燒魂貓 (已結業)

本人從來未post過任何食評，今次不得不評價D串燒，好可惜無影到實物相，得張單。金菇我真心懷疑係無燒過(我用微波爐丁絕對會熟過佢)。大啡菇佢又無錯嘅，就真係一個大啡菇有少少鹽同黑胡椒(呢個熟嘅，放到入口咬)。多春魚睇落去好似好香口，咬落去係7成熟(有燒烤嘅朋友都知，7成熟嘅多春魚係 腥味)。牛肉同雞肉1串係得2舊(一舊肉就一舊京蔥一舊肉再一舊蔥，完！)，牛肉尚可但雞肉係白烚加鹽(相當健康)。雞軟骨同雞腎係最正常(都唔係話出色，屋企自己用氣炸煱一定更香口)，好彩嘅係打左落去叫定先攞，無浪費到腳力企係到等(23:52落嘅單，00:45分攞得，用時1個月燒出呢d食物)