熊拉麵 (白加士街)

营业中

休息中

我呢個為食肥佬，最鐘意週圍搵野食，若然搵到好野食，那種開心感覺令捨興奮。今日到佐敦做野，就比我遇上這間日本拉麵店-- 熊拉麵，試完真係好開心，全因非常好味道。店內高朋滿座，食客一個接一個，川流不息。好彩不用等好耐，便可入座。餐牌簡單清晰，5款熊麵，價格由$75-$130。我諗了一陣，就點了黑熊拉麵 $80，還可以挑選梅頭瘦叉燒、香怱同木耳，麵的粗幼和硬度要1.25mm及普通硬度。整碗黑熊拉麵熱辣辣呈上，我急不及待夾了一大注食，麵質滑而爽,1.25mm果然靠得住，夠哂煙韌，加上濃郁黑蒜湯底，令拉麵每食一注都好惹味，非常滿足的口感。而梅頭瘦叉燒兩大片，厚薄適中，夠哂軟腍而不腻。整碗拉麵湯底好正好入味，加上麵身幼滑，配料木耳爽口， 香怱新鮮。好掂！食完碗麵，來一罐橙汁，超正！下次要試下其它款熊拉麵，看看其湯底是否一樣正。

今日係九龍公園游完水就係附近搵野食白加士街出左名多好野食 不過下晝就少d選擇見到呢間熊拉麵 門口裝修都幾日本feel好似幾正宗 所以就入去試下係香港要食稍為好味正宗d晚日本拉麵都唔平呢間餐廳入面既裝修座位同格局都好似日本既拉麵店 由於一條友獨食既關係 就揀左坐係吧枱位置可以見到師傅專心煮拉麵😂呢度既點餐紙非常詳細 分別可以揀拉麵既粗幼軟硬 配料 同埋叉燒既肥瘦 可以滿足到唔同既客人既要求叉燒有分三種 有餐牌例明有咩唔同 都幾詳細火炙肥叉燒當然係肥妹首選啦😂 枱面上有幾款配菜可以自己加有辣芽菜同味菜 兩樣加入拉麵度都幾夾幾好味枱頭亦都有小紙條提醒客人有橡筋同圍裙供應 好適合我呢d咁斯文既女仔 好細心呀😂最後我揀左招牌熊拉麵首先講個湯底 湯底係極濃既豬骨湯底 奶白色充滿豬骨既油脂香味 非常可口我揀左1.25mm幼麵 普通軟硬度 拉麵掛湯力強 有咬口 火炙肥叉燒 脂肪燒過後好香 而且煮得非常入味食拉麵必食既有味溏心蛋 無令人失望外面蛋白醃得入味 咬開內裡蛋黃流出同埋叫左個coke zero 店舖勁細心 會提供雪杯好似飲啤酒咁 咁可樂就會keep住凍啦 好細心呀整體黎講 呢個價錢食到碗咁正宗既

今個夏天，特別熱！入到嚟熊拉麵，原想食拉麵，但見到呢個叉燒丼又好吸引，所以試下呢口飯先🤗熊特選叉燒丼 $83開初以為多花款叉燒，所以貴d，但實情係呢碗丼，好。大。碗囉！男人都未必食得哂😅仲係用上日本米，貴d有道理。裏面有三種叉燒：分別係1. 梅頭叉燒、2.火灸叉燒及3.叉燒粒；另有一隻糖心蛋、沙律醬同紫菜。食落我最鍾意叉燒粒，其次係火灸，梅頭最後：叉燒粒粒，細細粒，係三款入面最淋嘅，幾乎咬兩咬就食哂，好正！好少可食到咁淋嘅叉燒，超like😊火灸叉燒：類似平時食拉麵嘅叉燒塊，它用上傳統日本半肥瘦叉燒，經4小時烹調後，肥膏已大大減少，而且會再煎一煎，燶燶地，香味大增！梅頭叉燒：覺得它勁似瘦身前嘅Parma ham，呢度用脂肪極低嘅豬肉，脂肪含量大約10%，啱哂想食又怕肥嘅食客，但其實唔會好乾身，一大片食落都幾肉地。糖心蛋無得輸，首先用上日本蛋，蛋味濃郁；其次係將它泡在特製醬汁而成，好好味！實在太熱，加錢要支烏龍茶；另外呢度都附有自助冰凍水，超冰凍，飲完涼浸浸😝

今天朋友又帶我吃東西，朋友向來對日本菜愛不釋手。今日他帶我吃的是佐敦一間出名的拉麵店。黑熊拉麵$80之前曾來過一次熊拉麵，當時黑熊是配黑碗，白熊配白碗，如此類推。不過今次好像沒有分，不知是否餐廳增添丼飯的關係呢？黑熊拉麵即12小時的豬骨湯底加入黑蒜油和炸蒜，呈黑色的拉麵賣相吸引。入口湯頭不算太濃，是一般人能接受的清新口味。拉面可選幼麵或中幼麵，麵身直身，順口滑溜，帶有微微麵香呢。佐敦白加士街8號地舖

