影片
港铁葵兴站 E 出口, 步行约6分钟
继续阅读
营业时间
星期一至四
12:00 - 15:00
18:00 - 00:00
星期五
12:00 - 15:00
18:00 - 02:00
星期六
18:00 - 02:00
星期日
全日休息
以上资料只供参考，请与餐厅确认详情
凌晨冇嘢食先宁愿买贵少少帮衬下，结果又难食又少份量。本来都唔系个啲打惯食评嘅人，但食到一半，觉得唔忿气，先影低几张相出食评。寻晚凌晨一点半左右叫咗外卖自取，一个叉烧饭，几个串烧，埋单都$180。15分钟后落去，佢话未有，要再等20几分钟，咁就叫佢ok先打电话俾我地。结果去到2点半都仲未打过黎，于是就落去，佢话仲有个虾烧紧，好快。等个串烧等差唔多1个钟，真心已经饿死。一盒饭，串烧就三个大盒装住。4盒野，仲要分开2个袋，以为好多嘢啦，结果牛得两粒，加多两粒葱；猪颈肉得两块；虾得一条。大佬你一个纸袋都装得落啲串烧，做咩搞咁大阵仗。味道方面真系一言难尽。首先叉烧饭系好食嘅，之前都食过，所以今次叫返。叉烧肉同汁都正，饭因为有豉油所以都好食，同埋有啲菜同温泉蛋，不过不失。然后到串烧。之前冇食过，所以中咗伏。牛得2粒，韧到乜咁，咬都咬唔到，不吃了。猪得2块，冇味，有啲冻。虎虾得1条，有腥味，烧得唔靓，唔想食。牛油金菇，呢个都好难整得难食，系有啲少份量。芝士蛋大啡菇，呢个价钱𠮶旧菇唔算好大，正常嘅。但系一切入去就有好大个蛋黄，蛋黄鞋飒飒一粒粒，破坏口感。菇冇咩味，不过好在佢多汁，唔干。总结：饭系好食，不过希望多啲配料。一个钟头等来嘅串烧真系好失望，好难食，好垃圾。门面同外卖包装整到几靓都冇用，金玉其外，败絮其中。明白凌晨食物性价比唔高系正常，不过好多出面嘅串烧凌晨都又平又好食，唔需要系呢到食。去食隔离7仔或者宁愿行远啲食m记都唔帮衬个串烧。
继续阅读
两只蚝两只扇贝 加一个牛肉饭 $160非常垃圾叫M记好过，牛肉饭啲牛薄过$5银，唯一可以赚就系啲蛋同啲饭，冇多余钱嘅人真系唔好去食，非常失望，招牌好靓但系嘢食垃圾🥱
继续阅读
外卖返到屋企，满心欢喜见到个铝盒装住好有诚意一打开啲盒，野食系暖同冻之间，冇乜温度（可能我过左十分钟先食，唔紧要啦下叫左烧生蚝、烧金菇、猪颈肉、牛脷、安格斯牛粒、大啡菇、鸡软骨、鸡肾烧生蚝真系生嘅，食完有少少顶胃希望系心理作用烧金菇似系半生熟，冇味嘅，自己加味粉落去猪颈肉、鸡肾、牛脷，又薄又硬安格斯牛粒几林，不过得2粒，加2旧大葱唯一好食系大啡菇，加左自家辣粉先放到入囗第一次喺呢度出post，二百几蚊嬲到相都冇影就食左希望店舖𠮶边可以认真改善
继续阅读
懒人外卖精选⭐️今日咁岩经过葵兴呢条街先发现原来呢度有几间专做外卖嘅餐厅，仲要有一间系食串烧同埋日式饭，啱晒我今日嘅心情。唔想煮饭，呢度实在经济又实惠！串烧款式都多，经过嘅时候已经闻到好香。可惜如果要食嘅话都要等15至20分钟。由于好肚饿嘅关系，我只系叫咗两个饭外卖就算，唯有串烧下次先试。⭐️慢煮安格斯牛丼饭 $68安格斯牛慢煮得啱啱好，大概五成熟，肉汁啱啱锁得住，有牛味。加上佢个温泉蛋煮得好好，捞埋啲饭一齐食，简直系将个饭升华左。⭐️西班牙黑豚叉烧饭$64呢个真系有惊喜，叉烧肥瘦平均，Ines好完美，油香味重，温泉蛋捞埋豉油日本饭，令到本身好想食饭嘅我都忍唔住系咁食🙈
继续阅读
本人从来未post过任何食评，今次不得不评价D串烧，好可惜无影到实物相，得张单。金菇我真心怀疑系无烧过(我用微波炉丁绝对会熟过佢)。大啡菇佢又无错嘅，就真系一个大啡菇有少少盐同黑胡椒(呢个熟嘅，放到入口咬)。多春鱼睇落去好似好香口，咬落去系7成熟(有烧烤嘅朋友都知，7成熟嘅多春鱼系 腥味)。牛肉同鸡肉1串系得2旧(一旧肉就一旧京葱一旧肉再一旧葱，完！)，牛肉尚可但鸡肉系白烚加盐(相当健康)。鸡软骨同鸡肾系最正常(都唔系话出色，屋企自己用气炸㶽一定更香口)，好彩嘅系打左落去叫定先攞，无浪费到脚力企系到等(23:52落嘅单，00:45分攞得，用时1个月烧出呢d食物)
继续阅读