熊小館

营业中

休息中

-照張全張幅先📸蘑菇紅酒汁牛柳🐮法式田螺薯蓉批（$158）Chef's Suggestion 嘅大師手切牛，見到呢個介紹就叫咗。果然無失望。牛嘅肉質好淋，就算叫well-done，都夠juicy。意大利蜜汁魷魚🦑意粉（$82）蜜汁平均沾滿意粉，味道夠濃。不過食完就成口都黑色lu。海鹽風薯條🍟 + 檸檬沙律汁（$40）薔薇之戀玫瑰花茶柚子（$28）玫瑰嘅香味，加上柚子嘅微甜，飲落好fresh。檸檬草蜜茶紅茶香茅蜜糖（$30）特別味道，香茅味配落味道度都唔錯嘅選擇。玫瑰法式燉蛋白（$25）淨係蛋白嘅法式燉蛋出面比較少見，可以無咁罪惡。侍應好nice 👍，尾段仲會問問我地嘢食味道如何。PS: Megabox 5點後入車，消費滿$100，就有6個鐘 free parking 🅿️，真係多到唔信。----------熊小館 九龍灣宏照道38號企業廣場5期Megabox 11樓

今日約咗朋友下午茶，朋友建議去Mega Bix。 上咗11樓，原來Mega Box有一間佔地頗大嘅親子餐廳「熊小館」。有名熊小館，當然整間餐廳每一角落都有很多超級可愛嘅熊啤啤。餐廳一邊可以觀望溜冰場，可以邊嘆住杯咖啡邊觀看溜冰，非常寫意。餐廳另一邊則充滿古堡的裝飾。最值得留意，餐廳中間位置更特設有兒童圖書區及兒童遊樂區，果然對小朋友設想周到。餐廳提供有全日套餐、啱小朋友嘅《小熊套餐》、亦有推出《品味新嚐》等。亦有外賣自取特價套餐。我選了《蜂蜜味BBQ燒豬仔》（$78）可配飯或意粉。加$6可配餐湯及餐飽。朋友選擇了休閒下午茶《烤雞肉羅宋湯螺絲粉》（$46），包咖啡或茶。最後再加多個睇見就心情愉快嘅笑哈哈甜品，帶著美好的心情回家。整體餐廳環境廣闊舒適、價格合理、食品大衆化，適合大人細路，的確是一間不錯嘅親子餐廳。父母假日，可以多個選擇，帶埋小孩子去吃喝玩樂的一個好地方。

熊小館 鐵板西冷牛扒($149）其實149本身冇咩期望，點知出到黎都唔差，牛扒熱辣辣🔥唔會太熟又唔會生得濟，食落口都有牛味，同埋夠厚食落好有滿足感🥩 另外仲有薯條同西蘭花🥦做配菜，Cp值好高👍🏻白酒忌廉煮藍青口($68)藍青口份量都幾多，配埋白汁冇得輸，啲汁通常係底，撈勻佢就出味好多，可惜有啲青口有啲沙，所以扣少少分🤏黑松露蟹籽帶子黃金意大利飯($92)意大利飯飯嘅軟硬度啱啱好，而且夠入味，非常厚實濃郁芝士味🧀配埋黑松露一上菜嘅時候真係好香，好吸引🤤帶子都煎得好香，整體黎講都幾啱錯，如果蟹籽大粒啲或者配明太子就perfect 💯另外加咗28蚊轉餐，包埋飲品、餐包同餐湯🥣草子莓莓(+$16) 薔薇之戀($16)草子莓莓係士多啤梨橙汁🍊 而薔薇之戀係玫瑰花茶柚子☕️兩個組合都幾特別，同平時出面飲開嘅唔太一樣，味道比較複雜啲🙈Extra comment 🖍️•餐廳係親子友善餐廳，有一個corner係有圖書同玩具俾小朋友玩🐻

