熊亭新和風駅 (已結業)

同同事食生日飯, 梗係想搵番間可以慢慢坐, 食下傾下唔駛急既餐廳啦! 今日搵到呢間, 雖然係正旺區, 但係人唔多, 可以慢慢坐, 環境好坐得又舒服推介菜式日式薄餅：薄餅上面既木魚真係有相咁多! 煎得恰當好處, 蛋味濃郁鰻魚炒飯：鰻魚切到細細粒, 啖啖都食到鰻魚味!

同一班中學同學聚舊，我選了熊亭日本料理，我們十人坐擁一間大房，拉上房門後私隱度十足。店主管堂哥為我們點了時令美食，有序有次的奉上。PS: 甜品是自製雪糕，必吃因為沒有空間上載更多圖，請諒

今日放工朋友相約食飯，又係揀旺角。我真係唔知食咩好，朋友就話食日本野去放題，我立刻ban左，因為唔想太full，所以最後揀左熊亭。熊亭係新興大廈1樓，唔算難揾，時值8點，我地入到去係無乜人，得一枱客，好靜。佢有set dinner 提供但價錢都唔平，所以我地散叫左壽司同鰻魚飯。饅魚飯大大碗，條鰻魚燒得好甘香，色澤好靚，再淋上燒汁，送飯食真係一流。相反壽司就世火咩驚喜，啲飯夾時都有啲鬆散，雖然上面件刺身都新鮮，但感覺始終爭啲。象拔蚌更加有啲乾，not good 。不過呢度環境不錯，裝修好日式，鬧市中可以靜靜地，又唔使等位食一餐，係唔錯選擇。

之前聽人講話呢間幾好食, 但我見夜晚食都幾貴...所以今次就試下佢LUNCH 先啦 LUNCH MENU上有好多選擇, 揀左好耐最後都係揀番我既至愛 牛肉豆腐鍋定食~ 價錢屬正常水平, 唔係太貴, 加埋一就七十幾蚊. 個餐都有幾多野食, 好豐富, 首先有前菜一小碟, 就係中華沙律, 這個味道就不過不失, 同平時食開既差不多. 之後就有一杯蒸蛋, 好滑好香, 入面既配料份量適中~幾好味~ 跟住有麵豉湯或者飲品揀, 因為當天天氣熱的關係 我叫左凍檸茶, 估唔到呢種日本餐廳既凍檸茶都幾好飲喎, 有茶餐廳水準, 凍飲仲唔洗加錢!之後就係我既主菜:牛肉豆腐鍋定食 再跟一碗白飯. 一黎到已經聞到好香, 同其他日本餐廳一樣, 這裡既牛肉豆腐鍋的湯底都係甜的, 應該是壽喜燒那種湯底吧, 但這裡有種特別之處, 就係除左平常會見到的牛肉, 豆腐, 各種菇類之外, 你仲可以見到上面有一小小的薑蓉堆和蔥堆. 如果唔喜歡薑蓉味的話, 可以隨時夾走佢先進食的, 而我就當然試試撈埋入湯底看看有什麼效果啦. 加左薑蓉入去原來係仲好味, 湯底既味道顯得更有層次, 唔再係單純既甜味, 湯底加上一陣輕輕的薑蓉和蔥花香, 更

小弟見熊亭有咁多好評，就同一個best friend嚟試下。當日叫咗三文魚刺身，甜蝦刺身(味道一般)，燒魷魚筒(一d都唔熱)，炒什菌，牛舌(好味)，豬頸肉(好肥)，日式薄餅(唔錯)，燒日式豆腐，燒帶子(凍哂，差評)，蒲燒鰻魚。2人埋單$688，即叫即燒，嚟到都唔熱嘅，又唔抵食。一嚟到問我地book咗位未，卡位又唔畀人坐，食咗兩個鐘都未見有人嚟食飯，又有漏單，差評，冇下次

聽同學推介黎既，絕對對得往個價錢專門黎吃鐵板燒，好正，個師傅都好Nice可能黎得早，六點四十五左右，無乜人，幾可惜，我個人覺得呢間既質素同食材都一流，我地兩個人點既係熊亭set，初初仲怕唔夠食，但最後都好飽，記得book 位，仲有得欣賞師傅手勢，下次一定再黎試其他款Ps:大家唔好俾間up dup商場嚇親，真係唔錯嫁

位置在一間唔起眼兼破舊的商場，竟然隱藏咗一間寬大而且裝修不錯的日本餐廳，更估不到有極佳的食材，而且價錢超值。如果不是朋友介紹，我一定不會試，因而走寶。鮮窄芒果汁，又甜又juicy.鹅肝多士即叫即上，鹅肝熱辣辣，多士脆卜卜 。日本鮮蠔也多汁肥美 。這三寶食後已充滿能量，繼續再食.........魚生刺身(劍魚，吞拿魚，象拔蚌，北寄貝，大蝦，帶子..)都超新鮮。再食烤鰻魚。烤粟米。爐端燒雞翼，蝦，正正正 。再試鐵板燒牛舌，帶子，鮮蝦。味道一流。魚奶湯，魚鲜味濃食埋海膽手卷及壽司。再來啖啖肉嘅芒果檽米糍和芝麻雪糕。真係人生一大享受。待應也很勤快。實在是一間给顧客驚喜的餐廳

