煮打菜打冷小菜館 (已結業)

星期一放咗工唔想煮是常識吧，所以就跟屋企人出去食晚飯，但大人又唔想食得太油膩又話怕肥要食清清地，咪去食小菜依間近近地係我哋飯堂。先叫個銀魚蒸肉餅，西芹炒鮮魷，豉椒炒鵝腸同埋豬潤浸時菜，餸到啦…個銀魚蒸肉簡直係我嘅 my favorite，銀魚係炸過嘅肉餅又夠彈牙個豉油又唔會咸，送飯係不二之選仲攪到我食咗2碗飯，西芹炒鮮魷係用XO醬嚟炒嘅，鮮魷夠鮮甜西芹又無渣，又係送飯嘅好餸菜，如果依個餸辣番少少就更好，而個豉椒炒鵝腸爽脆到不得了，仲可以用口咬開鵝腸又無肥膏，依個廚房直心直得俾個like，食得出佢哋清洗食物相當唔錯，再到我大人愛食嘅豬潤浸時菜，時菜只係配角主角當然係豬潤啦，個豬潤又甜又軟身食落口仲粉得嚟係爽嘅，攪到怕三高嘅我都忍唔住跟大人爭食。

陪老公打完波，例牌會跟佢班波友一齊搵食，成班男人都係鍾意食吓小菜飲吓啤酒咁，其實我都幾鍾意咁樣跟住老公一齊飲一齊癲吓，今日到佢個fd帶我哋去食好嘢，因為佢哋每星期一人安排一次去食晚飯依個波友多數揀D又平又好食嘅地方。今次就去筲箕灣食打冷.小菜，去到就先睇牆上推介小菜再睇餐牌，款式都好全面我哋先揀咗個大鹵水拼盤，嚟到大大碟個五花腩同鵝件鹵得味道唔錯，大腸同雞腎好入味，生腸又爽又脆，紅腸又會好粉連個蛋都好好味，最緊要係全碟都係暖暖地唔會凍冰冰，一個小炒皇初初見到以為份量細，點知夾極都有依個小少皇本人覺得必食，因為鑊氣夠材料豐富當中有帶子，魷魚，同蝦，味道又好腰果又脆，而個魚湯粉絲雜菜煲都好個湯清得嚟有魚嘅甜，粉絲又唔會淋bet bet邊食邊飲邊吹水，都唔知食飽定笑飽

成日聽到耀東邨，原來呢間餐館就喺喺正耀東邨對面馬路，都幾易搵到。呢味叫做蜜椒吊燒骨，外表看起來平平無奇，原本以為喺普普通通嘅一字骨，點知入口已經發覺喺好味道之餘仲可以有不同層次口感，最面層有少少反光，唔係油淋淋嘅反光，原來喺蜜糖薄薄咁包住左佢，唔單止喺咁，咬入口嘅感覺就好像食拔絲香蕉嗰層薄薄嘅外層一樣，第一感覺喺甜嘅蜜糖味，再咬落去就有黑椒嘅味道，再咬入啲先至係肥瘦適中嘅豬肉。仲有叫左籠仔荷香蒸爆牙餅(可以揀咸蛋/土魷/鮮魷/銀魚/咸魚/梅菜)，鐘意食魚嘅我就揀左銀魚，聽講至靚嘅肉餅喺入口即溶，但呢度真的不一樣，啲肉餅非常彈牙，令我諗起以前食長洲彈牙魚旦嘅時候嘅感覺，估唔到喺呢度有咁靚嘅肉餅，加上荷葉獨有嘅香味，好味道。

煮打菜由開業，一直幫襯的我。見証等位街坊人山人海，為你欣喜。近年，甚麼最低消費，取消送糖水，茶記服務態度，已是人所共知。大家都唔介意，畢竟來筲箕灣只求真味和好食。若失了起初的真味，即使賺到金和正評，也是名過其實。肉餅是開店功臣，得獎佳作，昔日處女味道是爽，彈，滑和潤。荷葉豐盈地摟抱住細嫩的肉糰，香薰撲鼻，一食終情。今晚再遇，才知何為芳華已逝，原味已成追憶，窮得只剩下彈。荷葉折耗，香氣褪去。恐怕我味覺失調，查閱同臺家人，半數異口同聲。想請周中師傅和黃永幟師傅再評，看這功臣始終如一嗎？無意分手，只怕不再遇上。

