影片
港铁尖沙咀/尖东站 N2 出口, 步行约3分钟
继续阅读
开饭介绍
占地万呎,舒适的独立卡座,派对专用VIP房,过百款日式料理任君选择
继续阅读
营业时间
星期一至日
16:30 - 02:30
以上资料只供参考，请与餐厅确认详情
真系激死我，我同老公去庆祝两周年，唔知食咩好，咁行到呢到楼下，有个派传单既男人话，试下啦，送日本生蚝你地食！我地起初都唔去架，但四周无咩好食，就试下！一入去，地方几舒服，我仲好开心 。但。。剌生黎到后，恶梦开始， 送的一客剌生，有帆立贝，我一食。。。哗。。元贝吗？完全无味，又实，难食。三文鱼可以。饮品味道好奇怪！最后一定要讲个日本生蚝，一见到就唔想食，无壳包住，好似桶蚝，共四只。我老公试第一口，即刻吐出黎。 埋单每位260左右。。。 大家，拣放题要小心，我不会再黎！
继续阅读
食日本放题,梗系要order 必要既刺身啦! 呢度既刺生头轮原来会砌到靓一靓,放系碎冰上面上架㖞! 夹一旧三文鱼入口,唔~~真系好冻,但系D肥膏系口又觉得好好食XD再来一旧吞拿鱼,肉质结实,最好就系缓和三文鱼既肥腻感!咦?呢度D甜虾咁大条既?唔系呱!抆左虾尾,连埋虾头一齐啜入口...阿~~虾肉好啜牙又鲜甜,虾膏又甘口,一个字鲜! 见到有烧野食,唔洗自己烧梗系好啦! order 左烧一口牛chicken wing, 烧粟米茄子等等...最好食其实竟然系茄子,香料蒜泥下得足,香辛可口!死啦!食食下唔记得影相,好在,仲有呢度我认为都系好食既炸物,炸虾同甜虾一样出色,好奇怪老板点样入呢D靓虾,因为好少2样生同熟都好食! 值得一提呢度个炸薯饼都好好食ga!不过唔系M记个种,系日式个种,入面渗左少少芝士,更加香口!最后我地用雪糕作结尾,老实讲,甜品就冇咩特别啦!但食左成晚油腻野,点都要清清个味蕾
继续阅读
好耐无写食评了。但今次真的想推介下俾大家。呢间野系三个月前有人介绍我食。话系新开张仲有学生半价$113位。当然好吸引啦。胆粗粗去试下。一食食左3次。估吾到9月都仲有半价。仲要大专学生证都得。先讲环境：间野新开。加上吾系大街要开地图先揾到（系m记对面）。入到去地方好大。主要以卡位的座位。所以吾会好似平时食其他放题甘坐到好逼。倾计谈心都自在d 。洗手间好干净同企理。不过间野个冷气都几冻。所以每次都会带件外套服务：d 侍应服务好好。有礼貌同埋有效率。特别女侍应超好服务态度。上菜速度：都好快。好少漏单。不过有时写2串串烧就自然多一两串食物种类：好多。串烧最好味。问过个女侍应。佢话呢间系同烧魂一同一集团。饮品：野饮系自助。有提子汁。橙汁。热茶。汽水。仲有一部自动冲牛奶咖啡。朱古力机。今次我饮左3杯美禄。我男友最喜欢提子汁沟雪碧或忌廉食物质数：沙律：个人喜欢蟹子沙律同烧魂刺身沙律。烧魂沙律系用芝麻酱。我觉得好好味。女孩子最爱。仲有味付墨鱼大大粒好食刺身：一去到会比一盘剌身你。入面有几款。当中三文鱼。希灵鱼同甜虾最好味。反而带子有d 干身同醒左d 。食完呢盘之后我地就只叫3文鱼。因为3文鱼食过几次都觉得吾错串烧：基本上d 选择好多都有齐烧魂一个d 食物。但系有人烧俾你。但有时好睇个师傅烧成点。食左3次。今次d 串烧真系正。牛舌两个人食左5串。佢烧得岩岩好。一口牛都好味。仲有d 虾好大只又吾霉。想食下菜就可以叫烧翠肉瓜。好爽同有水份。另外芝士鱼饼爆多芝士。特别推介。烧菠萝。好少放题会有。我食左4旧。哈哈。钟意食鱼既人可以叫秋刀鱼同3文鱼头。小食： 糖心蛋整得好流心。不过系冻食。酒煮蚬好重酒味。但我觉得几好。我男友就吾太喜欢甘重酒味。另外枝豆就最适合无野做或者消化紧个阵黎咬下。凤爪就麻麻地。炸鱼同薯角都系普通野炸物：天妇罗虾劲好味。d 炸粉炸得岩岩好。炸蚝入面仲有汁。各食左5旧甘多。