由於要去megabox睇戲，所以就搵到熊小館試試，見好評ok，睇相賣相都幾好。-我2點去到，有lunch / tea set 我揀，tea set係小食、甜品為主，吾太岩我同朋友，結果揀咗lunch set 牛扒餐。一塊牛扒+是日沙律/蒜蓉包&餐湯/是日甜品（焦糖燉蛋）$90幾，吾知洗吾洗加一。送飲品，凍飲+$3-個牛扒賣相真係吾錯，食落係薄扒但口感幾好，淋身吾鞋，不過有一塊比較多筋咬吾到。薯條就麻麻地，淋身既一啲都吾脆；意粉就普通野可接受-朋友配咗蒜蓉包&餐湯，是日係羅宋湯，湯同包都ok-我配咗是日甜品～焦糖燉蛋！口感吾似燉蛋，似慕絲，燉蛋係無味，配焦糖醬食我覺得ok。朋友話燉蛋吾係咁，有d難食🙈-飲品配咁橙汁、凍奶茶橙汁ok，不過量好少；凍奶茶就味道好奇怪，飲得一半都無，麻麻地（ps：杯口邊係崩崩地，感覺不好）總結：Lunch time 價錢算合理，人均$100/位食到牛扒。牛扒吾錯但其他食物都係好一般，飲品、甜品係吾多好味不過同同事分享完，同事話晚餐抵食d，但有其他選擇既話吾會再食喱間，可以比多少少幾食好d既扒餐餐廳係以熊熊為主題，環境都幾靚打到卡

下午食飯遇著落大雨，係MegaBox 番工，唔行出去都唔知可以食咩，見到熊小館唔洗點排隊，就入去試下。1）菠蘿🍍焗豬扒飯： 等左大概5分鐘就到，賣相都幾好。先講講個菠蘿，菠蘿就肯定係罐頭🥫菠蘿🍍，但食落係焗完之後先加番入去，就麻麻地囉；至於豬扒，係就係好林身，但亦食得出好大陣雪味，咁基本調味都做成咁，唔怪得冇咩人排隊食；至於個汁同炒飯底都算可以2）熱檸茶： 算正常，同埋用新鮮檸檬🍋埋單$68 （有9折優惠）

全個餐廳以熊仔為主題，到處都可以見到可愛啤啤熊❤️每張枱亦都有小熊仔餐廳入面仲有小小遊戲角比小朋友玩今次嚟遊戲區終於開放！有煮飯仔、圖書、玩具車，當然唔少得好多熊仔毛公仔🧸食物方面係西式有意粉，焗飯，鐵板餐，價錢唔貴食物選擇都好多，味道唔錯，而且西餐嚟講份量算好多！仲有兒童餐可以叫俾小朋友食～兒童A餐有天婦羅炸蝦/蜜糖雞中翼牛油菜米/炸薯條/小熊啫喱以炸物為主，小朋友當然好開心，都食晒全部野。鐵板什扒（豬扒、雞扒、煙肉、鮮蛋) $105Classic Sizzling Plate Set送餐湯+牛油法包+咖啡或茶分量十足，豬扒，雞扒都好大塊。而且豬扒夠嫩滑，絕對係大滿足特濃芝士鐵板雞扒(鐵板上） $98芝士味極龍鍾意食芝士嘅，一定唔可以錯過。

今日來到位於megabox嘅熊小館，啲間店以打卡熊啤啤為聞名，有大量嘅熊啤啤佈置，甚至有大大隻熊啤啤陪住你進餐😎再睇真啲原來佢係Cafe Med （紅蔥頭）同一集團，上次去完紅磡分店印象都唔錯的，裝修非常別緻走濃厚嘅英倫風，而啲間熊小館就用啤啤做主題👍🏻店舖都幾大，各處都可以見到熊啤啤嘅蹤影，每張枱亦有一隻小熊啤啤，好多地方都值得打卡。更設有一個小朋友角落，可以俾小朋友玩下煮飯仔攬吓啤啤，適合家庭人士。午市套餐非常抵食，連加一都唔洗$100就可以有3 courses （主菜+ 湯/沙律/甜品 + 飲品）。味道都合乎預期，個甜品係燉蛋都幾好味👍🏻黑胡椒汁西冷牛扒 （配薯菜）$96好傳統嘅西冷牛扒配黑椒汁，牛扒夠晒淋，係平時茶餐廳早餐會食到果種牛扒，味道都唔錯。燒汁香蒜煙肉焗去骨鷄腿 （配薯菜）$88雞肉夠淋夠juicy，上面仲有一啲煙肉增加味道層次，唔錯嘅選擇。