佐敦食肆林立，以小店為主，適合喜歡尋找新鮮感的食客。這個黃昏，冰在白加士街8號地舖的>>>熊拉麵<<<發現意外驚喜。 餐廳很四正，沒有幽暗角落，要麼坐在餐廳中間，要麼圍著水吧，悉隨尊便。點拉麵的方法與其他日式拉麵店無異，把檯面的點餐紙填滿就可以的了。 若想「有圖有真相」的話，也有彩色附圖的餐牌參考啊。 這次所選的是黑熊拉麵(HKD80)，皆因被其黑蒜吸引。唯一缺點是不配蛋，於是額外點了秘製糖心蛋(HKD10)彌補不足。配菜方面，可按個人喜好選擇是否添加，也可避免浪費食材。 不消一會，麵食上菜，其黑漆漆一片甚為搶眼。黑色源自其黑蒜油，濃厚至極，但不咸不辣，吃後也未覺口乾口涸。普通硬度的1.5mm中幼麵很富嚼勁，份量略少，剛好夠飽，如有需要可能要考慮加底。 叉燒共有三款，冰選擇的是梅頭瘦叉燒，瘦而不韌，勝在夠大塊不欺場。外加的秘製糖心蛋名副其實，超級滑溜。 沒有確外點飲品，清水就好；無需加一，盛惠HKD90。

Craved for ramen, my friend and I shared a big bowl of ramen and a mini rice bowl for lunch. The super kuma ramen was super in terms of soup (with extra 20%) and toppings (with all the delicious toppings included) but not noodles. Extra noodles +$13 was ordered. I appreciate that Kuma Ramen follows the Japanese way to serve the extra noodles upon order after the first batch of noodle was finished. Customers were advised not to finish all soup before ordering the extra noodle as well as to have

位於佐敦的熊拉麵，是一間以熊熊裝飾的可愛風拉麵店很久以前曾吃過一次，今天相約媽媽先吃拉麵後到附近覆診。今晚要吃自助餐，所以午餐吃碗麵和餃子就好了。白熊拉麵$75湯底以大量豬骨12小時猛火熬煮而成，呈上時的濃厚奶白湯頭，不一會兒便形成一片微微黏膜，證明湯底厚濃。喝一口湯，湯頭濃度適中，厚度也屬剛好，是一般不常吃拉麵的朋友容易接受的口味。豬骨非常鮮甜，清爽不膩，容易入口，是我第一次把湯喝光呢熊拉麵的叉燒有三種選擇，分別是梅頭瘦叉燒，火炙肥叉燒，角切叉燒粒。個人較愛厚切軟腍的叉燒，因此我選擇火炙半肥瘦叉燒肥叉燒非常厚重，経四小時慢煮後軟腍無比，用筷子一夾即刻散開，入口化掉，達到我的期望哦。

剛好路過 被店面簡約日式的裝潢吸引抱住嘗試心態試下店內位置不多 幸好唔洗排隊有約4款口味拉面可以選擇可以配搭要唔要蔥花 筍拉面亦可選擇粗幼同埋軟硬度今次叫左一碗招牌熊拉面、一碗黑熊拉面（黑蒜）& 一份熊自家製餃子拉面量都算唔多 如果男仔黎食 建議叫「超級巨熊拉面」湯底味道好好！湯入口時 一開始淡淡 之後味道慢慢滲出 好正！餃子煎得岩岩好 肉汁豐富 好Juicy！ 外脆內裡多汁Overall 有誠意之作 值得推介 同埋可以再Encore

因為係附近番工 所以Lunch time都會去周圍覓食！今日同同事去左呢間｛熊拉麵｝～睇食評都有唔少好評 所以都好期待😍裝飾呢到就好有日本拉麵店既feel 店出面有個大大個紅色燈籠 入面就有bar枱同一大張大枱 今次就坐左係bar 枱 所以店員直接經bar枱比碗麵我 呢到麵既種類唔算多但就五臟具全👍🏻今次就點左碗招牌熊拉麵 豬骨湯底非常濃郁！因為佢係用左12個鐘頭黎煲架～～麵就揀左粗身啲既拉麵 麵質都好彈牙 軟硬適中塊差燒雖然得一塊 但就好大塊 另外要大讚佢粒溫泉蛋～～超級正！外甜內滑 食得出佢啲調味 蛋入面係超級滑 好正呀～～另外我地食緊果陣有幾位日本人黎左食 而且師傅仲用日文同佢地傾計 可想而知師傅真係去過日本學師 而且連日本人都識黎衣到 真係幾唔錯架

