無休館 (已結業)

0的侍應好似唔想理你咁, 態度又寸, 問佢地0野佢地又唔知答乜, 食物一般, 我以後都唔會去呢度食!!!

如果純粹係想食裝修, 大家不妨選擇呢度. 食物同service完全係唔得. 無可否認, anytime係好有心思去design食物, 但係好可惜係有心冇力. 賣相係ok, 食味就完全唔得. 食過0個個炸蟹餅, 我真係發現唔到有一絲蟹肉0既蹤跡, 蟹柳都冇, 點叫做蟹餅. 而且一入口.... 成口都係油, 有冇攪錯呀?? 點食呀?? 總之對佢既出品就好失望!!服務就簡直欠佳, 漏左單, 又唔幫你追單, 淨係識得話黎緊, 等陣. 等到我走都唔黎. 都唔知有冇攪錯. 而且佢d侍應又係扮野能手, 最叻就係扮盲. 乜都睇唔到, 咁樣點得架??

上次去食已經係幾個月前既事，但係當時既水準並無大家所講咁差，但我承認你比出黎既＄好大部份都係比左係名氣同裝修上，因為佢既野食唔係咩高成本製作，但係都收幾貴下，份量唔大，質素一般，係ｄ果汁幾新鮮特別，有少少似ｅｘｐ／．

出名的冰火波蘿油.個包唔夠熱.舊牛油唔夠冰.波蘿白汁雞肉熱多士冇波蘿.汁冇白汁味又唔似芝士味.唔知咩汁黎.服務員冇笑容又善忘.食客入黎係醫肚.唔係食裝修咖!

這是一間有用心去裝修, 但無用心去做食物的餐廳....地點它選擇正確, 人流夠多, 但如果質素不好, 人流多是反效果, 因為會幫你唱衰....<br>請努力改吧....

又一間高檔餐廳格局，但以售賣港式茶餐廳食物為賣點的餐廳，水準卻教人失望。乜差咖哩雞飯只是一味靠辣，絲毫沒有半點咖哩的香味，雞骨又遠遠多於雞肉，一個50多元的碟頭飯竟然如此濫竽充數，實在令人光火，連一杯20多元的蘋果茶也淡如清水一樣，完全是沒有誠意的表演，叫人無法有衝勁再光顧下去。

酒店價錢、茶餐廳食物。

雖然係餐廳格局﹐價錢又係中上﹐但野食係茶餐廳料﹐無咩特別﹐個次嗌左個炒牛河﹐咩炒飯﹐吾記得啦!仲叫左兩杯野飲﹐每人要成60至70蚊左右啦﹐本應一餐飯o既價錢都要咁上o下啦!但我俾咁o既價錢﹐如果要我食番茶餐廳o既野。咪吾抵lor.D野又吾係好好食喎﹐好油呀>_<服務都幾茶餐廳lor...........

事實上依間餐廳既quality唔係真係水準咁高,好多野都係好普通,價錢方面我又覺得唔值囉!d野食實在好"平民化",試過較特別既"炭燒豬頸肉"同埋"黑汁雞翼"~前者幾惹味,不過唔係好夠熱,后者好濃味,同埋太咸!至於主菜係"俄國牛柳意粉"好普通...普通到我已經唔記得有咩咁特別囉!我諗依間餐廳for tea time會幾好,dinner既係銅鑼灣區有大把choice啦!

位置好就腳,價錢唔算貴,o野食又唔係好油,金華火腿旦白炒飯,家鄉餃子,可以一試,果汁都算ok,不過都係有溝水, 燒豬頸肉麻麻地環境ok la,不過唔坐得耐.初初開張,D侍應態度好差,而家就好o左D

西多士內的是麻茸餡,很特別,味道不俗.家鄉餃子味道也不錯.服務有改善.

前天到此吃了西多士和家鄉餃子,味道不俗.西多士內的是茸餡,口感特別.家鄉餃子餡中多菜,不會太膩.

翡翠明珠入面，呢間算比較貴。不過格局High Ｄ，裝修又靚Ｄ，差唔多o拉！試過生果茶，唔錯，好香。我自己比較鐘意唔落糖！其實同普通齋紅茶冇乜大分別，不過有好香生果味。聞下有Ｄ醒神的感覺，最o岩行街行到倦o個陣，入o黎坐下，飲杯茶，舒服～！仲試過蝦多士，份量小小，普普通通！呢度夠就腳，氣氛比食物好，飲下午茶不錯。

有奇華中式餅食, 幾搞笑~今晚係第一次去, 都OK啦~燒豬頸肉($28) - 有十塊左右, 太腍, 一D 都唔似豬頸肉~ 但係個sauce 幾正, 唔知係咩牌子呢? 金華火腿蛋白炒飯($52) - 幾特別, 不過D 金華火腿唔應該就咁鋪o係面, 應該同D 飯炒埋一齊, 咁就會香好多, 味道唔會火腿還火腿, 飯還飯~ Anyway, 可以一試~泰式雜錦湯米- 靚版車仔麵? hhaha~ 有魚片, 魚旦, 牛丸, 雞絲, 同土魷~ 無乜特別, 不過落o左魚露就好D~鮮橙汁同鮮西瓜汁, 係真果汁, 唔係化合物~ 不過係一早搾好一jar, 放o係雪櫃, 唔係即搾, 有D失望~埋單$181, OK啦~唔好坐bar 檯, 無椅背, 坐完好累~ v_v

價錢唔算貴,只係比正常的貴1,2 蚊,不過係唔抵.表現番佢係明星開o既,唔係cheap o野.入親o黎都係飲果汁,$20 ok 啦~都幾真材實料的.同朋友搵地方等人就o岩lor, 因為杯果汁好飲o既關係會好快飲晒,唔係咁o岩打躉吹水...而食飯,本人都覺得唔係好適合,一來冇乜o野你揀,二來唔抵食.