熊小館

营业中

休息中

呢個餐廳真係非常Kids-friendly! 一入到去就好似入咗個小熊國，比無數嘅熊仔包圍！每張枱上面都會有一隻熊仔作為裝飾，小朋友見到都好開心！主要都係食西式野，個二人餐好抵！每人一碗餐湯加蒜蓉包，個湯味道辣辣地，好開胃！同埋都幾足料，都有唔少菜蘿蔔同埋蕃茄🍅🥕🥬頭盤就揀咗炸洋蔥圈！呢個真係超級推薦！佢係用啤酒漿落去咋，唔似出面嗰啲洋蔥圈炸粉同洋蔥完全分開。呢個炸漿同埋洋蔥係連住，食落外脆內軟，一啲都唔厚粉。主菜就有牛柳配醃菇！牛柳要咗七成熟，食落都算腍，配埋啲紅酒汁，味道都幾好！配菜都好正，啲蘑菇好鮮甜，薯仔焗得外脆內軟，幾出色！另一個主菜揀咗卡邦尼意粉，好濃芝士味，意粉又好掛汁，又唔會煮得太腍，食到好上癮！最後當然唔少得係食甜品啦，有驚喜嘅就係竟然有椰子味雪糕，佢仲要擺得咁靚！仲可以加錢食心太軟，呢個二人餐都只不過係三百零蚊埋單，好抵！

晏就覓食行經餐廳外嘅宣傳，見到大大隻熊啤啤超得意，就比佢吸引咗入去。餐廳每張枱都有熊啤啤，即時少女心起嚟烤美國牛肉漢堡包伴賓尼迪蛋·炸薯條$65-全日供應，個漢堡賣相超吸引，Benedict口感濃稠滑順，切開啲蛋黃流出，同香濃嘅荷蘭醬一齊食正！連埋包同牛肉等食感覺就冇咁膩啦～豬扒配牛油酥皮吐司$42-吐司烤得剛剛好，口感酥軟，豬扒亦煎得好腍唔錯！金磚西多士$42-嚿嚿都大大粒，酥脆西多士連埋甜奶食一流紅豆冰-同平時飲嘅紅豆冰唔同，飲嘅時候有陣爆谷味，好香甜，估唔到味道咁夾甜品+$9-木糠布甸，甜絲絲，為今餐劃上完美句號

又係星期日，工人姐姐休息日。我們一家又要出街揾飯食。上次係屋企附近食湖南菜伏伏地，今次試下間主題餐廳。小朋友應好開心！九龍灣有哩間熊小館，以熊啤啤為主題。店內好多熊啤啤擺設。最特別係可以揀隻熊啤啤陪你食飯。餐廳裡仲有個玩具角，圖書角。至於食物，有D惊喜。首先係有兒童餐。格仔盤上有肉酱意粉，粟米粒，腸仔及啫喱。全部都係小朋友至愛！青口火候剛剛好，剛熟離殼，不勒。用鲜忌廉汁，好食。蜜汁雞扒好嫩滑。鐵板上，熱乎乎，好味道。蜜桃雞肉火焗飯，甜甜地，好醒胃。牛肩肉，五成熟，裏面肉汁鎖住，好有肉味。軟殼蟹意粉，隻蟹好酥脆！炸鱿魚圈，炸粉剛好。唔太乾！芝士露筍，健康之選。仲有心大軟，小朋友好快手K.O.了。未有照相。