炸鸡软骨超好口感。见平时出面食都要3十蚊碟。即时叫左2份。不过炸蟹柳。水蜜桃就普通。但食炸野一定要罗沙律酱先美味寿司：一般般。可试或不试。d 饭较松散铁板杂菜。乌冬：太浓味同咸锅类：今次食左牛乳牛肉乌冬锅。我地觉得好食。入面有好多菜。几旧肥牛。成锅清晒甜品：三款雪糕。并不是大牌子雪糕。但有芝麻。豆腐。绿茶总括黎讲。平时我食开x寿同大x屋。相对个度地方就好逼。但个度食物系好食。但就食得好赶急。不过对于旺角兆万个d .我会首选食呢间。因为食物够热多款同坐得舒服。食左2个小时多。间野新开将所以好少人知道有呢间野。家阵做紧学生半价宣传。如果间野能够多d 从不同渠道做宣传生意会更旺。但食左3次都觉得下次系可以再黎。6点半时段188加1。学生就半价9月份优惠。两人埋单226元。但优惠一定要用信用卡结账
继续阅读
有朋友由荃湾放工黎meet我食晚饭,于是今晚我地2个人就谂左好耐,都系决定去食日式放题多过自助餐,点解?因为放题主要要野食款式多,而且鱼生可以大量叫! 唔似自助餐敢孤寒... 讲番食物质素,我要特别赞既系呢度既鱼生质素,我地叫左三轮,虽然头2轮之后就唔系冰盘上,但三轮既份量都令人满意(当然你也无可能填99而expect人地比99块你吧..),而叫得烧魂,都令我想试下佢呢度既串烧,卒之我地叫左牛舌,鸡翼,同茄子等等...牛舌真系几有油香味,配上黑椒2者味道很配合,喜欢既可以点埋佢提供既for串烧既汁,酸酸味味,仲有少少果香tim!鸡翼佢烧得最好就系皮烧得脆脆地,而且肉质不干. 鸡翼既size啱啱好,如果可以好似出面咁拆埋骨就好啦! 之后我地仲叫左冷乌冬同拉面,冷乌冬叫佢多葱又真系有加㖞!个乌冬捞埋生蛋再点汁食,好滑do do呀haha! 呢度最好既就系可以同朋友啤返2杯. 又俾我发现到佢有露台位,一于秋天再同佢黎第二回合\
继续阅读
去农村开日本餐厅等发达，其实真系唔难。只要铺面装修靓靓，挂几块写日文嘅布同板，门口放个日本酒摆设，啲茂利就会以为任何上枱嘅都系日本直送美食。寻晚我同男朋友就系咁样上咗当。喺餐厅楼下见到张剪报，睇落似系报纸访问，话有多年经验嘅日籍师傅驻场。睇落好似唔错㖞，于是我哋就摸上去试下。入到餐厅，装修几好㖞。地方宽敞，每枱之间都有一段距离，咁嘅格局喺放题餐厅嚟讲非常难得。客人唔多，得四五枱，主要坐喺门口一带。餐厅播住up beat澎湃嘅音乐，仲有天空之城同龙猫嘅remix版㖭，加上声浪之大，我差啲以为自己去咗劈场。坐低𠮶吓，即刻有女侍应嚟话会先上一个刺身拼盘，嘢食可以慢慢画，嘢饮就去自助饮品吧自己拎。佢态度殷勤有礼，令我哋就咁堕入天仙局。叫咗几样寿司、军舰同沙律，我就出去饮品吧打个转。汽水有好几种，重有热水同茉莉花茶㖭，之不过绿茶欠奉。为咗弥补不足，店方另外放咗三桶睇落新奇好玩又刺激嘅饮品任君选择。我呢啲大乡里出城，实在少见多怪，忍唔住影低其中一桶公诸同好。埋到位，都仲未知道伏已中，两个人继续黐黐呆呆坐埋一台，热切期待上菜一刻。说时迟那时快，刺身拼盘一个箭步，华丽丽咁登场鸟。谂返真系有少少后悔，我呢个乡下妹居然无影相，白白浪费一个上面书晒命嘅机会。要知道当晚嘅刺身拼盘非一般刺身拼盘可以媲美，我为佢改咗个名－后现代建构主义刺身拼盘。师傅刀功精湛，冰上铺嘅每一块三文鱼、吞拿鱼、鲍鱼、希灵鱼、剑鱼腩、带子同油甘鱼，大细厚薄大不相同，形状毫不一致；甜虾嘅大细长短亦有所差异，有啲仲系得半截嘅㖭。望住呢件五花八门嘅艺术品，我呢个大老粗居然毫无怜香惜玉嘅心，就咁一口吔咗八分之一件带子落肚。就系咁，我就受到日式料理神嘅惩罚。时间彷佛喺𠮶一刹那停止，味蕾上嘅腥味陡然爆发，软绵绵嘅带子小姐轻轻黏上我条脷，难舍难离。我突然谂起以前上逻辑堂时助教讲嘅一番说话：「好嘅日本餐厅会喺刺身下面铺层冰，但系唔代表有铺冰嘅都系好嘅。」