熊小館 (九龍灣) 📍九龍灣宏照道38號企業廣場5期Megabox 11樓去Megabox 睇完戲搵食期間見到一間好鬼大嘅餐廳，仲要成間餐廳都充滿住 大大小小嘅bear bear 🐻🧸🧸與啤啤熊共進午餐真係第一次🤭🤭 餐廳內有午小朋友開生party 嘅房仔，同埋平時專為小朋友而設嘅角落，有煮飯仔同埋啤啤玩😆職員有禮貌，亦熱情互動，好適合一家大細去嘅餐廳！👩‍🍳 黑胡椒汁西冷牛扒 $96西冷牛扒非常軟腍，黑椒汁質地稠糊味道正常發揮。我哋揀咗配薯菜，薯條炸得熱辣辣又脆👍🏻👍🏻👩‍🍳 燒汁香蒜煙肉焗去骨鷄腿 $88雞扒大大塊又juicy! 蒜香味濃，面頭仲有脆香煙肉碎！連雞扒一齊食更有口感！🍮 燉蛋焦糖醬燉蛋下面配有傳統燉蛋白，幾特別🍲 餐湯羅宋湯配牛油法包🥖🧈，法包烘到香脆，好味！☕️ Coffee

其實都已經係好一段時間前食呢一間餐廳果一段時間 好鐘意熊啤啤 咁岩見到有一間以熊仔為主題的餐廳 就已經決定要去喇一入門口已經見到兩隻巨型小熊 好SHARP!餐廳每一枱都會有小熊公仔 真係好得意呀!見到好多人一家大細 帶埋小朋友黎到成個環境氣氛都好有童心 好歡樂!而且餐廳樓底好高 環境闊落 感覺舒適食物就不過不失啦! 冇咩特別菜式有留下深刻印象份量唔算好大 可能牽就小朋友食量但係以主題餐廳黎講 價格真係好抵食!仲可以同熊仔打卡!

今日行megabox見到尼間啤啤熊為主題既餐廳，有好多好大隻既啤啤熊公仔擺設，可以影相打卡，每張枱都有1隻細啤啤熊，門口有啤啤熊精品可以買番屋企，有個小朋友玩既位置，有玩具&圖書我揀左二人套餐A，自選部分揀左法式香草牛油焗田螺，深海帶子拼醬燒汁牛柳，芝士焗蜜桃汁去骨雞腿飯，餐飲轉左做特飲黑熊，姐係可樂加朱古力雪糕職員首先上左歐陸式濃湯同埋牛油法包，個湯酸酸地都幾開胃，然後其他菜式都好快到，田螺幾好食，下面仲有薯蓉，牛柳揀左五成熟，餐廳都控制得幾好，食落好多肉汁好好味，仲有薯條粟米做配菜，雞腿飯有香濃芝士味，雞髀好滑好正

「 Bear Bear熊」主題親子餐廳今早同女女、老公去完溜冰，就去左「熊小館」，其實較早前七月都黎過，覺得幾好食，所以都揀返食呢間，而且貪佢坐得幾舒服，餐廳內有個細細area比小朋友玩，不過個area真係細左少少，我地叫左3個餐：芝士忌廉菠菜法魚柳焗飯，芝士焗蜜桃汁豬扒飯，黑松露蝦籽帶子黃金意大利飯，芝士忌廉菠菜法魚柳焗飯：角柳算幾多，不過焗得乾左少少，個菠菜汁都幾juicy，芝士焗蜜桃汁豬扒飯：蜜桃汁酸酸甜甜幾開胃，豬扒好淋，黑松露蝦籽帶子黃金意大利飯：個黑松露超級香，有少少粟米粒好甜，我係黑松露控，雖然野食唔算大碟，但因為個飯好多醬汁同芝士，所以都幾飽！