熊小館係以熊啤啤為主題既餐廳，餐廳內放置很多大大小小既熊啤啤，另外有一個遊戲區，有廚房玩具同圖書。第一時間當然要同主角🐻影相啦！😄跟著又揀隻🐻陪我地食野🐻 兒童餐肉醬意粉，阿女食到舐舐脷。仲有粟米腸仔同小熊啫喱，全部都係小朋友既至愛。🐻 二人餐🐾羅宋湯+ 蒜蓉包個湯好足料🐾芝士焗蘆筍 蘆筍好幼嫩好 fresh🐾牛肩柳配薯菜 濃厚的牛味，薯菜有甜椒，茄子，蘆筍同粗薯條，用砧板上菜，買相吸引🐾蜜桃無骨雞腿飯蜜桃同蕃茄煮成酸酸甜甜汁，好開胃。🐾熱情果玫瑰花茶🐾橙色派對🐾心太軟一切開個蛋糕，朱古力流晒出黎，阿女食到連碟都舐埋。🐻 白酒忌廉煮藍青口份量好多🐻 軟殼蟹牛肝菌意粉🐻 炸魷魚圈炸得好香脆，但個粉漿厚左啲🐻特濃芝士鐵板雞扒我地一行六人，八百幾蚊晒單，食到飽飽，食物質量不錯，職員好友善，氣氛又好好，值得推介俾朋友！👍

熊小館係小姐時常掛係嘴邊話要再去食嘅餐廳。 餐廳有一個小小嘅位置俾小朋友玩，大概可以容納到五至六個小朋友，小姐同細佬玩得好開心，吾肯走。😆 兒童餐喺呢度必點嘅食物之一，姐姐為咗可以快啲去玩所以成個餐一陣就清晒，媽媽表示好安慰。我哋另外叫左2 人餐： 有 菠菜菠菜魚柳飯，蛋黃醬焗蘆筍，牛扒，湯，飲品。菠菜魚柳飯非常多芝士，菠菜加埋🐟柳又有營養又好味，又易食，真係非常啱小朋友食。細路食得津津有味. 👏🏻 二人餐$298 ，再加個兒童餐$68 就夠哂 2 大 2 小。 好低食啊！

星期日約了家姐一家食飯， 既然有小朋友就找間公仔主題餐廳食晚飯，等大人細路都開心吓。網上找到這間熊仔主題餐廳價錢唔貴，環境又ok， 於是就決定來這間餐廳一試。一到達發現門口有兩隻巨型嘅熊仔， 大人細路都忍唔住沖埋去一齊影相， 而餐廳內更有一個兒童遊樂區， 小朋友可以在裏面睇書玩熊啤啤， 而我們坐下發現枱上有隻細嘅熊啤啤陪我們食飯， 小朋友們十分開心。我們叫了一個兒童餐、一個二人餐、一款小食。兒童餐:好有心思，啫喱係熊仔頭造型，意粉及腸仔好好食。二人餐:我覺得好抵食$298有湯及飽、小食、main course、飯或意粉、飲品、甜品。main course:安格斯牛肩扒，好有牛味。小食: 蛋黃醬焗鮮露筍， 好嫩、 冇揸。飯或意粉:芝士蜜桃鷄腿飯甜品:心太軟小食:酥炸魷魚圈，非常鬆脆可口。

本身比較少去主題餐廳，亦都未必會特別去搵黎試，估唔到因為呢間熊小館開係Megabox，竟然有機會係lunch time黎到試一試😆午餐高峰期非常多人等位，門口有售賣小熊公仔同精品既貨架，邊睇邊等時間好快過。每張檯都有隻熊仔陪住你食飯，坐到側邊的話仲可以望到溜冰場，景觀唔錯！而午餐選擇都幾豐富，有扒餐、沙律、意粉等等，食多食少都無問題今日就試下個煙鴨胸意粉，驚喜既地方係佢用左黑醋汁酸酸甜甜既醬汁夠晒濃郁，食落有清新既感覺，加埋淡淡香草味道，勁加分！鴨胸煎得啱啱好，而且一d都唔油膩，肉質結實，配埋醬汁非常不錯如果想有熊仔靚景陪你食飯，呢度係唔錯既選擇🐻