朋友最近搬左去筲箕灣區，請我去參觀一下新居，順便聚下舊，趁今天下午沒有什麼事，就去探望這老朋友，朋友家人還在執拾家居，朋友就同我去樓下的小菜館邊食邊傾，小菜館全名是煮打菜打冷小菜館，睇到入門口的位置貼有相片，原來有這麼多明星來食過，還有得獎獎狀，食物應該有保證。味道應不錯！啖啖肉的鮮鵝片夠入味，林得黎又有點口感。京都上肉排，肉質鮮嫩，味道酸酸甜甜，開胃的一道菜！肉絲炒麵夠鑊氣，麵是用幼麵，炸得卜卜脆，非常香口，肉絲、銀芽、韮黃、紅羅白絲等加埋個玻璃獻汁，好好味！最後加多樣芝士焗大蝦伊麵，因為見到隔離枱食，食客讚口不絕，我們也叫返碟試下,果然不錯，蝦好大隻又彈牙的，而且份量都會不少，芝士汁濃郁，夾埋大蝦伊麵食，滋味又惹味！朋友聚舊，美食當前，少不了啤酒。

今天放工幫住在筲箕灣的同事拎野回家，同事客氣請我到她家附近的煮打菜打冷小菜館食晚餐，佢話時常都有來食，食物水準不錯，而且食物多樣化，有潮州打冷、中菜小炒等，今晚我就不客氣了，試試這間菜館！菜館地方整潔，還得過獎！鮮鵝片：打冷首選當然是鵝片，滷水鵝是潮州菜最出名的名菜之一，而鵝片是整隻鵝最厚肉的部分，將鵝胸肉起骨切片，點些調製過的醋食，真的美味無窮，鵝片入味得黎又啖啖肉，還有滷水豆腐墊底，亦嫩滑入味，好味！豉油皇鵝腸；同事知我喜歡食鵝腸，立即叫了一碟，鵝腸加埋墊底的銀芽一起食，十分爽口！芝士焗大蝦伊麵：這個有驚喜，大蝦真的好大隻，爽口又彈牙，伊麵撈埋芝士汁食，非常惹味。值得推介！

今晚在筲箕灣吃晚飯，發現這家小店頗有人氣，門口張貼了不少明星與廚師的合照，想必也不錯。晚上7時，餐廳的顧客不算很多。裝修簡單，燈火通明，設有卡位和圓檯，與一般的茶餐廳相差無幾。餐牌選擇很多，有打冷、小炒、粉麵等。⭐️老火例湯$22以真材實料，以冬瓜等配料熬煮，清熱解毒。⭐️滷水拼盤（細）$82有墨魚、紅腸、腎、腩肉、大腸、生腸、豬耳和鵝腸。第一次吃那麼多內臟，內臟很爽脆，感覺很有趣！⭐️菠蘿生炒骨$82排骨是我的最愛，一定要試一試。火候夠，入口外脆內熱，熱騰騰的，很好吃呢！⭐️生炒牛肉飯$70份量夠，兩個人也吃不完。將牛肉切丁，肉味不算香，但勝在飯粒炒得乾爽，有嚼感。▪️這家店的菜式不算特別，味道也不夠驚艷，但情味不減。相信這家店是附近街坊的食堂，當晚所見，不少都是老顧客呢！

煮打菜的菜式選擇有很多，最出名的是爆牙肉餅，亦曾經獲過美食獎，今晚一定要試下！坐正廚房隔壁，飄來陣陣的滷水香。見師傅不停為滷味淋上滾燙的滷水汁，場面實在太吸引，立即要order一份滷水鵝片。滷水鵝片 $88排列整齊，傳來淡淡的滷水香氣，賣相很好。鵝片切得夠薄身，肉質尚算嫩滑，入口油香四溢；豆腐亦很出色，索晒滷水汁同鵝嘅精華，質地挺身又夠滑，唔錯唔錯！魚香茄子煲 $78熱辣辣，香噴噴！茄子和肉碎都帶有咸香和微辣，惹味非常，而且出奇地沒有太大的油膩感，用黎送飯真係一流！銀魚爆牙肉餅 $92最期待的肉餅最後先登場，連埋蒸籠一齊上，上面灑滿銀魚仔，䓤花和芫茜，賣相很好。肉餅厚身過隻食指，下面墊著荷葉一起蒸；銀魚仔係炸過的，為整碟肉餅帶來咸香之餘，口感豐富而有層次，正肉餅爆牙的秘訣，就係加入咗切粒嘅豬耳！豬耳的爽彈口感，再加上淡淡的荷葉香起和炸銀魚的咸鮮味，將本應平凡的蒸肉餅，提升了不知多少個檔次，難怪這味菜會獲得美食獎，真係實至名歸！煮打菜水準穩定，價錢親民，會經常幫襯

