熊小館

营业中

休息中

去MegaBox行街行完見依間餐廳幾特別可以試吓依間熊仔主題餐廳好適合親子去～有小朋友玩嘅遊戲角叫咗2個下午茶餐烤雞肉羅宋湯螺絲粉份量比較少～烤雞肉得三條好淋不過味道麻麻～湯都算多味道都濃～不過咁嘅質量唔值呢個價芝士醬油魚柳鮮蛋焗飯～上面有芝士汁～日本味素撈飯～魚柳兩細塊～不過加隻生雞蛋就真係唔識欣賞即磨咖啡幾香口坐就坐得好舒服嘅～不過食物質素麻麻～不過如果打正旗號親子餐廳～食物偏貴好似係一個常態

星期六放假約左女女幾個朋友仔去playroom玩，大家都玩到好開心就係附近食埋晚餐先番屋企，呢間親子餐廳怖置好可愛，周圍都係熊啤啤，餐廳職員非常友善，服務超好。我地叫左個二人套餐，價錢唔貴，份量都幾多。羅宋湯牛油法包羅宋湯味道濃郁，入口酸酸甜甜，好開胃。法式香草牛油焗田螺一上台熱辣辣，薯蓉creamy幼滑，田螺口感彈牙，鮮味十足。蜂蜜BBQ燒豬仔骨豬仔骨肉質軟林，醬汁香甜惹味。沙律新鮮爽口，薯條香脆可口。芝士焗蜜桃汁去骨雞腿飯雞腿啖啖肉，肉質嫩滑唔鞋，芝士香濃撲鼻。另外叫左個小熊套餐比小朋友，有肉醬意粉，雞尾腸，牛油粟米，小熊啫喱，小朋友食得好開心。

今日真係超開心去熊小館同熊仔影相，餐廳真係一入去就好開心，小朋友即刻攬住熊啤啤，又同佢哋揮手，又去玩熊仔廚房，仲有可以睇冰上曲棍球比賽，小朋友不停問比賽嘅規則，真係不亦樂乎。大人都睇得好興奮。今日食咗個二人餐，有牛扒，蜜桃汁焗飯，小食有焗田螺，仲有飲品~實在太豐富啦~另外仲叫咗凱撒沙律，炸魚薯條同埋意粉，如果小朋友唔食辣，仲可以叫佢唔好加辣，呢個安排實在太細心！最後就係叫咗個生日版心太軟，真係超開心，小朋友不停吹蠟燭，又唱生日歌，又同熊仔影相，好圓滿嘅結束。大人細路都好開心嘅餐廳❤️

本身約左朋友去九龍灣聚下 仲帶埋個可愛小公主黎😍朋友介紹去親子餐廳 就去左Megabox熊小館 入面好多熊仔擺設🧸 有好多熊仔打卡位📸 最正係有個遊戲角落俾小朋友玩有個小廚房😍 有圖書有積木 有玩具🪀 小朋友放電時大人又可以坐係位傾下計▫️蜜糖菠蘿汁煎豬扒 ($86)呢個價錢有沙律 主菜+飯/意粉/薯菜仲有飲品🍹 性價比都算幾高👍蜜糖菠蘿汁幾特別 酸酸甜甜夾埋豬扒食薯菜有薯條、粟米同瓜 份量都幾大▫️肉醬意粉 芝士雞尾腸 牛油粟米 小熊啫喱 雪糕波波 ($88)兒童餐個碟好似有魔力咁🧒👦🏻朋友話小朋友食好少野 但呢個兒童餐有齊肉醬意粉兩條芝士雞尾腸 仲有粟米🌽啫喱同雪糕🍦啱哂小朋友食🥰