香港有心機而性價比又ok的主題餐廳真係買少見少，要麼環境好靚野食好普通，要麼就兩樣都無，而且價錢都偏貴。Cafe Med反而比想像中的價錢平，而且環境食物都值得encore.今次食的是2人餐dinner, 西餐菜式，湯是羅宋湯配蒜蓉法包，湯都已經係有誠意，有用到牛尾，底有點辣，很多很多雜菜，幾足料。蒜蓉法包好脆，牛油蒜味好香。跟餐飲品可加錢upgrade轉特飲，喉嚨不好的朋友叫了薄荷檸檬蜜糖，飲完果然喉嚨無咁乾，潤潤的感覺。另一杯叫了蘋果玫瑰，玫瑰很香，很解渴，還有清新的蘋果味。小食揀了蛋黃醬蘆筍，蘆筍是偏幼的品種，所以特別嫩，蛋黃很滑很香，同蘆筍係新奇的配搭，特別的小吃很值得一試。主食之一的西冷配帶子薯菜叫了5成熟，生熟程度剛好，肉質偏軟滑，無筋，切落一點也不吃力，淋上蘑菇汁味道更好。帶子有2粒大大的，煎得甘香爽彈。煙肉包蘆筍串也好香，這樣的搭配也很襯。芝士菠菜汁龍脷魚柳焗飯份量可謂巨大，醬汁撈飯好creamy, 龍脷柳的邊邊焗得帶點脆，入口又香又滑，魚肉一絲絲的。只是份量真的大，吃完有點吃力。最後把甜品升級到心太軟，軟到朱古力都流出來了！外脆內流心，是很成功的心太軟。配上鮮忌廉同蜜

繁重工作過後，心情不是太好，因此一個人走到megabox逛一逛，為什麼選擇megabox 呢，就是因為人流不算太多，能夠好好放鬆一下心情。看見這間新開張的熊小館，店內有很多熊仔的公仔，能夠給人放鬆心情嘅感覺，跟住頭也不回的進入。晚上餐廳提供不同的套餐，以西式食品作為主打。點了火腿雞胸扒意大利飯，雞胸扒非常鮮嫩，意大利飯的醬汁非常濃郁，整體上這個飯非常滿意。套餐還包括餐湯及蒜蓉多士麵包，羅宋湯的材料亦十分充足，味道不錯。只係餐飲是香茅檸檬梳打，這個配搭非常有趣值得一試。此外亦點了魷魚圈作為小吃，吃得出是即點即炸的，非常好吃。整體上餐廳環境及美食非常滿意，加上服務員的殷勤接待，下次必定一試。

平日很少機會到親子餐廳吃飯這次是被餐廳的佈置主題所吸引的———————————————————我們點了一個二人套餐 |$298，外加一客青口 |$681️⃣ 歐陸式濃湯、牛油法包 (😋3.6/5)十分濃厚的白湯，內含粟米粒、火腿粒，蒜香味很突岀，溫熱的湯配上creamy的質感，十分不錯的開始👍🏻2️⃣ 啤酒脆漿炸洋蔥圈 🍻 (😋3.3/5)脆漿不會過厚 外皮酥脆配上檸檬汁 幾清新不會過膩3️⃣ 蘑菇紅酒汁牛柳 🍷 (😋3.7/5)因為沒有法式田螺薯蓉批 改配帶子薯條牛柳點了三成熟質地軟腍 是剛好的三成熟牛柳配上燒汁和芥茉醬依然吃得岀牛味 🐂帶子滑身 咬下去不會韌薯條是粗身的那種放涼後也不會軟掉 薯仔味香 🥔4️⃣ 蘆筍野菌意大利飯 （😋3.6/5）表面灑滿芝士粉 🧀上枱已聞到好香芝士味蘆筍爽口 野菌份量不少攪拌意大利飯後 汁醬份量剛好飯粒沒有煮得很軟身每口飯也要咀嚼數下 若加上黑松露醬，相信更香濃美味🤤5️⃣ 白酒忌廉煮藍青口 (😋3.2/5)淡淡嘅忌廉味 白酒味唔會太濃食得出青口嘅原味可惜上枱時已有少少放涼少許.套餐亦包含甜品和飲品可惜當晚心太軟已售罄———————————————————👩🏻👨🏻由於是