我饮啖忌廉梳打，继续挑战其他佳丽。吞拿鱼切到藕断丝连，三四个断层连住上；希灵鱼三尖八角，腥味层出不穷；剑鱼腩同油甘鱼，食落其实差唔多味。成盘嘢就只有三文鱼同鲍鱼放得落口，所以其他佳丽就一直瞓喺冷宫上面，最后为咗唔好留低咁多厨余，我就同男朋友一人一件轮流食埋佢。接落嚟嘅选手系火炙寿司。黑椒吞拿鱼因为带住浓浓腥味，所以无论点干点硬，我都仲可以知道自己食紧鱼。至于芝士鳗鱼同芝士带子嘅质感，简直难以形容，加上卡夫芝士霸道嘅味道，的的确确为味蕾提供一次新体验。神秘嘅系所有火炙寿司上枱嘅时候都系冻嘅，似乎间餐厅系用冰火烧嘅，今次又学到新嘢喇。完咗火炙，轮到军舰同沙律。海胆军舰非常正常，入口𠮶刻我差啲感动到喊出嚟。辣味三文鱼无鱼味，不过有辣味，至少交咗一半戏。层紫菜系全餐厅最新鲜嘅食材，多少可以包实入面旧酸到不行嘅饭团。我哋叫咗冷豆腐沙律、中华沙律同蒜味墨鱼仔。冷豆腐沙律其实就系一般沙律菜加细细粒嘅豆腐淋上日式芝麻酱所制成。入面嘅百福豆腐滑到呢，简直绕梁三日，令我哋完全唔记得剪报话啲豆腐系自家制嘅。墨鱼仔同正常日本食肆提供嘅无咩分别，当然如果无雪咁耐而搞到啲酱汁起粒粒就天衣无缝啦。正当我以为日式料理神比我嘅试炼已经告一段落嘅时候，佢又再次显灵鸟。个中华沙律貌不惊人，顶多系少啲芝麻，颜色再鲜艳啲。点知一入口，哗！忍唔住要将佢即刻出口。𠮶种暧昧嘅口感同奇妙嘅味道，仲奇异过奇异种子呀。男朋友见我惊魂不定，即刻放一大扎入口，咁又做咗个转口港喇。你知啦，食放题有嘢食剩要罚钱㗎嘛，打死都唔好俾个中华沙律滞留啦。于是我男朋友同一个男侍应讲个中华沙律变咗，可唔可以收咗佢。个侍应呆一呆，即系拎走个中华沙律，走咗入厨房。呢个时候我哋都仲未识死，反正钱系咪都要俾，一于同佢死过。男朋友话食日本嘢就好似食女咁，食熟嘅总安全过食生嘅。听落又好似有几分道理，于是就画咗几样串烧、炉端烧，加多个冷面同牛骨汤。落咗单无耐，先前嘅男侍应再次出场。佢非常客气咁放低一个中华沙律，好有礼貌咁道歉，话换咗个新嘅俾我哋。我咬咗一啖，再呕返出嚟，真系一山还有一山高呀。等咗无耐，各样熟食纷纷上场。厨房非常贴心，每样嘢都保持室温，费事我哋热亲条脷。个猪颈肉落咗好多松肉粉，放入口𠮶下真系唔知自己食紧咩。鸡中翼非常纯粹，无腌无烧，入口就知道系煎嘅，上面仲有点点血渍。烧一口豆腐变咗唔臭嘅炸臭豆腐，而芝士豆腐就变咗打边炉𠮶种芝心丸。冬菇食落无咩唔妥，不过望落似系俾唔知咩咬咗两啖咁样。好彩牛舌同一口牛肉尚算正常，所以之后再叫多咗两客。牛骨汤个味道同出前一丁只东京酱油猪骨汤一样，不过话晒系餐厅出品㖞，点会净系得汤呢？所以汤上附送几堆漂流嘅唔知咩肉粒。我望住个汤，我望唔透，我真系唔明点解隔离啲客人会食得咁开心，仲话啲嘢食有几新鲜几好味。最后嚟嘅系冷面。个酱汁带有沙律酱嘅质感，但系带住一股辣味。配上硬身嘅面条、青瓜丝、粟米粒同蟹柳丝，个冷面静静等待下一位勇者嘅挑战。当我默默同兜面作战嘅时候，男朋友去咗洗手间。到我开始怀疑佢跌咗落马桶浸死咗𠮶阵，佢终于笑骑骑咁死返嚟。原来佢去厕所之前特登去咗厨房门口打个转，发现𠮶位所谓专诚喺日本请返嚟嘅日籍师傅讲嘅广东话仲流利过唐英年，睇怕都嚟咗香港四十几年啰。入到去厕所，佢就发现几桶汽水栋喺入面，唔知间餐厅系唔系用可乐洗马桶嘅呢？去完厕所，自然会用枧液洗手。揿咗两下，发现枧液个质地几别致㖞。一望，见到啲枧液适合油性发质，原来系护发素嚟嘅。睇嚟呢间餐厅真系好体贴，甚至连客人嘅手毛都会细心呵护。罢了，罢了，呢个时候我哋先识埋单走人。每位连加一盛惠二百四十蚊。落到去大堂，我再望两眼份剪报，「X你，广告嚟嘅喂！」去到呢一刻我先至明白，惩罚我嘅从来都唔系日式料理神，而系豆腐火腩神。
继续阅读