d都有，蔬菜都有好多，翠玉瓜、日本甜薯、雞髀菇、粟米、菠蘿，真係好多！仲有好多熟食，我地覺得好多款都好好食，蟹肉蟹籽薯仔沙律、紫心香芋丸、流心芝士年糕、章魚小丸子，全部都幾驚喜，後者幾樣都真係即叫即整熱辣辣，味道仲幾好，特別想講一定要試清酒煮蜆，一份夠2個人食，都幾大隻，完全無沙，呢個一定要點。甜品都要好幾款，最開心同驚喜係有得燒棉花糖，一串2粒，過下癮一流，我覺得我燒得好靚XD呢到用Pad落單好方便，無漏單情況，環境服務都好，食完又唔會覺得個人好大陣煙味，幾好呀！同埋呢到有一邊用左經典動漫”男兒當入樽”做主題，雖然我唔太認識，不過都覺得d海報幾靚♡

今晚約左朋友食飯，大家都想食燒肉，就搵左間評價唔錯既燒肉店，就是位於銅鑼灣既熊本燒肉啦！一入到餐廳就見到有好多日本既裝飾，係牆上面仲痴左唔少日本電影既poster同動漫人物添，真係好似去左旅行咁呀！餐廳冷氣同通風都唔錯，唔會覺得好大油煙味咁。我地揀左$298既燒肉放題，仲加左$38升級做澳洲和牛～前菜有唔少選擇，例如炸物、小食、一品料理等等。我地叫左芝士年糕、章魚丸子同清酒煮蜆。芝士年糕外脆內軟，而且有流心既芝士醬！章魚丸子新鮮整起，熱辣辣之餘有流心效果，章魚粒都好彈牙，入面既粉漿同餡料都好飽滿，份量十足。而清酒煮蜆既味道清甜，蜆洗得好乾淨唔會有沙～肉類方面，一開始店員就會上一碟澳洲和牛拼盤先，分別有牛肩胛，和牛封門柳同同牛皮腱。三隻牛肉都油脂分佈平衡，雪花紋理清晰，入口嫩滑juicy。而鹿兒島豚肉亦好好食，油脂充足，燒到佢脆卜卜再包生菜食簡直一流！除此之外，仲有雞翼、厚切牛舌、護心肉（好少地方有架！）、牛柏葉等等十幾款肉可以揀，最正既係真係叫幾多就黎幾多，唔會有黎少左或甩單既情況。甜品方面，除左有菠蘿、甜薯等常見既材料之外，仲有棉花糖！呢到既棉花糖用左竹簽串住，非常方便，燒到外脆內流

📍 熊本燒肉 (銅鑼灣)銅鑼灣謝斐道477-481號3樓天氣有啲涼💨，又有啲心癮想去燒肉，咁我地就去咗銅鑼灣謝斐道既一間樓上鋪熊本燒肉食個晚餐。 🥰🥰餐廳裝修好有特色，四圍都佈置咗好多唔同既日本動畫人物，有海賊王，男兒當入樽等等。餐廳既座位好寬敞，卡位坐得好舒服！而最緊要既係地方好乾淨，完全冇油益味同埋痴立立架！😊😊今次我地揀咗晚市放題$298，如果想任食澳洲和牛加$38，想食埋刺身就可以加$28架。 但我地覺得唔加已經好夠食，因為本身已經會送一盤澳洲和牛，包括四個部位。仲會送多一個海鮮拼盤，包括大蝦，蠔，帶子，鮑魚同埋一個甲羅燒，種類都好多架。🤪🤪和牛質素好唔錯，油脂分布平均，入口香濃。海鮮亦都好大件，而且鮮味十足。而其他任食既肉類，有幾樣都好值得推介，牛舌，豬護心肉同牛仔骨等等。其他食物仲包括各式蔬菜，菌類，仲有一樣意想不到既野食，係棉花糖呀！有得食又有得玩，勁開心！🥰😙😙💕💕

好耐未去Tokyo😣 好miss熊本熊🐻便來試下呢家Yakiniku Kumamoto 熊本燒肉啦😍店面位於銅鑼灣地鐵站附近，交通幾便利，全日供應日式燒肉放題。餐廳入面以日本居酒屋裝修為主題好靚🥰我哋好愛澳洲和牛同sashimi，便選擇M5澳洲和牛🐂燒肉放題+生魚放題🍣啦M5澳洲和牛軟嫩Q彈，入口即化，奶香味十足😍 搭配無煙烤爐不用擔心燒焦～sashimi都好新鮮，最鍾愛扇貝🐚scallop同三文魚🍣啦

銅鑼灣真係燒肉之都，俾我發現咗一間超值燒肉。最吸引嘅就係佢係一間動漫主題餐廳。佢地有兩大主題，分別係男兒當入樽同埋龍珠。分別係兩邊走廊，大廳就會係熊本熊。今次就坐係入樽個邊。有午市套餐或者放題，最貴有日本和牛放題，今次就食次一級嘅澳洲和牛放題。平日價錢都係$296 食120分鐘。比起最低級，分別多咗牛肩胛、牛板鍵、牛三角同埋鹿兒島豚。呢三款都唔錯，另外可以一試嘅係牛胃、玉子燒、煙肉車厘茄卷。甜品都唔錯，朱古力布朗尼、紅豆和菓子、脆皮香蕉都唔錯，記得一定要食棉花糖，平時係BBQ先食到，喺呢度食方便好多。