熊小館🐻 尋日約左侄女去Mega box溜冰一早搵定有咩啱小朋友食呢間熊小館有兒童餐外仲有個角落俾小朋友玩 真係掂曬餐廳環境光猛寬敞 仲望到溜冰場添而食物款式都幾多有下午茶，假日套餐，兒童餐…. 天婦羅炸蝦 蜜糖雞中翼 牛油粟米 炸薯條 小熊啫喱 $83兒童餐有三個選擇侄女揀左最鐘意既天婦羅炸蝦炸蝦同雞翼都好食粟米薯條都係小朋友至愛仲有用可愛杯仔裝住既橙汁仲要連個啫喱都係熊仔🐻啲細路食到好開心 真係大滿足呀🥩黑胡椒汁西冷牛扒 $96我就揀左個假日套餐有湯有主菜有飲品西冷牛扒好大塊個黑椒汁好香同辣味剛剛好薯菜份量都唔少伴碟有薯條、粟米同翠玉瓜

有趣的家庭餐廳 97 唔算太貴意粉69蚊，可以加28蚊轉做Set，會包餐包，湯同餐飲。但因為今日唔想食太飽，所以就單點意粉，再叫了個28蚊的特飲。 扁意粉🍝份量偏細，屬於女士一人份的大小，男士應該要轉Set 才可有飽足感，另外見餐廳甜品好似係佢另一主攻的部份，所以也可以試下。 作為一間家庭餐廳，係唔同少得BB餐，見餐廳都有不少女士帶埋成枱幾歲大的BB仔一齊黎開餐 ☺️☺️

假日帶小朋友學完興趣班之後去附近大型商場內既親子餐廳食下午茶大人可以放鬆下小朋友又可以開心玩👍👍一入到餐廳全部都係熊仔小朋友見到非常之咁開心🥳第一時間就係沖去玩具區度玩大人就可以點餐先👍食物好快就送上嚟,係小朋友玩得超級興奮嘅時候大人可以舒舒服服咁食嘢先之後先至再到小朋友🥳叫咗兩個下午茶：芝士醬油魚柳鮮蛋焗飯配熱咖啡焗飯有拉斯嘅芝士配流心既焗蛋👍魚柳有一大條，下午茶分量算大份👍烤棉花糖吐司吐司烤到好脆，棉花糖烤過入口溶化真係好好味😋做飯後甜品一流👍兒童餐：有熊仔啫喱，炸天婦羅，雞翼同薯條同埋粟米配橙汁

熊小館 (九龍灣)📍九龍灣宏照道38號企業廣場5期Megabox 11樓假日嚟到九龍灣MegaBox搵食比呢間用熊啤啤做主題嘅餐廳吸引咗🐻‍❄️原來仲有俾小朋友玩嘅地方父母可以安心食飯🐳白酒忌廉煮青口$68呢個價錢份量好多 而且冇沙青口好有海鮮味 好鮮甜🥩鐵板肉眼扒$155一上枱嘅時候好有驚喜 竟然咁大塊煮得啱啱好 肉質適中而且仲有薯條 粟米 蕃茄等等伴碟🍱黑松露蟹籽帶子黃金意大利飯$92帶子煎得啱啱好 外表金黃 內裏軟滑黑松露同忌廉汁滿滿咁樣包住每一粒飯加入左蟹子同粟米 令到個飯更加有層次感跟餐+$28的話會有是日餐湯羅宋湯同茶飲🌹玫瑰法式燉蛋白$25呢個價錢好抵食 出面都買唔到淨係燉蛋白好特別 蛋白夠香滑上層用火槍噴到有焦糖

今日自己又請咗假接囡放學， happy Friday 就梗係去玩， 唔溫書唔做功課住😂😂問阿囡想去邊， 佢話要去mega box 玩具反斗城睇下玩具，玩playhouse 同食啤啤餐廳， 即係熊小館， 媽媽就一次過🈵️足曬去3⃣️個願望.本身諗住食咗熊小館先去玩， 但阿囡唔肯， 要玩咗先，玩得黎已經到下午茶時間， 但d 下午茶歺都幾扺，約$4c-5x,有飯 ，麵，漢堡包或者小食選擇， 已包一杯野飲.好肚餓，叫咗二個歺+ 1碟薯條🍟+ 1球雪糕， 埋單都係$188, 唔貴烤雞肉羅宋湯螺絲粉： 囡囡好鍾意食， 自己一個人差唔多食晒， 重要唔洗餵瘋薯（配檸檬沙律醬）： 即整， 脆口， 熱辣辣， 個醬酸酸地， 味道好清新， 食唔停👍👍安格斯漢堡配薯條：安格斯都好厚， 啖啖肉， 足料