東區人都知筲箕灣多野食，唔知你又有冇食過呢間煮打菜呢？街坊個個都知，經常同朋友去飲酒打冷👍我心中首選我同朋友晚上9:30才入座，都還有不小人繼續入座，店員服務態度好好，好街坊朋友的感覺基本打冷潮洲菜，小炒小菜，朋友話要試白蟮煲好正，冰凍啤酒，夠凍啊蠔仔粥$48超大碗，夠兩個人食，肉碎好入味，蠔仔夠新鮮，而且鮮甜，比其他打冷店的粥更出色，那個鮮味完全吊出黎，值得一試滷水拼盤$82紅腸，墨魚，豬大腸，豬耳，鵝腸，生腸，腎，份量多，底部有芽菜，好入味，生腸，豬大腸洗得乾淨，配埋秘制辣椒油，醋，效啤酒一流👍白蟮煲$208新鮮白蟮，即叫即整，有兩種口味可以揀，蒜蓉果皮和香辣口味，我們揀了香辣口味，未上台已聞到香味同聽到滋滋聲啦，好野味，蟮肉爽，鮮甜，啖啖肉，差個白飯，但甘夜唔應該食白飯😂

東區收工既朋友要搵個多嘢食既地方食飯，唔係鰂魚涌既話就係筲箕灣喇。聽住既同事介紹過佢屋企樓下有間好食既打冷，而我又好耐無食過，所以今日就特登約咗都係港島區做嘢朋友一齊去。星期一既平日去，唔算太多人，不過我地坐低咗之後都慢慢開始多人。打冷就梗係要個滷水拼盤做前菜，我地都叫咗個細嚟食下，好快就到咗，而且料都幾多，每樣都有四五塊左右，啲豬大腸都幾好食。叫條魚係必然嫁喇，我地就叫咗條「大眼雞」，佢係時價，我地食既當日就係做緊$158。好多魚肉！再叫咗個打冷必點既蠔餅，「潮式爆花蠔餅」，個餅入面既蠔有好多，而且又好大隻。最後就係咗「啫啫通菜煲」，一嚟到就聞到好香，食落去都好好味！

山長水遠入到筲箕灣搵屋企人食飯，順便搵下附近有咩好西可以比我去一探究竟🤟🏿🤟🏿比我係附近搵到呢間叫菜食飯既小吃館！同屋企人最岩就係食中菜！一入餐廳門口已經見到我既最愛😍😍滷味！我最中意就係食滷水鵝❤❤之後我一坐低就二話不說叫左個雙拼🎉🎉鵝拼鵝腸😘😘先講鵝腸！大條得黎又夠爽口😎滷得又夠入味😛😛到啲鵝肉！真係又入味又鮮嫩🤟🤟配埋啲酸醋點綴一下🎊絕對係冇得彈！之後我再叫左個避風塘炒鱔！惹味得黎又脆卜卜咁！如果加啲喼汁比我，真係白飯都可以食得幾碗😊😊鱔最緊要夠新鮮！咁啲鱔肉先至會好似佢地咁整得咁淋咁易入口🤘🏻🤘🏻😆但係好熱氣 好有鑊氣最後仲有一個腐乳炒通菜！鑊氣夠😛腐乳味又夠濃郁😋😋點可以吾食呢？好新鮮既青草❤️真係吾叫吾得！小菜館家庭味道濃厚！最岩一家大細黎食下地道既廣東小菜🙆🏼‍♂🙆🏼‍♂

丈夫與我連同3位老人家諗住試下新野，致電問5位使唔使訂位，女職員話6:30pm, 最低收費$600，我回應咁都要？職員照問電話，名，收線。到達後，有很多空枱，坐滿只3成。見到隔離叫餸都唔夠$600，問職員，職員話訂枱要收最低消費 walk in 唔使。我話我致電來時無話walk in唔使，職員似是說所有客人也要收min charge. 但那女職員態度惡劣地勁串回應，你無問，緊係無講，打電話黎都係訂枱架啦…雖然唔係我聽 但我地會講訂枱要最低消費.她完全沒有道歉之意，好似埋怨我聽錯講錯。嘩，聽到我勁嬲，仲話你而家可以走當取消，但我比唔番枱你囉。我帶住3位老人家咋，否則，即走!我覺得你點好食都假，咁嘅態度想街坊幫襯都難，價錢不是問題，問題是你的態度完全當食客有錯，你又話不是聽電話那個，你點知職員點講呢，咁肯定客人錯？你一句唔好意思，或言語間誤會，已可緩和食客不滿，你卻要出逐客令，食客都不多，仲要咁嘅態度，真的不知你們可守住餐館幾耐。總之以後不會推介及幫襯。希望快點看到另一家新菜館。

