煌記車仔麵 (已結業)

同朋友行起荃灣行完街肚仔餓，見有職員派傳單好有禮貌笑容有好就去幫襯下原來呢間車仔麵係新開張。鋪頭細細但五臟俱全。老闆話主打做外賣。不過亦有位置做堂食。望望點餐紙麵底同餸最平$7 , 叫3個餸同麵加埋都唔洗$30蚊! 係窮人既恩物啊, 糧尾既飯堂。兩個人叫既野都唔一樣唸住試多啲唔同款。一碗叫左咖喱魚蛋、生菜、咖喱魷魚鬚同豬大腸。另一豌就叫左魚片頭、雞翼尖及南乳豬手。咖喱魚蛋屬於實身口感。即係唔係煮得耐會膨脹果款。有咬口同咖喱味好香。咖喱魷魚鬚用的係發水土魷，大大片份量足。豬大腸燉到好淋而且處理得好乾淨無異味。雞翼尖同樣好夠味。南乳豬手燉到好淋至離骨。總括黎講係性價比高的車仔麵。老闆重會同客人溝通問問食客意見改善食物的品質。睇得出係要有HEART 的老闆。小店係值得支持。行過會再幫襯。…查看更多

車仔麵大多數香港人都鐘意食，而我都唔例外，咩都自己話事，唔會好似茶記咁set死哂，轉條腸黎食都話要加錢咁老土。另一原因好抵食叫3樣餸30蚊都唔哂，湯底係每日用新鮮豬骨同雞等食材熬製而成，無味調，好鮮甜，而且材料好新鮮，主打秘製豬手、牛腩等等，份量又多，正。 豬手煙韌入味，少食肉個既我都覺得好好味，食豬手仲可以補充骨膠原呀。⭐️秘制辣醬一定要試， 出面食唔到呀。⭐️9點後3餸都係$25 P.S 支持小本經營…查看更多