同小朋友外出用餐最喜歡去親子友善的餐廳，其中一間一定係位於九龍灣Megabox的【熊小館】，環境寬敞舒適，有卡位又有望到溜冰場的玻璃位，有兒童玩樂區，食物質素又好又多選擇，店員非常親切，係親子餐廳的不二之選。🥰小朋友一到埗已經去咗玩樂區睇圖書，又可以玩玩具煮飯仔。我哋大人就可以慢慢選餐。而且全場仲有大大小小嘅熊啤啤🐻包圍住，超多打卡位，大小朋友的童心都引哂出來。📸今次order咗set2人套餐，包括歐陸式濃湯2客加牛油法包、鐵板肉眼扒、芝士焗蜜桃汁去骨雞腿飯、精選甜品及餐飲2杯，再另叫一客白酒忌廉煮藍青口。😍歐陸式濃湯有多款蔬菜及鮮肉餚製，好足料味道，點埋牛油法包食係前菜必備。😋鐵板肉眼扒值得推薦，肉眼超級腍又juicy，而且牛味濃，對据扒有要求嘅朋友要試。😋芝士焗蜜桃汁去骨雞腿飯焗得啱啱好，芝士微金黃色且溶化晒入飯度，去骨雞腿肉好嫩又滑。😋白酒忌廉煮藍青口嘅汁夠creamy又香，最緊要青口新鮮又大隻。😋精選甜品係朱古力及芒果雪糕，小朋友至愛口味。😋

今日遊車河去九龍灣，去左某間傢俬舖度買傢俬咁就順便去呢到食飯，因為我朋友好鍾意啲熊仔所以去呢度食飯，咁我哋就叫咗以下:凱撒沙律: 呢個沙律我覺得個蔬菜幾新鮮， 加埋D芝士，同埋撈埋啲沙律汁，我覺得清得嚟又新鮮，作為飯前小食我覺得係幾好同開胃。青口，青口細细隻， 幾易開出嚟食， 好適合女仕食! D白汁點落青口到，令D味道出哂嚟。 作為餐前小食我覺得非常適合。鐵板什扒:裏面包括豬扒、雞扒、煙肉同鮮蛋，呢個我覺得真係冇得頂呀，因為一上枱嘅時候，鐵板已經發出咋咋聲熱辣辣， 而我選擇咗燒汁， 咁其實撈埋個汁每一塊雜扒 mix埋啲汁食，我覺得都好食同滋味，有少少似以前茶餐廳嘅鐵板。蒜片辣椒煙肉西芹扁意粉:我好鍾意食意粉， 咁我就叫咗呢一個意粉，呢個意粉內裏面有蒜片和好多煙肉，炒到每條意粉都幾入味， 其實令我最鍾意呢個意粉就係呢個意粉就偏少少辣嘅，咁如果鍾意食微辣啲朋友呢個意粉應該都幾啱你哋食。最後我同朋友飲埋杯凍檸茶就閃人， 其實呢一間餐廳我覺得都幾適合一家大細，呢間餐廳啲嘢食同環境佈置都幾好 ，我覺得幾適合親子。