近期食咗太多泰越菜式, 要食返啲中式菜先得! 放工就同同事即興去咗筲箕灣嘅煮打菜食打冷小菜! 同事唔食鵝肉, 但嚟到打冷又可以唔叫番啲潮式打冷呢！滷水併盆 (小) $82 ~ 併盆有墨魚, 紅腸, 腎, 腩肉, 大腸, 生腸, 豬耳, 鵝腸。滷水汁調較得唔錯, 味道喊淡度恰好,生腸,豬耳好爽脆, 墨魚爽口彈牙, 其他的也夠晒入味!呢到嘅招牌菜~必食蒸選~都唔能夠錯過吖!籠仔荷香蒸爆牙肉餅 $92 ~ 肉餅有(咸蛋/土魷/鮮魷/銀魚/咸魚/梅菜)等6款配料可選擇, 我就選擇咗其他餐比較少有嘅銀魚嚟作配料,肉餅佈置銀魚仔乾, 好香口嚼勁, 肉餅底墊有荷葉來蒸, 帶有微微的荷葉香, 肉餅厚薄適中, 好有肉汁, 一齊食好有口感! 原本已有大蝦伊麵而沒有叫白飯的都忍唔住要叫一個飯嚟肉餅撈飯 始終肉餅配白飯先係最佳配搭!芝士焗大蝦伊麵 $188 ~ 伊麵送到上檯時溢出濃郁的芝士香氣, 嗅覺已經即時享受咗芝士汁好creamy 一點都唔膩, 大蝦有8隻, 每隻都啖啖肉! 伊麵我個人就喜愛較硬身的, 所以就覺得有點腍! 整得味覺都很不錯打冷配啤酒🍺 一個字爽Asahi $25下次可以一班朋友嚟再叫多啲餸

去筲箕灣搵朋友食飯，朋友介紹話呢間潮州打冷好好食，個名都好得意叫做「煮打菜」。食潮州嘢梗係要叫條潮式凍烏頭😋，例牌鵝片（淨肉），同一份潮式爆花蠔餅🤤，同打冷最緊要配支啤酒🍻。無諗過上菜d食物咁大份😍！條凍烏頭大大條，食落啖啖肉一d腥味都無😋，經鹽醃過令到魚肉好鮮甜美味，但食落又唔會好鹹，味道一流👍🏻。鵝片大大碟都係$88，鵝片啖啖肉，再落左微暖嘅鹵水汁，更添香味👍🏻。鵝片帶有少少肥肉，食落又唔會覺得油膩，豆腐唔會好硬，真係好食夾大件😂。份潮式蠔餅，蛋味香濃，勁多蠔仔而且咬落啖啖肉，一d蠔腥味都無，咬落有d蔥花增加口感，炸得香脆可口，唔似出面食果d咁油「笠笠」同林哂。啤酒用左不鏽鋼杯，可以保持冰凍，好細心👍🏻。下次再嚟筲箕灣，一定要再試埋其他嘢食😆。

一直好想食打冷菜式，但自己就一直搵吾到邊間好食。星期五放lunch個陣，經同事介紹後得知筲箕灣有味道出色既打冷小店，所以當日即刻去訂位了！店舖果然好多食客，幸好訂了位，所以好快就有位置坐。環境尚算大，位置坐得吾會逼呢！芝士焗大蝦伊麵：本人必推介首選菜式！首先，大蝦數量非常多，滿佈伊麵上，每隻大蝦同樣地爽口又大隻，帶有鮮甜味，無黑蚊蚊既蝦腸咖！芝士亦足夠佈於伊麵。連同伊麵食用，味道的確十分配合，麵質彈牙，超級好味！豉椒鵝腸：本人又再推介小菜了！餐廳以豉椒製成，令到整碟鵝腸惹味度大大增加。每一條鵝腸刀有清洗到乾乾淨淨，絕無帶肥膏咖！口感非常爽口，又是超正呢！鵝片：食得打冷野一定食埋鵝！由於我同同行朋友人數不多，所以order了鵝片！肉質滲出不少肉汁，十分香口又嫩滑。底下仲有豆腐片，份量同樣吾少！豆腐十分香滑啊！蜜椒薯仔牛柳粒：想食甜野既朋友，不仿考慮一下！牛柳粒吾硬身，仲帶香口既味道，牛味十足！薯仔才是真正的重點！薯仔十分香脆，由於以蜜糖製成，所以每粒刀好甜身，好似一道甜味呢，一樣好食啊！