今日同屋企人嚟咗megabox行街行過見到有間熊小館睇到入邊啲裝修好似好得意咁所以就打算入去試吓呢間野啦入到去先知原來呢間係主打家庭嘅餐廳周圍都好多小朋友同埋有好多比小朋友玩樂嘅設施如果係同小朋友嚟嘅話都真係幾唔錯㗎好啦咁今次我哋就叫咗個二人餐首先就有包到蒜蓉包同埋餐湯蒜蓉包尚算OK 係用法包整嘅羅宋湯都算唔錯 唔會有辣味之後就係到頭盤啦有三樣嘢可以揀 我哋揀咗炸洋蔥圈我真係未見過有咁大個洋蔥圈食落洋蔥已經熟晒 唔會係好生 冇青草味都埋好大碟 兩個人一定夠主菜呢我哋就揀咗係食牛肩肉我哋叫咗5成熟 雖然佢嚟到嗰陣時似係七成熟但係咬落都好淋 肉味都好濃郁好juicy配菜有一啲燒咗嘅蔬菜 有煙肉蘆筍 同埋炸薯條薯條真係炸得好脆 唔似嗰啲扁踢踢嘅薯條另外一個主食就叫左野菌燴意大利飯野菌都幾多 忌廉白汁味好濃郁啲飯唔會太淋 啱啱好佢仲溝左少少蘆筍粒入去 感覺口感豐富左之後佢仲會包一杯嘢飲同埋甜品甜品係雪糕 可以揀四隻唔同口味有曲奇 朱古力 雲呢拿等等我哋就叫咗曲奇同雲呢拿黎試啦至於嘢飲其實佢就會包咖啡或茶咁我就叫咗杯橙汁 佢同普通凍飲一樣都只不過係加$3姐最後我哋想食多個甜品 就叫咗個焦糖焗蛋白

好似係香港都冇咩點去過啲有特別主題既餐廳😂同媽子行完IKEA，就係附近搵野食，去到food court 個層見到熊小館大大個poster，少女心爆發，價錢又唔貴，即刻入去食🥰👉🏿✨二人套餐 Hkd 298 💸📌基本上小食主食餐湯甜品全包宴～是日餐湯係薯蓉栗米忌廉湯～中意栗米既我梗係覺得好正啦！仲會食到小小薯容，如果可以多返啲栗米就更好！📌小食揀左✨意式焗肉醬茄子，黎到真係好香！不過就咁食會咸左小小😣建議可以配飯一齊食📌主食叫左✨蜂蜜燒bbq豬仔骨，成條豬仔骨黎到真係super big size 🤭而且用刀切啲肉好易出黎，冇乜肥肉，蜂蜜味甜甜地好正！仲會配埋薯條同醬汁！正到飛起，條薯條脆到傻！呢個俾滿分，重點真係又平又抵食🥰📌✨芝士焗蜜桃汁去骨雞腿飯，岩晒啲又懶既食肉獸，蜜桃汁唔會好怪好甜，雞腿肉分量夠多，加埋邪惡既拉絲芝士，食唔停口啦📌升級心太軟加多18蚊～佢啲cream唔死甜唔會流，心太軟既朱古力帶小小苦甜，唔會越食越膩👍🏿而是日甜品就會係一球雪糕，揀左椰子味，估唔到都幾清新脫俗，ok既～📌飲品都加18蚊升級左一個爆谷紅豆冰，呢個一定要記得叫佢小甜！忘記了，黎到甜到傻左😭😭不過就咁食

-一入到嚟，就算係大人，都會自自然然咁充滿童真🤩。餐廳環境、餐枱、佈置，全部都係熊仔🐻🐻🐻🐻🐻包圍住。真係食飯+打卡嘅好地方。 二人套餐🍽️ $298歐陸式龍湯兩客、牛油法包： 忌廉湯🥣 + 蒜蓉包🥖啤酒脆漿炸洋蔥圈🌰： 入口鬆化。美國安格斯牛肩扒🥩： 配合大量嘅粗薯條🍟，正！！！露筍野菌意大利飯： 好濃嘅芝士味🧀， 夠曬creamy。 升級別生日版自家製🍫心太軟（另加24蚊）： 好有心思，寫埋Happy Birthday字眼。 經理仲走過嚟想唱生日歌🎶俾我聽添。哈哈哈哈哈！轉特飲（只加18蚊） 檸檬草蜜茶🥤 「 紅茶香茅蜜糖」： 特別味道，初嚐香茅味。激讚！👍侍應殷勤友善，會盡量配合客人嘅需要。 ==========熊小館🐻地址：九龍灣宏照道38號企業廣場5期Megabox 11樓8號鋪