之前同家人試過一次，好正。今天帶朋友買鞋前，決定再去試下這78元午餐即叫即煮鐵板燒。。。。朋友一來看見商場入口已苦笑面口地說：吓。我話：食肆裝潢好正的，必試。我們点了午餐鐵板燒和壽司午餐。師父即在我哋面前煮。。。大吓。。。肉質弹牙，又入味。元貝。。。鮮味又甜。雞扒。。。。香口又夠味。炒菜和炒飯。。。足夠分量。鐵板燒午餐只係78加一。。。其他日本定食午餐價錢重平。。。絕對香港推介。大家真係吾好介紹他們商場門面又古老又像人流什。。。其實入去上一樓是個翻新商場(前身是麥包嗰個乜銀座商場)。。。真推介～～～

明天是抗戰勝利紀念公眾假期不用上班，今晚約了幾個朋友出來食飯飲酒吹吓水，而大家都十分喜歡吃日本菜，在旺角上班的朋友提議來這裡吃，因為這裡地方寬坐得舒服而且乜都有得食。我第一次上來，原來這裡地方很大，還有VIP房及鐵板燒房，食物款式亦很多原化，鐵板燒、爐端燒、魚生壽司...等等乜都有。看見店內牆壁上的舊相，原來這店在灣仔已開了十幾年直至去年才搬到旺角這裡。我們今晚主要吃爐端燒/串燒，叫了兩個串燒餐再加了其他款式的爐端燒，還有叫了啤酒及酶酒 。鹿兒島和牛漢堡扒 - 一件厚厚大大塊足足8安士鹿兒和牛漢堡扒，肉質柔軟牛肉味香濃油份豐富，扒上配上秘制磨菇汁及日式沙律菜伴碟，非常豐富及超級低食。汁燒牛柳串 - 肉質很"林"牛肉味亦香，中間串上小紅茄，食了牛柳後再吃哪燒過的小紅茄令有醒胃消的感覺。燒原隻油甘魚頭 - 魚油甘香肉油份重，魚皮燒至剛剛好脆面肉質依然保持嫩滑，確實相比三文魚好吃很多啊。原條燒栗米 - 栗米香甜爽口，燒得剛剛好不太濃，沒有掏上牛油，能吃到栗米本身的味道。燒原隻尤魚筒 - 尤魚彈牙鮮味，掏上了鼓油醬汁燒，提升了尤魚的鮮味。自家制免治雞肉棒 - 雞肉棒肉質彈牙，把雞肉棒夾開還有肉

主角: 蛋白豆腐! 好滑好滑~ 如果唔係我個胃咁細，我一定encore一份!蛋白入口即溶啊~！不少得的重頭戲: sashimi~吞拿魚的魚油一點都不腥， 夠晒新鮮。海膽加上少少日本米食， 甜度剛好。隻蝦應該非常美味, 我男朋友食到lam lam脷, 結果我讓埋我果份俾佢!唔少得既壽司: 軟殼蟹、牛油果同蟹子永遠都係絕配, oishi!(唔中意食牛油果既朋友放心, 仲有好多壽司揀)唔記得名的一些好味菜:另外仲有個魚湯同炒飯~ 掛住食無影到了魚湯是三文魚頭煲的， 很香很滑，應該充滿著Omega3~食到超滿足的!~

之前到旺角朗豪坊睇戲已經來過這餐廳一次，今天和朋友要到旺角買嘢，再來光顧午餐，貪這裡環境舒適及價錢低食。午餐定食款式有很多，我和朋友都叫了鐡板燒午餐，食物六款選二款，我選了安格斯薄燒及燒魷魚，而朋友則選了三文魚及青衣柳，午餐還包括大蝦2隻，前菜、沙律、蒸蛋、日式炒飯、炒野菜及麵豉湯或飲品..等等。我叫的安格斯牛肉質很軟屬及 juicy，而魷魚及大蝦亦很新鮮彈牙，師父加了牛油所以很香。而朋友的三文魚及靑衣柳賣相亦不錯，我試了一點，三文魚皮脆而肉質魚油豐富，而青衣肉質比較實比較淡口，還可以的。值得一提的是鐵板師父即時在面前的鐵板枱上煮的，新鮮熱棘，還有餐飲的熱咖啡是即刻煲的日式咖啡，非常香。

每個節日都係頭痛之時，今個冬至家人提議食日本放題。但我家(9個家庭)有二十六人，大多年事已高，点會食太多，不如貴精不貴多。今次選擇里間由湾仔搬尼旺角的料理，係因為地方闊絡。前菜和小食OK，D剌身好新鮮，壽司都幾好，但其中的炙左囗魚壽司就全家都話超正，當中有一個名為芒果鵝肝卷嘅壽司，本人認為比較特別，芒果味唔會蓋過鵝肝嘅風味，值得一試。鐵坂朱鞍扒煎得啱啱好，阿拉斯加鳕場蚧原來係新鮮的，因我不吃雪藏蟹。最後仲送甜品心太軟和芒果拿破崙。今餐就連80歲嘅媽媽都讚不絕囗，而且食得好開心。 

每個節日都係頭痛之時，今個冬至家人提議食日本放題。但我家(9個家庭)有二十六人，大多年事已高，点會食太多，不如貴精不貴多。今次選擇里間由湾仔搬尼旺角的料理，係因為地方闊絡。前菜和小食OK，D剌身好新鮮，壽司都幾好，但其中的炙左囗魚壽司就全家都話超正，當中有一個名為芒果鵝肝卷嘅壽司，本人認為比較特別，芒果味唔會蓋過鵝肝嘅風味，值得一試。鐵坂朱鞍扒煎得啱啱好，阿拉斯加鳕場蚧原來係新鮮的，因我不吃雪藏蟹。最後仲送甜品心太軟和芒果拿破崙。今餐就連80歲嘅媽媽都讚不絕囗，而且食得好開心。