🐳位於九龍灣MegaBox 11樓嘅熊小館，最適合一家大細嚟呢度食嘢，餐廳內有好多大大小小嘅啤啤熊可以俾小朋友影相留念，另外都有一個閱讀區，有好多兒童書籍可以比小朋友閱讀。而大人就可以揀個位置可以睇到溜冰場，可以欣賞別人溜冰。假日套餐🐳溫泉蛋卡邦尼煙肉扁意粉💰82+6 歐陸濃湯 牛油法包首先我特別鍾意食溫泉蛋，另外所有忌廉嘅意粉都係我嘅至愛，所以我冇理由唔叫呢個套餐。呢個卡邦尼意粉真係做得唔錯，香濃嘅忌廉味，配上濃味嘅煙肉，再加上一隻糖心溫泉蛋，好食🤤羅宋湯材料十分豐富，法包也非常脆口。🐳黑胡椒汁西冷牛扒💰96 甜品（燉蛋）西冷牛扒好入味，雖然係全熟，但係一啲都唔乾身， 仲好嫩滑，薯條係剛炸的，所以外脆內軟。另外好欣賞呢個燉蛋甜品，非常之滑，甜度適中，老公十分喜愛。

每次問我囡想去邊， 佢都一定答mega box , 因為有齊曬佢鍾意既野， 有得睇玩具， 又有🉐️去playhouse 玩， 重有得去熊小館食野.我囡通常揀邊位坐， 可以望到溜冰場，一邊睇人溜冰， 一邊食野， 好chill 😂😂另外， 等緊野食期間， 佢會去玩下熊仔， 睇下書， 玩下廚房， 野食未到都唔會扭計， 真係好適合帶埋小朋友黎, 我相信大部分既小朋友都同我囡一樣好鍾意❤️野食正常， 份量適中，唔太油， 好多選揀， 重有兒童歺， 啱小朋友口味甜品畫上笑面， 小朋友見到好開心🥳， 自己食曬

二人套餐 $318- - -歐陸式濃湯配牛油法包羅宋湯香濃，酸甜帶點微辣，法包香脆，係醒胃嘅餐湯。- - -法式香草牛油焗田螺田螺配薯蓉好夾，田螺肉鮮嫩，有4-5粒，薯蓉焗得好香口，再配上少量香草調味，係可口嘅前菜。- - -蜂蜜牛油BBQ燒豬仔骨豬仔骨燒得恰到好處，唔會老，容易脫骨，香烤味道配搭甜甜地嘅醬汁，食落有肉汁唔會乾身。豬仔骨以薯條同雜菜沙律做配菜，份量好足好夠飽。- - -卡邦尼煙肉扁意粉扁意粉較一般意粉彈牙有咬口，卡邦尼芝士味香濃，配合煙肉同蘑菇片，豐富咗口感同味道。- - -薔薇之戀 +$16轉配玫瑰花柚子茶味道清新，淡淡嘅玫瑰花味道，混合微甜嘅柚子蜜，香甜解膩。- - -橙色派對 +$16轉配芒果橙汁味道偏酸，橙味較濃，係健康嘅水果特飲。- - - - -玫瑰法式燉蛋白 $25燉蛋白表面焦糖香脆，入面香滑微凍，味道唔會太甜，仲落咗唔少玫瑰花作伴碟。

🐻九龍灣主題餐廳，餐廳周圍都有唔同既熊仔～適合同小朋友一齊去今次揀左2人套餐A，成個餐有唔同配搭，可以揀自己想食既食物 $318+10%🔸是日餐湯+蒜蓉包- 忌廉湯好creamy ，口感幼滑- 蒜蓉包既牛油岩岩好，唔會食落成口油🥖🔸鐵板肉眼扒- 鐵板上餐熱辣辣，有薯條做配菜-牛扒叫左5成熟，上枱時用鐵板一直燒住 唔會太熟-牛扒好有份量，味道唔錯🔸卡邦尼煙肉扁意粉- 一碟好邪惡既意粉🍝好香芝士味🔸法式香草牛油焗田螺-用薯蓉墊低再用鐵板上，令到薯蓉脆脆地～-田螺入口彈牙，份量都多🔸特飲-左：玫瑰花柚子茶，充滿花香🌹右：檸檬草氣泡茶，係紅茶香茅加七喜🔸餐牌餐廳中間特設一個兒童區俾小朋友放電，家長就可以安心係側邊用餐👧🏻好貼心