一家三口子到了Megabox睇傢俬，順便帶同小朋友黎玩下，玩累了便到樓上搵食。Megabox的食店不少，是晚選了在十一樓的親子餐廳Cafe Med，中文名是熊小館，兩者有甚麼關系呢，唔唔…?親子餐廳的威力果然厲害，每枱食客幾乎都帶上小朋友的。是日餐廳十分忙碌，頭盤、小食、餐湯、甜品等好多都暫定供應，最穩陣又抵食嘅梗係點二人餐（$298）。先來餐湯羅宋湯，蕃味強烈，餐湯杰身足料，幾好飲喎。仲有塊微溫的蒜蓉多士，有誠意。法式蛋黃醬焗鮮露筍頭盤選了露筍，滿滿一碟份量意外地大，露筍是用上幼身那種，焗起上來依然翠綠，鮮甜脆嫩，好味噃。芝士焗忌廉菠菜龍利柳飯主食要了焗飯，好大盤，一大塊龍利柳，忌廉汁有著濃濃的菠菜香，加上芝士及炒底蛋飯，好味又啱小朋友食。燒美國穀飼厚切牛小扒伴醋漬野菌另一樣主食就要左牛小扒，份量比起另外幾款雖細左啲，但牛味甚濃，旁邊的蜜糖醋汁酸酸甜甜很開胃，伴碟有煎薯塊，茄子及彩椒，煎得香口好味，整體水準不錯。牛味香濃，七成熟也不韌。德國啤酒脆漿炸魚炸薯條（$88）再散點了炸魚薯條給小朋友，小朋友至愛食條條嘛。炸魚大大塊，肉嫩炸漿又不算厚，薯條亦是新鮮炸起，熱辣辣好味道。凍奶茶＆凍

今日行九龍灣企業廣場，這裡都有很多美食，來到這間熊小館，我被這裡可愛的熊吸引住了，看看餐牌，見到都很多菜式，於是決定試嚇這裡的扒餐。餐廳裡布置了很多的小熊，有2間貴賓房，布置得很精緻，還有一間放置了毛毛小熊、書籍及玩具等，見到裡面小朋友及媽媽正玩得很開心。我們喜歡食扒，所以要了2個蘑菇紅酒汁牛柳伴法式田螺薯蓉批餐，其中一個轉套餐加$28。蘑菇紅酒汁牛柳伴法式田螺薯蓉批$158伴碟配菜有紅黃椒，有煙肉捲BB蘆筍，帶子及薯條。田螺剛好賣完改帶子，我反而喜愛帶子，啖啖肉，又鮮甜。薯條份量都很多，我很愛食，尤其喜愛點上茄醬。蘑菇紅酒汁牛柳，外形切成三角形，厚切，外表煎得少少焦啡，非常吸引，2個都5成熟，廚師拿捏得很好，其中一件帶著牛肉的鮮嫩顔色，㸃上蘑菇紅酒汁，淡淡的紅酒味，不是很出，不過我喜愛這淡淡的味道，入口嫩滑牛味較濃。另一件顏色稍為較淡，牛味也稍為淡少少，但是也一樣入口顯得嫩滑。橙色派對凍芒果橙汁，餐轉特飲加$16食扒少不了要個冰凍的飲品，我們要了個橙色派對凍芒果橙汁，芒果味很濃，帶橙的酸甜，酸甜味調配得洽到好處，為今晚美味的扒餐增添美味。