無休館 (已結業)

1. 杏仁奶茶: 此茶是放於一個茶壺內呈上的，最初以為只是一般加入杏仁粉的奶茶，但發覺誰茶上有泡，估計應該是用杏仁即blend而成。而飲落真的有一粒粒杏仁碎，味道香濃，唔錯唔錯!2. 奶醬厚多士: 不是用粗粒花生醬，味道一般而已。3. 港式奶茶: OK。

前日(即星期日)同男朋友去銅鑼灣行街，由於佢冇食到Lunch 就出街，所以我同佢會合之後就即刻去食野喇!諗0黎諗去都唔知去邊度食野好，最後就決定左去Anytime 食野喇!一入到去，侍應生就問我地食唔食煙既，咁我地就話唔食，跟住佢就帶左我地去一個所謂既"非吸煙區"坐低喇!我一坐低，就發現到隔離檯、甚至係附近大多數人都係食緊煙既!!呢間餐廳好似冇乜點分"吸煙區"同"非吸煙區"咁嫁囉~　既然係咁，點解我地一入0黎既時候佢就我地"食唔食煙"呢?呢間餐廳‧‧‧就滿佈左二手煙既味道!!講番野食喇!! 我地就叫左兩個下午茶餐。男朋友叫左豬頸肉炒意粉= 食到少少辣味，味道一般，份量好少。我就叫左個叉燒湯烏冬= 因為上次食過覺得唔錯，所以今次就再叫。但今次食‧‧‧就覺得冇上次咁好!整體感覺: 服務= 叫左侍應幾次先回應，就連叫埋單都要叫幾次...味道= 一般，梗係冇上次咁好!價錢= 都幾貴。下午茶around 都要$30-$40。( 因為今次呢間餐廳比我既感覺真係扣左唔少分，所以我諗我短期內都唔會再去! )PS. 如果大家鐘意食二手煙既話，呢間都可算是一個唔錯既選擇!!

我男朋友未食lunch, 所以就同佢去左呢度醫肚。上次去過位於尖沙咀的舖頭，覺得唔錯，所以今次又試0下去呢間睇0下水準有冇出入。我叫左個叉燒烏冬- 叉燒味道可以，雖然係半肥瘦，但我仍然覺得太肥了。烏冬唔係我地平時食開既烏冬，有D 似上海麵咁。男朋友叫左個黑汁牛肉河粉- 黑汁其實就係類似蠔油咁既物體，就咁睇落好似好咸咁，但食落都唔係好咸。呢間既環境都ok ~ 幸好係tea time, 人客並唔多, 如果唔係我就好驚猛吸二手煙，因為呢間野冇劃分吸煙區同非吸煙區，呢樣野有待改善!雖然係下午茶餐，但其實價錢都唔平‧‧‧

i went to the one in Centralthe enviornment is not good.but the food is quite OK.price is barely reasonable.worth trying.

昨日一早上大陸開會，冇乜好野落過肚，番到香港四點幾，馬上call埋太座出去搵野食。上左呢度整個tea。分別叫左碗叉燒烏冬同豬扒包。個叉燒烏冬的叉燒切得太厚，略肥，烏冬不夠爽不煙韌，湯底咪精頗重。而個豬扒包的豬包煎得不夠香脆，麵包亦不算新鮮，用成四十蚊叫個飽加杯野飲，唔太抵。Anytime 早排俾奇華餅家買起左，其實在店裡搞d 唐餅餐之類，可能更有創意。

環境不錯，上菜快，數人光顧送小食，但次次都是送同一款．

看戲前醫肚，order 了：1) set dinner -- 忌廉湯配法包一片&麵包一個、煙三文魚天使麵、芒果布甸、餐飲~2) 特式沙律-- 除菜外還有蝦、煙三文魚、芝士、火腿、牛脷。此店服務甚佳，店員態度積極亦有禮。原先order了泰式燒牛肉沙律，可惜我們感覺其太辣，且亦不太愛牛肉太生有血水(老實說，此店的牛肉做得甚好，顏色新鮮、呈半生熟的)，故吃了一兩口後對店員說不想要了，而他們不但連說抱歉，還讓我們另選其他菜式代替！~

價錢OK，食物OK，裝修同D桌位都幾特別，但係有時逼得滯，人太多，太吵。

食物貴而無味/怪味,又細碟坐不舒服,狂食二手煙侍應態度過得去

叫了個set dinner $75有一杯飲品,龍利三文魚波菜麵,蕃茄大蝦焗飯,豆腐牛肉滑蛋炒米粉,都算偏貴,食物唔錯,都幾別緻,但食物偏淡,無乜味!上菜好快,但好趕頭趕命,環境好嘈!!

食物可以, 但服務非常一般, 一走完就不停幫你抹檯, 仲即刻收埋你杯水, 完全是"食完就好走啦"的意思.

除左銅鑼灣, 尖咀都有一間, 但d服務就認真差, 環境又嘈, 不過食物水準尚算ok囉, 如果唔怕坐低之後叫天不應叫地不聞, 而落錯order, 仲話之前覆述時你又唔更正的話, 咁都算是唔差的餐廳.

今晚第二次幫襯ANYTIME﹐不過今次係銅鑼灣分店﹐環境好似好過尖沙咀分店少少啦。食左﹕荷香飯$58﹐可以話係失敗﹐色水同SIZE都OK﹐但可惜﹐真係唔好食﹗“荷香飯”居然完全無“荷香”﹐“飯”又太乾﹐點算﹖一D都唔值$58 。。唔理健康唔健康問題﹐難聽D講句﹐十幾蚊去惠康買微波爐荷葉飯都一定好味過呢個“荷香飯”。。洋蔥叉燒飛碟﹐食就幾好食﹐但其實只不過係將叉燒包的餡料放入方包度整飛碟﹐但餡料足﹐味道好﹐$25雖然亦係貴﹐但係都算OK 啦。西米布甸- 好味﹐夠熱﹐不過布甸個面又硬又“乾憎憎”﹐應該係翻熱過的了﹐但算好味﹐都無所謂了﹐不過又係好貴﹐$25﹗我話$15 就差唔多。另外一杯越式滴滴冰咖啡﹐都唔係好掂﹐份量太少﹐等到滴晒落去杯度再倒落冰﹐都只係得7~8成滿﹐而煉奶份量亦唔多夠﹐唉。$20幾蚊一杯架﹐都係“和河粉”的抵D。結果係一個荷香飯﹐一隻飛碟﹐一個西米布甸+ 一杯滴滴冰咖啡﹐埋單約$140。你覺得抵唔抵﹖我就覺得唔抵了。

-冇乜特別<br />-食物一般,欠水準<br />-名過於實<br />- 服務都係一般<br />芝士焗西蘭花似係水烚多過似係焗

侍應超寸!! 服務態度奇差!!!