11月4日經openrice book左20:30熊本燒肉, 上到去要等多35mins先有枱, 以為咁多人食, 應該食物質素會不錯, 仲要等多35mins先有位, 個肚已經餓,  點知都係令人失望!  我叫最基本果個任食, 食物質素一般! 飲品任飲, 但大多數都係偏甜既飲品, 唯一無糖只有玻璃jar既烏龍茶, 攞左烏龍茶埋位, 發覺玻璃jar既樽蓋原本係白色變左D灰灰黃黃色... 裝修環境有點舊! 隔雜後面兩枱食客講野都好大聲, 成餐飯就係聽佢地既對話! 職員service算OK, 但兩個人埋單承惠$7XX, 個人覺得不值

[ 熊本燒肉 ]放假去銅鑼灣食嘢行吓街，嚟咗呢間日式燒肉店食lunch。除咗午市燒肉定食，佢地全日都提供日式燒肉放題，而午市放題就較晚市抵食。✿ 午市C餐：熊本精選放題 $258 (星期5, 6, 日及假期前夕+$20)12-4pm呢個時段入座就可以以午市價錢享用120分鐘燒肉放題，食材款式有牛肉、豬肉、雞肉、海鮮、日式料理、蔬菜等。肉類方面都經過醃味，有辣有唔辣，個人幾中意佢地嘅地嶽豚頸肉&朝鮮醬雞翼，味道特別辣得惹味🌶而每位+$38仲可以任食澳洲M5和牛部位。澳洲和牛牛肉油花分佈均勻，肉質軟嫩有彈性，肉味濃郁又多肉汁😋食到最後以燒棉花糖做總結，今餐好滿足呀😝總結🫦餐廳佈置有唔少漫畫角色：熊本熊、龍珠等，好有日本特色🤣 而放題食物上菜速度都幾快，無漏單👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿熊本燒肉地址：銅鑼灣謝斐道477-481號肇明大廈3樓電話：2617 3328✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

近排見好多朋友仔去咗日本玩，喺無得飛嘅情況吓唯有食住日式燒肉過吓癮先 🤣 朋友推介呢間燒肉店，主打120分鐘任食燒肉套餐😛 餐廳裝潢超級有feel，牆上掛滿動漫poster、播著日文歌，唔講唔知以為真係去咗轉旅行呀🙈 好推介三五知己過嚟食🔥前菜同小食包括枝豆、中華沙律、螺肉、餃子、厚燒玉子、香芋丸、章魚小丸子、炸雞、天婦羅炸蝦、流心芝士年糕、脆皮香蕉、雲呢拿泡芙、紅豆和果子等等等🤪 個人最推菠蘿、朱古力布朗尼、日式炒椰菜同茄子🍆 每款嘅質素都好高而且可以一件件咁叫，咁就唔會做大嘥鬼啦🤣肉類方面真係多到數唔曬🙈 +$38仲可以升級到澳洲和牛✅ 牛板腱、牛三角、牛小排、安格斯西冷樣樣有齊😛 食肉獸大推牛肩胛，牛味濃郁，油脂分布平均，肉質嫩滑多汁，入口即化，好滿足呀💗海鮮類有驚喜🤤 只要like同share 社交平台就有海鮮拼盤一份😋 拼盤包括鮑魚、大蝦、生蠔、帶子、整體肉質彈牙，鮮甜美味，極度推介～ 嘢飲係自助形式，有罐裝汽水、果汁、自製茶類，一定有款啱你心水😎

想食咗呢間嘅燒肉好耐✌🏻因為知道呢度有燒棉花糖🍭 冇去BBQ之後 已經好耐冇食過呢個甜品 當然呢篇食評唔止係分享棉花糖啦😂 好想同大家分享呢間性價比高嘅燒肉任食120分鐘放題 我地仲加咗$38食澳洲和牛放題🤤肉類肉類種類都好多 雞牛豬全部滿足到 升級咗有埋和牛肩胛 和牛板腱 和牛封門柳同埋鹿兒島日本豚🐷 牛味濃郁 覺得幾值得升級 豚肉未燒之前稍為肥咗少少 但燒香咗之後 豚肉嘅油脂半融化的確邪惡得嚟無法抗拒😻 仲有牛五花 醬燒牛排骨 薄切牛小排 雞軟骨 每樣都幾好👍🏻 海鮮首先上檯嘅係一碟送嘅海鮮拼盤 入面有大蝦 鮑魚 蠔同埋帶子各兩件🦪 擺盤靚同埋都幾新鮮🙊 其他海鮮仲有三文魚骨 多春魚 鯖魚 辣魷魚 我幾鍾意個清酒煮蜆🐚前菜及主食付味螺肉 蟹肉蟹籽薯仔沙律 見到有稻庭烏冬 但驚太飽試唔到好多野 所以冇嗌到😂炸物有流心芝士年糕 紫心香芋丸 吉列帶子 天婦羅炸蝦 個人覺得炸物都okay 新鮮熱辣送上嚟😄甜品雲尼拿泡芙 朱古力布朗尼 紅豆和果子 棉花糖串 燒菠蘿都想放埋落甜品度🍍 見到有棉花糖串已經好開心 呢一籃有10條😻飲品有無糖茶同其他罐裝飲品揀 都幾多選擇🍵整體嚟講 覺得呢間燒肉嘅性

