同朋友行起荃湾行完街肚仔饿，见有职员派传单好有礼貌笑容有好就去帮衬下原来呢间车仔面系新开张。铺头细细但五脏俱全。老板话主打做外卖。不过亦有位置做堂食。望望点餐纸面底同𩠌最平$7 , 叫3个𩠌同面加埋都唔洗$30蚊! 系穷人既恩物啊, 粮尾既饭堂。两个人叫既野都唔一样念住试多啲唔同款。一碗叫左咖喱鱼蛋、生菜、咖喱鱿鱼须同猪大肠。另一豌就叫左鱼片头、鸡翼尖及南乳猪手。咖喱鱼蛋属于实身口感。即系唔系煮得耐会膨胀果款。有咬口同咖喱味好香。咖喱鱿鱼须用的系发水土鱿，大大片份量足。猪大肠炖到好淋而且处理得好干净无异味。鸡翼尖同样好够味。南乳猪手炖到好淋至离骨。总括黎讲系性价比高的车仔面。老板重会同客人沟通问问食客意见改善食物的品质。睇得出系要有HEART 的老板。小店系值得支持。行过会再帮衬。…查看更多