平日我少食拉面 但朋友喜歡 所以特登搜羅有咩好拉面 呢間好似啲comments唔錯 特登一試平日七點來到 都差不多入座9成 始終地方不是太大 有分bar枱同普通枱黎到熊拉面 當然試招牌拉面啦！有溏心蛋 叉燒 木耳 仲有得揀面粗幼添！我揀左最幼果隻湯底幾好味 咸得多不會太口渴朋友好肚餓 叫左特大黑蒜有溏心蛋 火炙叉燒x4大塊 木耳 荀 仲有紫菜朋友揀左粗啲果隻拉面拉面既好處係有得tick點心紙 岩晒我呢啲偏食既人！鐘意就要 唔鐘意就可以唔tick!!👍🏻👍🏻最後仲叫左碟餃子 正常味道 不過size 都幾大隻幾多餡冰水自己仼斟 不過留意翻 未必坐得太耐 因為都有人等緊位

路過見人吾多，便入來試下。湯清，味燶，但油太多。蛋，全隻，裡面是流心啊! 麵幼，木耳和青蔥也算多，可惜叉燒得2片，$85 不用加一。吾似d出名大店，收起曬配菜，要問或收$，枱上配菜任吃，好。整體算不錯，可一試。

每隔一段時間，總會心思思想吃一碗日式拉麵，今天便去找我的其中最愛的啤啤熊。熊拉麺有五種款式可供選擇，分別有招牌熊、黑熊、赤熊、白熊及超級巨熊。招牌熊拉麵（$85）湯底用大量豬骨、海鮮及新鮮蔬菜，以12小時猛火濃縮而成，招牌熊有一隻流心蛋及义燒，义燒有三種選擇，分別是梅頭瘦义燒、火炙肥义燒和角切义燒粒，這碗是火炙肥义，肥肉入口即溶，是厚切的。白熊拉麵（$75）這碗白熊拉麫選擇了走葱，梅頭瘦义燒，沒有流心蛋，义燒雖說是瘦义，但不覺'鞋'，麵條還可選擇幼麫或中幼麪，硬度都有三種選擇。

唔知係咪冷麵已停售，因上次我覺得冷麵好味，今日想再食，點知冇，所以揀咗(1)熊拉麵。熊拉麵配搭→火炙肥叉燒→香蔥，木耳→1.5mm普通硬麵。肥叉真係好肥，但入口溶化好香口，本人覺得肥叉好味過瘦叉。切開後既糖心蛋唔記得影相，我覺得麻麻地，過熟唔夠糖心。湯底味道其實唔差（因有啲拉麵店啲湯好咸) 依到味道適中，只係覺得油了點，食到尾聲時感到太“漏” 食唔落了。檯上面既配菜反而喜出望外，辣芽菜好好味，一定要試😋😋

無飯夫妻兩口子平常在尖沙咀會吃韓國菜，走到白加士街就會吃「澳牛」，今晚內子走著走著，居然會來試一試這條街的日本拉麵。星期二的七時許，食客尚不算多，等一會兒就入坐了。這裡的拉麵基本有幾款選擇，招牌熊、黑熊、白熊和赤熊，兩口子決定一起選招牌熊來試試。這間拉麵是可以選擇麵的粗幼硬度，香蔥木耳配菜需不需要，其中較特別的是叉燒可選肥、瘦或是粒上。男人的「quota」較大，筆者選了肥叉(如圖)，內子就選了梅頭。肥叉的豬油部份佔整塊叉燒約四、五分之一，是愛吃肥肉的朋友的不二選擇。另一特色是招牌熊附上的糖心蛋是整個上的，入口咬下去感覺上較為滿足。麵條筆者就選了1.25mm幼麵，內子則選了1.5mm較像「油麵」粗度的中幼麵，個人而言，幼麵入口較為彈牙，亦能多帶湯汁，較為味美。至於湯底就算是略為咸和油膩的那種，雖然如此，筆者還是在麵條都吃畢後多呷了幾口湯。餃子比想像中大粒，煎煮後的餃子皮略脆香口，餡料亦十足，點上醬汁更加鮮甜，是一個不錯的「加餸」選擇。枱上另外有些醃製了的辣芽菜、紅薑和高菜可作為其他配菜任食，滿足喜歡多配菜的食客。

熊 - 這間拉麵館已有很多食客介紹過拉麵，今次我介紹的是最近加入的午市限定4款日式飯很多食市利用誇張的食物圖片來吸引客人，但實際來到你面前的食物與圖片，真是有天淵之別，熊拉麵的餐牌圖片與實物是相乎，而且價錢合理。沙律醬金芝蔴炙义燒飯最好味义燒肥廋均匀，肉質軟林林，可口美味，不過記得要叫少汁，因為太多醬汁再加上沙律醬，會食到有飽滯感覺。京都照燒雞扒飯最抵食連半熟玉子全個，單叫全個半熟玉子都已$20，配埋多件照燒雞，真是抵食又大份。沖繩黑毛豬醬汁豚肉飯，豚肉煎得甘香美味。特濃蕃茄玉子滑雞飯，濃香蕃茄味，全碗飯滲出蕃茄香味。加$2可以配罐裝汔水，而且有我喜歡的芬達提子汽水加$4 可以配大红袍烏龍茶記得午市限定飯只限星期一至五，假期徐外由11:30-15:30 供應，要食就早D 出門口，每日约1:30已開始售罄。