放工去左銅鑼灣搵食🤤 心血來潮想食燒肉放題 就揀左熊本燒肉😍店內環境貼滿日劇動漫Poster🇯🇵 小宅男啲回憶真係返哂黎呀😝 晚市精選放題有分幾款 我地揀左澳洲和牛鍾意食刺身嘅仲可以加多$28 iPad落單夠方便👍 唔洗㩒電話😂▫️澳洲和牛放題 ($336)一上枱先黎個海鮮拼盤🦐🦪有鮑魚、大蝦、帶子、生蠔😍鮑魚好大隻 肉質超彈牙👍澳洲和牛都有3款 和牛板腱脂肪比例較多煎至5成熟 油花滲出好正🤤和牛封門柳就著重牛肉味 特別推介佢個鹿兒島豚肉🐷好肥美 一燒已經香到不行😝包埋生菜食一流呀😍除左呢幾款之外 肉類都仲有好多選擇推薦田樂醬既五花肉 放喺鐵網上爆炒好正個醬汁夠濃但唔會好鹹 其他熟食質素都唔錯 芝士年糕、炸帶子清酒煮蜆 👍飲品方面唔算好多選擇 但我通常都係飲冷泡茶 可以消下滯😂 烏龍茶綠茶同茉莉花茶+$78可以任飲生啤😍 最後仲有粒雪米滋

朋友升職賀一賀，揀左黎食熊本燒肉。一出𨋢已經見到勁多日本明星海報，好有feel。入面環境好izakaya，好似置身日本一樣，非常有氣氛。留意呢間叫菜係用平板, 以每件為單位, 開頭唔知我哋全部叫2好似好少咁🤣職員有禮貌，上菜快，見我哋唔太識用部平板仲會主動過嚟幫手，我地差唔多大部份菜單有嘅都叫晒🤤$298燒肉放題都有好多牛、豬選擇，我地加左$38升級叫和牛。雪櫃內所有野飲任飲，亦可以加錢任飲啤酒，埋單仲有送雪米糍🤘🏻講番食物，和牛部份新鮮唔錯，每塊都切得厚度均等，容易燒，食落牛味重肉又嫩，封門柳必食，鍾意食牛嘅朋友不要錯過，肉好香，我哋都番食咗幾轉。其他牛類方面，個人推介醬燒牛柳粒，非常多汁👍牛舌同牛肩胛都有嚼勁，牛味濃郁。豬類方面，豚五花油脂分佈平均，食落有油香又juicy！豚護心肉食落有嚼勁，豬頸肉厚切，蜜汁豬肋排燒完食好香甜。另外，鯖魚都好食、夠晒厚肉。多春魚比較厚身大條都唔錯，皮厚D易燒。甜品可以點棉花糖燒😍仲有雲尼拿泡芙、雪米糍，呢個有驚喜，味道好特別，好食😋

由於我真係好鍾意食燒肉，所以放假我又同朋友去咗食燒肉啦而今次我哋試嘅係呢間勁多好評嘅《熊本燒肉》環境《熊本燒肉》嘅裝修好有日本feel🇯🇵我記得以前去心齋橋食燒肉，嗰間舖嘅裝修同呢間真係差唔多♥️所以我覺得自己好似坐咗時光機咁，即時去咗日本🤣呢度除咗好似日本之外，佢嘅燈光度都好柔和，我同朋友都坐得好舒服自在😌食物《熊本燒肉》提供幾種唔同價錢嘅燒肉放題。我哋就揀咁最平嗰隻$298 + $38 澳洲和牛放題🥩雖然我哋食最基本嘅熊本放題，但menu嘅食物種類都唔少❗️首先，餐廳會上幾款澳洲和牛先，份量都好多，食完基本上可以唔使再叫牛啦😂😂之後我哋再叫Menu入面其他嘅食物😋個menu有好多唔同部位同味道嘅牛、雞、豬肉啦，炸物啦，蔬菜啦，甜品啦，海鮮啦等等。而我最欣賞嘅啦就係佢嘅厚切辣五花肉同埋炸香蕉🍌前者整得好辣🌶️好入味，我忍唔住一叫再叫，後者嘅味道原來好得意，好好食而餐廳重有提供棉花糖tim😍😍燒棉花糖係我嘅至愛💕我唔叫唔得啦燒晒d有味嘅肉，先至燒個棉花糖，棉花糖就沾滿晒d燒肉味，正食唔到太多肉嘅朋友，可以叫個最平嘅熊本放題過吓燒肉癮🤤加埋一$300幾蚊左右，咩都有得食吓，又有嘢飲，又可以當去