好多熊bear bear的親子餐廳, 仲有一個corner有好多熊公仔同玩具圖書, 小朋友一定可以玩得好開心!鐵板薄西冷雞排配著菜 (累椒汁) ($115) 跟餐包&湯&凍檸荼湯湯係好濃又幾足料的羅宋湯, 蒜蓉餐包好昏, 如果再大塊d就更開心啦!薄西冷宦都幾嫩口, 醃得好入味, 不過都咸左少少, 見議唔好落甘多汁.​雞排好大塊, 雞肉嫩滑. 著條新鮮炸出黎, 好香脆! 經典焗意大利波隆那肉醬意粉 ($69)啖啖肉醬, 仲有拉絲芝士, 味道岩岩好! 食鐵板薄西冷有d咸, 食個肉醬意粉中和下真係幾好!

係megabox都冇嘢係平 咁就揀咗間幾靚嘅 呢間環境幾靚有好多公仔🧸 不過food少貴 但又唔係話真係好好食 個人認為其實同薩莉亞差唔多 不過貴好多 咁就唔太抵食服務一般般啦 冇人服侍你除咗嗌嘢食但係真係唔抵呢個價錢囉 佢一個意粉都70幾蚊+ 扒就百幾 加個湯同包要$30 得少少仲有薯條啊又係直升機伏伏伏伏伏伏~一個炸薯條$40 認真就同M記差唔多 好食少少咁囉PS 叫扒會送湯都係幾好 雖然份量好少 150ml左右啦😥食定唔食 自己揀啦~

九龍灣Mega Box有間好出名嘅親子餐廳叫熊小館，我哋定期都會去吓。入面有超多吾同大小嘅Teddy Bear公仔裝飾亦都襯返熊仔主題， 而且仲有小朋友玩樂區，係非常體貼的親子餐廳。🥰今次Order左二人套餐A，包括歐陸式濃湯+牛油法包、法式香草牛油焗田螺、深海帶子拼醬燒汁牛柳、番茄奶油吞拿魚螺絲粉，飲品有草子莓莓及檸檬草氣泡茶。😍歐陸式濃湯有香濃忌廉味，有少量磨菇及粟米，牛油法包點湯食好creamy。😋法式香草牛油焗田螺鐵板上熱炙炙，薯蓉好香滑，田螺夠新鮮夠彈牙。😋深海帶子拼醬燒汁牛柳值得推薦，帶子好鮮甜，牛柳7成熟外表煎得香脆惹味，鎖住入面嘅肉汁，內裏粉紅色兼牛味濃，仲入口即融添。😋番茄奶油吞拿魚螺絲粉有好多吞拿魚，加埋鮮番茄蓉，原來個味道可以好夾，螺絲粉索晒d汁及精華。😋草子莓莓係橙汁加士多啤梨汁，感覺好fresh，而檸檬草氣泡茶係檸檬香茅加七喜好正好特別。😋

疫情左好耐，7月走咗去試唔同餐廳野食，呢間係其中一間。地理位置方面麻麻，一開頭都唔知原來有間咁既店係到，俾我感覺好似要走入第2間店之後先入到佢呢間。野食方面，我幾鍾意薯條，炸得幾香，吃過咁多間，呢間薯條係頭幾名，所以我諗佢間店其他炸物應該唔錯？不過太飽試唔到其他。鐵板牛都唔錯（配既好似係燒汁，如果有其他醬料選擇就更加好），個豬唔點醬已經好夠味，但口感係唔錯唔會乾硬，但我麻麻（唔難吃但都唔會好吸引），我諗成餐最唔鍾意應該係杯野飲，無記錯好似係薄荷＋橙？？成個feel係夾唔到，分開飲應該都無問題，但夾埋就好奇怪